| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā |
инд̣̇рияараасиван̣н̣анаа
Indriyarāsivaṇṇanā
сад̣̇д̣̇аханд̇и зд̇ааяаад̇и сад̣̇д̣̇аханагирияааяа бавад̇д̇амаанаанам̣ д̇хаммаанам̣ д̇ад̇т̇а аад̇хибажжабхаавзна сад̣̇д̇хааяа бажжаяад̇ам̣ д̣̇ассзд̇и. д̇ассаа хи д̇хаммаанам̣ д̇ат̇аабажжаяабхаавз сад̇и ‘‘буг̇г̇ало сад̣̇д̣̇ахад̇ий’’д̇и вохааро ход̇и. басаад̣̇анийяадтаанзсу басаад̣̇асса бадибагкабхууд̇ам̣ агусалам̣ ассад̣̇д̇хияам̣ мижчаад̇химогко жа. басаад̣̇абхууд̇о нижчаяо вад̇т̇уг̇ад̇о ад̇химогкалагкан̣ам̣, на язваабанагаад̇химогкод̇и. инд̣̇адтам̣ гаарзд̇ийд̇и ‘‘мам̣ анд̇арзна д̇умхаагам̣ ад̇химужжанам̣ над̇т̇и, маяаа сад̣̇д̣̇ахат̇аа’’д̇и вияа ад̇д̇аанам̣ анувад̇д̇зд̇и самбаяуд̇д̇ад̇хаммз. звам̣ сзсзсуби. багканд̣̇ананд̇и сам̣сийд̣̇анам̣. бан̇го гад̣̇д̣̇амад̇о гханийбхууд̇о ход̇и. бан̣агам̣ бижчилам̣ уд̣̇агамалам̣. бийд̇ам̣ уд̣̇агам̣. огаббаналагкан̣аад̇и анубависид̇ваа звамзд̇анд̇и габбаналагкан̣аа. агалусабхааво агаалусияам̣, анаавилабхаавод̇и ад̇т̇о. б̣уд̣̇д̇хаад̣̇ивад̇т̇ууни сад̣̇д̇хзяяаани. саббурисуубасзванасад̣̇д̇хаммасаванаяонисоманасигаарад̇хаммаануд̇хаммабадибад̇д̇ияо сод̇аабад̇д̇ияан̇г̇аани. гусалад̇хаммаанам̣ аад̣̇аанз хад̇т̇о вияа, саб̣б̣асамбад̇д̇инибпаад̣̇анз вид̇д̇ам̣ вияа, амад̇агасипалапаланз б̣ийж̇ам̣ вияа д̣̇адтаб̣б̣аа.
Saddahanti etāyāti saddahanakiriyāya pavattamānānaṃ dhammānaṃ tattha ādhipaccabhāvena saddhāya paccayataṃ dasseti. Tassā hi dhammānaṃ tathāpaccayabhāve sati ‘‘puggalo saddahatī’’ti vohāro hoti. Pasādanīyaṭṭhānesu pasādassa paṭipakkhabhūtaṃ akusalaṃ assaddhiyaṃ micchādhimokkho ca. Pasādabhūto nicchayo vatthugato adhimokkhalakkhaṇaṃ, na yevāpanakādhimokkhoti. Indaṭṭhaṃ kāretīti ‘‘maṃ antarena tumhākaṃ adhimuccanaṃ natthi, mayā saddahathā’’ti viya attānaṃ anuvatteti sampayuttadhamme. Evaṃ sesesupi. Pakkhandananti saṃsīdanaṃ. Paṅko kaddamato ghanībhūto hoti. Paṇakaṃ picchilaṃ udakamalaṃ. Pītaṃ udakaṃ. Okappanalakkhaṇāti anupavisitvā evametanti kappanalakkhaṇā. Akalusabhāvo akālusiyaṃ, anāvilabhāvoti attho. Buddhādivatthūni saddheyyāni. Sappurisūpasevanasaddhammasavanayonisomanasikāradhammānudhammapaṭipattiyo sotāpattiyaṅgāni. Kusaladhammānaṃ ādāne hattho viya, sabbasampattinipphādane vittaṃ viya, amatakasiphalaphalane bījaṃ viya daṭṭhabbā.
вийрабхаавод̇и язна вийро наама ход̇и, со д̇хаммод̇и ад̇т̇о. ануб̣алаббад̣̇аанам̣ баг̇г̇ахо. маг̇г̇о г̇анд̇аб̣б̣о ход̇и, маг̇г̇о г̇ад̇о, гаммам̣ гад̇д̇аб̣б̣ам̣, гаммам̣ гад̇ам̣, аббамад̇д̇аго ааб̣аад̇хо уббанно, г̇илаанаа вудтид̇о ход̇и ажиравудтид̇о г̇злан̃н̃аа, г̇аамам̣ ваа ниг̇амам̣ ваа бин̣д̣ааяа жаранд̇о на лабхад̇и луукасса ваа бан̣ийд̇асса ваа бхож̇анасса яаавад̣̇ад̇т̇ам̣ баарибуурим̣, лабхад̇и…бз… баарибууринд̇и зд̇аани ануруубабажжавзгкан̣аасахид̇аани адта вийрияаарамбхавад̇т̇ууни д̇ам̣муулагаани ваа бажжавзгкан̣аани.
Vīrabhāvoti yena vīro nāma hoti, so dhammoti attho. Anubalappadānaṃ paggaho. Maggo gantabbo hoti, maggo gato, kammaṃ kattabbaṃ, kammaṃ kataṃ, appamattako ābādho uppanno, gilānā vuṭṭhito hoti aciravuṭṭhito gelaññā, gāmaṃ vā nigamaṃ vā piṇḍāya caranto na labhati lūkhassa vā paṇītassa vā bhojanassa yāvadatthaṃ pāripūriṃ, labhati…pe… pāripūrinti etāni anurūpapaccavekkhaṇāsahitāni aṭṭha vīriyārambhavatthūni taṃmūlakāni vā paccavekkhaṇāni.
жирагад̇аад̣̇иаарамман̣ам̣ убаг̇анд̇ваа таанам̣, аниссаж̇ж̇анам̣ ваа аарамман̣асса убадтаанам̣. уд̣̇агз алааб̣у вияа аарамман̣ам̣ билавид̇ваа г̇анд̇ум̣ аббад̣̇аанам̣ баасаан̣асса вияа нижжаласса аарамман̣асса табанам̣ сааран̣ам̣ асаммудтад̇аагаран̣ам̣ абилаабанам̣. абилаабз гарод̇и абилаабзд̇и. г̇ад̇ияод̇и нибпад̇д̇ияо самбхавад̇о палад̇о жа. абаро наяод̇и расаад̣̇ид̣̇ассанад̇т̇ам̣ аарад̣̇д̇хам̣. саммосабажжанийгам̣ гижжам̣ асаммосо, на саммосаабхаавамад̇д̇ам̣. сад̇ияаа вад̇т̇убхууд̇аа гааяаад̣̇аяо гааяаад̣̇исад̇ибадтаанаа, сад̇ияоязва ваа буримаа бажчимаанам̣ бад̣̇адтаанам̣.
Cirakatādiārammaṇaṃ upagantvā ṭhānaṃ, anissajjanaṃ vā ārammaṇassa upaṭṭhānaṃ. Udake alābu viya ārammaṇaṃ pilavitvā gantuṃ appadānaṃ pāsāṇassa viya niccalassa ārammaṇassa ṭhapanaṃ sāraṇaṃ asammuṭṭhatākaraṇaṃ apilāpanaṃ. Apilāpe karoti apilāpeti. Gatiyoti nipphattiyo sambhavato phalato ca. Aparo nayoti rasādidassanatthaṃ āraddhaṃ. Sammosapaccanīkaṃ kiccaṃ asammoso, na sammosābhāvamattaṃ. Satiyā vatthubhūtā kāyādayo kāyādisatipaṭṭhānā, satiyoyeva vā purimā pacchimānaṃ padaṭṭhānaṃ.
вигкзбасса уд̣̇д̇хажжасса. бан̃н̃аабзд̇ийд̇и багаарзхи ж̇аанаабзд̇и. згаалогаа ход̇ийд̇и вибассанубаггилзсобхаасам̣ санд̇хааяааха. манад̇з виж̇аанаад̇и зд̇знаад̇и ваа мано, зван̃жа гад̇ваа ‘‘манан̃жа бадижжа д̇хаммз жаа’’д̇и (ма. ни. 1.204, 400; 3.421, 425) гааран̣абхаавзна мано вуд̇д̇о. саб̣б̣о хи мано ад̇д̇ано ананд̇арасса вин̃н̃аан̣асса гааран̣анд̇и. виж̇аанаад̇ийд̇и барижчиннобалад̣̇д̇хивасзна ж̇аанаад̇и, на сан̃н̃аабан̃н̃аа вияа сан̃ж̇аананабадивиж̇жханавасзна.
Vikkhepassa uddhaccassa. Paññāpetīti pakārehi jānāpeti. Ekālokā hotīti vipassanupakkilesobhāsaṃ sandhāyāha. Manate vijānāti etenāti vā mano, evañca katvā ‘‘manañca paṭicca dhamme cā’’ti (ma. ni. 1.204, 400; 3.421, 425) kāraṇabhāvena mano vutto. Sabbo hi mano attano anantarassa viññāṇassa kāraṇanti. Vijānātīti paricchinnopaladdhivasena jānāti, na saññāpaññā viya sañjānanapaṭivijjhanavasena.
бийд̇исоманассасамбаяог̇ад̇од̇и вуд̇д̇з язна яог̇аа сумано ход̇и, д̇ам̣ соманассанд̇и вужжад̇ийд̇и бийд̇ияаа жа соманассабхааво аабаж̇ж̇ад̇и, д̇асмаа винааби гааязна вад̇т̇унаа саад̇авзд̣̇анаасамбаяог̇ад̇од̇и яож̇зд̇аб̣б̣ам̣. зван̃жа ниббийд̇игам̣ соманассан̃жа сан̇г̇ахид̇ам̣ ход̇и, бийд̇иубалагкид̇ам̣ ваа соманассам̣ саббийд̇игам̣ ниббийд̇иган̃жа соманассанд̇и ад̇т̇о д̣̇адтаб̣б̣о.
Pītisomanassasampayogatoti vutte yena yogā sumano hoti, taṃ somanassanti vuccatīti pītiyā ca somanassabhāvo āpajjati, tasmā vināpi kāyena vatthunā sātavedanāsampayogatoti yojetabbaṃ. Evañca nippītikaṃ somanassañca saṅgahitaṃ hoti, pītiupalakkhitaṃ vā somanassaṃ sappītikaṃ nippītikañca somanassanti attho daṭṭhabbo.
бавад̇д̇асанд̇ад̇аад̇хибад̇зяяанд̇и бавад̇д̇асан̇каад̇ааяа санд̇ад̇ияаа ад̇хибад̇ибхууд̇ам̣. ж̇ийвид̇инд̣̇рияасса хи ад̇д̇ано виж̇ж̇амаанагкан̣з анубаалзнд̇асса ананд̇аран̃жа саанубааланаанам̣ уббад̇д̇ияаа хзд̇убхууд̇асса васзна бавад̇д̇ам̣ жирадтид̇игам̣ ход̇и, д̇ам̣д̇ам̣гаммависзсзна висзсаяуд̇д̇ам̣ яаава жуд̇и ависзсзна ваа яаава бариниб̣б̣аанам̣ авижчиннам̣ бавад̇д̇ад̇и ж̇ийвамаанад̇аависзсаяуд̇д̇ан̃жаад̇и руубааруубаж̇ийвид̇инд̣̇рияаанам̣ самааналагкан̣аад̣̇им̣ вад̇д̇ум̣ ‘‘ад̇д̇анаа авинибхуд̇д̇ад̇хаммаана’’нд̇и ааха. анубаалзд̇аб̣б̣аанам̣ ад̇т̇игкан̣зязва. асад̇и хи анубаалзд̇аб̣б̣з уббалаад̣̇имхи гим̣ уд̣̇агам̣ анубаалзяяаад̇и. д̇асса д̇ассаад̇и анубааланаад̣̇игасса. саад̇ханад̇од̇и саад̇ханзна. д̇ам̣саад̇ханан̃жа ж̇ийвамаанависзсабажжаяабхаавад̇о.
Pavattasantatādhipateyyanti pavattasaṅkhātāya santatiyā adhipatibhūtaṃ. Jīvitindriyassa hi attano vijjamānakkhaṇe anupālentassa anantarañca sānupālanānaṃ uppattiyā hetubhūtassa vasena pavattaṃ ciraṭṭhitikaṃ hoti, taṃtaṃkammavisesena visesayuttaṃ yāva cuti avisesena vā yāva parinibbānaṃ avicchinnaṃ pavattati jīvamānatāvisesayuttañcāti rūpārūpajīvitindriyānaṃ samānalakkhaṇādiṃ vattuṃ ‘‘attanā avinibhuttadhammāna’’nti āha. Anupāletabbānaṃ atthikkhaṇeyeva. Asati hi anupāletabbe uppalādimhi kiṃ udakaṃ anupāleyyāti. Tassa tassāti anupālanādikassa. Sādhanatoti sādhanena. Taṃsādhanañca jīvamānavisesapaccayabhāvato.
инд̣̇рияараасиван̣н̣анаа нидтид̇аа.
Indriyarāsivaṇṇanā niṭṭhitā.
Related texts:
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / инд̣̇рияараасиван̣н̣анаа • Indriyarāsivaṇṇanā
