(д̣̇уд̇ияо бхааг̇о)

(Dutiyo bhāgo)

68. инд̣̇рияабаробарияад̇д̇ан̃аан̣анид̣̇д̣̇зсаван̣н̣анаа

68. Indriyaparopariyattañāṇaniddesavaṇṇanā

111. инд̣̇рияабаробарияад̇д̇ан̃аан̣анид̣̇д̣̇зсз д̇ат̇ааг̇ад̇ассаад̇и важанз уд̣̇д̣̇зсз саруубад̇о авиж̇ж̇амаанзби ‘‘ча н̃аан̣аани асаад̇хааран̣аани саавагзхий’’д̇и (бади. ма. маад̇игаа 1.73) вуд̇д̇ад̇д̇аа ‘‘д̇ат̇ааг̇ад̇ассаа’’д̇и вуд̇д̇амзва ход̇и. д̇асмаа уд̣̇д̣̇зсз ад̇т̇ад̇о сид̣̇д̇хасса д̇ат̇ааг̇ад̇аважанасса нид̣̇д̣̇зсз г̇ахан̣ам̣ гад̇ам̣. сад̇д̇з бассад̇ийд̇и руубаад̣̇ийсу чанд̣̇арааг̇зна сад̇д̇ад̇ааяа лаг̇г̇ад̇ааяа сад̇д̇аа, д̇з сад̇д̇з инд̣̇рияабаробарияад̇д̇ан̃аан̣зна жагкунаа бассад̇и ологзд̇и. аббараж̇агкзд̇и бан̃н̃аамаяз агкимхи аббам̣ рааг̇аад̣̇ираж̇о зд̇зсанд̇и аббараж̇агкаа, аббам̣ рааг̇аад̣̇ираж̇о зд̇зсанд̇и ваа аббараж̇агкаа. д̇з аббараж̇агкз. махаараж̇агкзд̇и бан̃н̃аамаяз агкимхи маханд̇ам̣ рааг̇аад̣̇ираж̇о зд̇зсанд̇и махаараж̇агкаа, маханд̇ам̣ рааг̇аад̣̇ираж̇о зд̇зсанд̇и ваа махаараж̇агкаа. д̇игкинд̣̇рияз муд̣̇инд̣̇риязд̇и д̇игкаани сад̣̇д̇хаад̣̇ийни инд̣̇рияаани зд̇зсанд̇и д̇игкинд̣̇рияаа, муд̣̇ууни сад̣̇д̇хаад̣̇ийни инд̣̇рияаани зд̇зсанд̇и муд̣̇инд̣̇рияаа. сваагаарз д̣̇ваагаарзд̇и сунд̣̇араа сад̣̇д̇хаад̣̇аяо аагаараа годтаасаа зд̇зсанд̇и сваагаараа, гужчид̇аа г̇арахид̇аа сад̣̇д̇хаад̣̇аяо аагаараа годтаасаа зд̇зсанд̇и д̣̇ваагаараа. сувин̃н̃аабаяз д̣̇увин̃н̃аабаязд̇и яз гат̇ид̇ам̣ гааран̣ам̣ саллагкзнд̇и сукзна саггаа хонд̇и вин̃н̃аабзд̇ум̣, д̇з сувин̃н̃аабаяаа, д̇аб̣б̣ибарийд̇аа д̣̇увин̃н̃аабаяаа. аббзгажжз баралогаваж̇ж̇абхаяад̣̇ассаавинод̇и аби згз баралоган̃жзва рааг̇аад̣̇иваж̇ж̇ан̃жа бхаяад̇о бассанд̇з, имасса бана бад̣̇асса нид̣̇д̣̇зсз баралогассзва на вуд̇д̇ад̇д̇аа канд̇хаад̣̇илогз жа рааг̇аад̣̇иваж̇ж̇з жа барам̣ б̣аал̣хам̣ бхаяам̣ бассанасийлаад̇и баралогаваж̇ж̇абхаяад̣̇ассаавино. д̇з баралогаваж̇ж̇абхаяад̣̇ассаавинзд̇и звамад̇т̇о г̇ахзд̇аб̣б̣о. аббзгажжз на баралогаваж̇ж̇абхаяад̣̇ассаавинод̇и д̇аб̣б̣ибарийд̇з. логод̇и жа луж̇ж̇анабалуж̇ж̇анадтзна. важ̇ж̇анд̇и жа важ̇ж̇анийяадтзна. зд̇д̇аавад̇аа уд̣̇д̣̇зсасса нид̣̇д̣̇зсо гад̇о ход̇и.

111. Indriyaparopariyattañāṇaniddese tathāgatassāti vacane uddese sarūpato avijjamānepi ‘‘cha ñāṇāni asādhāraṇāni sāvakehī’’ti (paṭi. ma. mātikā 1.73) vuttattā ‘‘tathāgatassā’’ti vuttameva hoti. Tasmā uddese atthato siddhassa tathāgatavacanassa niddese gahaṇaṃ kataṃ. Satte passatīti rūpādīsu chandarāgena sattatāya laggatāya sattā, te satte indriyaparopariyattañāṇena cakkhunā passati oloketi. Apparajakkheti paññāmaye akkhimhi appaṃ rāgādirajo etesanti apparajakkhā, appaṃ rāgādirajo etesanti vā apparajakkhā. Te apparajakkhe. Mahārajakkheti paññāmaye akkhimhi mahantaṃ rāgādirajo etesanti mahārajakkhā, mahantaṃ rāgādirajo etesanti vā mahārajakkhā. Tikkhindriye mudindriyeti tikkhāni saddhādīni indriyāni etesanti tikkhindriyā, mudūni saddhādīni indriyāni etesanti mudindriyā. Svākāre dvākāreti sundarā saddhādayo ākārā koṭṭhāsā etesanti svākārā, kucchitā garahitā saddhādayo ākārā koṭṭhāsā etesanti dvākārā. Suviññāpaye duviññāpayeti ye kathitaṃ kāraṇaṃ sallakkhenti sukhena sakkā honti viññāpetuṃ, te suviññāpayā, tabbiparītā duviññāpayā. Appekacceparalokavajjabhayadassāvinoti api eke paralokañceva rāgādivajjañca bhayato passante, imassa pana padassa niddese paralokasseva na vuttattā khandhādiloke ca rāgādivajje ca paraṃ bāḷhaṃ bhayaṃ passanasīlāti paralokavajjabhayadassāvino. Te paralokavajjabhayadassāvineti evamattho gahetabbo. Appekacce na paralokavajjabhayadassāvinoti tabbiparīte. Lokoti ca lujjanapalujjanaṭṭhena. Vajjanti ca vajjanīyaṭṭhena. Ettāvatā uddesassa niddeso kato hoti.

буна нид̣̇д̣̇зсасса бадинид̣̇д̣̇зсам̣ гаронд̇о аббараж̇агкз махаараж̇агкзд̇иаад̣̇имааха. д̇ад̇т̇а д̇ийсу рад̇анзсу огаббанасан̇каад̇аа сад̣̇д̇хаа асса ад̇т̇ийд̇и сад̣̇д̇хо. со сад̣̇д̇хаасамбанно буг̇г̇ало ассад̣̇д̇хияараж̇асса жзва ассад̣̇д̇хияамуулагасса сзсаагусалараж̇асса жа аббагад̇д̇аа аббараж̇агко. над̇т̇и зд̇асса сад̣̇д̇хаад̇и ассад̣̇д̇хо. со вуд̇д̇аббагаарасса раж̇асса маханд̇ад̇д̇аа махаараж̇агко. аарад̣̇д̇хам̣ вийрияаманзнаад̇и аарад̣̇д̇хавийрияо. со госаж̇ж̇араж̇асса жзва госаж̇ж̇амуулагасса сзсаагусалараж̇асса жа аббагад̇д̇аа аббараж̇агко. хийнавийрияад̇д̇аа гужчид̇зна аагаарзна сийд̣̇ад̇ийд̇и гусийд̣̇о, гусийд̣̇о зва гусийд̇о. со вуд̇д̇аббагаарасса раж̇асса маханд̇ад̇д̇аа махаараж̇агко. аарамман̣ам̣ убзжжа тид̇аа сад̇и ассаад̇и убадтид̇ассад̇и. со мудтассажжараж̇асса жзва мудтассажжамуулагасса сзсаагусалараж̇асса жа аббагад̇д̇аа аббараж̇агко. мудтаа надтаа сад̇и ассаад̇и мудтассад̇и. со вуд̇д̇аббагаарасса раж̇асса маханд̇ад̇д̇аа махаараж̇агко. аббанаасамаад̇хинаа убажаарасамаад̇хинаа ваа аарамман̣з самам̣, саммаа ваа аахид̇о тид̇од̇и самаахид̇о, самаахид̇ажид̇д̇од̇и ваа самаахид̇о. со уд̣̇д̇хажжараж̇асса жзва уд̣̇д̇хажжамуулагасса сзсаагусалараж̇асса жа аббагад̇д̇аа аббараж̇агко. на самаахид̇о асамаахид̇о. со вуд̇д̇аббагаарасса раж̇асса маханд̇ад̇д̇аа махаараж̇агко. уд̣̇аяад̇т̇аг̇ааминий бан̃н̃аа асса ад̇т̇ийд̇и бан̃н̃аваа. со мохараж̇асса жзва мохамуулагасса сзсаагусалараж̇асса жа аббагад̇д̇аа аббараж̇агко. мохамуул̣хад̇д̇аа д̣̇удтаа бан̃н̃аа ассаад̇и д̣̇уббан̃н̃о. со вуд̇д̇аббагаарасса раж̇асса маханд̇ад̇д̇аа махаараж̇агко. сад̣̇д̇хо буг̇г̇ало д̇игкинд̣̇рияод̇и б̣ахулам̣ уббаж̇ж̇амаанааяа б̣алавад̇ияаа сад̣̇д̇хааяа сад̣̇д̇хо, д̇знзва сад̣̇д̇хинд̣̇риязна д̇игкинд̣̇рияо. ассад̣̇д̇хо буг̇г̇ало муд̣̇инд̣̇рияод̇и б̣ахулам̣ уббаж̇ж̇амаанзна ассад̣̇д̇хиязна ассад̣̇д̇хо, анд̇аранд̇араа уббаж̇ж̇амаанзна д̣̇уб̣б̣алзна сад̣̇д̇хинд̣̇риязна муд̣̇инд̣̇рияо. зса наяо сзсзсуби. сад̣̇д̇хо буг̇г̇ало сваагаарод̇и д̇ааяа зва сад̣̇д̇хааяа собханаагааро. ассад̣̇д̇хо буг̇г̇ало д̣̇ваагаарод̇и д̇знзва ассад̣̇д̇хиязна вируубаагааро. зса наяо сзсзсуби. сувин̃н̃аабаяод̇и сукзна вин̃н̃аабзд̇ум̣ саггун̣зяяо. д̣̇увин̃н̃аабаяод̇и д̣̇угкзна вин̃н̃аабзд̇ум̣ саггун̣зяяо. баралогаваж̇ж̇абхаяад̣̇ассаавийд̇и зд̇т̇а яасмаа бан̃н̃аасамбаннассзва сад̣̇д̇хаад̣̇ийни субарисуд̣̇д̇хаани хонд̇и, д̇асмаа субарисуд̣̇д̇хасад̣̇д̇хаад̣̇исамбанно д̇ам̣самбаяуд̇д̇ааяа, субарисуд̣̇д̇хасад̣̇д̇хаад̣̇исамбанноби ваа д̇аббажжаяааяа бан̃н̃ааяа баралогаваж̇ж̇абхаяад̣̇ассаавий ход̇и. д̇асмаа зва хи сад̣̇д̇хаад̣̇аяоби жад̇д̇ааро ‘‘баралогаваж̇ж̇абхаяад̣̇ассаавий’’д̇и вуд̇д̇аа.

Puna niddesassa paṭiniddesaṃ karonto apparajakkhe mahārajakkhetiādimāha. Tattha tīsu ratanesu okappanasaṅkhātā saddhā assa atthīti saddho. So saddhāsampanno puggalo assaddhiyarajassa ceva assaddhiyamūlakassa sesākusalarajassa ca appakattā apparajakkho. Natthi etassa saddhāti assaddho. So vuttappakārassa rajassa mahantattā mahārajakkho. Āraddhaṃ vīriyamanenāti āraddhavīriyo. So kosajjarajassa ceva kosajjamūlakassa sesākusalarajassa ca appakattā apparajakkho. Hīnavīriyattā kucchitena ākārena sīdatīti kusīdo, kusīdo eva kusīto. So vuttappakārassa rajassa mahantattā mahārajakkho. Ārammaṇaṃ upecca ṭhitā sati assāti upaṭṭhitassati. So muṭṭhassaccarajassa ceva muṭṭhassaccamūlakassa sesākusalarajassa ca appakattā apparajakkho. Muṭṭhā naṭṭhā sati assāti muṭṭhassati. So vuttappakārassa rajassa mahantattā mahārajakkho. Appanāsamādhinā upacārasamādhinā vā ārammaṇe samaṃ, sammā vā āhito ṭhitoti samāhito, samāhitacittoti vā samāhito. So uddhaccarajassa ceva uddhaccamūlakassa sesākusalarajassa ca appakattā apparajakkho. Na samāhito asamāhito. So vuttappakārassa rajassa mahantattā mahārajakkho. Udayatthagāminī paññā assa atthīti paññavā. So moharajassa ceva mohamūlakassa sesākusalarajassa ca appakattā apparajakkho. Mohamūḷhattā duṭṭhā paññā assāti duppañño. So vuttappakārassa rajassa mahantattā mahārajakkho. Saddho puggalo tikkhindriyoti bahulaṃ uppajjamānāya balavatiyā saddhāya saddho, teneva saddhindriyena tikkhindriyo. Assaddho puggalo mudindriyoti bahulaṃ uppajjamānena assaddhiyena assaddho, antarantarā uppajjamānena dubbalena saddhindriyena mudindriyo. Esa nayo sesesupi. Saddho puggalo svākāroti tāya eva saddhāya sobhanākāro. Assaddho puggalo dvākāroti teneva assaddhiyena virūpākāro. Esa nayo sesesupi. Suviññāpayoti sukhena viññāpetuṃ sakkuṇeyyo. Duviññāpayoti dukkhena viññāpetuṃ sakkuṇeyyo. Paralokavajjabhayadassāvīti ettha yasmā paññāsampannasseva saddhādīni suparisuddhāni honti, tasmā suparisuddhasaddhādisampanno taṃsampayuttāya, suparisuddhasaddhādisampannopi vā tappaccayāya paññāya paralokavajjabhayadassāvī hoti. Tasmā eva hi saddhādayopi cattāro ‘‘paralokavajjabhayadassāvī’’ti vuttā.

112. ид̣̇аани ‘‘баралогаваж̇ж̇абхаяад̣̇ассаавий’’д̇и зд̇т̇а вуд̇д̇ам̣ логан̃жа важ̇ж̇ан̃жа д̣̇ассзд̇ум̣ логод̇иаад̣̇имааха. зд̇т̇а канд̇хаа зва луж̇ж̇анабалуж̇ж̇анадтзна логод̇и канд̇халого. сзсад̣̇ваязби зсзва наяо. вибад̇д̇ибхавалогод̇и абааяалого. со хи анидтапалад̇д̇аа вируубо лаабход̇и вибад̇д̇и, бхавад̇ийд̇и бхаво, вибад̇д̇и зва бхаво вибад̇д̇ибхаво, вибад̇д̇ибхаво зва лого вибад̇д̇ибхавалого. вибад̇д̇исамбхавалогод̇и абааяуубаг̇ам̣ гаммам̣. д̇ан̃хи самбхавад̇и зд̇асмаа паланд̇и самбхаво, вибад̇д̇ияаа самбхаво вибад̇д̇исамбхаво, вибад̇д̇исамбхаво зва лого вибад̇д̇исамбхавалого. самбад̇д̇ибхавалогод̇и суг̇ад̇илого. со хи идтапалад̇д̇аа сунд̣̇аро лаабход̇и самбад̇д̇и, бхавад̇ийд̇и бхаво, самбад̇д̇и зва бхаво самбад̇д̇ибхаво, самбад̇д̇ибхаво зва лого самбад̇д̇ибхавалого. самбад̇д̇исамбхавалогод̇и суг̇ад̇уубаг̇ам̣ гаммам̣. д̇ан̃хи самбхавад̇и зд̇асмаа паланд̇и самбхаво, самбад̇д̇ияаа самбхаво самбад̇д̇исамбхаво, самбад̇д̇исамбхаво зва лого самбад̇д̇исамбхавалого. зго логод̇иаад̣̇ийни хздтаа вуд̇д̇ад̇т̇аанзва.

112. Idāni ‘‘paralokavajjabhayadassāvī’’ti ettha vuttaṃ lokañca vajjañca dassetuṃ lokotiādimāha. Ettha khandhā eva lujjanapalujjanaṭṭhena lokoti khandhaloko. Sesadvayepi eseva nayo. Vipattibhavalokoti apāyaloko. So hi aniṭṭhaphalattā virūpo lābhoti vipatti, bhavatīti bhavo, vipatti eva bhavo vipattibhavo, vipattibhavo eva loko vipattibhavaloko. Vipattisambhavalokoti apāyūpagaṃ kammaṃ. Tañhi sambhavati etasmā phalanti sambhavo, vipattiyā sambhavo vipattisambhavo, vipattisambhavo eva loko vipattisambhavaloko. Sampattibhavalokoti sugatiloko. So hi iṭṭhaphalattā sundaro lābhoti sampatti, bhavatīti bhavo, sampatti eva bhavo sampattibhavo, sampattibhavo eva loko sampattibhavaloko. Sampattisambhavalokoti sugatūpagaṃ kammaṃ. Tañhi sambhavati etasmā phalanti sambhavo, sampattiyā sambhavo sampattisambhavo, sampattisambhavo eva loko sampattisambhavaloko. Eko lokotiādīni heṭṭhā vuttatthāneva.

важ̇ж̇анд̇и набум̣сагаважанам̣ асугод̇и анид̣̇д̣̇идтад̇д̇аа гад̇ам̣. гилзсаад̇и рааг̇аад̣̇аяо. д̣̇ужжарид̇аад̇и баан̣аад̇ибаад̇аад̣̇аяо. абхисан̇каараад̇и бун̃н̃аабхисан̇каараад̣̇аяо. бхаваг̇аамигаммаад̇и ад̇д̇ано вибаагад̣̇аанавасзна бхавам̣ г̇ажчанд̇ийд̇и бхаваг̇аамино, абхисан̇каарзсуби вибаагаж̇анагаанзва гаммаани вуд̇д̇аани. ид̇ийд̇и вуд̇д̇аббагааранид̣̇ассанам̣. имасмин̃жа логз имасмин̃жа важ̇ж̇зд̇и вуд̇д̇аббагаарз логз жа важ̇ж̇з жа. д̇иб̣б̣аа бхаяасан̃н̃аад̇и б̣алавад̇ий бхаяасан̃н̃аа. д̇иб̣б̣аад̇и барасад̣̇д̣̇асса ад̇т̇о вуд̇д̇о, бхаяасан̃н̃аад̇и бхаяасад̣̇д̣̇асса, логаваж̇ж̇ад̣̇ваяамби хи бхаяавад̇т̇уд̇д̇аа саяан̃жа сабхаяад̇д̇аа бхаяам̣, бхаяамид̇и сан̃н̃аа бхаяасан̃н̃аа. бажжубадтид̇аа ход̇ийд̇и д̇ам̣ д̇ам̣ бадижжа убзжжа тид̇аа ход̇и. сзяяат̇ааби угкид̇д̇аасигз вад̇хагзд̇и яат̇аа наама бахарид̇ум̣ ужжаарид̇акаг̇г̇з бажжаамид̇д̇з д̇иб̣б̣аа бхаяасан̃н̃аа бажжубадтид̇аа ход̇и, звамзва логз жа важ̇ж̇з жа д̇иб̣б̣аа бхаяасан̃н̃аа бажжубадтид̇аа ход̇и. имзхи бан̃н̃аасааяа аагаарзхийд̇и аббараж̇агкабан̃жагаад̣̇ийсу д̣̇асасу бан̃жагзсу згзгасмим̣ бан̃жаннам̣ бан̃жаннам̣ аагаараанам̣ васзна бан̃н̃аасааяа аагаарзхи. имаани бан̃жинд̣̇рияаанийд̇и сад̣̇д̇хинд̣̇рияаад̣̇ийни бан̃жинд̣̇рияаани . ж̇аанаад̇ийд̇и д̇ат̇ааг̇ад̇о бан̃н̃ааяа баж̇аанаад̇и. бассад̇ийд̇и д̣̇иб̣б̣ажагкунаа д̣̇идтам̣ вияа гарод̇и. ан̃н̃аад̇ийд̇и саб̣б̣аагаарамарияаад̣̇аахи ж̇аанаад̇и. бадивиж̇жхад̇ийд̇и згад̣̇зсам̣ асзсзд̇ваа ниравасзсад̣̇ассанавасзна бан̃н̃ааяа бад̣̇аалзд̇ийд̇и.

Vajjanti napuṃsakavacanaṃ asukoti aniddiṭṭhattā kataṃ. Kilesāti rāgādayo. Duccaritāti pāṇātipātādayo. Abhisaṅkhārāti puññābhisaṅkhārādayo. Bhavagāmikammāti attano vipākadānavasena bhavaṃ gacchantīti bhavagāmino, abhisaṅkhāresupi vipākajanakāneva kammāni vuttāni. Itīti vuttappakāranidassanaṃ. Imasmiñca loke imasmiñca vajjeti vuttappakāre loke ca vajje ca. Tibbā bhayasaññāti balavatī bhayasaññā. Tibbāti parasaddassa attho vutto, bhayasaññāti bhayasaddassa, lokavajjadvayampi hi bhayavatthuttā sayañca sabhayattā bhayaṃ, bhayamiti saññā bhayasaññā. Paccupaṭṭhitā hotīti taṃ taṃ paṭicca upecca ṭhitā hoti. Seyyathāpi ukkhittāsike vadhaketi yathā nāma paharituṃ uccāritakhagge paccāmitte tibbā bhayasaññā paccupaṭṭhitā hoti, evameva loke ca vajje ca tibbā bhayasaññā paccupaṭṭhitā hoti. Imehi paññāsāya ākārehīti apparajakkhapañcakādīsu dasasu pañcakesu ekekasmiṃ pañcannaṃ pañcannaṃ ākārānaṃ vasena paññāsāya ākārehi. Imāni pañcindriyānīti saddhindriyādīni pañcindriyāni . Jānātīti tathāgato paññāya pajānāti. Passatīti dibbacakkhunā diṭṭhaṃ viya karoti. Aññātīti sabbākāramariyādāhi jānāti. Paṭivijjhatīti ekadesaṃ asesetvā niravasesadassanavasena paññāya padāletīti.

инд̣̇рияабаробарияад̇д̇ан̃аан̣анид̣̇д̣̇зсаван̣н̣анаа нидтид̇аа.

Indriyaparopariyattañāṇaniddesavaṇṇanā niṭṭhitā.

Next: 69. аасаяаанусаяан̃аан̣анид̣̇д̣̇зсаван̣н̣анаа • 69. Āsayānusayañāṇaniddesavaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 68. инд̣̇рияабаробарияад̇д̇ан̃аан̣анид̣̇д̣̇зсо • 68. Indriyaparopariyattañāṇaniddeso

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact