| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
инд̣̇рияараасиван̣н̣анаа
Indriyarāsivaṇṇanā
сад̣̇д̣̇аханд̇и зд̇ааяа, саяам̣ ваа сад̣̇д̣̇ахад̇и, сад̣̇д̣̇аханамад̇д̇амзва ваа зсаад̇и сад̣̇д̇хаа. саава ассад̣̇д̇хияасса абхибхаванад̇о ад̇хибад̇ияадтзна инд̣̇рияам̣. ад̇химогкалагкан̣з ваа инд̣̇адтам̣ гаарзд̇ийд̇и инд̣̇рияам̣. сад̣̇д̇хаава инд̣̇рияам̣ сад̣̇д̇хинд̣̇рияам̣. саа банзсаа самбасаад̣̇аналагкан̣аа жа сад̣̇д̇хаа самбагканд̣̇аналагкан̣аа жа.
Saddahanti etāya, sayaṃ vā saddahati, saddahanamattameva vā esāti saddhā. Sāva assaddhiyassa abhibhavanato adhipatiyaṭṭhena indriyaṃ. Adhimokkhalakkhaṇe vā indaṭṭhaṃ kāretīti indriyaṃ. Saddhāva indriyaṃ saddhindriyaṃ. Sā panesā sampasādanalakkhaṇā ca saddhā sampakkhandanalakkhaṇā ca.
яат̇аа хи ран̃н̃о жаггавад̇д̇исса уд̣̇агаббасаад̣̇аго ман̣и уд̣̇агз багкид̇д̇о бан̇гасзваалабан̣агагад̣̇д̣̇амам̣ саннисийд̣̇аабзд̇и, уд̣̇агам̣ ажчам̣ гарод̇и виббасаннам̣ анаавилам̣, звамзва сад̣̇д̇хаа уббаж̇ж̇амаанаа нийваран̣з вигкамбхзд̇и, гилзсз саннисийд̣̇аабзд̇и, жид̇д̇ам̣ басаад̣̇зд̇и, анаавилам̣ гарод̇и. басаннзна жид̇д̇зна яог̇ааважаро гулабуд̇д̇о д̣̇аанам̣ д̣̇зд̇и, сийлам̣ самаад̣̇ияад̇и, убосат̇агаммам̣ гарод̇и, бхааванам̣ аарабхад̇и. звам̣ д̇аава сад̣̇д̇хаа самбасаад̣̇аналагкан̣аад̇и взд̣̇ид̇аб̣б̣аа. д̇знааха ааяасмаа нааг̇асзно –
Yathā hi rañño cakkavattissa udakappasādako maṇi udake pakkhitto paṅkasevālapaṇakakaddamaṃ sannisīdāpeti, udakaṃ acchaṃ karoti vippasannaṃ anāvilaṃ, evameva saddhā uppajjamānā nīvaraṇe vikkhambheti, kilese sannisīdāpeti, cittaṃ pasādeti, anāvilaṃ karoti. Pasannena cittena yogāvacaro kulaputto dānaṃ deti, sīlaṃ samādiyati, uposathakammaṃ karoti, bhāvanaṃ ārabhati. Evaṃ tāva saddhā sampasādanalakkhaṇāti veditabbā. Tenāha āyasmā nāgaseno –
‘‘яат̇аа, махаарааж̇а, рааж̇аа жаггавад̇д̇и жад̇уран̇г̇инияаа сзнааяа сад̣̇д̇хим̣ ад̣̇д̇хаанамаг̇г̇аббадибанно барид̇д̇ам̣ уд̣̇агам̣ д̇арзяяа, д̇ам̣ уд̣̇агам̣ хад̇т̇ийхи жа ассзхи жа рат̇зхи жа бад̇д̇ийхи жа сан̇кубхид̇ам̣ бхавзяяа аавилам̣ лулид̇ам̣ галалийбхууд̇ам̣, уд̇д̇ин̣н̣о жа рааж̇аа жаггавад̇д̇и мануссз аан̣аабзяяа ‘баанийяам̣ бхан̣з аахарат̇а, д̇ам̣ бивиссаамий’д̇и. ран̃н̃о жа уд̣̇агаббасаад̣̇аго ман̣и бхавзяяа. ‘звам̣ д̣̇зваа’д̇и ко д̇з мануссаа ран̃н̃о жаггавад̇д̇исса бадиссуд̇ваа д̇ам̣ уд̣̇агаббасаад̣̇агам̣ ман̣им̣ уд̣̇агз багкибзяяум̣. д̇асмим̣ уд̣̇агз багкид̇д̇амад̇д̇з бан̇гасзваалабан̣агам̣ виг̇ажчзяяа, гад̣̇д̣̇амо жа саннисийд̣̇зяяа, ажчам̣ бхавзяяа уд̣̇агам̣ виббасаннам̣ анаавилам̣, д̇ад̇о ран̃н̃о жаггавад̇д̇исса баанийяам̣ убанаамзяяум̣ – ‘бивад̇у д̣̇зво баанийяа’нд̇и.
‘‘Yathā, mahārāja, rājā cakkavatti caturaṅginiyā senāya saddhiṃ addhānamaggappaṭipanno parittaṃ udakaṃ tareyya, taṃ udakaṃ hatthīhi ca assehi ca rathehi ca pattīhi ca saṅkhubhitaṃ bhaveyya āvilaṃ lulitaṃ kalalībhūtaṃ, uttiṇṇo ca rājā cakkavatti manusse āṇāpeyya ‘pānīyaṃ bhaṇe āharatha, taṃ pivissāmī’ti. Rañño ca udakappasādako maṇi bhaveyya. ‘Evaṃ devā’ti kho te manussā rañño cakkavattissa paṭissutvā taṃ udakappasādakaṃ maṇiṃ udake pakkhipeyyuṃ. Tasmiṃ udake pakkhittamatte paṅkasevālapaṇakaṃ vigaccheyya, kaddamo ca sannisīdeyya, acchaṃ bhaveyya udakaṃ vippasannaṃ anāvilaṃ, tato rañño cakkavattissa pānīyaṃ upanāmeyyuṃ – ‘pivatu devo pānīya’nti.
‘‘яат̇аа , махаарааж̇а, уд̣̇агам̣ звам̣ жид̇д̇ам̣ д̣̇адтаб̣б̣ам̣. яат̇аа д̇з мануссаа звам̣ яог̇ааважаро д̣̇адтаб̣б̣о. яат̇аа бан̇гасзваалабан̣агам̣ гад̣̇д̣̇амо жа звам̣ гилзсаа д̣̇адтаб̣б̣аа. яат̇аа уд̣̇агаббасаад̣̇аго ман̣и звам̣ сад̣̇д̇хаа д̣̇адтаб̣б̣аа. яат̇аа уд̣̇агаббасаад̣̇агз ман̣имхи багкид̇д̇амад̇д̇з бан̇гасзваалабан̣агам̣ виг̇ажчад̇и гад̣̇д̣̇амо жа саннисийд̣̇ад̇и, ажчам̣ бхавад̇и уд̣̇агам̣ виббасаннам̣ анаавилам̣, звамзва ко, махаарааж̇а, сад̣̇д̇хаа уббаж̇ж̇амаанаа нийваран̣з вигкамбхзд̇и, винийваран̣ам̣ жид̇д̇ам̣ ход̇и ажчам̣ виббасаннам̣ анаавила’’нд̇и (ми. ба. 2.1.10).
‘‘Yathā , mahārāja, udakaṃ evaṃ cittaṃ daṭṭhabbaṃ. Yathā te manussā evaṃ yogāvacaro daṭṭhabbo. Yathā paṅkasevālapaṇakaṃ kaddamo ca evaṃ kilesā daṭṭhabbā. Yathā udakappasādako maṇi evaṃ saddhā daṭṭhabbā. Yathā udakappasādake maṇimhi pakkhittamatte paṅkasevālapaṇakaṃ vigacchati kaddamo ca sannisīdati, acchaṃ bhavati udakaṃ vippasannaṃ anāvilaṃ, evameva kho, mahārāja, saddhā uppajjamānā nīvaraṇe vikkhambheti, vinīvaraṇaṃ cittaṃ hoti acchaṃ vippasannaṃ anāvila’’nti (mi. pa. 2.1.10).
яат̇аа бана гумбхиламагараг̇аахарагкасаад̣̇игин̣н̣ам̣ буурам̣ махаанад̣̇им̣ ааг̇амма бхийругаж̇ано убхосу д̇ийрзсу д̇идтад̇и. сан̇г̇аамасууро бана махааяод̇хо ааг̇анд̇ваа ‘гасмаа тид̇ад̇т̇аа’д̇и бужчид̇ваа ‘саббадибхаяабхаавзна од̇арид̇ум̣ на висахаамаа’д̇и вуд̇д̇з сунисид̇ам̣ асим̣ г̇ахзд̇ваа ‘мама бажчад̇о зт̇а, маа бхааяид̇т̇аа’д̇и вад̇ваа над̣̇им̣ од̇арид̇ваа ааг̇ад̇ааг̇ад̇з гумбхилаад̣̇аяо бадиб̣аахид̇ваа оримад̇ийрад̇о мануссаанам̣ сод̇т̇ибхаавам̣ гаронд̇о бааримад̇ийрам̣ нзд̇и. бааримад̇ийрад̇оби сод̇т̇инаа оримад̇ийрам̣ аанзд̇и. звамзва д̣̇аанам̣ д̣̇ад̣̇ад̇о сийлам̣ рагкад̇о убосат̇агаммам̣ гарод̇о бхааванам̣ аарабхад̇о сад̣̇д̇хаа буб̣б̣ан̇г̇амаа бурзжааригаа ход̇и. д̇зна вуд̇д̇ам̣ ‘самбагканд̣̇аналагкан̣аа жа сад̣̇д̇хаа’д̇и.
Yathā pana kumbhilamakaragāharakkhasādikiṇṇaṃ pūraṃ mahānadiṃ āgamma bhīrukajano ubhosu tīresu tiṭṭhati. Saṅgāmasūro pana mahāyodho āgantvā ‘kasmā ṭhitatthā’ti pucchitvā ‘sappaṭibhayabhāvena otarituṃ na visahāmā’ti vutte sunisitaṃ asiṃ gahetvā ‘mama pacchato etha, mā bhāyitthā’ti vatvā nadiṃ otaritvā āgatāgate kumbhilādayo paṭibāhitvā orimatīrato manussānaṃ sotthibhāvaṃ karonto pārimatīraṃ neti. Pārimatīratopi sotthinā orimatīraṃ āneti. Evameva dānaṃ dadato sīlaṃ rakkhato uposathakammaṃ karoto bhāvanaṃ ārabhato saddhā pubbaṅgamā purecārikā hoti. Tena vuttaṃ ‘sampakkhandanalakkhaṇā ca saddhā’ti.
абаро наяо – сад̣̇д̣̇аханалагкан̣аа сад̣̇д̇хаа, огаббаналагкан̣аа ваа. басаад̣̇анарасаа уд̣̇агаббасаад̣̇агаман̣и вияа, багканд̣̇анарасаа ваа огхуд̇д̇аран̣о вияа. агаалусияабажжубадтаанаа, ад̇химуд̇д̇ибажжубадтаанаа ваа. сад̣̇д̇хзяяавад̇т̇убад̣̇адтаанаа сод̇аабад̇д̇ияан̇г̇абад̣̇адтаанаа ваа, саа хад̇т̇авид̇д̇аб̣ийж̇аани вияа д̣̇адтаб̣б̣аа.
Aparo nayo – saddahanalakkhaṇā saddhā, okappanalakkhaṇā vā. Pasādanarasā udakappasādakamaṇi viya, pakkhandanarasā vā oghuttaraṇo viya. Akālusiyapaccupaṭṭhānā, adhimuttipaccupaṭṭhānā vā. Saddheyyavatthupadaṭṭhānā sotāpattiyaṅgapadaṭṭhānā vā, sā hatthavittabījāni viya daṭṭhabbā.
вийрасса бхааво вийрияам̣, вийраанам̣ ваа гаммам̣ вийрияам̣. вид̇хинаа ваа наязна убааязна ийраяид̇аб̣б̣ам̣ бавад̇д̇аяид̇аб̣б̣анд̇и вийрияам̣. д̇ад̣̇зва госаж̇ж̇асса абхибхаванад̇о ад̇хибад̇ияадтзна инд̣̇рияам̣. баг̇г̇ахан̣алагкан̣з ваа инд̣̇адтам̣ гаарзд̇ийд̇и инд̣̇рияам̣. вийрияамзва инд̣̇рияам̣ вийрияинд̣̇рияам̣. д̇ам̣ банзд̇ам̣ убад̇т̇амбханалагкан̣ан̃жа вийрияам̣ баг̇г̇ахан̣алагкан̣ан̃жа. яат̇аа хи ж̇ин̣н̣агхарам̣ ааг̇анд̇угзна т̇уун̣убад̇т̇амбхзна д̇идтад̇и, звамзва яог̇ааважаро вийрияубад̇т̇амбхзна убад̇т̇амбхид̇о худ̇ваа саб̣б̣агусалад̇хаммзхи на хааяад̇и, на барихааяад̇и. звам̣ д̇аавасса убад̇т̇амбханалагкан̣ад̇аа взд̣̇ид̇аб̣б̣аа. д̇знааха т̇зро нааг̇асзно –
Vīrassa bhāvo vīriyaṃ, vīrānaṃ vā kammaṃ vīriyaṃ. Vidhinā vā nayena upāyena īrayitabbaṃ pavattayitabbanti vīriyaṃ. Tadeva kosajjassa abhibhavanato adhipatiyaṭṭhena indriyaṃ. Paggahaṇalakkhaṇe vā indaṭṭhaṃ kāretīti indriyaṃ. Vīriyameva indriyaṃ vīriyindriyaṃ. Taṃ panetaṃ upatthambhanalakkhaṇañca vīriyaṃ paggahaṇalakkhaṇañca. Yathā hi jiṇṇagharaṃ āgantukena thūṇupatthambhena tiṭṭhati, evameva yogāvacaro vīriyupatthambhena upatthambhito hutvā sabbakusaladhammehi na hāyati, na parihāyati. Evaṃ tāvassa upatthambhanalakkhaṇatā veditabbā. Tenāha thero nāgaseno –
‘‘яат̇аа , махаарааж̇а, бурисо г̇зхз бад̇анд̇з д̇аман̃н̃зна д̣̇аарунаа убад̇т̇амбхзяяа, убад̇т̇амбхид̇ам̣ санд̇ам̣ звам̣ д̇ам̣ г̇зхам̣ на бад̇зяяа, звамзва ко махаарааж̇а убад̇т̇амбханалагкан̣ам̣ вийрияам̣, вийрияубад̇т̇амбхид̇аа саб̣б̣з гусалаа д̇хаммаа на хааяанд̇и на барихааяанд̇ий’’д̇и (ми. ба. 2.1.12).
‘‘Yathā , mahārāja, puriso gehe patante tamaññena dārunā upatthambheyya, upatthambhitaṃ santaṃ evaṃ taṃ gehaṃ na pateyya, evameva kho mahārāja upatthambhanalakkhaṇaṃ vīriyaṃ, vīriyupatthambhitā sabbe kusalā dhammā na hāyanti na parihāyantī’’ti (mi. pa. 2.1.12).
яат̇аа ваа бана куд̣̇д̣̇игааяа жа махад̇игааяа жа сзнааяа сан̇г̇аамз бавад̇д̇з куд̣̇д̣̇игаа сзнаа олийязяяа, д̇ад̇о ран̃н̃о аарожзяяа, рааж̇аа б̣алавааханам̣ бзсзяяа, д̇зна баг̇г̇ахид̇аа сагасзнаа барасзнам̣ барааж̇зяяа, звамзва вийрияам̣ сахаж̇аад̇асамбаяуд̇д̇ад̇хаммаанам̣ олийяид̇ум̣ осаггид̇ум̣ на д̣̇зд̇и, угкибад̇и, баг̇г̇ан̣хаад̇и. д̇зна вуд̇д̇ам̣ ‘баг̇г̇ахан̣алагкан̣ан̃жа вийрияа’нд̇и.
Yathā vā pana khuddikāya ca mahatikāya ca senāya saṅgāme pavatte khuddikā senā olīyeyya, tato rañño āroceyya, rājā balavāhanaṃ peseyya, tena paggahitā sakasenā parasenaṃ parājeyya, evameva vīriyaṃ sahajātasampayuttadhammānaṃ olīyituṃ osakkituṃ na deti, ukkhipati, paggaṇhāti. Tena vuttaṃ ‘paggahaṇalakkhaṇañca vīriya’nti.
абаро наяо – уссаахалагкан̣ам̣ вийрияам̣, сахаж̇аад̇аанам̣ убад̇т̇амбханарасам̣, асам̣сийд̣̇анабхаавабажжубадтаанам̣, ‘‘сам̣виг̇г̇о яонисо бад̣̇ахад̇ий’’д̇и (а. ни. 4.113) важанад̇о сам̣взг̇абад̣̇адтаанам̣, вийрияаарамбхавад̇т̇убад̣̇адтаанам̣ ваа. саммаа аарад̣̇д̇хам̣ саб̣б̣аасам̣ самбад̇д̇ийнам̣ муулам̣ ход̇ийд̇и д̣̇адтаб̣б̣ам̣.
Aparo nayo – ussāhalakkhaṇaṃ vīriyaṃ, sahajātānaṃ upatthambhanarasaṃ, asaṃsīdanabhāvapaccupaṭṭhānaṃ, ‘‘saṃviggo yoniso padahatī’’ti (a. ni. 4.113) vacanato saṃvegapadaṭṭhānaṃ, vīriyārambhavatthupadaṭṭhānaṃ vā. Sammā āraddhaṃ sabbāsaṃ sampattīnaṃ mūlaṃ hotīti daṭṭhabbaṃ.
саранд̇и зд̇ааяа, саяам̣ ваа сарад̇и, саран̣амад̇д̇амзва ваа зсаад̇и сад̇и. саава мудтассажжасса абхибхаванад̇о ад̇хибад̇ияадтзна инд̣̇рияам̣, убадтааналагкан̣з ваа инд̣̇адтам̣ гаарзд̇ийд̇и инд̣̇рияам̣. сад̇и зва инд̣̇рияам̣ сад̇инд̣̇рияам̣. саа банзсаа абилаабаналагкан̣аа жа сад̇и убаг̇г̇ан̣ханалагкан̣аа жа. яат̇аа хи ран̃н̃о бхан̣д̣ааг̇аариго д̣̇асавид̇хам̣ рад̇анам̣ г̇обаяанд̇о сааяам̣баад̇ам̣ рааж̇аанам̣ иссарияасамбад̇д̇им̣ саллагкаабзд̇и саарзд̇и, звамзва сад̇и гусалам̣ д̇хаммам̣ саллагкаабзд̇и сараабзд̇и. д̇знааха т̇зро –
Saranti etāya, sayaṃ vā sarati, saraṇamattameva vā esāti sati. Sāva muṭṭhassaccassa abhibhavanato adhipatiyaṭṭhena indriyaṃ, upaṭṭhānalakkhaṇe vā indaṭṭhaṃ kāretīti indriyaṃ. Sati eva indriyaṃ satindriyaṃ. Sā panesā apilāpanalakkhaṇā ca sati upaggaṇhanalakkhaṇā ca. Yathā hi rañño bhaṇḍāgāriko dasavidhaṃ ratanaṃ gopayanto sāyaṃpātaṃ rājānaṃ issariyasampattiṃ sallakkhāpeti sāreti, evameva sati kusalaṃ dhammaṃ sallakkhāpeti sarāpeti. Tenāha thero –
‘‘яат̇аа, махаарааж̇а, ран̃н̃о жаггавад̇д̇исса бхан̣д̣ааг̇аариго рааж̇аанам̣ жаггавад̇д̇им̣ сааяам̣баад̇ам̣ яасам̣ сараабзд̇и – ‘зд̇д̇агаа, д̣̇зва, хад̇т̇ий, зд̇д̇агаа ассаа, зд̇д̇агаа рат̇аа, зд̇д̇агаа бад̇д̇ий, зд̇д̇агам̣ хиран̃н̃ам̣, зд̇д̇агам̣ суван̣н̣ам̣, зд̇д̇агам̣ саб̣б̣ам̣ саабад̇зяяам̣, д̇ам̣ д̣̇зво сарад̇уу’д̇и, звамзва ко, махаарааж̇а, сад̇и гусалз д̇хаммз абилаабзд̇и – имз жад̇д̇ааро сад̇ибадтаанаа, имз жад̇д̇ааро саммаббад̇хаанаа, имз жад̇д̇ааро ид̣̇д̇хибаад̣̇аа, имаани бан̃жинд̣̇рияаани, имаани бан̃жа б̣алаани, имз сад̇д̇а б̣ож̇жхан̇г̇аа, аяам̣ арияо адтан̇г̇иго маг̇г̇о, аяам̣ самат̇о, аяам̣ вибассанаа, аяам̣ виж̇ж̇аа, аяам̣ вимуд̇д̇и, имз логуд̇д̇араа д̇хаммаад̇и. звам̣ ко, махаарааж̇а, абилаабаналагкан̣аа сад̇ий’’д̇и (ми. ба. 2.1.13).
‘‘Yathā, mahārāja, rañño cakkavattissa bhaṇḍāgāriko rājānaṃ cakkavattiṃ sāyaṃpātaṃ yasaṃ sarāpeti – ‘ettakā, deva, hatthī, ettakā assā, ettakā rathā, ettakā pattī, ettakaṃ hiraññaṃ, ettakaṃ suvaṇṇaṃ, ettakaṃ sabbaṃ sāpateyyaṃ, taṃ devo saratū’ti, evameva kho, mahārāja, sati kusale dhamme apilāpeti – ime cattāro satipaṭṭhānā, ime cattāro sammappadhānā, ime cattāro iddhipādā, imāni pañcindriyāni, imāni pañca balāni, ime satta bojjhaṅgā, ayaṃ ariyo aṭṭhaṅgiko maggo, ayaṃ samatho, ayaṃ vipassanā, ayaṃ vijjā, ayaṃ vimutti, ime lokuttarā dhammāti. Evaṃ kho, mahārāja, apilāpanalakkhaṇā satī’’ti (mi. pa. 2.1.13).
яат̇аа бана ран̃н̃о жаггавад̇д̇исса барин̣ааяагарад̇анам̣ ран̃н̃о ахид̇з жа хид̇з жа н̃ад̇ваа ахид̇з абаяаабзд̇и, хид̇з убаяаабзд̇и, звамзва сад̇и хид̇аахид̇аанам̣ д̇хаммаанам̣ г̇ад̇ияо саманвзсид̇ваа ‘имз гааяад̣̇ужжарид̇аад̣̇аяо д̇хаммаа ахид̇аа’д̇и ахид̇з д̇хаммз абануд̣̇зд̇и , ‘имз гааяасужарид̇аад̣̇аяо д̇хаммаа хид̇аа’д̇и хид̇з д̇хаммз убаг̇г̇ан̣хаад̇и. д̇знааха т̇зро –
Yathā pana rañño cakkavattissa pariṇāyakaratanaṃ rañño ahite ca hite ca ñatvā ahite apayāpeti, hite upayāpeti, evameva sati hitāhitānaṃ dhammānaṃ gatiyo samanvesitvā ‘ime kāyaduccaritādayo dhammā ahitā’ti ahite dhamme apanudeti , ‘ime kāyasucaritādayo dhammā hitā’ti hite dhamme upaggaṇhāti. Tenāha thero –
‘‘яат̇аа, махаарааж̇а, ран̃н̃о жаггавад̇д̇исса барин̣ааяагарад̇анам̣ ран̃н̃о хид̇аахид̇з ж̇аанаад̇и ‘имз ран̃н̃о хид̇аа имз ахид̇аа, имз убагаараа имз анубагаараа’д̇и, д̇ад̇о ахид̇з абануд̣̇зд̇и хид̇з убаг̇г̇ан̣хаад̇и, звамзва ко, махаарааж̇а, сад̇и уббаж̇ж̇амаанаа хид̇аахид̇аанам̣ д̇хаммаанам̣ г̇ад̇ияо саманвзсад̇и ‘имз д̇хаммаа хид̇аа имз д̇хаммаа ахид̇аа, имз д̇хаммаа убагаараа имз д̇хаммаа анубагаараа’д̇и , д̇ад̇о ахид̇з д̇хаммз абануд̣̇зд̇и хид̇з д̇хаммз убаг̇г̇ан̣хаад̇и. звам̣ ко, махаарааж̇а, убаг̇г̇ан̣ханалагкан̣аа сад̇ий’’д̇и (ми. ба. 2.1.13).
‘‘Yathā, mahārāja, rañño cakkavattissa pariṇāyakaratanaṃ rañño hitāhite jānāti ‘ime rañño hitā ime ahitā, ime upakārā ime anupakārā’ti, tato ahite apanudeti hite upaggaṇhāti, evameva kho, mahārāja, sati uppajjamānā hitāhitānaṃ dhammānaṃ gatiyo samanvesati ‘ime dhammā hitā ime dhammā ahitā, ime dhammā upakārā ime dhammā anupakārā’ti , tato ahite dhamme apanudeti hite dhamme upaggaṇhāti. Evaṃ kho, mahārāja, upaggaṇhanalakkhaṇā satī’’ti (mi. pa. 2.1.13).
абаро наяо – абилаабаналагкан̣аа сад̇и, асаммосанарасаа, аарагкабажжубадтаанаа висаяаабхимукийбхаавабажжубадтаанаа ваа, т̇ирасан̃н̃аабад̣̇адтаанаа, гааяаад̣̇исад̇ибадтаанабад̣̇адтаанаа ваа, аарамман̣з д̣̇ал̣хам̣ бад̇идтид̇ад̇д̇аа бана зсигаа вияа, жагкуд̣̇ваараад̣̇ирагкан̣ад̇о д̣̇оваариго вияа жа д̣̇адтаб̣б̣аа.
Aparo nayo – apilāpanalakkhaṇā sati, asammosanarasā, ārakkhapaccupaṭṭhānā visayābhimukhībhāvapaccupaṭṭhānā vā, thirasaññāpadaṭṭhānā, kāyādisatipaṭṭhānapadaṭṭhānā vā, ārammaṇe daḷhaṃ patiṭṭhitattā pana esikā viya, cakkhudvārādirakkhaṇato dovāriko viya ca daṭṭhabbā.
аарамман̣з жид̇д̇ам̣ саммаа ад̇хияад̇и табзд̇ийд̇и самаад̇хи. сова вигкзбасса абхибхаванад̇о ад̇хибад̇ияадтзна инд̣̇рияам̣. авигкзбалагкан̣з ваа инд̣̇адтам̣ гаарзд̇ийд̇и инд̣̇рияам̣. самаад̇хиязва инд̣̇рияам̣ самаад̇хинд̣̇рияам̣. лагкан̣аад̣̇ийни банасса хздтаа вуд̇д̇анаязнзва взд̣̇ид̇аб̣б̣аани.
Ārammaṇe cittaṃ sammā adhiyati ṭhapetīti samādhi. Sova vikkhepassa abhibhavanato adhipatiyaṭṭhena indriyaṃ. Avikkhepalakkhaṇe vā indaṭṭhaṃ kāretīti indriyaṃ. Samādhiyeva indriyaṃ samādhindriyaṃ. Lakkhaṇādīni panassa heṭṭhā vuttanayeneva veditabbāni.
баж̇аанаад̇ийд̇и бан̃н̃аа. гим̣ баж̇аанаад̇и? ‘ид̣̇ам̣ д̣̇угка’нд̇иаад̣̇инаа наязна арияасажжаани. адтагат̇ааяам̣ бана ‘бан̃н̃аабзд̇ийд̇и бан̃н̃аа’д̇и вуд̇д̇ам̣. гинд̇и бан̃н̃аабзд̇ийд̇и? анижжам̣ д̣̇угкам̣ анад̇д̇аад̇и бан̃н̃аабзд̇и. саава авиж̇ж̇ааяа абхибхаванад̇о ад̇хибад̇ияадтзна инд̣̇рияам̣. д̣̇ассаналагкан̣з ваа инд̣̇адтам̣ гаарзд̇ийд̇и инд̣̇рияам̣. бан̃н̃аава инд̣̇рияам̣ бан̃н̃инд̣̇рияам̣. саа банзсаа обхаасаналагкан̣аа жа бан̃н̃аа баж̇аананалагкан̣аа жа. яат̇аа хи жад̇убхид̇д̇игз г̇зхз рад̇д̇ибхааг̇з д̣̇ийбз ж̇алид̇з анд̇хагааро нируж̇жхад̇и аалого баад̇убхавад̇и, звамзва обхаасаналагкан̣аа бан̃н̃аа. бан̃н̃обхаасасамо обхаасо наама над̇т̇и. бан̃н̃авад̇о хи згабаллан̇гзна нисиннасса д̣̇асасахассилогад̇хаад̇у згаалогаа ход̇и. д̇знааха т̇зро –
Pajānātīti paññā. Kiṃ pajānāti? ‘Idaṃ dukkha’ntiādinā nayena ariyasaccāni. Aṭṭhakathāyaṃ pana ‘paññāpetīti paññā’ti vuttaṃ. Kinti paññāpetīti? Aniccaṃ dukkhaṃ anattāti paññāpeti. Sāva avijjāya abhibhavanato adhipatiyaṭṭhena indriyaṃ. Dassanalakkhaṇe vā indaṭṭhaṃ kāretīti indriyaṃ. Paññāva indriyaṃ paññindriyaṃ. Sā panesā obhāsanalakkhaṇā ca paññā pajānanalakkhaṇā ca. Yathā hi catubhittike gehe rattibhāge dīpe jalite andhakāro nirujjhati āloko pātubhavati, evameva obhāsanalakkhaṇā paññā. Paññobhāsasamo obhāso nāma natthi. Paññavato hi ekapallaṅkena nisinnassa dasasahassilokadhātu ekālokā hoti. Tenāha thero –
‘‘яат̇аа, махаарааж̇а, бурисо анд̇хагаарз г̇зхз бад̣̇ийбам̣ бавзсзяяа, бавидто бад̣̇ийбо анд̇хагаарам̣ вид̣̇д̇хам̣сзд̇и, обхаасам̣ ж̇анзд̇и, аалогам̣ вид̣̇ам̣сзд̇и, баагадаани жа руубаани гарод̇и, звамзва ко, махаарааж̇а, бан̃н̃аа уббаж̇ж̇амаанаа авиж̇ж̇анд̇хагаарам̣ вид̣̇д̇хам̣сзд̇и, виж̇ж̇обхаасам̣ ж̇анзд̇и, н̃аан̣аалогам̣ вид̣̇ам̣сзд̇и, баагадаани жа арияасажжаани гарод̇и. звам̣ ко, махаарааж̇а, обхаасаналагкан̣аа бан̃н̃аа’’д̇и (ми. ба. 2.1.15).
‘‘Yathā, mahārāja, puriso andhakāre gehe padīpaṃ paveseyya, paviṭṭho padīpo andhakāraṃ viddhaṃseti, obhāsaṃ janeti, ālokaṃ vidaṃseti, pākaṭāni ca rūpāni karoti, evameva kho, mahārāja, paññā uppajjamānā avijjandhakāraṃ viddhaṃseti, vijjobhāsaṃ janeti, ñāṇālokaṃ vidaṃseti, pākaṭāni ca ariyasaccāni karoti. Evaṃ kho, mahārāja, obhāsanalakkhaṇā paññā’’ti (mi. pa. 2.1.15).
яат̇аа бана чзго бхисагго аад̇ураанам̣ саббааяаасаббааяаани бхож̇анаани ж̇аанаад̇и, звам̣ бан̃н̃аа уббаж̇ж̇амаанаа гусалаагусалз сзвид̇аб̣б̣аасзвид̇аб̣б̣з хийнаббан̣ийд̇аган̣хасуггасаббадибхааг̇ааббадибхааг̇з д̇хаммз баж̇аанаад̇и. вуд̇д̇амби жзд̇ам̣ д̇хаммасзнаабад̇инаа – ‘‘баж̇аанаад̇и баж̇аанаад̇ийд̇и ко, аавусо, д̇асмаа бан̃н̃аваад̇и вужжад̇и. гин̃жа баж̇аанаад̇и? ид̣̇ам̣ д̣̇угканд̇и баж̇аанаад̇ий’’д̇и (ма. ни. 1.449) вид̇т̇аарзд̇аб̣б̣ам̣. звамассаа баж̇аананалагкан̣ад̇аа взд̣̇ид̇аб̣б̣аа.
Yathā pana cheko bhisakko āturānaṃ sappāyāsappāyāni bhojanāni jānāti, evaṃ paññā uppajjamānā kusalākusale sevitabbāsevitabbe hīnappaṇītakaṇhasukkasappaṭibhāgaappaṭibhāge dhamme pajānāti. Vuttampi cetaṃ dhammasenāpatinā – ‘‘pajānāti pajānātīti kho, āvuso, tasmā paññavāti vuccati. Kiñca pajānāti? Idaṃ dukkhanti pajānātī’’ti (ma. ni. 1.449) vitthāretabbaṃ. Evamassā pajānanalakkhaṇatā veditabbā.
абаро наяо – яат̇аасабхаавабадивзд̇халагкан̣аа бан̃н̃аа; агкалид̇абадивзд̇халагкан̣аа ваа гусалиссаасакид̇д̇аусубадивзд̇хо вияа. висаяобхаасарасаа бад̣̇ийбо вияа. асаммохабажжубадтаанаа аран̃н̃аг̇ад̇асуд̣̇зсаго вияа.
Aparo nayo – yathāsabhāvapaṭivedhalakkhaṇā paññā; akkhalitapaṭivedhalakkhaṇā vā kusalissāsakhittausupaṭivedho viya. Visayobhāsarasā padīpo viya. Asammohapaccupaṭṭhānā araññagatasudesako viya.
манад̇ийд̇и мано; виж̇аанаад̇ийд̇и ад̇т̇о. адтагат̇аажарияаа банааху – наал̣ияаа минамаано вияа, махаад̇улааяа д̇хаараяамаано вияа жа, аарамман̣ам̣ минад̇и баж̇аанаад̇ийд̇и манод̇и. д̇ад̣̇зва мананалагкан̣з инд̣̇адтам̣ гаарзд̇ийд̇и инд̣̇рияам̣. манова инд̣̇рияам̣ манинд̣̇рияам̣. хздтаа вуд̇д̇ажид̇д̇ассзвзд̇ам̣ взважанам̣.
Manatīti mano; vijānātīti attho. Aṭṭhakathācariyā panāhu – nāḷiyā minamāno viya, mahātulāya dhārayamāno viya ca, ārammaṇaṃ minati pajānātīti manoti. Tadeva mananalakkhaṇe indaṭṭhaṃ kāretīti indriyaṃ. Manova indriyaṃ manindriyaṃ. Heṭṭhā vuttacittassevetaṃ vevacanaṃ.
бийд̇исоманассасамбаяог̇ад̇о собханам̣ мано ассаад̇и сумано. суманасса бхааво соманассам̣. саад̇алагкан̣з инд̣̇адтам̣ гаарзд̇ийд̇и инд̣̇рияам̣. соманассамзва инд̣̇рияам̣ соманассинд̣̇рияам̣. хздтаа вуд̇д̇авзд̣̇анааязвзд̇ам̣ взважанам̣.
Pītisomanassasampayogato sobhanaṃ mano assāti sumano. Sumanassa bhāvo somanassaṃ. Sātalakkhaṇe indaṭṭhaṃ kāretīti indriyaṃ. Somanassameva indriyaṃ somanassindriyaṃ. Heṭṭhā vuttavedanāyevetaṃ vevacanaṃ.
ж̇ийванд̇и д̇зна д̇ам̣самбаяуд̇д̇агаа д̇хаммаад̇и ж̇ийвид̇ам̣. анубааланалагкан̣з инд̣̇адтам̣ гаарзд̇ийд̇и инд̣̇рияам̣. ж̇ийвид̇амзва инд̣̇рияам̣ ж̇ийвид̇инд̣̇рияам̣. д̇ам̣ бавад̇д̇асанд̇ад̇аад̇хибад̇зяяам̣ ход̇и. лагкан̣аад̣̇ийхи бана ад̇д̇анаа авинибхуд̇д̇аанам̣ д̇хаммаанам̣ анубааланалагкан̣ам̣ ж̇ийвид̇инд̣̇рияам̣, д̇зсам̣ бавад̇д̇анарасам̣, д̇зсам̣язва табанабажжубадтаанам̣, яаабаяид̇аб̣б̣ад̇хаммабад̣̇адтаанам̣. санд̇зби жа анубааланалагкан̣аад̣̇имхи вид̇хаанз ад̇т̇игкан̣зязва д̇ам̣ д̇з д̇хаммз анубаалзд̇и уд̣̇агам̣ вияа уббалаад̣̇ийни, яат̇аасагам̣бажжаяуббаннзби жа д̇хаммз баалзд̇и д̇хаад̇ий вияа гумаарам̣, саяам̣бавад̇д̇ид̇ад̇хаммасамб̣анд̇хзнзва жа бавад̇д̇ад̇и нияаамаго вияа, на бхан̇г̇ад̇о уд̣̇д̇хам̣ бавад̇д̇аяад̇и ад̇д̇ано жа бавад̇д̇аяид̇аб̣б̣аанан̃жа абхааваа, на бхан̇г̇агкан̣з табзд̇и саяам̣ бхиж̇ж̇амаанад̇д̇аа кийяамаано вияа ваддисинзхо д̣̇ийбасикам̣. на жа анубааланабавад̇д̇анадтабанаанубхаававирахид̇ам̣ яат̇аавуд̇д̇агкан̣з д̇асса д̇асса саад̇ханад̇од̇и д̣̇адтаб̣б̣ам̣.
Jīvanti tena taṃsampayuttakā dhammāti jīvitaṃ. Anupālanalakkhaṇe indaṭṭhaṃ kāretīti indriyaṃ. Jīvitameva indriyaṃ jīvitindriyaṃ. Taṃ pavattasantatādhipateyyaṃ hoti. Lakkhaṇādīhi pana attanā avinibhuttānaṃ dhammānaṃ anupālanalakkhaṇaṃ jīvitindriyaṃ, tesaṃ pavattanarasaṃ, tesaṃyeva ṭhapanapaccupaṭṭhānaṃ, yāpayitabbadhammapadaṭṭhānaṃ. Santepi ca anupālanalakkhaṇādimhi vidhāne atthikkhaṇeyeva taṃ te dhamme anupāleti udakaṃ viya uppalādīni, yathāsakaṃpaccayuppannepi ca dhamme pāleti dhātī viya kumāraṃ, sayaṃpavattitadhammasambandheneva ca pavattati niyāmako viya, na bhaṅgato uddhaṃ pavattayati attano ca pavattayitabbānañca abhāvā, na bhaṅgakkhaṇe ṭhapeti sayaṃ bhijjamānattā khīyamāno viya vaṭṭisineho dīpasikhaṃ. Na ca anupālanapavattanaṭṭhapanānubhāvavirahitaṃ yathāvuttakkhaṇe tassa tassa sādhanatoti daṭṭhabbaṃ.
