| Library / Tipiṭaka / திபிடக • Tipiṭaka / படிஸம்பி⁴தா³மக்³க³பாளி • Paṭisambhidāmaggapāḷi |
5. இந்த்³ரியஸமோதா⁴னங்
5. Indriyasamodhānaṃ
204. புது²ஜ்ஜனோ ஸமாதி⁴ங் பா⁴வெந்தோ கதிஹாகாரேஹி உபட்டா²னகுஸலோ ஹோதி? ஸெக்கோ² ஸமாதி⁴ங் பா⁴வெந்தோ கதிஹாகாரேஹி உபட்டா²னகுஸலோ ஹோதி? வீதராகோ³ ஸமாதி⁴ங் பா⁴வெந்தோ கதிஹாகாரேஹி உபட்டா²னகுஸலோ ஹோதி? புது²ஜ்ஜனோ ஸமாதி⁴ங் பா⁴வெந்தோ ஸத்தஹி ஆகாரேஹி உபட்டா²னகுஸலோ ஹோதி. ஸெக்கோ² ஸமாதி⁴ங் பா⁴வெந்தோ அட்ட²ஹி ஆகாரேஹி உபட்டா²னகுஸலோ ஹோதி. வீதராகோ³ ஸமாதி⁴ங் பா⁴வெந்தோ த³ஸஹி ஆகாரேஹி உபட்டா²னகுஸலோ ஹோதி.
204. Puthujjano samādhiṃ bhāvento katihākārehi upaṭṭhānakusalo hoti? Sekkho samādhiṃ bhāvento katihākārehi upaṭṭhānakusalo hoti? Vītarāgo samādhiṃ bhāvento katihākārehi upaṭṭhānakusalo hoti? Puthujjano samādhiṃ bhāvento sattahi ākārehi upaṭṭhānakusalo hoti. Sekkho samādhiṃ bhāvento aṭṭhahi ākārehi upaṭṭhānakusalo hoti. Vītarāgo samādhiṃ bhāvento dasahi ākārehi upaṭṭhānakusalo hoti.
புது²ஜ்ஜனோ ஸமாதி⁴ங் பா⁴வெந்தோ கதமேஹி ஸத்தஹாகாரேஹி உபட்டா²னகுஸலோ ஹோதி? ஆவஜ்ஜிதத்தா ஆரம்மணூபட்டா²னகுஸலோ ஹோதி, ஸமத²னிமித்தூபட்டா²னகுஸலோ ஹோதி, பக்³க³ஹனிமித்தூபட்டா²னகுஸலோ ஹோதி, அவிக்கே²பூபட்டா²னகுஸலோ ஹோதி, ஓபா⁴ஸூபட்டா²னகுஸலோ ஹோதி, ஸம்பஹங்ஸனூபட்டா²னகுஸலோ ஹோதி, உபெக்கூ²பட்டா²னகுஸலோ ஹோதி – புது²ஜ்ஜனோ ஸமாதி⁴ங் பா⁴வெந்தோ இமேஹி ஸத்தஹி ஆகாரேஹி உபட்டா²னகுஸலோ ஹோதி.
Puthujjano samādhiṃ bhāvento katamehi sattahākārehi upaṭṭhānakusalo hoti? Āvajjitattā ārammaṇūpaṭṭhānakusalo hoti, samathanimittūpaṭṭhānakusalo hoti, paggahanimittūpaṭṭhānakusalo hoti, avikkhepūpaṭṭhānakusalo hoti, obhāsūpaṭṭhānakusalo hoti, sampahaṃsanūpaṭṭhānakusalo hoti, upekkhūpaṭṭhānakusalo hoti – puthujjano samādhiṃ bhāvento imehi sattahi ākārehi upaṭṭhānakusalo hoti.
ஸெக்கோ² ஸமாதி⁴ங் பா⁴வெந்தோ கதமேஹி அட்ட²ஹி ஆகாரேஹி உபட்டா²னகுஸலோ ஹோதி? ஆவஜ்ஜிதத்தா ஆரம்மணூபட்டா²னகுஸலோ ஹோதி, ஸமத²னிமித்தூபட்டா²னகுஸலோ ஹோதி, பக்³க³ஹனிமித்தூபட்டா²னகுஸலோ ஹோதி, அவிக்கே²பூபட்டா²னகுஸலோ ஹோதி, ஓபா⁴ஸூபட்டா²னகுஸலோ ஹோதி, ஸம்பஹங்ஸனூபட்டா²னகுஸலோ ஹோதி, உபெக்கூ²பட்டா²னகுஸலோ ஹோதி, ஏகத்தூபட்டா²னகுஸலோ ஹோதி – ஸெக்கோ² ஸமாதி⁴ங் பா⁴வெந்தோ இமேஹி அட்ட²ஹி ஆகாரேஹி உபட்டா²னகுஸலோ ஹோதி.
Sekkho samādhiṃ bhāvento katamehi aṭṭhahi ākārehi upaṭṭhānakusalo hoti? Āvajjitattā ārammaṇūpaṭṭhānakusalo hoti, samathanimittūpaṭṭhānakusalo hoti, paggahanimittūpaṭṭhānakusalo hoti, avikkhepūpaṭṭhānakusalo hoti, obhāsūpaṭṭhānakusalo hoti, sampahaṃsanūpaṭṭhānakusalo hoti, upekkhūpaṭṭhānakusalo hoti, ekattūpaṭṭhānakusalo hoti – sekkho samādhiṃ bhāvento imehi aṭṭhahi ākārehi upaṭṭhānakusalo hoti.
வீதராகோ³ ஸமாதி⁴ங் பா⁴வெந்தோ கதமேஹி த³ஸஹி ஆகாரேஹி உபட்டா²னகுஸலோ ஹோதி? ஆவஜ்ஜிதத்தா ஆரம்மணூபட்டா²னகுஸலோ ஹோதி…பே॰… ஏகத்தூபட்டா²னகுஸலோ ஹோதி, ஞாணூபட்டா²னகுஸலோ ஹோதி, விமுத்தூபட்டா²னகுஸலோ ஹோதி – வீதராகோ³ ஸமாதி⁴ங் பா⁴வெந்தோ இமேஹி த³ஸஹி ஆகாரேஹி உபட்டா²னகுஸலோ ஹோதி.
Vītarāgo samādhiṃ bhāvento katamehi dasahi ākārehi upaṭṭhānakusalo hoti? Āvajjitattā ārammaṇūpaṭṭhānakusalo hoti…pe… ekattūpaṭṭhānakusalo hoti, ñāṇūpaṭṭhānakusalo hoti, vimuttūpaṭṭhānakusalo hoti – vītarāgo samādhiṃ bhāvento imehi dasahi ākārehi upaṭṭhānakusalo hoti.
205. புது²ஜ்ஜனோ விபஸ்ஸனங் பா⁴வெந்தோ கதிஹாகாரேஹி உபட்டா²னகுஸலோ ஹோதி, கதிஹாகாரேஹி அனுபட்டா²னகுஸலோ ஹோதி? ஸெக்கோ² விபஸ்ஸனங் பா⁴வெந்தோ கதிஹாகாரேஹி உபட்டா²னகுஸலோ ஹோதி , கதிஹாகாரேஹி அனுபட்டா²னகுஸலோ ஹோதி? வீதராகோ³ விபஸ்ஸனங் பா⁴வெந்தோ கதிஹாகாரேஹி உபட்டா²னகுஸலோ ஹோதி, கதிஹாகாரேஹி அனுபட்டா²னகுஸலோ ஹோதி?
205. Puthujjano vipassanaṃ bhāvento katihākārehi upaṭṭhānakusalo hoti, katihākārehi anupaṭṭhānakusalo hoti? Sekkho vipassanaṃ bhāvento katihākārehi upaṭṭhānakusalo hoti , katihākārehi anupaṭṭhānakusalo hoti? Vītarāgo vipassanaṃ bhāvento katihākārehi upaṭṭhānakusalo hoti, katihākārehi anupaṭṭhānakusalo hoti?
புது²ஜ்ஜனோ விபஸ்ஸனங் பா⁴வெந்தோ நவஹி ஆகாரேஹி உபட்டா²னகுஸலோ ஹோதி, நவஹி ஆகாரேஹி அனுபட்டா²னகுஸலோ ஹோதி. ஸெக்கோ² விபஸ்ஸனங் பா⁴வெந்தோ த³ஸஹி ஆகாரேஹி உபட்டா²னகுஸலோ ஹோதி, த³ஸஹி ஆகாரேஹி அனுபட்டா²னகுஸலோ ஹோதி. வீதராகோ³ விபஸ்ஸனங் பா⁴வெந்தோ த்³வாத³ஸஹி ஆகாரேஹி உபட்டா²னகுஸலோ ஹோதி, த்³வாத³ஸஹி ஆகாரேஹி அனுபட்டா²னகுஸலோ ஹோதி.
Puthujjano vipassanaṃ bhāvento navahi ākārehi upaṭṭhānakusalo hoti, navahi ākārehi anupaṭṭhānakusalo hoti. Sekkho vipassanaṃ bhāvento dasahi ākārehi upaṭṭhānakusalo hoti, dasahi ākārehi anupaṭṭhānakusalo hoti. Vītarāgo vipassanaṃ bhāvento dvādasahi ākārehi upaṭṭhānakusalo hoti, dvādasahi ākārehi anupaṭṭhānakusalo hoti.
புது²ஜ்ஜனோ விபஸ்ஸனங் பா⁴வெந்தோ கதமேஹி நவஹி ஆகாரேஹி உபட்டா²னகுஸலோ ஹோதி, கதமேஹி நவஹி ஆகாரேஹி அனுபட்டா²னகுஸலோ ஹோதி? அனிச்சதோ உபட்டா²னகுஸலோ ஹோதி, நிச்சதோ அனுபட்டா²னகுஸலோ ஹோதி. து³க்க²தோ உபட்டா²னகுஸலோ ஹோதி, ஸுக²தோ அனுபட்டா²னகுஸலோ ஹோதி. அனத்ததோ உபட்டா²னகுஸலோ ஹோதி, அத்ததோ அனுபட்டா²னகுஸலோ ஹோதி. க²யதோ உபட்டா²னகுஸலோ ஹோதி, க⁴னதோ அனுபட்டா²னகுஸலோ ஹோதி. வயதோ உபட்டா²னகுஸலோ ஹோதி, ஆயூஹனானுபட்டா²னகுஸலோ ஹோதி. விபரிணாமூபட்டா²னகுஸலோ ஹோதி, து⁴வதோ அனுபட்டா²னகுஸலோ ஹோதி. அனிமித்தூபட்டா²னகுஸலோ ஹோதி, நிமித்தானுபட்டா²னகுஸலோ ஹோதி. அப்பணிஹிதூபட்டா²னகுஸலோ ஹோதி, பணிதி⁴அனுபட்டா²னகுஸலோ 1 ஹோதி. ஸுஞ்ஞதூபட்டா²னகுஸலோ ஹோதி, அபி⁴னிவேஸானுபட்டா²னகுஸலோ ஹோதி – புது²ஜ்ஜனோ விபஸ்ஸனங் பா⁴வெந்தோ இமேஹி நவஹி ஆகாரேஹி உபட்டா²னகுஸலோ ஹோதி, இமேஹி நவஹி ஆகாரேஹி அனுபட்டா²னகுஸலோ ஹோதி.
Puthujjano vipassanaṃ bhāvento katamehi navahi ākārehi upaṭṭhānakusalo hoti, katamehi navahi ākārehi anupaṭṭhānakusalo hoti? Aniccato upaṭṭhānakusalo hoti, niccato anupaṭṭhānakusalo hoti. Dukkhato upaṭṭhānakusalo hoti, sukhato anupaṭṭhānakusalo hoti. Anattato upaṭṭhānakusalo hoti, attato anupaṭṭhānakusalo hoti. Khayato upaṭṭhānakusalo hoti, ghanato anupaṭṭhānakusalo hoti. Vayato upaṭṭhānakusalo hoti, āyūhanānupaṭṭhānakusalo hoti. Vipariṇāmūpaṭṭhānakusalo hoti, dhuvato anupaṭṭhānakusalo hoti. Animittūpaṭṭhānakusalo hoti, nimittānupaṭṭhānakusalo hoti. Appaṇihitūpaṭṭhānakusalo hoti, paṇidhianupaṭṭhānakusalo 2 hoti. Suññatūpaṭṭhānakusalo hoti, abhinivesānupaṭṭhānakusalo hoti – puthujjano vipassanaṃ bhāvento imehi navahi ākārehi upaṭṭhānakusalo hoti, imehi navahi ākārehi anupaṭṭhānakusalo hoti.
206. ஸெக்கோ² விபஸ்ஸனங் பா⁴வெந்தோ கதமேஹி த³ஸஹி ஆகாரேஹி உபட்டா²னகுஸலோ ஹோதி, கதமேஹி த³ஸஹி ஆகாரேஹி அனுபட்டா²னகுஸலோ ஹோதி? அனிச்சதோ உபட்டா²னகுஸலோ ஹோதி, நிச்சதோ அனுபட்டா²னகுஸலோ ஹோதி…பே॰… ஸுஞ்ஞதூபட்டா²னகுஸலோ ஹோதி, அபி⁴னிவேஸானூபட்டா²னகுஸலோ ஹோதி. ஞாணூபட்டா²னகுஸலோ ஹோதி, அஞாணஅனுபட்டா²னகுஸலோ ஹோதி – ஸெக்கோ² விபஸ்ஸனங் பா⁴வெந்தோ இமேஹி த³ஸஹி ஆகாரேஹி உபட்டா²னகுஸலோ ஹோதி, இமேஹி த³ஸஹி ஆகாரேஹி அனுபட்டா²னகுஸலோ ஹோதி.
206. Sekkho vipassanaṃ bhāvento katamehi dasahi ākārehi upaṭṭhānakusalo hoti, katamehi dasahi ākārehi anupaṭṭhānakusalo hoti? Aniccato upaṭṭhānakusalo hoti, niccato anupaṭṭhānakusalo hoti…pe… suññatūpaṭṭhānakusalo hoti, abhinivesānūpaṭṭhānakusalo hoti. Ñāṇūpaṭṭhānakusalo hoti, añāṇaanupaṭṭhānakusalo hoti – sekkho vipassanaṃ bhāvento imehi dasahi ākārehi upaṭṭhānakusalo hoti, imehi dasahi ākārehi anupaṭṭhānakusalo hoti.
வீதராகோ³ விபஸ்ஸனங் பா⁴வெந்தோ கதமேஹி த்³வாத³ஸஹி ஆகாரேஹி உபட்டா²னகுஸலோ ஹோதி, கதமேஹி த்³வாத³ஸஹி ஆகாரேஹி அனுபட்டா²னகுஸலோ ஹோதி? அனிச்சதோ உபட்டா²னகுஸலோ ஹோதி, நிச்சதோ அனுபட்டா²னகுஸலோ ஹோதி…பே॰… ஞாணூபட்டா²னகுஸலோ ஹோதி, அஞாணானுபட்டா²னகுஸலோ ஹோதி. விஸஞ்ஞோகூ³பட்டா²னகுஸலோ ஹோதி, ஸஞ்ஞோகா³னுபட்டா²னகுஸலோ ஹோதி. நிரோதூ⁴பட்டா²னகுஸலோ ஹோதி, ஸங்கா²ரானுபட்டா²னகுஸலோ ஹோதி – வீதராகோ³ விபஸ்ஸனங் பா⁴வெந்தோ இமேஹி த்³வாத³ஸஹி ஆகாரேஹி உபட்டா²னகுஸலோ ஹோதி, இமேஹி த்³வாத³ஸஹி ஆகாரேஹி அனுபட்டா²னகுஸலோ ஹோதி.
Vītarāgo vipassanaṃ bhāvento katamehi dvādasahi ākārehi upaṭṭhānakusalo hoti, katamehi dvādasahi ākārehi anupaṭṭhānakusalo hoti? Aniccato upaṭṭhānakusalo hoti, niccato anupaṭṭhānakusalo hoti…pe… ñāṇūpaṭṭhānakusalo hoti, añāṇānupaṭṭhānakusalo hoti. Visaññogūpaṭṭhānakusalo hoti, saññogānupaṭṭhānakusalo hoti. Nirodhūpaṭṭhānakusalo hoti, saṅkhārānupaṭṭhānakusalo hoti – vītarāgo vipassanaṃ bhāvento imehi dvādasahi ākārehi upaṭṭhānakusalo hoti, imehi dvādasahi ākārehi anupaṭṭhānakusalo hoti.
ஆவஜ்ஜிதத்தா ஆரம்மணூபட்டா²னகுஸலவஸேன இந்த்³ரியானி ஸமோதா⁴னேதி, கோ³சரஞ்ச பஜானாதி, ஸமத்த²ஞ்ச படிவிஜ்ஜ²தி…பே॰… த⁴ம்மே ஸமோதா⁴னேதி, கோ³சரஞ்ச பஜானாதி, ஸமத்த²ஞ்ச படிவிஜ்ஜ²தி. இந்த்³ரியானி ஸமோதா⁴னேதீதி கத²ங் இந்த்³ரியானி ஸமோதா⁴னேதி? அதி⁴மொக்க²ட்டே²ன ஸத்³தி⁴ந்த்³ரியங் ஸமோதா⁴னேதி…பே॰… ஸமத²னிமித்தூபட்டா²னகுஸலவஸேன, பக்³க³ஹனிமித்தூபட்டா²னகுஸலவஸேன, அவிக்கே²பூபட்டா²னகுஸலவஸேன, ஓபா⁴ஸூபட்டா²னகுஸலவஸேன, ஸம்பஹங்ஸனூபட்டா²னகுஸலவஸேன, உபெக்கூ²பட்டா²னகுஸலவஸேன , ஏகத்தூபட்டா²னகுஸலவஸேன, ஞாணூபட்டா²னகுஸலவஸேன, விமுத்தூபட்டா²னகுஸலவஸேன.
Āvajjitattā ārammaṇūpaṭṭhānakusalavasena indriyāni samodhāneti, gocarañca pajānāti, samatthañca paṭivijjhati…pe… dhamme samodhāneti, gocarañca pajānāti, samatthañca paṭivijjhati. Indriyāni samodhānetīti kathaṃ indriyāni samodhāneti? Adhimokkhaṭṭhena saddhindriyaṃ samodhāneti…pe… samathanimittūpaṭṭhānakusalavasena, paggahanimittūpaṭṭhānakusalavasena, avikkhepūpaṭṭhānakusalavasena, obhāsūpaṭṭhānakusalavasena, sampahaṃsanūpaṭṭhānakusalavasena, upekkhūpaṭṭhānakusalavasena , ekattūpaṭṭhānakusalavasena, ñāṇūpaṭṭhānakusalavasena, vimuttūpaṭṭhānakusalavasena.
அனிச்சதோ உபட்டா²னகுஸலவஸேன, நிச்சதோ அனுபட்டா²னகுஸலவஸேன, து³க்க²தோ உபட்டா²னகுஸலவஸேன, ஸுக²தோ அனுபட்டா²னகுஸலவஸேன, அனத்ததோ உபட்டா²னகுஸலவஸேன, அத்ததோ அனுபட்டா²னகுஸலவஸேன, க²யதோ உபட்டா²னகுஸலவஸேன, க⁴னதோ அனுபட்டா²னகுஸலவஸேன, வயதோ உபட்டா²னகுஸலவஸேன, ஆயூஹனானுபட்டா²னகுஸலவஸேன, விபரிணாமூபட்டா²னகுஸலவஸேன, து⁴வதோ அனுபட்டா²னகுஸலவஸேன, அனிமித்தூபட்டா²னகுஸலவஸேன, நிமித்தானுபட்டா²னகுஸலவஸேன, அப்பணிஹிதூபட்டா²னகுஸலவஸேன, பணிதி⁴அனுபட்டா²னகுஸலவஸேன, ஸுஞ்ஞதூபட்டா²னகுஸலவஸேன, அபி⁴னிவேஸானுபட்டா²னகுஸலவஸேன, ஞாணூபட்டா²னகுஸலவஸேன, அஞாணானுபட்டா²னகுஸலவஸேன, விஸஞ்ஞோகூ³பட்டா²னகுஸலவஸேன, ஸஞ்ஞோகா³னுபட்டா²னகுஸலவஸேன , நிரோதூ⁴பட்டா²னகுஸலவஸேன, ஸங்கா²ரானுபட்டா²னகுஸலவஸேன இந்த்³ரியானி ஸமோதா⁴னேதி, கோ³சரஞ்ச பஜானாதி, ஸமத்த²ஞ்ச படிவிஜ்ஜ²தி.
Aniccato upaṭṭhānakusalavasena, niccato anupaṭṭhānakusalavasena, dukkhato upaṭṭhānakusalavasena, sukhato anupaṭṭhānakusalavasena, anattato upaṭṭhānakusalavasena, attato anupaṭṭhānakusalavasena, khayato upaṭṭhānakusalavasena, ghanato anupaṭṭhānakusalavasena, vayato upaṭṭhānakusalavasena, āyūhanānupaṭṭhānakusalavasena, vipariṇāmūpaṭṭhānakusalavasena, dhuvato anupaṭṭhānakusalavasena, animittūpaṭṭhānakusalavasena, nimittānupaṭṭhānakusalavasena, appaṇihitūpaṭṭhānakusalavasena, paṇidhianupaṭṭhānakusalavasena, suññatūpaṭṭhānakusalavasena, abhinivesānupaṭṭhānakusalavasena, ñāṇūpaṭṭhānakusalavasena, añāṇānupaṭṭhānakusalavasena, visaññogūpaṭṭhānakusalavasena, saññogānupaṭṭhānakusalavasena , nirodhūpaṭṭhānakusalavasena, saṅkhārānupaṭṭhānakusalavasena indriyāni samodhāneti, gocarañca pajānāti, samatthañca paṭivijjhati.
207. சதுஸட்டி²யா ஆகாரேஹி திண்ணன்னங் இந்த்³ரியானங் வஸீபா⁴வதாபஞ்ஞா ஆஸவானங் க²யே ஞாணங். கதமேஸங் திண்ணன்னங் இந்த்³ரியானங்? அனஞ்ஞாதஞ்ஞஸ்ஸாமீதிந்த்³ரியஸ்ஸ, அஞ்ஞிந்த்³ரியஸ்ஸ, அஞ்ஞாதாவிந்த்³ரியஸ்ஸ.
207. Catusaṭṭhiyā ākārehi tiṇṇannaṃ indriyānaṃ vasībhāvatāpaññā āsavānaṃ khaye ñāṇaṃ. Katamesaṃ tiṇṇannaṃ indriyānaṃ? Anaññātaññassāmītindriyassa, aññindriyassa, aññātāvindriyassa.
அனஞ்ஞாதஞ்ஞஸ்ஸாமீதிந்த்³ரியங் கதி டா²னானி க³ச்ச²தி? அஞ்ஞிந்த்³ரியங் கதி டா²னானி க³ச்ச²தி? அஞ்ஞாதாவிந்த்³ரியங் கதி டா²னானி க³ச்ச²தி? அனஞ்ஞாதஞ்ஞஸ்ஸாமீதிந்த்³ரியங் ஏகங் டா²னங் க³ச்ச²தி – ஸோதாபத்திமக்³க³ங். அஞ்ஞிந்த்³ரியங் ச² டா²னானி க³ச்ச²தி – ஸோதாபத்திப²லங், ஸகதா³கா³மிமக்³க³ங், ஸகதா³கா³மிப²லங், அனாகா³மிமக்³க³ங், அனாகா³மிப²லங், அரஹத்தமக்³க³ங். அஞ்ஞாதாவிந்த்³ரியங் ஏகங் டா²னங் க³ச்ச²தி – அரஹத்தப²லங்.
Anaññātaññassāmītindriyaṃ kati ṭhānāni gacchati? Aññindriyaṃ kati ṭhānāni gacchati? Aññātāvindriyaṃ kati ṭhānāni gacchati? Anaññātaññassāmītindriyaṃ ekaṃ ṭhānaṃ gacchati – sotāpattimaggaṃ. Aññindriyaṃ cha ṭhānāni gacchati – sotāpattiphalaṃ, sakadāgāmimaggaṃ, sakadāgāmiphalaṃ, anāgāmimaggaṃ, anāgāmiphalaṃ, arahattamaggaṃ. Aññātāvindriyaṃ ekaṃ ṭhānaṃ gacchati – arahattaphalaṃ.
ஸோதாபத்திமக்³க³க்க²ணே அனஞ்ஞாதஞ்ஞஸ்ஸாமீதிந்த்³ரியஸ்ஸ ஸத்³தி⁴ந்த்³ரியங் அதி⁴மொக்க²பரிவாரங் ஹோதி, வீரியிந்த்³ரியங் பக்³க³ஹபரிவாரங் ஹோதி, ஸதிந்த்³ரியங் உபட்டா²னபரிவாரங் ஹோதி, ஸமாதி⁴ந்த்³ரியங் அவிக்கே²பபரிவாரங் ஹோதி, பஞ்ஞிந்த்³ரியங் த³ஸ்ஸனபரிவாரங் ஹோதி, மனிந்த்³ரியங் விஜானநபரிவாரங் ஹோதி, ஸோமனஸ்ஸிந்த்³ரியங் அபி⁴ஸந்த³னபரிவாரங் ஹோதி, ஜீவிதிந்த்³ரியங் பவத்தஸந்ததாதி⁴பதெய்யபரிவாரங் ஹோதி. ஸோதாபத்திமக்³க³க்க²ணே ஜாதா த⁴ம்மா, ட²பெத்வா சித்தஸமுட்டா²னங் ரூபங், ஸப்³பே³வ குஸலா ஹொந்தி, ஸப்³பே³வ அனாஸவா ஹொந்தி, ஸப்³பே³வ நிய்யானிகா ஹொந்தி, ஸப்³பே³வ அபசயகா³மினோ ஹொந்தி, ஸப்³பே³வ லோகுத்தரா ஹொந்தி, ஸப்³பே³வ நிப்³பா³னாரம்மணா ஹொந்தி. ஸோதாபத்திமக்³க³க்க²ணே அனஞ்ஞாதஞ்ஞஸ்ஸாமீதிந்த்³ரியஸ்ஸ இமானி அட்டி²ந்த்³ரியானி ஸஹஜாதபரிவாரா ஹொந்தி, அஞ்ஞமஞ்ஞபரிவாரா ஹொந்தி, நிஸ்ஸயபரிவாரா ஹொந்தி, ஸம்பயுத்தபரிவாரா ஹொந்தி, ஸஹக³தா ஹொந்தி, ஸஹஜாதா ஹொந்தி, ஸங்ஸட்டா² ஹொந்தி, ஸம்பயுத்தா ஹொந்தி. தேவ தஸ்ஸ ஆகாரா சேவ ஹொந்தி பரிவாரா ச.
Sotāpattimaggakkhaṇe anaññātaññassāmītindriyassa saddhindriyaṃ adhimokkhaparivāraṃ hoti, vīriyindriyaṃ paggahaparivāraṃ hoti, satindriyaṃ upaṭṭhānaparivāraṃ hoti, samādhindriyaṃ avikkhepaparivāraṃ hoti, paññindriyaṃ dassanaparivāraṃ hoti, manindriyaṃ vijānanaparivāraṃ hoti, somanassindriyaṃ abhisandanaparivāraṃ hoti, jīvitindriyaṃ pavattasantatādhipateyyaparivāraṃ hoti. Sotāpattimaggakkhaṇe jātā dhammā, ṭhapetvā cittasamuṭṭhānaṃ rūpaṃ, sabbeva kusalā honti, sabbeva anāsavā honti, sabbeva niyyānikā honti, sabbeva apacayagāmino honti, sabbeva lokuttarā honti, sabbeva nibbānārammaṇā honti. Sotāpattimaggakkhaṇe anaññātaññassāmītindriyassa imāni aṭṭhindriyāni sahajātaparivārā honti, aññamaññaparivārā honti, nissayaparivārā honti, sampayuttaparivārā honti, sahagatā honti, sahajātā honti, saṃsaṭṭhā honti, sampayuttā honti. Teva tassa ākārā ceva honti parivārā ca.
ஸோதாபத்திப²லக்க²ணே…பே॰… அரஹத்தப²லக்க²ணே அஞ்ஞாதாவிந்த்³ரியஸ்ஸ ஸத்³தி⁴ந்த்³ரியங் அதி⁴மொக்க²பரிவாரங் ஹோதி…பே॰… ஜீவிதிந்த்³ரியங் பவத்தஸந்ததாதி⁴பதெய்யபரிவாரங் ஹோதி. அரஹத்தப²லக்க²ணே ஜாதா த⁴ம்மா ஸப்³பே³வ அப்³யாகதா ஹொந்தி, ட²பெத்வா சித்தஸமுட்டா²னங் ரூபங் ஸப்³பே³வ அனாஸவா ஹொந்தி, ஸப்³பே³வ லோகுத்தரா ஹொந்தி, ஸப்³பே³வ நிப்³பா³னாரம்மணா ஹொந்தி. அரஹத்தப²லக்க²ணே அஞ்ஞாதாவிந்த்³ரியஸ்ஸ இமானி அட்டி²ந்த்³ரியானி ஸஹஜாதபரிவாரா ஹொந்தி . தேவ தஸ்ஸ ஆகாரா சேவ ஹொந்தி பரிவாரா ச. இதி இமானி அட்ட² அட்ட²கானி சதுஸட்டி² ஹொந்தி.
Sotāpattiphalakkhaṇe…pe… arahattaphalakkhaṇe aññātāvindriyassa saddhindriyaṃ adhimokkhaparivāraṃ hoti…pe… jīvitindriyaṃ pavattasantatādhipateyyaparivāraṃ hoti. Arahattaphalakkhaṇe jātā dhammā sabbeva abyākatā honti, ṭhapetvā cittasamuṭṭhānaṃ rūpaṃ sabbeva anāsavā honti, sabbeva lokuttarā honti, sabbeva nibbānārammaṇā honti. Arahattaphalakkhaṇe aññātāvindriyassa imāni aṭṭhindriyāni sahajātaparivārā honti . Teva tassa ākārā ceva honti parivārā ca. Iti imāni aṭṭha aṭṭhakāni catusaṭṭhi honti.
ஆஸவாதி கதமே தே ஆஸவா? காமாஸவோ, ப⁴வாஸவோ, தி³ட்டா²ஸவோ, அவிஜ்ஜாஸவோ. கத்தே²தே ஆஸவா கீ²யந்தி 3? ஸோதாபத்திமக்³கே³ன அனவஸேஸோ தி³ட்டா²ஸவோ கீ²யதி. அபாயக³மனீயோ காமாஸவோ கீ²யதி, அபாயக³மனீயோ ப⁴வாஸவோ கீ²யதி, அபாயக³மனீயோ அவிஜ்ஜாஸவோ கீ²யதி. எத்தே²தே ஆஸவா கீ²யந்தி. ஸகதா³கா³மிமக்³கே³ன ஓளாரிகோ காமாஸவோ கீ²யதி, ததே³கட்டோ² ப⁴வாஸவோ கீ²யதி, ததே³கட்டோ² அவிஜ்ஜாஸவோ கீ²யதி. எத்தே²தே ஆஸவா கீ²யந்தி. அனாகா³மிமக்³கே³ன அனவஸேஸோ காமாஸவோ கீ²யதி, ததே³கட்டோ² ப⁴வாஸவோ கீ²யதி, ததே³கட்டோ² அவிஜ்ஜாஸவோ கீ²யதி. எத்தே²தே ஆஸவா கீ²யந்தி. அரஹத்தமக்³கே³ன அனவஸேஸோ ப⁴வாஸவோ கீ²யதி, அனவஸேஸோ அவிஜ்ஜாஸவோ கீ²யதி. எத்தே²தே ஆஸவா கீ²யந்தி.
Āsavāti katame te āsavā? Kāmāsavo, bhavāsavo, diṭṭhāsavo, avijjāsavo. Katthete āsavā khīyanti 4? Sotāpattimaggena anavaseso diṭṭhāsavo khīyati. Apāyagamanīyo kāmāsavo khīyati, apāyagamanīyo bhavāsavo khīyati, apāyagamanīyo avijjāsavo khīyati. Etthete āsavā khīyanti. Sakadāgāmimaggena oḷāriko kāmāsavo khīyati, tadekaṭṭho bhavāsavo khīyati, tadekaṭṭho avijjāsavo khīyati. Etthete āsavā khīyanti. Anāgāmimaggena anavaseso kāmāsavo khīyati, tadekaṭṭho bhavāsavo khīyati, tadekaṭṭho avijjāsavo khīyati. Etthete āsavā khīyanti. Arahattamaggena anavaseso bhavāsavo khīyati, anavaseso avijjāsavo khīyati. Etthete āsavā khīyanti.
208.
208.
ந தஸ்ஸ அத்³தி³ட்ட²மித⁴த்தி² கிஞ்சி, அதோ² அவிஞ்ஞாதமஜானிதப்³ப³ங்;
Na tassa addiṭṭhamidhatthi kiñci, atho aviññātamajānitabbaṃ;
ஸப்³ப³ங் அபி⁴ஞ்ஞாஸி யத³த்தி² நெய்யங், ததா²க³தோ தேன ஸமந்தசக்கூ²தி.
Sabbaṃ abhiññāsi yadatthi neyyaṃ, tathāgato tena samantacakkhūti.
ஸமந்தசக்கூ²தி கேனட்டே²ன ஸமந்தசக்கு²? சுத்³த³ஸ பு³த்³த⁴ஞாணானி – து³க்கே² ஞாணங் பு³த்³த⁴ஞாணங், து³க்க²ஸமுத³யே ஞாணங் பு³த்³த⁴ஞாணங்…பே॰… ஸப்³ப³ஞ்ஞுதஞாணங் பு³த்³த⁴ஞாணங், அனாவரணஞாணங் பு³த்³த⁴ஞாணங். இமானி சுத்³த³ஸ பு³த்³த⁴ஞாணானி. இமேஸங் சுத்³த³ஸன்னங் பு³த்³த⁴ஞாணானங் அட்ட² ஞாணானி ஸாவகஸாதா⁴ரணானி, ச² ஞாணானி அஸாதா⁴ரணானி ஸாவகேஹி.
Samantacakkhūti kenaṭṭhena samantacakkhu? Cuddasa buddhañāṇāni – dukkhe ñāṇaṃ buddhañāṇaṃ, dukkhasamudaye ñāṇaṃ buddhañāṇaṃ…pe… sabbaññutañāṇaṃ buddhañāṇaṃ, anāvaraṇañāṇaṃ buddhañāṇaṃ. Imāni cuddasa buddhañāṇāni. Imesaṃ cuddasannaṃ buddhañāṇānaṃ aṭṭha ñāṇāni sāvakasādhāraṇāni, cha ñāṇāni asādhāraṇāni sāvakehi.
யாவதா து³க்க²ஸ்ஸ து³க்க²ட்டோ² ஞாதோ, அஞ்ஞாதோ து³க்க²ட்டோ² நத்தீ²தி – ஸமந்தசக்கு². யங் ஸமந்தசக்கு² தங் பஞ்ஞிந்த்³ரியங். பஞ்ஞிந்த்³ரியஸ்ஸ வஸேன அதி⁴மொக்க²ட்டே²ன ஸத்³தி⁴ந்த்³ரியங், பக்³க³ஹட்டே²ன வீரியிந்த்³ரியங், உபட்டா²னட்டே²ன ஸதிந்த்³ரியங், அவிக்கே²பட்டே²ன ஸமாதி⁴ந்த்³ரியங். யாவதா து³க்க²ஸ்ஸ து³க்க²ட்டோ² தி³ட்டோ² விதி³தோ ஸச்சி²கதோ ப²ஸ்ஸிதோ பஞ்ஞாய; அப²ஸ்ஸிதோ பஞ்ஞாய து³க்க²ட்டோ² நத்தீ²தி – ஸமந்தசக்கு². யங் ஸமந்தசக்கு² தங் பஞ்ஞிந்த்³ரியங். பஞ்ஞிந்த்³ரியஸ்ஸ வஸேன அதி⁴மொக்க²ட்டே²ன ஸத்³தி⁴ந்த்³ரியங், பக்³க³ஹட்டே²ன வீரியிந்த்³ரியங், உபட்டா²னட்டே²ன ஸதிந்த்³ரியங், அவிக்கே²பட்டே²ன ஸமாதி⁴ந்த்³ரியங். யாவதா ஸமுத³யஸ்ஸ ஸமுத³யட்டோ²…பே॰… யாவதா நிரோத⁴ஸ்ஸ நிரோத⁴ட்டோ²… யாவதா மக்³க³ஸ்ஸ மக்³க³ட்டோ²… யாவதா அத்த²படிஸம்பி⁴தா³ய அத்த²படிஸம்பி⁴த³ட்டோ²… யாவதா த⁴ம்மபடிஸம்பி⁴தா³ய த⁴ம்மபடிஸம்பி⁴த³ட்டோ²… யாவதா நிருத்திபடிஸம்பி⁴தா³ய நிருத்திபடிஸம்பி⁴த³ட்டோ²… யாவதா படிபா⁴னபடிஸம்பி⁴தா³ய படிபா⁴னபடிஸம்பி⁴த³ட்டோ²… யாவதா இந்த்³ரியபரோபரியத்தே ஞாணங்… யாவதா ஸத்தானங் ஆஸயானுஸயே ஞாணங்… யாவதா யமகபாடிஹீரே ஞாணங்… யாவதா மஹாகருணாஸமாபத்தியா ஞாணங்… யாவதா ஸதே³வகஸ்ஸ லோகஸ்ஸ ஸமாரகஸ்ஸ ஸப்³ரஹ்மகஸ்ஸ ஸஸ்ஸமணப்³ராஹ்மணியா பஜாய ஸதே³வமனுஸ்ஸாய தி³ட்ட²ங் ஸுதங் முதங் விஞ்ஞாதங் பத்தங் பரியேஸிதங் அனுவிசரிதங் மனஸா, தங் ஞாதங் தி³ட்ட²ங் விதி³தங் ஸச்சி²கதங் ப²ஸ்ஸிதங் பஞ்ஞாய. அப²ஸ்ஸிதங் பஞ்ஞாய நத்தீ²தி – ஸமந்தசக்கு². யங் ஸமந்தசக்கு² தங் பஞ்ஞிந்த்³ரியங். பஞ்ஞிந்த்³ரியஸ்ஸ வஸேன அதி⁴மொக்க²ட்டே²ன ஸத்³தி⁴ந்த்³ரியங், பக்³க³ஹட்டே²ன வீரியிந்த்³ரியங், உபட்டா²னட்டே²ன ஸதிந்த்³ரியங், அவிக்கே²பட்டே²ன ஸமாதி⁴ந்த்³ரியங்.
Yāvatā dukkhassa dukkhaṭṭho ñāto, aññāto dukkhaṭṭho natthīti – samantacakkhu. Yaṃ samantacakkhu taṃ paññindriyaṃ. Paññindriyassa vasena adhimokkhaṭṭhena saddhindriyaṃ, paggahaṭṭhena vīriyindriyaṃ, upaṭṭhānaṭṭhena satindriyaṃ, avikkhepaṭṭhena samādhindriyaṃ. Yāvatā dukkhassa dukkhaṭṭho diṭṭho vidito sacchikato phassito paññāya; aphassito paññāya dukkhaṭṭho natthīti – samantacakkhu. Yaṃ samantacakkhu taṃ paññindriyaṃ. Paññindriyassa vasena adhimokkhaṭṭhena saddhindriyaṃ, paggahaṭṭhena vīriyindriyaṃ, upaṭṭhānaṭṭhena satindriyaṃ, avikkhepaṭṭhena samādhindriyaṃ. Yāvatā samudayassa samudayaṭṭho…pe… yāvatā nirodhassa nirodhaṭṭho… yāvatā maggassa maggaṭṭho… yāvatā atthapaṭisambhidāya atthapaṭisambhidaṭṭho… yāvatā dhammapaṭisambhidāya dhammapaṭisambhidaṭṭho… yāvatā niruttipaṭisambhidāya niruttipaṭisambhidaṭṭho… yāvatā paṭibhānapaṭisambhidāya paṭibhānapaṭisambhidaṭṭho… yāvatā indriyaparopariyatte ñāṇaṃ… yāvatā sattānaṃ āsayānusaye ñāṇaṃ… yāvatā yamakapāṭihīre ñāṇaṃ… yāvatā mahākaruṇāsamāpattiyā ñāṇaṃ… yāvatā sadevakassa lokassa samārakassa sabrahmakassa sassamaṇabrāhmaṇiyā pajāya sadevamanussāya diṭṭhaṃ sutaṃ mutaṃ viññātaṃ pattaṃ pariyesitaṃ anuvicaritaṃ manasā, taṃ ñātaṃ diṭṭhaṃ viditaṃ sacchikataṃ phassitaṃ paññāya. Aphassitaṃ paññāya natthīti – samantacakkhu. Yaṃ samantacakkhu taṃ paññindriyaṃ. Paññindriyassa vasena adhimokkhaṭṭhena saddhindriyaṃ, paggahaṭṭhena vīriyindriyaṃ, upaṭṭhānaṭṭhena satindriyaṃ, avikkhepaṭṭhena samādhindriyaṃ.
ஸத்³த³ஹந்தோ பக்³க³ண்ஹாதி, பக்³க³ண்ஹந்தோ ஸத்³த³ஹதி. ஸத்³த³ஹந்தோ உபட்டா²பேதி, உபட்டா²பெந்தோ ஸத்³த³ஹதி. ஸத்³த³ஹந்தோ ஸமாத³ஹதி, ஸமாத³ஹந்தோ ஸத்³த³ஹதி. ஸத்³த³ஹந்தோ பஜானாதி, பஜானந்தோ ஸத்³த³ஹதி. பக்³க³ண்ஹந்தோ உபட்டா²பேதி, உபட்டா²பெந்தோ பக்³க³ண்ஹாதி. பக்³க³ண்ஹந்தோ ஸமாத³ஹதி, ஸமாத³ஹந்தோ பக்³க³ண்ஹாதி. பக்³க³ண்ஹந்தோ பஜானாதி, பஜானந்தோ பக்³க³ண்ஹாதி. பக்³க³ண்ஹந்தோ ஸத்³த³ஹதி, ஸத்³த³ஹந்தோ பக்³க³ண்ஹாதி. உபட்டா²பெந்தோ ஸமாத³ஹதி, ஸமாத³ஹந்தோ உபட்டா²பேதி. உபட்டா²பெந்தோ பஜானாதி, பஜானந்தோ உபட்டா²பேதி. உபட்டா²பெந்தோ ஸத்³த³ஹதி, ஸத்³த³ஹந்தோ உபட்டா²பேதி. உபட்டா²பெந்தோ பக்³க³ண்ஹாதி, பக்³க³ண்ஹந்தோ உபட்டா²பேதி. ஸமாத³ஹந்தோ பஜானாதி, பஜானந்தோ ஸமாத³ஹதி. ஸமாத³ஹந்தோ ஸத்³த³ஹதி, ஸத்³த³ஹந்தோ ஸமாத³ஹதி. ஸமாத³ஹந்தோ பக்³க³ண்ஹாதி, பக்³க³ண்ஹந்தோ ஸமாத³ஹதி. ஸமாத³ஹந்தோ உபட்டா²பேதி, உபட்டா²பெந்தோ ஸமாத³ஹதி. பஜானந்தோ ஸத்³த³ஹதி, ஸத்³த³ஹந்தோ பஜானாதி. பஜானந்தோ பக்³க³ண்ஹாதி, பக்³க³ண்ஹந்தோ பஜானாதி. பஜானந்தோ உபட்டா²பேதி, உபட்டா²பெந்தோ பஜானாதி. பஜானந்தோ ஸமாத³ஹதி, ஸமாத³ஹந்தோ பஜானாதி.
Saddahanto paggaṇhāti, paggaṇhanto saddahati. Saddahanto upaṭṭhāpeti, upaṭṭhāpento saddahati. Saddahanto samādahati, samādahanto saddahati. Saddahanto pajānāti, pajānanto saddahati. Paggaṇhanto upaṭṭhāpeti, upaṭṭhāpento paggaṇhāti. Paggaṇhanto samādahati, samādahanto paggaṇhāti. Paggaṇhanto pajānāti, pajānanto paggaṇhāti. Paggaṇhanto saddahati, saddahanto paggaṇhāti. Upaṭṭhāpento samādahati, samādahanto upaṭṭhāpeti. Upaṭṭhāpento pajānāti, pajānanto upaṭṭhāpeti. Upaṭṭhāpento saddahati, saddahanto upaṭṭhāpeti. Upaṭṭhāpento paggaṇhāti, paggaṇhanto upaṭṭhāpeti. Samādahanto pajānāti, pajānanto samādahati. Samādahanto saddahati, saddahanto samādahati. Samādahanto paggaṇhāti, paggaṇhanto samādahati. Samādahanto upaṭṭhāpeti, upaṭṭhāpento samādahati. Pajānanto saddahati, saddahanto pajānāti. Pajānanto paggaṇhāti, paggaṇhanto pajānāti. Pajānanto upaṭṭhāpeti, upaṭṭhāpento pajānāti. Pajānanto samādahati, samādahanto pajānāti.
ஸத்³த³ஹிதத்தா பக்³க³ஹிதங், பக்³க³ஹிதத்தா ஸத்³த³ஹிதங். ஸத்³த³ஹிதத்தா உபட்டா²பிதங், உபட்டா²பிதத்தா ஸத்³த³ஹிதங். ஸத்³த³ஹிதத்தா ஸமாத³ஹிதங், ஸமாத³ஹிதத்தா ஸத்³த³ஹிதங். ஸத்³த³ஹிதத்தா பஜானிதங், பஜானிதத்தா ஸத்³த³ஹிதங். பக்³க³ஹிதத்தா உபட்டா²பிதங் , உபட்டா²பிதத்தா பக்³க³ஹிதங். பக்³க³ஹிதத்தா ஸமாத³ஹிதங், ஸமாத³ஹிதத்தா பக்³க³ஹிதங். பக்³க³ஹிதத்தா பஜானிதங் பஜானிதத்தா பக்³க³ஹிதங். பக்³க³ஹிதத்தா ஸத்³த³ஹிதங், ஸத்³த³ஹிதத்தா பக்³க³ஹிதங். உபட்டா²பிதத்தா ஸமாத³ஹிதங், ஸமாத³ஹிதத்தா உபட்டா²பிதங். உபட்டா²பிதத்தா பஜானிதங், பஜானிதத்தா உபட்டா²பிதங். உபட்டா²பிதத்தா ஸத்³த³ஹிதங், ஸத்³த³ஹிதத்தா உபட்டா²பிதங். உபட்டா²பிதத்தா பக்³க³ஹிதங், பக்³க³ஹிதத்தா உபட்டா²பிதங். ஸமாத³ஹிதத்தா பஜானிதங், பஜானிதத்தா ஸமாத³ஹிதங். ஸமாத³ஹிதத்தா ஸத்³த³ஹிதங், ஸத்³த³ஹிதத்தா ஸமாத³ஹிதங். ஸமாத³ஹிதத்தா பக்³க³ஹிதங், பக்³க³ஹிதத்தா ஸமாத³ஹிதங். ஸமாத³ஹிதத்தா உபட்டா²பிதங், உபட்டா²பிதத்தா ஸமாத³ஹிதங். பஜானிதத்தா ஸத்³த³ஹிதங், ஸத்³த³ஹிதத்தா பஜானிதங். பஜானிதத்தா பக்³க³ஹிதங், பக்³க³ஹிதத்தா பஜானிதங். பஜானிதத்தா உபட்டா²பிதங், உபட்டா²பிதத்தா பஜானிதங். பஜானிதத்தா ஸமாத³ஹிதங், ஸமாத³ஹிதத்தா பஜானிதங்.
Saddahitattā paggahitaṃ, paggahitattā saddahitaṃ. Saddahitattā upaṭṭhāpitaṃ, upaṭṭhāpitattā saddahitaṃ. Saddahitattā samādahitaṃ, samādahitattā saddahitaṃ. Saddahitattā pajānitaṃ, pajānitattā saddahitaṃ. Paggahitattā upaṭṭhāpitaṃ , upaṭṭhāpitattā paggahitaṃ. Paggahitattā samādahitaṃ, samādahitattā paggahitaṃ. Paggahitattā pajānitaṃ pajānitattā paggahitaṃ. Paggahitattā saddahitaṃ, saddahitattā paggahitaṃ. Upaṭṭhāpitattā samādahitaṃ, samādahitattā upaṭṭhāpitaṃ. Upaṭṭhāpitattā pajānitaṃ, pajānitattā upaṭṭhāpitaṃ. Upaṭṭhāpitattā saddahitaṃ, saddahitattā upaṭṭhāpitaṃ. Upaṭṭhāpitattā paggahitaṃ, paggahitattā upaṭṭhāpitaṃ. Samādahitattā pajānitaṃ, pajānitattā samādahitaṃ. Samādahitattā saddahitaṃ, saddahitattā samādahitaṃ. Samādahitattā paggahitaṃ, paggahitattā samādahitaṃ. Samādahitattā upaṭṭhāpitaṃ, upaṭṭhāpitattā samādahitaṃ. Pajānitattā saddahitaṃ, saddahitattā pajānitaṃ. Pajānitattā paggahitaṃ, paggahitattā pajānitaṃ. Pajānitattā upaṭṭhāpitaṃ, upaṭṭhāpitattā pajānitaṃ. Pajānitattā samādahitaṃ, samādahitattā pajānitaṃ.
யங் பு³த்³த⁴சக்கு² தங் பு³த்³த⁴ஞாணங், யங் பு³த்³த⁴ஞாணங் தங் பு³த்³த⁴சக்கு², யேன சக்கு²னா ததா²க³தோ ஸத்தே பஸ்ஸதி அப்பரஜக்கே² மஹாரஜக்கே² திக்கி²ந்த்³ரியே முதி³ந்த்³ரியே ஸ்வாகாரே த்³வாகாரே ஸுவிஞ்ஞாபயே து³விஞ்ஞாபயே அப்பேகச்சே பரலோகவஜ்ஜப⁴யத³ஸ்ஸாவினோ 5, அப்பேகச்சே நபரலோகவஜ்ஜப⁴யத³ஸ்ஸாவினோ.
Yaṃ buddhacakkhu taṃ buddhañāṇaṃ, yaṃ buddhañāṇaṃ taṃ buddhacakkhu, yena cakkhunā tathāgato satte passati apparajakkhe mahārajakkhe tikkhindriye mudindriye svākāre dvākāre suviññāpaye duviññāpaye appekacce paralokavajjabhayadassāvino 6, appekacce naparalokavajjabhayadassāvino.
அப்பரஜக்கே² மஹாரஜக்கே²தி ஸத்³தோ⁴ புக்³க³லோ அப்பரஜக்கோ², அஸ்ஸத்³தோ⁴ புக்³க³லோ மஹாரஜக்கோ². ஆரத்³த⁴வீரியோ புக்³க³லோ அப்பரஜக்கோ², குஸீதோ புக்³க³லோ மஹாரஜக்கோ². உபட்டி²தஸ்ஸதி புக்³க³லோ அப்பரஜக்கோ², முட்ட²ஸ்ஸதி புக்³க³லோ மஹாரஜக்கோ². ஸமாஹிதோ புக்³க³லோ அப்பரஜக்கோ², அஸமாஹிதோ புக்³க³லோ மஹாரஜக்கோ². பஞ்ஞவா புக்³க³லோ அப்பரஜக்கோ², து³ப்பஞ்ஞோ புக்³க³லோ மஹாரஜக்கோ².
Apparajakkhe mahārajakkheti saddho puggalo apparajakkho, assaddho puggalo mahārajakkho. Āraddhavīriyo puggalo apparajakkho, kusīto puggalo mahārajakkho. Upaṭṭhitassati puggalo apparajakkho, muṭṭhassati puggalo mahārajakkho. Samāhito puggalo apparajakkho, asamāhito puggalo mahārajakkho. Paññavā puggalo apparajakkho, duppañño puggalo mahārajakkho.
திக்கி²ந்த்³ரியே முதி³ந்த்³ரியேதி ஸத்³தோ⁴ புக்³க³லோ திக்கி²ந்த்³ரியோ, அஸ்ஸத்³தோ⁴ புக்³க³லோ முதி³ந்த்³ரியோ…பே॰… பஞ்ஞவா புக்³க³லோ திக்கி²ந்த்³ரியோ, து³ப்பஞ்ஞோ புக்³க³லோ முதி³ந்த்³ரியோ. ஸ்வாகாரே த்³வாகாரேதி ஸத்³தோ⁴ புக்³க³லோ ஸ்வாகாரோ, அஸ்ஸத்³தோ⁴ புக்³க³லோ த்³வாகாரோ…பே॰… பஞ்ஞவா புக்³க³லோ ஸ்வாகாரோ, து³ப்பஞ்ஞோ புக்³க³லோ த்³வாகாரோ. ஸுவிஞ்ஞாபயே து³விஞ்ஞாபயேதி ஸத்³தோ⁴ புக்³க³லோ ஸுவிஞ்ஞாபயோ, அஸ்ஸத்³தோ⁴ புக்³க³லோ து³விஞ்ஞாபயோ…பே॰… பஞ்ஞவா புக்³க³லோ ஸுவிஞ்ஞாபயோ, து³ப்பஞ்ஞோ புக்³க³லோ து³விஞ்ஞாபயோ.
Tikkhindriye mudindriyeti saddho puggalo tikkhindriyo, assaddho puggalo mudindriyo…pe… paññavā puggalo tikkhindriyo, duppañño puggalo mudindriyo. Svākāre dvākāreti saddho puggalo svākāro, assaddho puggalo dvākāro…pe… paññavā puggalo svākāro, duppañño puggalo dvākāro. Suviññāpaye duviññāpayeti saddho puggalo suviññāpayo, assaddho puggalo duviññāpayo…pe… paññavā puggalo suviññāpayo, duppañño puggalo duviññāpayo.
அப்பேகச்சே பரலோகவஜ்ஜப⁴யத³ஸ்ஸாவினோ, அப்பேகச்சே நபரலோகவஜ்ஜப⁴யத³ஸ்ஸாவினோதி ஸத்³தோ⁴ புக்³க³லோ பரலோகவஜ்ஜப⁴யத³ஸ்ஸாவீ, அஸ்ஸத்³தோ⁴ புக்³க³லோ நபரலோகவஜ்ஜப⁴யத³ஸ்ஸாவீ. ஆரத்³த⁴வீரியோ புக்³க³லோ பரலோகவஜ்ஜப⁴யத³ஸ்ஸாவீ , குஸீதோ புக்³க³லோ நபரலோகவஜ்ஜப⁴யத³ஸ்ஸாவீ…பே॰… பஞ்ஞவா புக்³க³லோ பரலோகவஜ்ஜப⁴யத³ஸ்ஸாவீ, து³ப்பஞ்ஞோ புக்³க³லோ நபரலோகவஜ்ஜப⁴யத³ஸ்ஸாவீ.
Appekacceparalokavajjabhayadassāvino, appekacce naparalokavajjabhayadassāvinoti saddho puggalo paralokavajjabhayadassāvī, assaddho puggalo naparalokavajjabhayadassāvī. Āraddhavīriyo puggalo paralokavajjabhayadassāvī , kusīto puggalo naparalokavajjabhayadassāvī…pe… paññavā puggalo paralokavajjabhayadassāvī, duppañño puggalo naparalokavajjabhayadassāvī.
லோகோதி க²ந்த⁴லோகோ தா⁴துலோகோ ஆயதனலோகோ விபத்திப⁴வலோகோ விபத்திஸம்ப⁴வலோகோ ஸம்பத்திப⁴வலோகோ ஸம்பத்திஸம்ப⁴வலோகோ.
Lokoti khandhaloko dhātuloko āyatanaloko vipattibhavaloko vipattisambhavaloko sampattibhavaloko sampattisambhavaloko.
ஏகோ லோகோ – ஸப்³பே³ ஸத்தா ஆஹாரட்டி²திகா. த்³வே லோகா – நாமஞ்ச ரூபஞ்ச. தயோ லோகா – திஸ்ஸோ வேத³னா. சத்தாரோ லோகா – சத்தாரோ ஆஹாரா. பஞ்ச லோகா – பஞ்சுபாதா³னக்க²ந்தா⁴. ச² லோகா – ச² அஜ்ஜ²த்திகானி ஆயதனானி. ஸத்த லோகா – ஸத்த விஞ்ஞாணட்டி²தியோ. அட்ட² லோகா – அட்ட² லோகத⁴ம்மா. நவ லோகா – நவ ஸத்தாவாஸா. த³ஸ லோகா – த³ஸாயதனானி. த்³வாத³ஸ லோகா – த்³வாத³ஸாயதனானி. அட்டா²ரஸ லோகா – அட்டா²ரஸ தா⁴துயோ.
Eko loko – sabbe sattā āhāraṭṭhitikā. Dve lokā – nāmañca rūpañca. Tayo lokā – tisso vedanā. Cattāro lokā – cattāro āhārā. Pañca lokā – pañcupādānakkhandhā. Cha lokā – cha ajjhattikāni āyatanāni. Satta lokā – satta viññāṇaṭṭhitiyo. Aṭṭha lokā – aṭṭha lokadhammā. Nava lokā – nava sattāvāsā. Dasa lokā – dasāyatanāni. Dvādasa lokā – dvādasāyatanāni. Aṭṭhārasa lokā – aṭṭhārasa dhātuyo.
வஜ்ஜந்தி ஸப்³பே³ கிலேஸா வஜ்ஜா, ஸப்³பே³ து³ச்சரிதா வஜ்ஜா, ஸப்³பே³ அபி⁴ஸங்கா²ரா வஜ்ஜா, ஸப்³பே³ ப⁴வகா³மிகம்மா வஜ்ஜா. இதி இமஸ்மிஞ்ச லோகே இமஸ்மிஞ்ச வஜ்ஜே திப்³பா³ ப⁴யஸஞ்ஞா பச்சுபட்டி²தா ஹொந்தி, ஸெய்யதா²பி உக்கி²த்தாஸிகே வத⁴கே. இமேஹி பஞ்ஞாஸாய ஆகாரேஹி இமானி பஞ்சிந்த்³ரியானி ஜானாதி பஸ்ஸதி அஞ்ஞாதி படிவிஜ்ஜ²தீதி.
Vajjanti sabbe kilesā vajjā, sabbe duccaritā vajjā, sabbe abhisaṅkhārā vajjā, sabbe bhavagāmikammā vajjā. Iti imasmiñca loke imasmiñca vajje tibbā bhayasaññā paccupaṭṭhitā honti, seyyathāpi ukkhittāsike vadhake. Imehi paññāsāya ākārehi imāni pañcindriyāni jānāti passati aññāti paṭivijjhatīti.
இந்த்³ரியஸமோதா⁴னோ பஞ்சமோ.
Indriyasamodhāno pañcamo.
ததியபா⁴ணவாரோ.
Tatiyabhāṇavāro.
இந்த்³ரியகதா² நிட்டி²தா.
Indriyakathā niṭṭhitā.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā / 5. இந்த்³ரியஸமோதா⁴னவண்ணனா • 5. Indriyasamodhānavaṇṇanā
