| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
68. инд̣̇рияабаробарияад̇д̇ан̃аан̣анид̣̇д̣̇зсо
68. Indriyaparopariyattañāṇaniddeso
111. гад̇амам̣ д̇ат̇ааг̇ад̇асса инд̣̇рияабаробарияад̇д̇а н̃аан̣ам̣? ид̇ха д̇ат̇ааг̇ад̇о сад̇д̇з бассад̇и аббараж̇агкз махаараж̇агкз д̇игкинд̣̇рияз муд̣̇инд̣̇рияз сваагаарз д̣̇ваагаарз сувин̃н̃аабаяз д̣̇увин̃н̃аабаяз аббзгажжз баралогаваж̇ж̇абхаяад̣̇ассаавино аббзгажжз на баралогаваж̇ж̇абхаяад̣̇ассаавино.
111. Katamaṃ tathāgatassa indriyaparopariyatta ñāṇaṃ? Idha tathāgato satte passati apparajakkhe mahārajakkhe tikkhindriye mudindriye svākāre dvākāre suviññāpaye duviññāpaye appekacce paralokavajjabhayadassāvino appekacce na paralokavajjabhayadassāvino.
аббараж̇агкз махаараж̇агкзд̇и сад̣̇д̇хо буг̇г̇ало аббараж̇агко, ассад̣̇д̇хо буг̇г̇ало махаараж̇агко. аарад̣̇д̇хавийрияо буг̇г̇ало аббараж̇агко, гусийд̇о буг̇г̇ало махаараж̇агко. убадтид̇ассад̇и буг̇г̇ало аббараж̇агко, мудтассад̇и буг̇г̇ало махаараж̇агко. самаахид̇о буг̇г̇ало аббараж̇агко, асамаахид̇о буг̇г̇ало махаараж̇агко. бан̃н̃аваа буг̇г̇ало аббараж̇агко, д̣̇уббан̃н̃о буг̇г̇ало махаараж̇агко.
Apparajakkhe mahārajakkheti saddho puggalo apparajakkho, assaddho puggalo mahārajakkho. Āraddhavīriyo puggalo apparajakkho, kusīto puggalo mahārajakkho. Upaṭṭhitassati puggalo apparajakkho, muṭṭhassati puggalo mahārajakkho. Samāhito puggalo apparajakkho, asamāhito puggalo mahārajakkho. Paññavā puggalo apparajakkho, duppañño puggalo mahārajakkho.
д̇игкинд̣̇рияз муд̣̇инд̣̇риязд̇и сад̣̇д̇хо буг̇г̇ало д̇игкинд̣̇рияо, ассад̣̇д̇хо буг̇г̇ало муд̣̇инд̣̇рияо. аарад̣̇д̇хавийрияо буг̇г̇ало д̇игкинд̣̇рияо, гусийд̇о буг̇г̇ало муд̣̇инд̣̇рияо. убадтид̇ассад̇и буг̇г̇ало д̇игкинд̣̇рияо, мудтассад̇и буг̇г̇ало муд̣̇инд̣̇рияо. самаахид̇о буг̇г̇ало д̇игкинд̣̇рияо, асамаахид̇о буг̇г̇ало муд̣̇инд̣̇рияо. бан̃н̃аваа буг̇г̇ало д̇игкинд̣̇рияо, д̣̇уббан̃н̃о буг̇г̇ало муд̣̇инд̣̇рияо.
Tikkhindriyemudindriyeti saddho puggalo tikkhindriyo, assaddho puggalo mudindriyo. Āraddhavīriyo puggalo tikkhindriyo, kusīto puggalo mudindriyo. Upaṭṭhitassati puggalo tikkhindriyo, muṭṭhassati puggalo mudindriyo. Samāhito puggalo tikkhindriyo, asamāhito puggalo mudindriyo. Paññavā puggalo tikkhindriyo, duppañño puggalo mudindriyo.
сваагаарз д̣̇ваагаарзд̇и сад̣̇д̇хо буг̇г̇ало сваагааро, ассад̣̇д̇хо буг̇г̇ало д̣̇ваагааро. аарад̣̇д̇хавийрияо буг̇г̇ало сваагааро, гусийд̇о буг̇г̇ало д̣̇ваагааро. убадтид̇ассад̇и буг̇г̇ало сваагааро, мудтассад̇и буг̇г̇ало д̣̇ваагааро. самаахид̇о буг̇г̇ало сваагааро, асамаахид̇о буг̇г̇ало д̣̇ваагааро. бан̃н̃аваа буг̇г̇ало сваагааро, д̣̇уббан̃н̃о буг̇г̇ало д̣̇ваагааро.
Svākāre dvākāreti saddho puggalo svākāro, assaddho puggalo dvākāro. Āraddhavīriyo puggalo svākāro, kusīto puggalo dvākāro. Upaṭṭhitassati puggalo svākāro, muṭṭhassati puggalo dvākāro. Samāhito puggalo svākāro, asamāhito puggalo dvākāro. Paññavā puggalo svākāro, duppañño puggalo dvākāro.
сувин̃н̃аабаяз д̣̇увин̃н̃аабаязд̇и сад̣̇д̇хо буг̇г̇ало сувин̃н̃аабаяо, ассад̣̇д̇хо буг̇г̇ало д̣̇увин̃н̃аабаяо. аарад̣̇д̇хавийрияо буг̇г̇ало сувин̃н̃аабаяо, гусийд̇о буг̇г̇ало д̣̇увин̃н̃аабаяо. убадтид̇ассад̇и буг̇г̇ало сувин̃н̃аабаяо, мудтассад̇и буг̇г̇ало д̣̇увин̃н̃аабаяо. самаахид̇о буг̇г̇ало сувин̃н̃аабаяо , асамаахид̇о буг̇г̇ало д̣̇увин̃н̃аабаяо. бан̃н̃аваа буг̇г̇ало сувин̃н̃аабаяо, д̣̇уббан̃н̃о буг̇г̇ало д̣̇увин̃н̃аабаяо.
Suviññāpaye duviññāpayeti saddho puggalo suviññāpayo, assaddho puggalo duviññāpayo. Āraddhavīriyo puggalo suviññāpayo, kusīto puggalo duviññāpayo. Upaṭṭhitassati puggalo suviññāpayo, muṭṭhassati puggalo duviññāpayo. Samāhito puggalo suviññāpayo , asamāhito puggalo duviññāpayo. Paññavā puggalo suviññāpayo, duppañño puggalo duviññāpayo.
аббзгажжз баралогаваж̇ж̇абхаяад̣̇ассаавино, аббзгажжз на баралогаваж̇ж̇абхаяад̣̇ассаавинод̇и сад̣̇д̇хо буг̇г̇ало баралогаваж̇ж̇абхаяад̣̇ассаавий, ассад̣̇д̇хо буг̇г̇ало на баралогаваж̇ж̇абхаяад̣̇ассаавий. аарад̣̇д̇хавийрияо буг̇г̇ало баралогаваж̇ж̇абхаяад̣̇ассаавий, гусийд̇о буг̇г̇ало на баралогаваж̇ж̇абхаяад̣̇ассаавий. убадтид̇ассад̇и буг̇г̇ало баралогаваж̇ж̇абхаяад̣̇ассаавий, мудтассад̇и буг̇г̇ало на баралогаваж̇ж̇абхаяад̣̇ассаавий. самаахид̇о буг̇г̇ало баралогаваж̇ж̇абхаяад̣̇ассаавий, асамаахид̇о буг̇г̇ало на баралогаваж̇ж̇абхаяад̣̇ассаавий. бан̃н̃аваа буг̇г̇ало баралогаваж̇ж̇абхаяад̣̇ассаавий, д̣̇уббан̃н̃о буг̇г̇ало на баралогаваж̇ж̇абхаяад̣̇ассаавий.
Appekacce paralokavajjabhayadassāvino, appekacce na paralokavajjabhayadassāvinoti saddho puggalo paralokavajjabhayadassāvī, assaddho puggalo na paralokavajjabhayadassāvī. Āraddhavīriyo puggalo paralokavajjabhayadassāvī, kusīto puggalo na paralokavajjabhayadassāvī. Upaṭṭhitassati puggalo paralokavajjabhayadassāvī, muṭṭhassati puggalo na paralokavajjabhayadassāvī. Samāhito puggalo paralokavajjabhayadassāvī, asamāhito puggalo na paralokavajjabhayadassāvī. Paññavā puggalo paralokavajjabhayadassāvī, duppañño puggalo na paralokavajjabhayadassāvī.
112. логод̇и – канд̇халого, д̇хаад̇улого, ааяад̇аналого, вибад̇д̇ибхавалого , вибад̇д̇исамбхавалого, самбад̇д̇ибхавалого, самбад̇д̇исамбхавалого.
112.Lokoti – khandhaloko, dhātuloko, āyatanaloko, vipattibhavaloko , vipattisambhavaloko, sampattibhavaloko, sampattisambhavaloko.
зго лого – саб̣б̣з сад̇д̇аа аахаарадтид̇игаа. д̣̇вз логаа – нааман̃жа, руубан̃жа. д̇аяо логаа – д̇иссо взд̣̇анаа. жад̇д̇ааро логаа – жад̇д̇ааро аахаараа. бан̃жа логаа – бан̃жубаад̣̇аанагканд̇хаа. ча логаа – ча аж̇жхад̇д̇игаани ааяад̇анаани. сад̇д̇а логаа – сад̇д̇а вин̃н̃аан̣адтид̇ияо . адта логаа – адта логад̇хаммаа. нава логаа – нава сад̇д̇ааваасаа. д̣̇аса логаа – д̣̇асааяад̇анаани. д̣̇ваад̣̇асалогаа – д̣̇ваад̣̇асааяад̇анаани. адтаараса логаа – адтаараса д̇хаад̇уяо.
Eko loko – sabbe sattā āhāraṭṭhitikā. Dve lokā – nāmañca, rūpañca. Tayo lokā – tisso vedanā. Cattāro lokā – cattāro āhārā. Pañca lokā – pañcupādānakkhandhā. Cha lokā – cha ajjhattikāni āyatanāni. Satta lokā – satta viññāṇaṭṭhitiyo . Aṭṭha lokā – aṭṭha lokadhammā. Nava lokā – nava sattāvāsā. Dasa lokā – dasāyatanāni. Dvādasalokā – dvādasāyatanāni. Aṭṭhārasa lokā – aṭṭhārasa dhātuyo.
важ̇ж̇анд̇и саб̣б̣з гилзсаа важ̇ж̇аа, саб̣б̣з д̣̇ужжарид̇аа важ̇ж̇аа, саб̣б̣з абхисан̇каараа важ̇ж̇аа, саб̣б̣з бхаваг̇аамигаммаа важ̇ж̇аа. ид̇и имасмин̃жа логз имасмин̃жа важ̇ж̇з д̇иб̣б̣аа бхаяасан̃н̃аа бажжубадтид̇аа ход̇и, сзяяат̇ааби угкид̇д̇аасигз вад̇хагз. имзхи бан̃н̃аасааяа аагаарзхи имаани бан̃жинд̣̇рияаани ж̇аанаад̇и бассад̇и ан̃н̃аад̇и бадивиж̇жхад̇и – ид̣̇ам̣ д̇ат̇ааг̇ад̇асса инд̣̇рияабаробарияад̇д̇з н̃аан̣ам̣.
Vajjanti sabbe kilesā vajjā, sabbe duccaritā vajjā, sabbe abhisaṅkhārā vajjā, sabbe bhavagāmikammā vajjā. Iti imasmiñca loke imasmiñca vajje tibbā bhayasaññā paccupaṭṭhitā hoti, seyyathāpi ukkhittāsike vadhake. Imehi paññāsāya ākārehi imāni pañcindriyāni jānāti passati aññāti paṭivijjhati – idaṃ tathāgatassa indriyaparopariyatte ñāṇaṃ.
инд̣̇рияабаробарияад̇д̇ан̃аан̣анид̣̇д̣̇зсо адтасадтимо.
Indriyaparopariyattañāṇaniddeso aṭṭhasaṭṭhimo.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 68. инд̣̇рияабаробарияад̇д̇ан̃аан̣анид̣̇д̣̇зсаван̣н̣анаа • 68. Indriyaparopariyattañāṇaniddesavaṇṇanā
