| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
инд̣̇рияараасиван̣н̣анаа
Indriyarāsivaṇṇanā
д̇ад̇т̇аад̇и сад̣̇д̣̇аханасан̇каад̇з ад̇химогкалагкан̣з. буг̇г̇ало сад̣̇д̣̇ахад̇ийд̇и иминааби сад̣̇д̇хааяа аахид̇ависзсаанам̣ д̇ам̣самбаяуд̇д̇ад̇хаммаанам̣ сад̣̇д̣̇аханагирияааяа гад̇д̇убхаавамзва вибхаавзд̇и. аваяаваб̣яаабааро хи самуд̣̇ааяз вохарийяад̇ийд̇и. на гзвалам̣ басаад̣̇анийяавад̇т̇усмим̣ аббасаад̣̇анаагаараббавад̇д̇амзва агусалам̣ ассад̣̇д̇хияам̣, ат̇а ко аббасаад̣̇анийяавад̇т̇усмим̣ басаад̣̇анаагаараббавад̇д̇амбийд̇и д̣̇ассзд̇ум̣ ‘‘мижчаад̇химогко’’д̇и вуд̇д̇ам̣. д̇зна бууран̣аад̣̇ийсу басаад̣̇асса ассад̣̇д̇хияад̇амааха. басаад̣̇абхууд̇од̇и зд̇зна аббасаад̣̇абхууд̇ам̣ ассад̣̇д̇хияам̣ нивад̇д̇зд̇и. вад̇т̇уг̇ад̇од̇и иминаа мижчаад̇химогкам̣. ‘‘басаад̣̇абхууд̇о нижчаяо’’д̇и иминаа бана вибхаавид̇амзвад̇т̇ам̣ баагадам̣ гаронд̇о ‘‘на язваабанагаад̇химогко’’д̇и ааха. агаалуссияам̣ басаад̣̇о, д̇ам̣ бана асан̇кобхабхаавад̇о ‘‘анаавилабхааво’’д̇и вуд̇д̇ам̣. д̇ан̃хи самбаяуд̇д̇зсу вид̣̇аханд̇ий сад̣̇д̇хаа агаалуссияабажжубадтаанаа. звамзд̇анд̇и ад̇химужжанаагаарзна бана г̇ахзд̇аб̣б̣ад̇д̇аа ад̇химуд̇д̇ибажжубадтаанаа. б̣уд̣̇д̇хаад̣̇ивад̇т̇уунийд̇и зд̇т̇а ид̇халогабаралогагаммапаласамб̣анд̇хааби сан̇г̇ахид̇аад̇и д̣̇адтаб̣б̣ам̣. ‘‘сад̣̇д̇хаахад̇т̇о, махаанаама, арияасааваго’’д̇и, ‘‘сад̣̇д̇хийд̇ха вид̇д̇ам̣ бурисасса сздта’’нд̇и (сам̣. ни. 1.246; су. ни. 184), ‘‘сад̣̇д̇хаа б̣ийж̇ам̣ д̇або вудтий’’д̇и (сам̣. ни. 1.197; су. ни. 77) звамаад̣̇иважанад̇о гусалад̇хаммаанам̣ аад̣̇аанаад̣̇ийсу хад̇т̇аад̣̇аяо вияа сад̣̇д̇хаа д̣̇адтаб̣б̣аа.
Tatthāti saddahanasaṅkhāte adhimokkhalakkhaṇe. Puggalo saddahatīti imināpi saddhāya āhitavisesānaṃ taṃsampayuttadhammānaṃ saddahanakiriyāya kattubhāvameva vibhāveti. Avayavabyāpāro hi samudāye voharīyatīti. Na kevalaṃ pasādanīyavatthusmiṃ appasādanākārappavattameva akusalaṃ assaddhiyaṃ, atha kho appasādanīyavatthusmiṃ pasādanākārappavattampīti dassetuṃ ‘‘micchādhimokkho’’ti vuttaṃ. Tena pūraṇādīsu pasādassa assaddhiyatamāha. Pasādabhūtoti etena appasādabhūtaṃ assaddhiyaṃ nivatteti. Vatthugatoti iminā micchādhimokkhaṃ. ‘‘Pasādabhūto nicchayo’’ti iminā pana vibhāvitamevatthaṃ pākaṭaṃ karonto ‘‘na yevāpanakādhimokkho’’ti āha. Akālussiyaṃ pasādo, taṃ pana asaṅkhobhabhāvato ‘‘anāvilabhāvo’’ti vuttaṃ. Tañhi sampayuttesu vidahantī saddhā akālussiyapaccupaṭṭhānā. Evametanti adhimuccanākārena pana gahetabbattā adhimuttipaccupaṭṭhānā. Buddhādivatthūnīti ettha idhalokaparalokakammaphalasambandhāpi saṅgahitāti daṭṭhabbaṃ. ‘‘Saddhāhattho, mahānāma, ariyasāvako’’ti, ‘‘saddhīdha vittaṃ purisassa seṭṭha’’nti (saṃ. ni. 1.246; su. ni. 184), ‘‘saddhā bījaṃ tapo vuṭṭhī’’ti (saṃ. ni. 1.197; su. ni. 77) evamādivacanato kusaladhammānaṃ ādānādīsu hatthādayo viya saddhā daṭṭhabbā.
‘‘ид̇ха бхигкунаа гаммам̣ гад̇д̇аб̣б̣ам̣ ход̇и. д̇асса звам̣ ход̇и ‘гаммам̣ ко мз гад̇д̇аб̣б̣ам̣ бхависсад̇и, гаммам̣ ко бана мз гаронд̇асса на сугарам̣ б̣уд̣̇д̇хаанам̣ саасанам̣ манаси гаад̇ум̣, ханд̣̇аахам̣ вийрияам̣ аарабхаами аббад̇д̇асса бад̇д̇ияаа анад̇хиг̇ад̇асса ад̇хиг̇амааяа асажчигад̇асса сажчигирияааяаа’’’д̇и (д̣̇ий. ни. 3.335) –
‘‘Idha bhikkhunā kammaṃ kattabbaṃ hoti. Tassa evaṃ hoti ‘kammaṃ kho me kattabbaṃ bhavissati, kammaṃ kho pana me karontassa na sukaraṃ buddhānaṃ sāsanaṃ manasi kātuṃ, handāhaṃ vīriyaṃ ārabhāmi appattassa pattiyā anadhigatassa adhigamāya asacchikatassa sacchikiriyāyā’’’ti (dī. ni. 3.335) –
аад̣̇игаа ануруубабажжавзгкан̣аа.
Ādikā anurūpapaccavekkhaṇā.
д̇ам̣муулагаанийд̇и г̇анд̇аб̣б̣амаг̇г̇аад̣̇имуулагаани. зд̇т̇а жа маг̇г̇о г̇анд̇аб̣б̣о ход̇ийд̇иаад̣̇аяо адтагат̇ааяам̣ д̣̇ассанавасзнзва вуд̇д̇аа, на баал̣ияам̣ ааг̇ад̇аануггамзнаад̇и д̣̇адтаб̣б̣ам̣.
Taṃmūlakānīti gantabbamaggādimūlakāni. Ettha ca maggo gantabbo hotītiādayo aṭṭhakathāyaṃ dassanavaseneva vuttā, na pāḷiyaṃ āgatānukkamenāti daṭṭhabbaṃ.
гаран̣аад̣̇игаалз вияа жирагад̇аад̣̇иаарамман̣ам̣ вибхууд̇ам̣ гад̇ваа бавад̇д̇анд̇ий сад̇и д̇ам̣ убаг̇анд̇ваа д̇идтанд̇ий аниссаж̇ж̇анд̇ий жа ход̇и. яам̣ аарамман̣ам̣ саммудтам̣, д̇ам̣ билавид̇ваа г̇ад̇ам̣ вияа жалид̇ам̣ вияа жа ход̇и, д̇аббадибагкабхаавзна бана асаммудтанд̇и имамад̇т̇ам̣ д̣̇ассзнд̇о ‘‘уд̣̇агз алааб̣у вияаа’’д̇иаад̣̇имааха. д̇ад̇т̇а сааран̣анд̇и зд̇зна ‘‘саранд̇и д̇ааяаа’’д̇и имамзвад̇т̇ам̣ вибхаавзд̇и. саран̣агирияааяа хи бавад̇д̇амаанаанам̣ д̇хаммаанам̣ д̇ад̇т̇а аад̇хибажжабхаавзна сад̇и бажжаяо. д̇ассаа хи д̇ат̇аа бажжаяабхаавз сад̇и д̇з д̇хаммаа саарид̇аа асаммудтагад̇аа абилаавид̇аахонд̇ийд̇и. ‘‘имзхи наама хзд̇уухи бажжаязхи жа зд̇з д̇хаммаа самбхаванд̇ий’’д̇и самбхавад̇о. ‘‘имам̣ наама палам̣ ниб̣б̣ад̇д̇знд̇ий’’д̇и палад̇о д̇хаммаа уббаж̇ж̇анзна вибажжанзна жа нибпаннаа наама хонд̇ийд̇и. вад̇т̇убхууд̇аад̇и аарамман̣абхууд̇аа.
Karaṇādikāle viya cirakatādiārammaṇaṃ vibhūtaṃ katvā pavattantī sati taṃ upagantvā tiṭṭhantī anissajjantī ca hoti. Yaṃ ārammaṇaṃ sammuṭṭhaṃ, taṃ pilavitvā gataṃ viya calitaṃ viya ca hoti, tappaṭipakkhabhāvena pana asammuṭṭhanti imamatthaṃ dassento ‘‘udake alābu viyā’’tiādimāha. Tattha sāraṇanti etena ‘‘saranti tāyā’’ti imamevatthaṃ vibhāveti. Saraṇakiriyāya hi pavattamānānaṃ dhammānaṃ tattha ādhipaccabhāvena sati paccayo. Tassā hi tathā paccayabhāve sati te dhammā sāritā asammuṭṭhakatā apilāvitāhontīti. ‘‘Imehi nāma hetūhi paccayehi ca ete dhammā sambhavantī’’ti sambhavato. ‘‘Imaṃ nāma phalaṃ nibbattentī’’ti phalato dhammā uppajjanena vipaccanena ca nipphannā nāma hontīti. Vatthubhūtāti ārammaṇabhūtā.
сад̇иби саб̣б̣зсам̣ саарамман̣ад̇хаммаанам̣ аарамман̣аг̇г̇ахан̣з на жид̇д̇ам̣ вияа барз барижчиж̇ж̇аг̇аахинод̇и ‘‘барижчиннобалад̣̇д̇хивасзна ж̇аанаад̇ий’’д̇и жид̇д̇ам̣ вуд̇д̇ам̣. жзд̇асигзсу хи гзжи висаяам̣ барижчиж̇ж̇а г̇ахзд̇ум̣ на саггонд̇и, гзжи бана барижчзд̣̇амад̇д̇зязва д̇идтанд̇и, на вин̃н̃аан̣ам̣ вияа висаяам̣ г̇ан̣ханд̇ийд̇и яз аасан̇гид̇аб̣б̣аа, д̇зсу д̇ад̣̇абхаавам̣ д̣̇ассзнд̇о ‘‘на сан̃н̃аа…бз… виж̇жханавасзнаа’’д̇и ааха.
Satipi sabbesaṃ sārammaṇadhammānaṃ ārammaṇaggahaṇe na cittaṃ viya pare paricchijjagāhinoti ‘‘paricchinnopaladdhivasena jānātī’’ti cittaṃ vuttaṃ. Cetasikesu hi keci visayaṃ paricchijja gahetuṃ na sakkonti, keci pana paricchedamatteyeva tiṭṭhanti, na viññāṇaṃ viya visayaṃ gaṇhantīti ye āsaṅkitabbā, tesu tadabhāvaṃ dassento ‘‘na saññā…pe… vijjhanavasenā’’ti āha.
бийд̇ияаа жа соманассабхааво аабаж̇ж̇ад̇ийд̇и ид̣̇ам̣ бийд̇и жа соманассан̃жа бийд̇исоманассанд̇и бийд̇исоманассаанам̣ д̇уляаяог̇ам̣ санд̇хааяа вуд̇д̇ам̣. соманассассзва бана ‘‘ааж̇ан̃н̃арат̇о’’д̇и вияа бийд̇ияуд̇д̇ам̣ соманассам̣ бийд̇исоманассанд̇и бад̇хаанабхааво ижчид̇од̇и на бийд̇ияаа соманассабхааваббад̇д̇и. на хи бад̇хаанз виж̇ж̇амаанз аббад̇хаанам̣ убаяуж̇ж̇ад̇и, бийд̇иг̇г̇ахан̣ан̃жзд̇т̇а бийд̇ияуд̇д̇асса соманассасса язбхуяязна бхаавад̇о бариб̣яад̇д̇агижжад̇о жа гад̇ам̣, на жа ниббийд̇игасоманассасса асан̇г̇ахо. рул̣хийсад̣̇д̣̇зсу гирияааяа анажжанд̇игабхаавад̇о. бийд̇ияаа бана убалагкан̣абхаавзна аяамад̇т̇о судту яуж̇ж̇ад̇ийд̇и д̣̇ассзнд̇о ааха ‘‘бийд̇иубалагкид̇ам̣ ваа’’д̇иаад̣̇и.
Pītiyā ca somanassabhāvo āpajjatīti idaṃ pīti ca somanassañca pītisomanassanti pītisomanassānaṃ tulyayogaṃ sandhāya vuttaṃ. Somanassasseva pana ‘‘ājaññaratho’’ti viya pītiyuttaṃ somanassaṃ pītisomanassanti padhānabhāvo icchitoti na pītiyā somanassabhāvappatti. Na hi padhāne vijjamāne appadhānaṃ upayujjati, pītiggahaṇañcettha pītiyuttassa somanassassa yebhuyyena bhāvato paribyattakiccato ca kataṃ, na ca nippītikasomanassassa asaṅgaho. Ruḷhīsaddesu kiriyāya anaccantikabhāvato. Pītiyā pana upalakkhaṇabhāvena ayamattho suṭṭhu yujjatīti dassento āha ‘‘pītiupalakkhitaṃ vā’’tiādi.
бавад̇д̇ам̣ убаад̣̇иннагканд̇хам̣. жирадтид̇игам̣ ход̇ийд̇и зд̇зна на гзвалам̣ анубаалзд̇аб̣б̣ад̇хаммаанам̣ кан̣адтид̇ияааязва, ат̇а ко баб̣анд̇хаанубажчзд̣̇ассаби ж̇ийвид̇ам̣ гааран̣анд̇и д̣̇ассзд̇и. ан̃н̃ат̇аа хи ааяугкаяамаран̣ам̣ на яуж̇ж̇зяяаад̇и. ависзсзнаад̇и гааран̣ависзсаанабзгкзна ж̇ийвид̇инд̣̇рияад̇аасааман̃н̃зна. яад̣̇иби аруубаасан̃н̃абхавзсу руубааруубад̇хаммаа наббавад̇д̇анд̇и, д̇зхи бана буримабажчимабхавзсу жаримабатамад̇хаммаа самаанаж̇аад̇иязна аб̣яавахид̇ад̇ааяа ниранд̇арааязва наама хонд̇ийд̇и ‘‘яаава бариниб̣б̣аанам̣ авижчиннам̣ бавад̇д̇ад̇ий’’д̇и вуд̇д̇ам̣. анубааланаад̣̇игассаад̇и анубааланабавад̇д̇анадтабанааниязва вад̣̇ад̇и. ж̇ийвамаанависзсаббажжаяабхаавад̇од̇и сахаж̇аад̇аанам̣ ж̇ийвамаанад̇аависзсасса бажжаяабхаавад̇о. инд̣̇рияаб̣ад̣̇д̇хасса хи мад̇аруубад̇о гаммаж̇асса жа уд̇уж̇аад̣̇ид̇о висзсо ж̇ийвид̇инд̣̇рияагад̇од̇и.
Pavattaṃ upādinnakkhandhaṃ. Ciraṭṭhitikaṃ hotīti etena na kevalaṃ anupāletabbadhammānaṃ khaṇaṭṭhitiyāyeva, atha kho pabandhānupacchedassapi jīvitaṃ kāraṇanti dasseti. Aññathā hi āyukkhayamaraṇaṃ na yujjeyyāti. Avisesenāti kāraṇavisesānapekkhena jīvitindriyatāsāmaññena. Yadipi arūpāsaññabhavesu rūpārūpadhammā nappavattanti, tehi pana purimapacchimabhavesu carimapaṭhamadhammā samānajātiyena abyavahitatāya nirantarāyeva nāma hontīti ‘‘yāva parinibbānaṃ avicchinnaṃ pavattatī’’ti vuttaṃ. Anupālanādikassāti anupālanapavattanaṭṭhapanāniyeva vadati. Jīvamānavisesappaccayabhāvatoti sahajātānaṃ jīvamānatāvisesassa paccayabhāvato. Indriyabaddhassa hi matarūpato kammajassa ca utujādito viseso jīvitindriyakatoti.
Related texts:
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / инд̣̇рияараасиван̣н̣анаа • Indriyarāsivaṇṇanā
