| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi |
੫. ਇਨ੍ਦ੍ਰਿਯਸਮੋਧਾਨਂ
5. Indriyasamodhānaṃ
੨੦੪. ਪੁਥੁਜ੍ਜਨੋ ਸਮਾਧਿਂ ਭਾવੇਨ੍ਤੋ ਕਤਿਹਾਕਾਰੇਹਿ ਉਪਟ੍ਠਾਨਕੁਸਲੋ ਹੋਤਿ? ਸੇਕ੍ਖੋ ਸਮਾਧਿਂ ਭਾવੇਨ੍ਤੋ ਕਤਿਹਾਕਾਰੇਹਿ ਉਪਟ੍ਠਾਨਕੁਸਲੋ ਹੋਤਿ? વੀਤਰਾਗੋ ਸਮਾਧਿਂ ਭਾવੇਨ੍ਤੋ ਕਤਿਹਾਕਾਰੇਹਿ ਉਪਟ੍ਠਾਨਕੁਸਲੋ ਹੋਤਿ? ਪੁਥੁਜ੍ਜਨੋ ਸਮਾਧਿਂ ਭਾવੇਨ੍ਤੋ ਸਤ੍ਤਹਿ ਆਕਾਰੇਹਿ ਉਪਟ੍ਠਾਨਕੁਸਲੋ ਹੋਤਿ। ਸੇਕ੍ਖੋ ਸਮਾਧਿਂ ਭਾવੇਨ੍ਤੋ ਅਟ੍ਠਹਿ ਆਕਾਰੇਹਿ ਉਪਟ੍ਠਾਨਕੁਸਲੋ ਹੋਤਿ। વੀਤਰਾਗੋ ਸਮਾਧਿਂ ਭਾવੇਨ੍ਤੋ ਦਸਹਿ ਆਕਾਰੇਹਿ ਉਪਟ੍ਠਾਨਕੁਸਲੋ ਹੋਤਿ।
204. Puthujjano samādhiṃ bhāvento katihākārehi upaṭṭhānakusalo hoti? Sekkho samādhiṃ bhāvento katihākārehi upaṭṭhānakusalo hoti? Vītarāgo samādhiṃ bhāvento katihākārehi upaṭṭhānakusalo hoti? Puthujjano samādhiṃ bhāvento sattahi ākārehi upaṭṭhānakusalo hoti. Sekkho samādhiṃ bhāvento aṭṭhahi ākārehi upaṭṭhānakusalo hoti. Vītarāgo samādhiṃ bhāvento dasahi ākārehi upaṭṭhānakusalo hoti.
ਪੁਥੁਜ੍ਜਨੋ ਸਮਾਧਿਂ ਭਾવੇਨ੍ਤੋ ਕਤਮੇਹਿ ਸਤ੍ਤਹਾਕਾਰੇਹਿ ਉਪਟ੍ਠਾਨਕੁਸਲੋ ਹੋਤਿ? ਆવਜ੍ਜਿਤਤ੍ਤਾ ਆਰਮ੍ਮਣੂਪਟ੍ਠਾਨਕੁਸਲੋ ਹੋਤਿ, ਸਮਥਨਿਮਿਤ੍ਤੂਪਟ੍ਠਾਨਕੁਸਲੋ ਹੋਤਿ, ਪਗ੍ਗਹਨਿਮਿਤ੍ਤੂਪਟ੍ਠਾਨਕੁਸਲੋ ਹੋਤਿ, ਅવਿਕ੍ਖੇਪੂਪਟ੍ਠਾਨਕੁਸਲੋ ਹੋਤਿ, ਓਭਾਸੂਪਟ੍ਠਾਨਕੁਸਲੋ ਹੋਤਿ, ਸਮ੍ਪਹਂਸਨੂਪਟ੍ਠਾਨਕੁਸਲੋ ਹੋਤਿ, ਉਪੇਕ੍ਖੂਪਟ੍ਠਾਨਕੁਸਲੋ ਹੋਤਿ – ਪੁਥੁਜ੍ਜਨੋ ਸਮਾਧਿਂ ਭਾવੇਨ੍ਤੋ ਇਮੇਹਿ ਸਤ੍ਤਹਿ ਆਕਾਰੇਹਿ ਉਪਟ੍ਠਾਨਕੁਸਲੋ ਹੋਤਿ।
Puthujjano samādhiṃ bhāvento katamehi sattahākārehi upaṭṭhānakusalo hoti? Āvajjitattā ārammaṇūpaṭṭhānakusalo hoti, samathanimittūpaṭṭhānakusalo hoti, paggahanimittūpaṭṭhānakusalo hoti, avikkhepūpaṭṭhānakusalo hoti, obhāsūpaṭṭhānakusalo hoti, sampahaṃsanūpaṭṭhānakusalo hoti, upekkhūpaṭṭhānakusalo hoti – puthujjano samādhiṃ bhāvento imehi sattahi ākārehi upaṭṭhānakusalo hoti.
ਸੇਕ੍ਖੋ ਸਮਾਧਿਂ ਭਾવੇਨ੍ਤੋ ਕਤਮੇਹਿ ਅਟ੍ਠਹਿ ਆਕਾਰੇਹਿ ਉਪਟ੍ਠਾਨਕੁਸਲੋ ਹੋਤਿ? ਆવਜ੍ਜਿਤਤ੍ਤਾ ਆਰਮ੍ਮਣੂਪਟ੍ਠਾਨਕੁਸਲੋ ਹੋਤਿ, ਸਮਥਨਿਮਿਤ੍ਤੂਪਟ੍ਠਾਨਕੁਸਲੋ ਹੋਤਿ, ਪਗ੍ਗਹਨਿਮਿਤ੍ਤੂਪਟ੍ਠਾਨਕੁਸਲੋ ਹੋਤਿ, ਅવਿਕ੍ਖੇਪੂਪਟ੍ਠਾਨਕੁਸਲੋ ਹੋਤਿ, ਓਭਾਸੂਪਟ੍ਠਾਨਕੁਸਲੋ ਹੋਤਿ, ਸਮ੍ਪਹਂਸਨੂਪਟ੍ਠਾਨਕੁਸਲੋ ਹੋਤਿ, ਉਪੇਕ੍ਖੂਪਟ੍ਠਾਨਕੁਸਲੋ ਹੋਤਿ, ਏਕਤ੍ਤੂਪਟ੍ਠਾਨਕੁਸਲੋ ਹੋਤਿ – ਸੇਕ੍ਖੋ ਸਮਾਧਿਂ ਭਾવੇਨ੍ਤੋ ਇਮੇਹਿ ਅਟ੍ਠਹਿ ਆਕਾਰੇਹਿ ਉਪਟ੍ਠਾਨਕੁਸਲੋ ਹੋਤਿ।
Sekkho samādhiṃ bhāvento katamehi aṭṭhahi ākārehi upaṭṭhānakusalo hoti? Āvajjitattā ārammaṇūpaṭṭhānakusalo hoti, samathanimittūpaṭṭhānakusalo hoti, paggahanimittūpaṭṭhānakusalo hoti, avikkhepūpaṭṭhānakusalo hoti, obhāsūpaṭṭhānakusalo hoti, sampahaṃsanūpaṭṭhānakusalo hoti, upekkhūpaṭṭhānakusalo hoti, ekattūpaṭṭhānakusalo hoti – sekkho samādhiṃ bhāvento imehi aṭṭhahi ākārehi upaṭṭhānakusalo hoti.
વੀਤਰਾਗੋ ਸਮਾਧਿਂ ਭਾવੇਨ੍ਤੋ ਕਤਮੇਹਿ ਦਸਹਿ ਆਕਾਰੇਹਿ ਉਪਟ੍ਠਾਨਕੁਸਲੋ ਹੋਤਿ? ਆવਜ੍ਜਿਤਤ੍ਤਾ ਆਰਮ੍ਮਣੂਪਟ੍ਠਾਨਕੁਸਲੋ ਹੋਤਿ…ਪੇ॰… ਏਕਤ੍ਤੂਪਟ੍ਠਾਨਕੁਸਲੋ ਹੋਤਿ, ਞਾਣੂਪਟ੍ਠਾਨਕੁਸਲੋ ਹੋਤਿ, વਿਮੁਤ੍ਤੂਪਟ੍ਠਾਨਕੁਸਲੋ ਹੋਤਿ – વੀਤਰਾਗੋ ਸਮਾਧਿਂ ਭਾવੇਨ੍ਤੋ ਇਮੇਹਿ ਦਸਹਿ ਆਕਾਰੇਹਿ ਉਪਟ੍ਠਾਨਕੁਸਲੋ ਹੋਤਿ।
Vītarāgo samādhiṃ bhāvento katamehi dasahi ākārehi upaṭṭhānakusalo hoti? Āvajjitattā ārammaṇūpaṭṭhānakusalo hoti…pe… ekattūpaṭṭhānakusalo hoti, ñāṇūpaṭṭhānakusalo hoti, vimuttūpaṭṭhānakusalo hoti – vītarāgo samādhiṃ bhāvento imehi dasahi ākārehi upaṭṭhānakusalo hoti.
੨੦੫. ਪੁਥੁਜ੍ਜਨੋ વਿਪਸ੍ਸਨਂ ਭਾવੇਨ੍ਤੋ ਕਤਿਹਾਕਾਰੇਹਿ ਉਪਟ੍ਠਾਨਕੁਸਲੋ ਹੋਤਿ, ਕਤਿਹਾਕਾਰੇਹਿ ਅਨੁਪਟ੍ਠਾਨਕੁਸਲੋ ਹੋਤਿ? ਸੇਕ੍ਖੋ વਿਪਸ੍ਸਨਂ ਭਾવੇਨ੍ਤੋ ਕਤਿਹਾਕਾਰੇਹਿ ਉਪਟ੍ਠਾਨਕੁਸਲੋ ਹੋਤਿ , ਕਤਿਹਾਕਾਰੇਹਿ ਅਨੁਪਟ੍ਠਾਨਕੁਸਲੋ ਹੋਤਿ? વੀਤਰਾਗੋ વਿਪਸ੍ਸਨਂ ਭਾવੇਨ੍ਤੋ ਕਤਿਹਾਕਾਰੇਹਿ ਉਪਟ੍ਠਾਨਕੁਸਲੋ ਹੋਤਿ, ਕਤਿਹਾਕਾਰੇਹਿ ਅਨੁਪਟ੍ਠਾਨਕੁਸਲੋ ਹੋਤਿ?
205. Puthujjano vipassanaṃ bhāvento katihākārehi upaṭṭhānakusalo hoti, katihākārehi anupaṭṭhānakusalo hoti? Sekkho vipassanaṃ bhāvento katihākārehi upaṭṭhānakusalo hoti , katihākārehi anupaṭṭhānakusalo hoti? Vītarāgo vipassanaṃ bhāvento katihākārehi upaṭṭhānakusalo hoti, katihākārehi anupaṭṭhānakusalo hoti?
ਪੁਥੁਜ੍ਜਨੋ વਿਪਸ੍ਸਨਂ ਭਾવੇਨ੍ਤੋ ਨવਹਿ ਆਕਾਰੇਹਿ ਉਪਟ੍ਠਾਨਕੁਸਲੋ ਹੋਤਿ, ਨવਹਿ ਆਕਾਰੇਹਿ ਅਨੁਪਟ੍ਠਾਨਕੁਸਲੋ ਹੋਤਿ। ਸੇਕ੍ਖੋ વਿਪਸ੍ਸਨਂ ਭਾવੇਨ੍ਤੋ ਦਸਹਿ ਆਕਾਰੇਹਿ ਉਪਟ੍ਠਾਨਕੁਸਲੋ ਹੋਤਿ, ਦਸਹਿ ਆਕਾਰੇਹਿ ਅਨੁਪਟ੍ਠਾਨਕੁਸਲੋ ਹੋਤਿ। વੀਤਰਾਗੋ વਿਪਸ੍ਸਨਂ ਭਾવੇਨ੍ਤੋ ਦ੍વਾਦਸਹਿ ਆਕਾਰੇਹਿ ਉਪਟ੍ਠਾਨਕੁਸਲੋ ਹੋਤਿ, ਦ੍વਾਦਸਹਿ ਆਕਾਰੇਹਿ ਅਨੁਪਟ੍ਠਾਨਕੁਸਲੋ ਹੋਤਿ।
Puthujjano vipassanaṃ bhāvento navahi ākārehi upaṭṭhānakusalo hoti, navahi ākārehi anupaṭṭhānakusalo hoti. Sekkho vipassanaṃ bhāvento dasahi ākārehi upaṭṭhānakusalo hoti, dasahi ākārehi anupaṭṭhānakusalo hoti. Vītarāgo vipassanaṃ bhāvento dvādasahi ākārehi upaṭṭhānakusalo hoti, dvādasahi ākārehi anupaṭṭhānakusalo hoti.
ਪੁਥੁਜ੍ਜਨੋ વਿਪਸ੍ਸਨਂ ਭਾવੇਨ੍ਤੋ ਕਤਮੇਹਿ ਨવਹਿ ਆਕਾਰੇਹਿ ਉਪਟ੍ਠਾਨਕੁਸਲੋ ਹੋਤਿ, ਕਤਮੇਹਿ ਨવਹਿ ਆਕਾਰੇਹਿ ਅਨੁਪਟ੍ਠਾਨਕੁਸਲੋ ਹੋਤਿ? ਅਨਿਚ੍ਚਤੋ ਉਪਟ੍ਠਾਨਕੁਸਲੋ ਹੋਤਿ, ਨਿਚ੍ਚਤੋ ਅਨੁਪਟ੍ਠਾਨਕੁਸਲੋ ਹੋਤਿ। ਦੁਕ੍ਖਤੋ ਉਪਟ੍ਠਾਨਕੁਸਲੋ ਹੋਤਿ, ਸੁਖਤੋ ਅਨੁਪਟ੍ਠਾਨਕੁਸਲੋ ਹੋਤਿ। ਅਨਤ੍ਤਤੋ ਉਪਟ੍ਠਾਨਕੁਸਲੋ ਹੋਤਿ, ਅਤ੍ਤਤੋ ਅਨੁਪਟ੍ਠਾਨਕੁਸਲੋ ਹੋਤਿ। ਖਯਤੋ ਉਪਟ੍ਠਾਨਕੁਸਲੋ ਹੋਤਿ, ਘਨਤੋ ਅਨੁਪਟ੍ਠਾਨਕੁਸਲੋ ਹੋਤਿ। વਯਤੋ ਉਪਟ੍ਠਾਨਕੁਸਲੋ ਹੋਤਿ, ਆਯੂਹਨਾਨੁਪਟ੍ਠਾਨਕੁਸਲੋ ਹੋਤਿ। વਿਪਰਿਣਾਮੂਪਟ੍ਠਾਨਕੁਸਲੋ ਹੋਤਿ, ਧੁવਤੋ ਅਨੁਪਟ੍ਠਾਨਕੁਸਲੋ ਹੋਤਿ। ਅਨਿਮਿਤ੍ਤੂਪਟ੍ਠਾਨਕੁਸਲੋ ਹੋਤਿ, ਨਿਮਿਤ੍ਤਾਨੁਪਟ੍ਠਾਨਕੁਸਲੋ ਹੋਤਿ। ਅਪ੍ਪਣਿਹਿਤੂਪਟ੍ਠਾਨਕੁਸਲੋ ਹੋਤਿ, ਪਣਿਧਿਅਨੁਪਟ੍ਠਾਨਕੁਸਲੋ 1 ਹੋਤਿ। ਸੁਞ੍ਞਤੂਪਟ੍ਠਾਨਕੁਸਲੋ ਹੋਤਿ, ਅਭਿਨਿવੇਸਾਨੁਪਟ੍ਠਾਨਕੁਸਲੋ ਹੋਤਿ – ਪੁਥੁਜ੍ਜਨੋ વਿਪਸ੍ਸਨਂ ਭਾવੇਨ੍ਤੋ ਇਮੇਹਿ ਨવਹਿ ਆਕਾਰੇਹਿ ਉਪਟ੍ਠਾਨਕੁਸਲੋ ਹੋਤਿ, ਇਮੇਹਿ ਨવਹਿ ਆਕਾਰੇਹਿ ਅਨੁਪਟ੍ਠਾਨਕੁਸਲੋ ਹੋਤਿ।
Puthujjano vipassanaṃ bhāvento katamehi navahi ākārehi upaṭṭhānakusalo hoti, katamehi navahi ākārehi anupaṭṭhānakusalo hoti? Aniccato upaṭṭhānakusalo hoti, niccato anupaṭṭhānakusalo hoti. Dukkhato upaṭṭhānakusalo hoti, sukhato anupaṭṭhānakusalo hoti. Anattato upaṭṭhānakusalo hoti, attato anupaṭṭhānakusalo hoti. Khayato upaṭṭhānakusalo hoti, ghanato anupaṭṭhānakusalo hoti. Vayato upaṭṭhānakusalo hoti, āyūhanānupaṭṭhānakusalo hoti. Vipariṇāmūpaṭṭhānakusalo hoti, dhuvato anupaṭṭhānakusalo hoti. Animittūpaṭṭhānakusalo hoti, nimittānupaṭṭhānakusalo hoti. Appaṇihitūpaṭṭhānakusalo hoti, paṇidhianupaṭṭhānakusalo 2 hoti. Suññatūpaṭṭhānakusalo hoti, abhinivesānupaṭṭhānakusalo hoti – puthujjano vipassanaṃ bhāvento imehi navahi ākārehi upaṭṭhānakusalo hoti, imehi navahi ākārehi anupaṭṭhānakusalo hoti.
੨੦੬. ਸੇਕ੍ਖੋ વਿਪਸ੍ਸਨਂ ਭਾવੇਨ੍ਤੋ ਕਤਮੇਹਿ ਦਸਹਿ ਆਕਾਰੇਹਿ ਉਪਟ੍ਠਾਨਕੁਸਲੋ ਹੋਤਿ, ਕਤਮੇਹਿ ਦਸਹਿ ਆਕਾਰੇਹਿ ਅਨੁਪਟ੍ਠਾਨਕੁਸਲੋ ਹੋਤਿ? ਅਨਿਚ੍ਚਤੋ ਉਪਟ੍ਠਾਨਕੁਸਲੋ ਹੋਤਿ, ਨਿਚ੍ਚਤੋ ਅਨੁਪਟ੍ਠਾਨਕੁਸਲੋ ਹੋਤਿ…ਪੇ॰… ਸੁਞ੍ਞਤੂਪਟ੍ਠਾਨਕੁਸਲੋ ਹੋਤਿ, ਅਭਿਨਿવੇਸਾਨੂਪਟ੍ਠਾਨਕੁਸਲੋ ਹੋਤਿ। ਞਾਣੂਪਟ੍ਠਾਨਕੁਸਲੋ ਹੋਤਿ, ਅਞਾਣਅਨੁਪਟ੍ਠਾਨਕੁਸਲੋ ਹੋਤਿ – ਸੇਕ੍ਖੋ વਿਪਸ੍ਸਨਂ ਭਾવੇਨ੍ਤੋ ਇਮੇਹਿ ਦਸਹਿ ਆਕਾਰੇਹਿ ਉਪਟ੍ਠਾਨਕੁਸਲੋ ਹੋਤਿ, ਇਮੇਹਿ ਦਸਹਿ ਆਕਾਰੇਹਿ ਅਨੁਪਟ੍ਠਾਨਕੁਸਲੋ ਹੋਤਿ।
206. Sekkho vipassanaṃ bhāvento katamehi dasahi ākārehi upaṭṭhānakusalo hoti, katamehi dasahi ākārehi anupaṭṭhānakusalo hoti? Aniccato upaṭṭhānakusalo hoti, niccato anupaṭṭhānakusalo hoti…pe… suññatūpaṭṭhānakusalo hoti, abhinivesānūpaṭṭhānakusalo hoti. Ñāṇūpaṭṭhānakusalo hoti, añāṇaanupaṭṭhānakusalo hoti – sekkho vipassanaṃ bhāvento imehi dasahi ākārehi upaṭṭhānakusalo hoti, imehi dasahi ākārehi anupaṭṭhānakusalo hoti.
વੀਤਰਾਗੋ વਿਪਸ੍ਸਨਂ ਭਾવੇਨ੍ਤੋ ਕਤਮੇਹਿ ਦ੍વਾਦਸਹਿ ਆਕਾਰੇਹਿ ਉਪਟ੍ਠਾਨਕੁਸਲੋ ਹੋਤਿ, ਕਤਮੇਹਿ ਦ੍વਾਦਸਹਿ ਆਕਾਰੇਹਿ ਅਨੁਪਟ੍ਠਾਨਕੁਸਲੋ ਹੋਤਿ? ਅਨਿਚ੍ਚਤੋ ਉਪਟ੍ਠਾਨਕੁਸਲੋ ਹੋਤਿ, ਨਿਚ੍ਚਤੋ ਅਨੁਪਟ੍ਠਾਨਕੁਸਲੋ ਹੋਤਿ…ਪੇ॰… ਞਾਣੂਪਟ੍ਠਾਨਕੁਸਲੋ ਹੋਤਿ, ਅਞਾਣਾਨੁਪਟ੍ਠਾਨਕੁਸਲੋ ਹੋਤਿ। વਿਸਞ੍ਞੋਗੂਪਟ੍ਠਾਨਕੁਸਲੋ ਹੋਤਿ, ਸਞ੍ਞੋਗਾਨੁਪਟ੍ਠਾਨਕੁਸਲੋ ਹੋਤਿ। ਨਿਰੋਧੂਪਟ੍ਠਾਨਕੁਸਲੋ ਹੋਤਿ, ਸਙ੍ਖਾਰਾਨੁਪਟ੍ਠਾਨਕੁਸਲੋ ਹੋਤਿ – વੀਤਰਾਗੋ વਿਪਸ੍ਸਨਂ ਭਾવੇਨ੍ਤੋ ਇਮੇਹਿ ਦ੍વਾਦਸਹਿ ਆਕਾਰੇਹਿ ਉਪਟ੍ਠਾਨਕੁਸਲੋ ਹੋਤਿ, ਇਮੇਹਿ ਦ੍વਾਦਸਹਿ ਆਕਾਰੇਹਿ ਅਨੁਪਟ੍ਠਾਨਕੁਸਲੋ ਹੋਤਿ।
Vītarāgo vipassanaṃ bhāvento katamehi dvādasahi ākārehi upaṭṭhānakusalo hoti, katamehi dvādasahi ākārehi anupaṭṭhānakusalo hoti? Aniccato upaṭṭhānakusalo hoti, niccato anupaṭṭhānakusalo hoti…pe… ñāṇūpaṭṭhānakusalo hoti, añāṇānupaṭṭhānakusalo hoti. Visaññogūpaṭṭhānakusalo hoti, saññogānupaṭṭhānakusalo hoti. Nirodhūpaṭṭhānakusalo hoti, saṅkhārānupaṭṭhānakusalo hoti – vītarāgo vipassanaṃ bhāvento imehi dvādasahi ākārehi upaṭṭhānakusalo hoti, imehi dvādasahi ākārehi anupaṭṭhānakusalo hoti.
ਆવਜ੍ਜਿਤਤ੍ਤਾ ਆਰਮ੍ਮਣੂਪਟ੍ਠਾਨਕੁਸਲવਸੇਨ ਇਨ੍ਦ੍ਰਿਯਾਨਿ ਸਮੋਧਾਨੇਤਿ, ਗੋਚਰਞ੍ਚ ਪਜਾਨਾਤਿ, ਸਮਤ੍ਥਞ੍ਚ ਪਟਿવਿਜ੍ਝਤਿ…ਪੇ॰… ਧਮ੍ਮੇ ਸਮੋਧਾਨੇਤਿ, ਗੋਚਰਞ੍ਚ ਪਜਾਨਾਤਿ, ਸਮਤ੍ਥਞ੍ਚ ਪਟਿવਿਜ੍ਝਤਿ। ਇਨ੍ਦ੍ਰਿਯਾਨਿ ਸਮੋਧਾਨੇਤੀਤਿ ਕਥਂ ਇਨ੍ਦ੍ਰਿਯਾਨਿ ਸਮੋਧਾਨੇਤਿ? ਅਧਿਮੋਕ੍ਖਟ੍ਠੇਨ ਸਦ੍ਧਿਨ੍ਦ੍ਰਿਯਂ ਸਮੋਧਾਨੇਤਿ…ਪੇ॰… ਸਮਥਨਿਮਿਤ੍ਤੂਪਟ੍ਠਾਨਕੁਸਲવਸੇਨ, ਪਗ੍ਗਹਨਿਮਿਤ੍ਤੂਪਟ੍ਠਾਨਕੁਸਲવਸੇਨ, ਅવਿਕ੍ਖੇਪੂਪਟ੍ਠਾਨਕੁਸਲવਸੇਨ, ਓਭਾਸੂਪਟ੍ਠਾਨਕੁਸਲવਸੇਨ, ਸਮ੍ਪਹਂਸਨੂਪਟ੍ਠਾਨਕੁਸਲવਸੇਨ, ਉਪੇਕ੍ਖੂਪਟ੍ਠਾਨਕੁਸਲવਸੇਨ , ਏਕਤ੍ਤੂਪਟ੍ਠਾਨਕੁਸਲવਸੇਨ, ਞਾਣੂਪਟ੍ਠਾਨਕੁਸਲવਸੇਨ, વਿਮੁਤ੍ਤੂਪਟ੍ਠਾਨਕੁਸਲવਸੇਨ।
Āvajjitattā ārammaṇūpaṭṭhānakusalavasena indriyāni samodhāneti, gocarañca pajānāti, samatthañca paṭivijjhati…pe… dhamme samodhāneti, gocarañca pajānāti, samatthañca paṭivijjhati. Indriyāni samodhānetīti kathaṃ indriyāni samodhāneti? Adhimokkhaṭṭhena saddhindriyaṃ samodhāneti…pe… samathanimittūpaṭṭhānakusalavasena, paggahanimittūpaṭṭhānakusalavasena, avikkhepūpaṭṭhānakusalavasena, obhāsūpaṭṭhānakusalavasena, sampahaṃsanūpaṭṭhānakusalavasena, upekkhūpaṭṭhānakusalavasena , ekattūpaṭṭhānakusalavasena, ñāṇūpaṭṭhānakusalavasena, vimuttūpaṭṭhānakusalavasena.
ਅਨਿਚ੍ਚਤੋ ਉਪਟ੍ਠਾਨਕੁਸਲવਸੇਨ, ਨਿਚ੍ਚਤੋ ਅਨੁਪਟ੍ਠਾਨਕੁਸਲવਸੇਨ, ਦੁਕ੍ਖਤੋ ਉਪਟ੍ਠਾਨਕੁਸਲવਸੇਨ, ਸੁਖਤੋ ਅਨੁਪਟ੍ਠਾਨਕੁਸਲવਸੇਨ, ਅਨਤ੍ਤਤੋ ਉਪਟ੍ਠਾਨਕੁਸਲવਸੇਨ, ਅਤ੍ਤਤੋ ਅਨੁਪਟ੍ਠਾਨਕੁਸਲવਸੇਨ, ਖਯਤੋ ਉਪਟ੍ਠਾਨਕੁਸਲવਸੇਨ, ਘਨਤੋ ਅਨੁਪਟ੍ਠਾਨਕੁਸਲવਸੇਨ, વਯਤੋ ਉਪਟ੍ਠਾਨਕੁਸਲવਸੇਨ, ਆਯੂਹਨਾਨੁਪਟ੍ਠਾਨਕੁਸਲવਸੇਨ, વਿਪਰਿਣਾਮੂਪਟ੍ਠਾਨਕੁਸਲવਸੇਨ, ਧੁવਤੋ ਅਨੁਪਟ੍ਠਾਨਕੁਸਲવਸੇਨ, ਅਨਿਮਿਤ੍ਤੂਪਟ੍ਠਾਨਕੁਸਲવਸੇਨ, ਨਿਮਿਤ੍ਤਾਨੁਪਟ੍ਠਾਨਕੁਸਲવਸੇਨ, ਅਪ੍ਪਣਿਹਿਤੂਪਟ੍ਠਾਨਕੁਸਲવਸੇਨ, ਪਣਿਧਿਅਨੁਪਟ੍ਠਾਨਕੁਸਲવਸੇਨ, ਸੁਞ੍ਞਤੂਪਟ੍ਠਾਨਕੁਸਲવਸੇਨ, ਅਭਿਨਿવੇਸਾਨੁਪਟ੍ਠਾਨਕੁਸਲવਸੇਨ, ਞਾਣੂਪਟ੍ਠਾਨਕੁਸਲવਸੇਨ, ਅਞਾਣਾਨੁਪਟ੍ਠਾਨਕੁਸਲવਸੇਨ, વਿਸਞ੍ਞੋਗੂਪਟ੍ਠਾਨਕੁਸਲવਸੇਨ, ਸਞ੍ਞੋਗਾਨੁਪਟ੍ਠਾਨਕੁਸਲવਸੇਨ , ਨਿਰੋਧੂਪਟ੍ਠਾਨਕੁਸਲવਸੇਨ, ਸਙ੍ਖਾਰਾਨੁਪਟ੍ਠਾਨਕੁਸਲવਸੇਨ ਇਨ੍ਦ੍ਰਿਯਾਨਿ ਸਮੋਧਾਨੇਤਿ, ਗੋਚਰਞ੍ਚ ਪਜਾਨਾਤਿ, ਸਮਤ੍ਥਞ੍ਚ ਪਟਿવਿਜ੍ਝਤਿ।
Aniccato upaṭṭhānakusalavasena, niccato anupaṭṭhānakusalavasena, dukkhato upaṭṭhānakusalavasena, sukhato anupaṭṭhānakusalavasena, anattato upaṭṭhānakusalavasena, attato anupaṭṭhānakusalavasena, khayato upaṭṭhānakusalavasena, ghanato anupaṭṭhānakusalavasena, vayato upaṭṭhānakusalavasena, āyūhanānupaṭṭhānakusalavasena, vipariṇāmūpaṭṭhānakusalavasena, dhuvato anupaṭṭhānakusalavasena, animittūpaṭṭhānakusalavasena, nimittānupaṭṭhānakusalavasena, appaṇihitūpaṭṭhānakusalavasena, paṇidhianupaṭṭhānakusalavasena, suññatūpaṭṭhānakusalavasena, abhinivesānupaṭṭhānakusalavasena, ñāṇūpaṭṭhānakusalavasena, añāṇānupaṭṭhānakusalavasena, visaññogūpaṭṭhānakusalavasena, saññogānupaṭṭhānakusalavasena , nirodhūpaṭṭhānakusalavasena, saṅkhārānupaṭṭhānakusalavasena indriyāni samodhāneti, gocarañca pajānāti, samatthañca paṭivijjhati.
੨੦੭. ਚਤੁਸਟ੍ਠਿਯਾ ਆਕਾਰੇਹਿ ਤਿਣ੍ਣਨ੍ਨਂ ਇਨ੍ਦ੍ਰਿਯਾਨਂ વਸੀਭਾવਤਾਪਞ੍ਞਾ ਆਸવਾਨਂ ਖਯੇ ਞਾਣਂ। ਕਤਮੇਸਂ ਤਿਣ੍ਣਨ੍ਨਂ ਇਨ੍ਦ੍ਰਿਯਾਨਂ? ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਸ੍ਸ, ਅਞ੍ਞਿਨ੍ਦ੍ਰਿਯਸ੍ਸ, ਅਞ੍ਞਾਤਾવਿਨ੍ਦ੍ਰਿਯਸ੍ਸ।
207. Catusaṭṭhiyā ākārehi tiṇṇannaṃ indriyānaṃ vasībhāvatāpaññā āsavānaṃ khaye ñāṇaṃ. Katamesaṃ tiṇṇannaṃ indriyānaṃ? Anaññātaññassāmītindriyassa, aññindriyassa, aññātāvindriyassa.
ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਕਤਿ ਠਾਨਾਨਿ ਗਚ੍ਛਤਿ? ਅਞ੍ਞਿਨ੍ਦ੍ਰਿਯਂ ਕਤਿ ਠਾਨਾਨਿ ਗਚ੍ਛਤਿ? ਅਞ੍ਞਾਤਾવਿਨ੍ਦ੍ਰਿਯਂ ਕਤਿ ਠਾਨਾਨਿ ਗਚ੍ਛਤਿ? ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਏਕਂ ਠਾਨਂ ਗਚ੍ਛਤਿ – ਸੋਤਾਪਤ੍ਤਿਮਗ੍ਗਂ। ਅਞ੍ਞਿਨ੍ਦ੍ਰਿਯਂ ਛ ਠਾਨਾਨਿ ਗਚ੍ਛਤਿ – ਸੋਤਾਪਤ੍ਤਿਫਲਂ, ਸਕਦਾਗਾਮਿਮਗ੍ਗਂ, ਸਕਦਾਗਾਮਿਫਲਂ, ਅਨਾਗਾਮਿਮਗ੍ਗਂ, ਅਨਾਗਾਮਿਫਲਂ, ਅਰਹਤ੍ਤਮਗ੍ਗਂ। ਅਞ੍ਞਾਤਾવਿਨ੍ਦ੍ਰਿਯਂ ਏਕਂ ਠਾਨਂ ਗਚ੍ਛਤਿ – ਅਰਹਤ੍ਤਫਲਂ।
Anaññātaññassāmītindriyaṃ kati ṭhānāni gacchati? Aññindriyaṃ kati ṭhānāni gacchati? Aññātāvindriyaṃ kati ṭhānāni gacchati? Anaññātaññassāmītindriyaṃ ekaṃ ṭhānaṃ gacchati – sotāpattimaggaṃ. Aññindriyaṃ cha ṭhānāni gacchati – sotāpattiphalaṃ, sakadāgāmimaggaṃ, sakadāgāmiphalaṃ, anāgāmimaggaṃ, anāgāmiphalaṃ, arahattamaggaṃ. Aññātāvindriyaṃ ekaṃ ṭhānaṃ gacchati – arahattaphalaṃ.
ਸੋਤਾਪਤ੍ਤਿਮਗ੍ਗਕ੍ਖਣੇ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਸ੍ਸ ਸਦ੍ਧਿਨ੍ਦ੍ਰਿਯਂ ਅਧਿਮੋਕ੍ਖਪਰਿવਾਰਂ ਹੋਤਿ, વੀਰਿਯਿਨ੍ਦ੍ਰਿਯਂ ਪਗ੍ਗਹਪਰਿવਾਰਂ ਹੋਤਿ, ਸਤਿਨ੍ਦ੍ਰਿਯਂ ਉਪਟ੍ਠਾਨਪਰਿવਾਰਂ ਹੋਤਿ, ਸਮਾਧਿਨ੍ਦ੍ਰਿਯਂ ਅવਿਕ੍ਖੇਪਪਰਿવਾਰਂ ਹੋਤਿ, ਪਞ੍ਞਿਨ੍ਦ੍ਰਿਯਂ ਦਸ੍ਸਨਪਰਿવਾਰਂ ਹੋਤਿ, ਮਨਿਨ੍ਦ੍ਰਿਯਂ વਿਜਾਨਨਪਰਿવਾਰਂ ਹੋਤਿ, ਸੋਮਨਸ੍ਸਿਨ੍ਦ੍ਰਿਯਂ ਅਭਿਸਨ੍ਦਨਪਰਿવਾਰਂ ਹੋਤਿ, ਜੀવਿਤਿਨ੍ਦ੍ਰਿਯਂ ਪવਤ੍ਤਸਨ੍ਤਤਾਧਿਪਤੇਯ੍ਯਪਰਿવਾਰਂ ਹੋਤਿ। ਸੋਤਾਪਤ੍ਤਿਮਗ੍ਗਕ੍ਖਣੇ ਜਾਤਾ ਧਮ੍ਮਾ, ਠਪੇਤ੍વਾ ਚਿਤ੍ਤਸਮੁਟ੍ਠਾਨਂ ਰੂਪਂ, ਸਬ੍ਬੇવ ਕੁਸਲਾ ਹੋਨ੍ਤਿ, ਸਬ੍ਬੇવ ਅਨਾਸવਾ ਹੋਨ੍ਤਿ, ਸਬ੍ਬੇવ ਨਿਯ੍ਯਾਨਿਕਾ ਹੋਨ੍ਤਿ, ਸਬ੍ਬੇવ ਅਪਚਯਗਾਮਿਨੋ ਹੋਨ੍ਤਿ, ਸਬ੍ਬੇવ ਲੋਕੁਤ੍ਤਰਾ ਹੋਨ੍ਤਿ, ਸਬ੍ਬੇવ ਨਿਬ੍ਬਾਨਾਰਮ੍ਮਣਾ ਹੋਨ੍ਤਿ। ਸੋਤਾਪਤ੍ਤਿਮਗ੍ਗਕ੍ਖਣੇ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਸ੍ਸ ਇਮਾਨਿ ਅਟ੍ਠਿਨ੍ਦ੍ਰਿਯਾਨਿ ਸਹਜਾਤਪਰਿવਾਰਾ ਹੋਨ੍ਤਿ, ਅਞ੍ਞਮਞ੍ਞਪਰਿવਾਰਾ ਹੋਨ੍ਤਿ, ਨਿਸ੍ਸਯਪਰਿવਾਰਾ ਹੋਨ੍ਤਿ, ਸਮ੍ਪਯੁਤ੍ਤਪਰਿવਾਰਾ ਹੋਨ੍ਤਿ, ਸਹਗਤਾ ਹੋਨ੍ਤਿ, ਸਹਜਾਤਾ ਹੋਨ੍ਤਿ, ਸਂਸਟ੍ਠਾ ਹੋਨ੍ਤਿ, ਸਮ੍ਪਯੁਤ੍ਤਾ ਹੋਨ੍ਤਿ। ਤੇવ ਤਸ੍ਸ ਆਕਾਰਾ ਚੇવ ਹੋਨ੍ਤਿ ਪਰਿવਾਰਾ ਚ।
Sotāpattimaggakkhaṇe anaññātaññassāmītindriyassa saddhindriyaṃ adhimokkhaparivāraṃ hoti, vīriyindriyaṃ paggahaparivāraṃ hoti, satindriyaṃ upaṭṭhānaparivāraṃ hoti, samādhindriyaṃ avikkhepaparivāraṃ hoti, paññindriyaṃ dassanaparivāraṃ hoti, manindriyaṃ vijānanaparivāraṃ hoti, somanassindriyaṃ abhisandanaparivāraṃ hoti, jīvitindriyaṃ pavattasantatādhipateyyaparivāraṃ hoti. Sotāpattimaggakkhaṇe jātā dhammā, ṭhapetvā cittasamuṭṭhānaṃ rūpaṃ, sabbeva kusalā honti, sabbeva anāsavā honti, sabbeva niyyānikā honti, sabbeva apacayagāmino honti, sabbeva lokuttarā honti, sabbeva nibbānārammaṇā honti. Sotāpattimaggakkhaṇe anaññātaññassāmītindriyassa imāni aṭṭhindriyāni sahajātaparivārā honti, aññamaññaparivārā honti, nissayaparivārā honti, sampayuttaparivārā honti, sahagatā honti, sahajātā honti, saṃsaṭṭhā honti, sampayuttā honti. Teva tassa ākārā ceva honti parivārā ca.
ਸੋਤਾਪਤ੍ਤਿਫਲਕ੍ਖਣੇ…ਪੇ॰… ਅਰਹਤ੍ਤਫਲਕ੍ਖਣੇ ਅਞ੍ਞਾਤਾવਿਨ੍ਦ੍ਰਿਯਸ੍ਸ ਸਦ੍ਧਿਨ੍ਦ੍ਰਿਯਂ ਅਧਿਮੋਕ੍ਖਪਰਿવਾਰਂ ਹੋਤਿ…ਪੇ॰… ਜੀવਿਤਿਨ੍ਦ੍ਰਿਯਂ ਪવਤ੍ਤਸਨ੍ਤਤਾਧਿਪਤੇਯ੍ਯਪਰਿવਾਰਂ ਹੋਤਿ। ਅਰਹਤ੍ਤਫਲਕ੍ਖਣੇ ਜਾਤਾ ਧਮ੍ਮਾ ਸਬ੍ਬੇવ ਅਬ੍ਯਾਕਤਾ ਹੋਨ੍ਤਿ, ਠਪੇਤ੍વਾ ਚਿਤ੍ਤਸਮੁਟ੍ਠਾਨਂ ਰੂਪਂ ਸਬ੍ਬੇવ ਅਨਾਸવਾ ਹੋਨ੍ਤਿ, ਸਬ੍ਬੇવ ਲੋਕੁਤ੍ਤਰਾ ਹੋਨ੍ਤਿ, ਸਬ੍ਬੇવ ਨਿਬ੍ਬਾਨਾਰਮ੍ਮਣਾ ਹੋਨ੍ਤਿ। ਅਰਹਤ੍ਤਫਲਕ੍ਖਣੇ ਅਞ੍ਞਾਤਾવਿਨ੍ਦ੍ਰਿਯਸ੍ਸ ਇਮਾਨਿ ਅਟ੍ਠਿਨ੍ਦ੍ਰਿਯਾਨਿ ਸਹਜਾਤਪਰਿવਾਰਾ ਹੋਨ੍ਤਿ । ਤੇવ ਤਸ੍ਸ ਆਕਾਰਾ ਚੇવ ਹੋਨ੍ਤਿ ਪਰਿવਾਰਾ ਚ। ਇਤਿ ਇਮਾਨਿ ਅਟ੍ਠ ਅਟ੍ਠਕਾਨਿ ਚਤੁਸਟ੍ਠਿ ਹੋਨ੍ਤਿ।
Sotāpattiphalakkhaṇe…pe… arahattaphalakkhaṇe aññātāvindriyassa saddhindriyaṃ adhimokkhaparivāraṃ hoti…pe… jīvitindriyaṃ pavattasantatādhipateyyaparivāraṃ hoti. Arahattaphalakkhaṇe jātā dhammā sabbeva abyākatā honti, ṭhapetvā cittasamuṭṭhānaṃ rūpaṃ sabbeva anāsavā honti, sabbeva lokuttarā honti, sabbeva nibbānārammaṇā honti. Arahattaphalakkhaṇe aññātāvindriyassa imāni aṭṭhindriyāni sahajātaparivārā honti . Teva tassa ākārā ceva honti parivārā ca. Iti imāni aṭṭha aṭṭhakāni catusaṭṭhi honti.
ਆਸવਾਤਿ ਕਤਮੇ ਤੇ ਆਸવਾ? ਕਾਮਾਸવੋ, ਭવਾਸવੋ, ਦਿਟ੍ਠਾਸવੋ, ਅવਿਜ੍ਜਾਸવੋ। ਕਤ੍ਥੇਤੇ ਆਸવਾ ਖੀਯਨ੍ਤਿ 3? ਸੋਤਾਪਤ੍ਤਿਮਗ੍ਗੇਨ ਅਨવਸੇਸੋ ਦਿਟ੍ਠਾਸવੋ ਖੀਯਤਿ। ਅਪਾਯਗਮਨੀਯੋ ਕਾਮਾਸવੋ ਖੀਯਤਿ, ਅਪਾਯਗਮਨੀਯੋ ਭવਾਸવੋ ਖੀਯਤਿ, ਅਪਾਯਗਮਨੀਯੋ ਅવਿਜ੍ਜਾਸવੋ ਖੀਯਤਿ। ਏਤ੍ਥੇਤੇ ਆਸવਾ ਖੀਯਨ੍ਤਿ। ਸਕਦਾਗਾਮਿਮਗ੍ਗੇਨ ਓਲ਼ਾਰਿਕੋ ਕਾਮਾਸવੋ ਖੀਯਤਿ, ਤਦੇਕਟ੍ਠੋ ਭવਾਸવੋ ਖੀਯਤਿ, ਤਦੇਕਟ੍ਠੋ ਅવਿਜ੍ਜਾਸવੋ ਖੀਯਤਿ। ਏਤ੍ਥੇਤੇ ਆਸવਾ ਖੀਯਨ੍ਤਿ। ਅਨਾਗਾਮਿਮਗ੍ਗੇਨ ਅਨવਸੇਸੋ ਕਾਮਾਸવੋ ਖੀਯਤਿ, ਤਦੇਕਟ੍ਠੋ ਭવਾਸવੋ ਖੀਯਤਿ, ਤਦੇਕਟ੍ਠੋ ਅવਿਜ੍ਜਾਸવੋ ਖੀਯਤਿ। ਏਤ੍ਥੇਤੇ ਆਸવਾ ਖੀਯਨ੍ਤਿ। ਅਰਹਤ੍ਤਮਗ੍ਗੇਨ ਅਨવਸੇਸੋ ਭવਾਸવੋ ਖੀਯਤਿ, ਅਨવਸੇਸੋ ਅવਿਜ੍ਜਾਸવੋ ਖੀਯਤਿ। ਏਤ੍ਥੇਤੇ ਆਸવਾ ਖੀਯਨ੍ਤਿ।
Āsavāti katame te āsavā? Kāmāsavo, bhavāsavo, diṭṭhāsavo, avijjāsavo. Katthete āsavā khīyanti 4? Sotāpattimaggena anavaseso diṭṭhāsavo khīyati. Apāyagamanīyo kāmāsavo khīyati, apāyagamanīyo bhavāsavo khīyati, apāyagamanīyo avijjāsavo khīyati. Etthete āsavā khīyanti. Sakadāgāmimaggena oḷāriko kāmāsavo khīyati, tadekaṭṭho bhavāsavo khīyati, tadekaṭṭho avijjāsavo khīyati. Etthete āsavā khīyanti. Anāgāmimaggena anavaseso kāmāsavo khīyati, tadekaṭṭho bhavāsavo khīyati, tadekaṭṭho avijjāsavo khīyati. Etthete āsavā khīyanti. Arahattamaggena anavaseso bhavāsavo khīyati, anavaseso avijjāsavo khīyati. Etthete āsavā khīyanti.
੨੦੮.
208.
ਨ ਤਸ੍ਸ ਅਦ੍ਦਿਟ੍ਠਮਿਧਤ੍ਥਿ ਕਿਞ੍ਚਿ, ਅਥੋ ਅવਿਞ੍ਞਾਤਮਜਾਨਿਤਬ੍ਬਂ।
Na tassa addiṭṭhamidhatthi kiñci, atho aviññātamajānitabbaṃ;
ਸਬ੍ਬਂ ਅਭਿਞ੍ਞਾਸਿ ਯਦਤ੍ਥਿ ਨੇਯ੍ਯਂ, ਤਥਾਗਤੋ ਤੇਨ ਸਮਨ੍ਤਚਕ੍ਖੂਤਿ॥
Sabbaṃ abhiññāsi yadatthi neyyaṃ, tathāgato tena samantacakkhūti.
ਸਮਨ੍ਤਚਕ੍ਖੂਤਿ ਕੇਨਟ੍ਠੇਨ ਸਮਨ੍ਤਚਕ੍ਖੁ? ਚੁਦ੍ਦਸ ਬੁਦ੍ਧਞਾਣਾਨਿ – ਦੁਕ੍ਖੇ ਞਾਣਂ ਬੁਦ੍ਧਞਾਣਂ, ਦੁਕ੍ਖਸਮੁਦਯੇ ਞਾਣਂ ਬੁਦ੍ਧਞਾਣਂ…ਪੇ॰… ਸਬ੍ਬਞ੍ਞੁਤਞਾਣਂ ਬੁਦ੍ਧਞਾਣਂ, ਅਨਾવਰਣਞਾਣਂ ਬੁਦ੍ਧਞਾਣਂ। ਇਮਾਨਿ ਚੁਦ੍ਦਸ ਬੁਦ੍ਧਞਾਣਾਨਿ। ਇਮੇਸਂ ਚੁਦ੍ਦਸਨ੍ਨਂ ਬੁਦ੍ਧਞਾਣਾਨਂ ਅਟ੍ਠ ਞਾਣਾਨਿ ਸਾવਕਸਾਧਾਰਣਾਨਿ, ਛ ਞਾਣਾਨਿ ਅਸਾਧਾਰਣਾਨਿ ਸਾવਕੇਹਿ।
Samantacakkhūti kenaṭṭhena samantacakkhu? Cuddasa buddhañāṇāni – dukkhe ñāṇaṃ buddhañāṇaṃ, dukkhasamudaye ñāṇaṃ buddhañāṇaṃ…pe… sabbaññutañāṇaṃ buddhañāṇaṃ, anāvaraṇañāṇaṃ buddhañāṇaṃ. Imāni cuddasa buddhañāṇāni. Imesaṃ cuddasannaṃ buddhañāṇānaṃ aṭṭha ñāṇāni sāvakasādhāraṇāni, cha ñāṇāni asādhāraṇāni sāvakehi.
ਯਾવਤਾ ਦੁਕ੍ਖਸ੍ਸ ਦੁਕ੍ਖਟ੍ਠੋ ਞਾਤੋ, ਅਞ੍ਞਾਤੋ ਦੁਕ੍ਖਟ੍ਠੋ ਨਤ੍ਥੀਤਿ – ਸਮਨ੍ਤਚਕ੍ਖੁ। ਯਂ ਸਮਨ੍ਤਚਕ੍ਖੁ ਤਂ ਪਞ੍ਞਿਨ੍ਦ੍ਰਿਯਂ। ਪਞ੍ਞਿਨ੍ਦ੍ਰਿਯਸ੍ਸ વਸੇਨ ਅਧਿਮੋਕ੍ਖਟ੍ਠੇਨ ਸਦ੍ਧਿਨ੍ਦ੍ਰਿਯਂ, ਪਗ੍ਗਹਟ੍ਠੇਨ વੀਰਿਯਿਨ੍ਦ੍ਰਿਯਂ, ਉਪਟ੍ਠਾਨਟ੍ਠੇਨ ਸਤਿਨ੍ਦ੍ਰਿਯਂ, ਅવਿਕ੍ਖੇਪਟ੍ਠੇਨ ਸਮਾਧਿਨ੍ਦ੍ਰਿਯਂ। ਯਾવਤਾ ਦੁਕ੍ਖਸ੍ਸ ਦੁਕ੍ਖਟ੍ਠੋ ਦਿਟ੍ਠੋ વਿਦਿਤੋ ਸਚ੍ਛਿਕਤੋ ਫਸ੍ਸਿਤੋ ਪਞ੍ਞਾਯ; ਅਫਸ੍ਸਿਤੋ ਪਞ੍ਞਾਯ ਦੁਕ੍ਖਟ੍ਠੋ ਨਤ੍ਥੀਤਿ – ਸਮਨ੍ਤਚਕ੍ਖੁ। ਯਂ ਸਮਨ੍ਤਚਕ੍ਖੁ ਤਂ ਪਞ੍ਞਿਨ੍ਦ੍ਰਿਯਂ। ਪਞ੍ਞਿਨ੍ਦ੍ਰਿਯਸ੍ਸ વਸੇਨ ਅਧਿਮੋਕ੍ਖਟ੍ਠੇਨ ਸਦ੍ਧਿਨ੍ਦ੍ਰਿਯਂ, ਪਗ੍ਗਹਟ੍ਠੇਨ વੀਰਿਯਿਨ੍ਦ੍ਰਿਯਂ, ਉਪਟ੍ਠਾਨਟ੍ਠੇਨ ਸਤਿਨ੍ਦ੍ਰਿਯਂ, ਅવਿਕ੍ਖੇਪਟ੍ਠੇਨ ਸਮਾਧਿਨ੍ਦ੍ਰਿਯਂ। ਯਾવਤਾ ਸਮੁਦਯਸ੍ਸ ਸਮੁਦਯਟ੍ਠੋ…ਪੇ॰… ਯਾવਤਾ ਨਿਰੋਧਸ੍ਸ ਨਿਰੋਧਟ੍ਠੋ… ਯਾવਤਾ ਮਗ੍ਗਸ੍ਸ ਮਗ੍ਗਟ੍ਠੋ… ਯਾવਤਾ ਅਤ੍ਥਪਟਿਸਮ੍ਭਿਦਾਯ ਅਤ੍ਥਪਟਿਸਮ੍ਭਿਦਟ੍ਠੋ… ਯਾવਤਾ ਧਮ੍ਮਪਟਿਸਮ੍ਭਿਦਾਯ ਧਮ੍ਮਪਟਿਸਮ੍ਭਿਦਟ੍ਠੋ… ਯਾવਤਾ ਨਿਰੁਤ੍ਤਿਪਟਿਸਮ੍ਭਿਦਾਯ ਨਿਰੁਤ੍ਤਿਪਟਿਸਮ੍ਭਿਦਟ੍ਠੋ… ਯਾવਤਾ ਪਟਿਭਾਨਪਟਿਸਮ੍ਭਿਦਾਯ ਪਟਿਭਾਨਪਟਿਸਮ੍ਭਿਦਟ੍ਠੋ… ਯਾવਤਾ ਇਨ੍ਦ੍ਰਿਯਪਰੋਪਰਿਯਤ੍ਤੇ ਞਾਣਂ… ਯਾવਤਾ ਸਤ੍ਤਾਨਂ ਆਸਯਾਨੁਸਯੇ ਞਾਣਂ… ਯਾવਤਾ ਯਮਕਪਾਟਿਹੀਰੇ ਞਾਣਂ… ਯਾવਤਾ ਮਹਾਕਰੁਣਾਸਮਾਪਤ੍ਤਿਯਾ ਞਾਣਂ… ਯਾવਤਾ ਸਦੇવਕਸ੍ਸ ਲੋਕਸ੍ਸ ਸਮਾਰਕਸ੍ਸ ਸਬ੍ਰਹ੍ਮਕਸ੍ਸ ਸਸ੍ਸਮਣਬ੍ਰਾਹ੍ਮਣਿਯਾ ਪਜਾਯ ਸਦੇવਮਨੁਸ੍ਸਾਯ ਦਿਟ੍ਠਂ ਸੁਤਂ ਮੁਤਂ વਿਞ੍ਞਾਤਂ ਪਤ੍ਤਂ ਪਰਿਯੇਸਿਤਂ ਅਨੁવਿਚਰਿਤਂ ਮਨਸਾ, ਤਂ ਞਾਤਂ ਦਿਟ੍ਠਂ વਿਦਿਤਂ ਸਚ੍ਛਿਕਤਂ ਫਸ੍ਸਿਤਂ ਪਞ੍ਞਾਯ। ਅਫਸ੍ਸਿਤਂ ਪਞ੍ਞਾਯ ਨਤ੍ਥੀਤਿ – ਸਮਨ੍ਤਚਕ੍ਖੁ। ਯਂ ਸਮਨ੍ਤਚਕ੍ਖੁ ਤਂ ਪਞ੍ਞਿਨ੍ਦ੍ਰਿਯਂ। ਪਞ੍ਞਿਨ੍ਦ੍ਰਿਯਸ੍ਸ વਸੇਨ ਅਧਿਮੋਕ੍ਖਟ੍ਠੇਨ ਸਦ੍ਧਿਨ੍ਦ੍ਰਿਯਂ, ਪਗ੍ਗਹਟ੍ਠੇਨ વੀਰਿਯਿਨ੍ਦ੍ਰਿਯਂ, ਉਪਟ੍ਠਾਨਟ੍ਠੇਨ ਸਤਿਨ੍ਦ੍ਰਿਯਂ, ਅવਿਕ੍ਖੇਪਟ੍ਠੇਨ ਸਮਾਧਿਨ੍ਦ੍ਰਿਯਂ।
Yāvatā dukkhassa dukkhaṭṭho ñāto, aññāto dukkhaṭṭho natthīti – samantacakkhu. Yaṃ samantacakkhu taṃ paññindriyaṃ. Paññindriyassa vasena adhimokkhaṭṭhena saddhindriyaṃ, paggahaṭṭhena vīriyindriyaṃ, upaṭṭhānaṭṭhena satindriyaṃ, avikkhepaṭṭhena samādhindriyaṃ. Yāvatā dukkhassa dukkhaṭṭho diṭṭho vidito sacchikato phassito paññāya; aphassito paññāya dukkhaṭṭho natthīti – samantacakkhu. Yaṃ samantacakkhu taṃ paññindriyaṃ. Paññindriyassa vasena adhimokkhaṭṭhena saddhindriyaṃ, paggahaṭṭhena vīriyindriyaṃ, upaṭṭhānaṭṭhena satindriyaṃ, avikkhepaṭṭhena samādhindriyaṃ. Yāvatā samudayassa samudayaṭṭho…pe… yāvatā nirodhassa nirodhaṭṭho… yāvatā maggassa maggaṭṭho… yāvatā atthapaṭisambhidāya atthapaṭisambhidaṭṭho… yāvatā dhammapaṭisambhidāya dhammapaṭisambhidaṭṭho… yāvatā niruttipaṭisambhidāya niruttipaṭisambhidaṭṭho… yāvatā paṭibhānapaṭisambhidāya paṭibhānapaṭisambhidaṭṭho… yāvatā indriyaparopariyatte ñāṇaṃ… yāvatā sattānaṃ āsayānusaye ñāṇaṃ… yāvatā yamakapāṭihīre ñāṇaṃ… yāvatā mahākaruṇāsamāpattiyā ñāṇaṃ… yāvatā sadevakassa lokassa samārakassa sabrahmakassa sassamaṇabrāhmaṇiyā pajāya sadevamanussāya diṭṭhaṃ sutaṃ mutaṃ viññātaṃ pattaṃ pariyesitaṃ anuvicaritaṃ manasā, taṃ ñātaṃ diṭṭhaṃ viditaṃ sacchikataṃ phassitaṃ paññāya. Aphassitaṃ paññāya natthīti – samantacakkhu. Yaṃ samantacakkhu taṃ paññindriyaṃ. Paññindriyassa vasena adhimokkhaṭṭhena saddhindriyaṃ, paggahaṭṭhena vīriyindriyaṃ, upaṭṭhānaṭṭhena satindriyaṃ, avikkhepaṭṭhena samādhindriyaṃ.
ਸਦ੍ਦਹਨ੍ਤੋ ਪਗ੍ਗਣ੍ਹਾਤਿ, ਪਗ੍ਗਣ੍ਹਨ੍ਤੋ ਸਦ੍ਦਹਤਿ। ਸਦ੍ਦਹਨ੍ਤੋ ਉਪਟ੍ਠਾਪੇਤਿ, ਉਪਟ੍ਠਾਪੇਨ੍ਤੋ ਸਦ੍ਦਹਤਿ। ਸਦ੍ਦਹਨ੍ਤੋ ਸਮਾਦਹਤਿ, ਸਮਾਦਹਨ੍ਤੋ ਸਦ੍ਦਹਤਿ। ਸਦ੍ਦਹਨ੍ਤੋ ਪਜਾਨਾਤਿ, ਪਜਾਨਨ੍ਤੋ ਸਦ੍ਦਹਤਿ। ਪਗ੍ਗਣ੍ਹਨ੍ਤੋ ਉਪਟ੍ਠਾਪੇਤਿ, ਉਪਟ੍ਠਾਪੇਨ੍ਤੋ ਪਗ੍ਗਣ੍ਹਾਤਿ। ਪਗ੍ਗਣ੍ਹਨ੍ਤੋ ਸਮਾਦਹਤਿ, ਸਮਾਦਹਨ੍ਤੋ ਪਗ੍ਗਣ੍ਹਾਤਿ। ਪਗ੍ਗਣ੍ਹਨ੍ਤੋ ਪਜਾਨਾਤਿ, ਪਜਾਨਨ੍ਤੋ ਪਗ੍ਗਣ੍ਹਾਤਿ। ਪਗ੍ਗਣ੍ਹਨ੍ਤੋ ਸਦ੍ਦਹਤਿ, ਸਦ੍ਦਹਨ੍ਤੋ ਪਗ੍ਗਣ੍ਹਾਤਿ। ਉਪਟ੍ਠਾਪੇਨ੍ਤੋ ਸਮਾਦਹਤਿ, ਸਮਾਦਹਨ੍ਤੋ ਉਪਟ੍ਠਾਪੇਤਿ। ਉਪਟ੍ਠਾਪੇਨ੍ਤੋ ਪਜਾਨਾਤਿ, ਪਜਾਨਨ੍ਤੋ ਉਪਟ੍ਠਾਪੇਤਿ। ਉਪਟ੍ਠਾਪੇਨ੍ਤੋ ਸਦ੍ਦਹਤਿ, ਸਦ੍ਦਹਨ੍ਤੋ ਉਪਟ੍ਠਾਪੇਤਿ। ਉਪਟ੍ਠਾਪੇਨ੍ਤੋ ਪਗ੍ਗਣ੍ਹਾਤਿ, ਪਗ੍ਗਣ੍ਹਨ੍ਤੋ ਉਪਟ੍ਠਾਪੇਤਿ। ਸਮਾਦਹਨ੍ਤੋ ਪਜਾਨਾਤਿ, ਪਜਾਨਨ੍ਤੋ ਸਮਾਦਹਤਿ। ਸਮਾਦਹਨ੍ਤੋ ਸਦ੍ਦਹਤਿ, ਸਦ੍ਦਹਨ੍ਤੋ ਸਮਾਦਹਤਿ। ਸਮਾਦਹਨ੍ਤੋ ਪਗ੍ਗਣ੍ਹਾਤਿ, ਪਗ੍ਗਣ੍ਹਨ੍ਤੋ ਸਮਾਦਹਤਿ। ਸਮਾਦਹਨ੍ਤੋ ਉਪਟ੍ਠਾਪੇਤਿ, ਉਪਟ੍ਠਾਪੇਨ੍ਤੋ ਸਮਾਦਹਤਿ। ਪਜਾਨਨ੍ਤੋ ਸਦ੍ਦਹਤਿ, ਸਦ੍ਦਹਨ੍ਤੋ ਪਜਾਨਾਤਿ। ਪਜਾਨਨ੍ਤੋ ਪਗ੍ਗਣ੍ਹਾਤਿ, ਪਗ੍ਗਣ੍ਹਨ੍ਤੋ ਪਜਾਨਾਤਿ। ਪਜਾਨਨ੍ਤੋ ਉਪਟ੍ਠਾਪੇਤਿ, ਉਪਟ੍ਠਾਪੇਨ੍ਤੋ ਪਜਾਨਾਤਿ। ਪਜਾਨਨ੍ਤੋ ਸਮਾਦਹਤਿ, ਸਮਾਦਹਨ੍ਤੋ ਪਜਾਨਾਤਿ।
Saddahanto paggaṇhāti, paggaṇhanto saddahati. Saddahanto upaṭṭhāpeti, upaṭṭhāpento saddahati. Saddahanto samādahati, samādahanto saddahati. Saddahanto pajānāti, pajānanto saddahati. Paggaṇhanto upaṭṭhāpeti, upaṭṭhāpento paggaṇhāti. Paggaṇhanto samādahati, samādahanto paggaṇhāti. Paggaṇhanto pajānāti, pajānanto paggaṇhāti. Paggaṇhanto saddahati, saddahanto paggaṇhāti. Upaṭṭhāpento samādahati, samādahanto upaṭṭhāpeti. Upaṭṭhāpento pajānāti, pajānanto upaṭṭhāpeti. Upaṭṭhāpento saddahati, saddahanto upaṭṭhāpeti. Upaṭṭhāpento paggaṇhāti, paggaṇhanto upaṭṭhāpeti. Samādahanto pajānāti, pajānanto samādahati. Samādahanto saddahati, saddahanto samādahati. Samādahanto paggaṇhāti, paggaṇhanto samādahati. Samādahanto upaṭṭhāpeti, upaṭṭhāpento samādahati. Pajānanto saddahati, saddahanto pajānāti. Pajānanto paggaṇhāti, paggaṇhanto pajānāti. Pajānanto upaṭṭhāpeti, upaṭṭhāpento pajānāti. Pajānanto samādahati, samādahanto pajānāti.
ਸਦ੍ਦਹਿਤਤ੍ਤਾ ਪਗ੍ਗਹਿਤਂ, ਪਗ੍ਗਹਿਤਤ੍ਤਾ ਸਦ੍ਦਹਿਤਂ। ਸਦ੍ਦਹਿਤਤ੍ਤਾ ਉਪਟ੍ਠਾਪਿਤਂ, ਉਪਟ੍ਠਾਪਿਤਤ੍ਤਾ ਸਦ੍ਦਹਿਤਂ। ਸਦ੍ਦਹਿਤਤ੍ਤਾ ਸਮਾਦਹਿਤਂ, ਸਮਾਦਹਿਤਤ੍ਤਾ ਸਦ੍ਦਹਿਤਂ। ਸਦ੍ਦਹਿਤਤ੍ਤਾ ਪਜਾਨਿਤਂ, ਪਜਾਨਿਤਤ੍ਤਾ ਸਦ੍ਦਹਿਤਂ। ਪਗ੍ਗਹਿਤਤ੍ਤਾ ਉਪਟ੍ਠਾਪਿਤਂ , ਉਪਟ੍ਠਾਪਿਤਤ੍ਤਾ ਪਗ੍ਗਹਿਤਂ। ਪਗ੍ਗਹਿਤਤ੍ਤਾ ਸਮਾਦਹਿਤਂ, ਸਮਾਦਹਿਤਤ੍ਤਾ ਪਗ੍ਗਹਿਤਂ। ਪਗ੍ਗਹਿਤਤ੍ਤਾ ਪਜਾਨਿਤਂ ਪਜਾਨਿਤਤ੍ਤਾ ਪਗ੍ਗਹਿਤਂ। ਪਗ੍ਗਹਿਤਤ੍ਤਾ ਸਦ੍ਦਹਿਤਂ, ਸਦ੍ਦਹਿਤਤ੍ਤਾ ਪਗ੍ਗਹਿਤਂ। ਉਪਟ੍ਠਾਪਿਤਤ੍ਤਾ ਸਮਾਦਹਿਤਂ, ਸਮਾਦਹਿਤਤ੍ਤਾ ਉਪਟ੍ਠਾਪਿਤਂ। ਉਪਟ੍ਠਾਪਿਤਤ੍ਤਾ ਪਜਾਨਿਤਂ, ਪਜਾਨਿਤਤ੍ਤਾ ਉਪਟ੍ਠਾਪਿਤਂ। ਉਪਟ੍ਠਾਪਿਤਤ੍ਤਾ ਸਦ੍ਦਹਿਤਂ, ਸਦ੍ਦਹਿਤਤ੍ਤਾ ਉਪਟ੍ਠਾਪਿਤਂ। ਉਪਟ੍ਠਾਪਿਤਤ੍ਤਾ ਪਗ੍ਗਹਿਤਂ, ਪਗ੍ਗਹਿਤਤ੍ਤਾ ਉਪਟ੍ਠਾਪਿਤਂ। ਸਮਾਦਹਿਤਤ੍ਤਾ ਪਜਾਨਿਤਂ, ਪਜਾਨਿਤਤ੍ਤਾ ਸਮਾਦਹਿਤਂ। ਸਮਾਦਹਿਤਤ੍ਤਾ ਸਦ੍ਦਹਿਤਂ, ਸਦ੍ਦਹਿਤਤ੍ਤਾ ਸਮਾਦਹਿਤਂ। ਸਮਾਦਹਿਤਤ੍ਤਾ ਪਗ੍ਗਹਿਤਂ, ਪਗ੍ਗਹਿਤਤ੍ਤਾ ਸਮਾਦਹਿਤਂ। ਸਮਾਦਹਿਤਤ੍ਤਾ ਉਪਟ੍ਠਾਪਿਤਂ, ਉਪਟ੍ਠਾਪਿਤਤ੍ਤਾ ਸਮਾਦਹਿਤਂ। ਪਜਾਨਿਤਤ੍ਤਾ ਸਦ੍ਦਹਿਤਂ, ਸਦ੍ਦਹਿਤਤ੍ਤਾ ਪਜਾਨਿਤਂ। ਪਜਾਨਿਤਤ੍ਤਾ ਪਗ੍ਗਹਿਤਂ, ਪਗ੍ਗਹਿਤਤ੍ਤਾ ਪਜਾਨਿਤਂ। ਪਜਾਨਿਤਤ੍ਤਾ ਉਪਟ੍ਠਾਪਿਤਂ, ਉਪਟ੍ਠਾਪਿਤਤ੍ਤਾ ਪਜਾਨਿਤਂ। ਪਜਾਨਿਤਤ੍ਤਾ ਸਮਾਦਹਿਤਂ, ਸਮਾਦਹਿਤਤ੍ਤਾ ਪਜਾਨਿਤਂ।
Saddahitattā paggahitaṃ, paggahitattā saddahitaṃ. Saddahitattā upaṭṭhāpitaṃ, upaṭṭhāpitattā saddahitaṃ. Saddahitattā samādahitaṃ, samādahitattā saddahitaṃ. Saddahitattā pajānitaṃ, pajānitattā saddahitaṃ. Paggahitattā upaṭṭhāpitaṃ , upaṭṭhāpitattā paggahitaṃ. Paggahitattā samādahitaṃ, samādahitattā paggahitaṃ. Paggahitattā pajānitaṃ pajānitattā paggahitaṃ. Paggahitattā saddahitaṃ, saddahitattā paggahitaṃ. Upaṭṭhāpitattā samādahitaṃ, samādahitattā upaṭṭhāpitaṃ. Upaṭṭhāpitattā pajānitaṃ, pajānitattā upaṭṭhāpitaṃ. Upaṭṭhāpitattā saddahitaṃ, saddahitattā upaṭṭhāpitaṃ. Upaṭṭhāpitattā paggahitaṃ, paggahitattā upaṭṭhāpitaṃ. Samādahitattā pajānitaṃ, pajānitattā samādahitaṃ. Samādahitattā saddahitaṃ, saddahitattā samādahitaṃ. Samādahitattā paggahitaṃ, paggahitattā samādahitaṃ. Samādahitattā upaṭṭhāpitaṃ, upaṭṭhāpitattā samādahitaṃ. Pajānitattā saddahitaṃ, saddahitattā pajānitaṃ. Pajānitattā paggahitaṃ, paggahitattā pajānitaṃ. Pajānitattā upaṭṭhāpitaṃ, upaṭṭhāpitattā pajānitaṃ. Pajānitattā samādahitaṃ, samādahitattā pajānitaṃ.
ਯਂ ਬੁਦ੍ਧਚਕ੍ਖੁ ਤਂ ਬੁਦ੍ਧਞਾਣਂ, ਯਂ ਬੁਦ੍ਧਞਾਣਂ ਤਂ ਬੁਦ੍ਧਚਕ੍ਖੁ, ਯੇਨ ਚਕ੍ਖੁਨਾ ਤਥਾਗਤੋ ਸਤ੍ਤੇ ਪਸ੍ਸਤਿ ਅਪ੍ਪਰਜਕ੍ਖੇ ਮਹਾਰਜਕ੍ਖੇ ਤਿਕ੍ਖਿਨ੍ਦ੍ਰਿਯੇ ਮੁਦਿਨ੍ਦ੍ਰਿਯੇ ਸ੍વਾਕਾਰੇ ਦ੍વਾਕਾਰੇ ਸੁવਿਞ੍ਞਾਪਯੇ ਦੁવਿਞ੍ਞਾਪਯੇ ਅਪ੍ਪੇਕਚ੍ਚੇ ਪਰਲੋਕવਜ੍ਜਭਯਦਸ੍ਸਾવਿਨੋ 5, ਅਪ੍ਪੇਕਚ੍ਚੇ ਨਪਰਲੋਕવਜ੍ਜਭਯਦਸ੍ਸਾવਿਨੋ।
Yaṃ buddhacakkhu taṃ buddhañāṇaṃ, yaṃ buddhañāṇaṃ taṃ buddhacakkhu, yena cakkhunā tathāgato satte passati apparajakkhe mahārajakkhe tikkhindriye mudindriye svākāre dvākāre suviññāpaye duviññāpaye appekacce paralokavajjabhayadassāvino 6, appekacce naparalokavajjabhayadassāvino.
ਅਪ੍ਪਰਜਕ੍ਖੇ ਮਹਾਰਜਕ੍ਖੇਤਿ ਸਦ੍ਧੋ ਪੁਗ੍ਗਲੋ ਅਪ੍ਪਰਜਕ੍ਖੋ, ਅਸ੍ਸਦ੍ਧੋ ਪੁਗ੍ਗਲੋ ਮਹਾਰਜਕ੍ਖੋ। ਆਰਦ੍ਧવੀਰਿਯੋ ਪੁਗ੍ਗਲੋ ਅਪ੍ਪਰਜਕ੍ਖੋ, ਕੁਸੀਤੋ ਪੁਗ੍ਗਲੋ ਮਹਾਰਜਕ੍ਖੋ। ਉਪਟ੍ਠਿਤਸ੍ਸਤਿ ਪੁਗ੍ਗਲੋ ਅਪ੍ਪਰਜਕ੍ਖੋ, ਮੁਟ੍ਠਸ੍ਸਤਿ ਪੁਗ੍ਗਲੋ ਮਹਾਰਜਕ੍ਖੋ। ਸਮਾਹਿਤੋ ਪੁਗ੍ਗਲੋ ਅਪ੍ਪਰਜਕ੍ਖੋ, ਅਸਮਾਹਿਤੋ ਪੁਗ੍ਗਲੋ ਮਹਾਰਜਕ੍ਖੋ। ਪਞ੍ਞવਾ ਪੁਗ੍ਗਲੋ ਅਪ੍ਪਰਜਕ੍ਖੋ, ਦੁਪ੍ਪਞ੍ਞੋ ਪੁਗ੍ਗਲੋ ਮਹਾਰਜਕ੍ਖੋ।
Apparajakkhe mahārajakkheti saddho puggalo apparajakkho, assaddho puggalo mahārajakkho. Āraddhavīriyo puggalo apparajakkho, kusīto puggalo mahārajakkho. Upaṭṭhitassati puggalo apparajakkho, muṭṭhassati puggalo mahārajakkho. Samāhito puggalo apparajakkho, asamāhito puggalo mahārajakkho. Paññavā puggalo apparajakkho, duppañño puggalo mahārajakkho.
ਤਿਕ੍ਖਿਨ੍ਦ੍ਰਿਯੇ ਮੁਦਿਨ੍ਦ੍ਰਿਯੇਤਿ ਸਦ੍ਧੋ ਪੁਗ੍ਗਲੋ ਤਿਕ੍ਖਿਨ੍ਦ੍ਰਿਯੋ, ਅਸ੍ਸਦ੍ਧੋ ਪੁਗ੍ਗਲੋ ਮੁਦਿਨ੍ਦ੍ਰਿਯੋ…ਪੇ॰… ਪਞ੍ਞવਾ ਪੁਗ੍ਗਲੋ ਤਿਕ੍ਖਿਨ੍ਦ੍ਰਿਯੋ, ਦੁਪ੍ਪਞ੍ਞੋ ਪੁਗ੍ਗਲੋ ਮੁਦਿਨ੍ਦ੍ਰਿਯੋ। ਸ੍વਾਕਾਰੇ ਦ੍વਾਕਾਰੇਤਿ ਸਦ੍ਧੋ ਪੁਗ੍ਗਲੋ ਸ੍વਾਕਾਰੋ, ਅਸ੍ਸਦ੍ਧੋ ਪੁਗ੍ਗਲੋ ਦ੍વਾਕਾਰੋ…ਪੇ॰… ਪਞ੍ਞવਾ ਪੁਗ੍ਗਲੋ ਸ੍વਾਕਾਰੋ, ਦੁਪ੍ਪਞ੍ਞੋ ਪੁਗ੍ਗਲੋ ਦ੍વਾਕਾਰੋ। ਸੁવਿਞ੍ਞਾਪਯੇ ਦੁવਿਞ੍ਞਾਪਯੇਤਿ ਸਦ੍ਧੋ ਪੁਗ੍ਗਲੋ ਸੁવਿਞ੍ਞਾਪਯੋ, ਅਸ੍ਸਦ੍ਧੋ ਪੁਗ੍ਗਲੋ ਦੁવਿਞ੍ਞਾਪਯੋ…ਪੇ॰… ਪਞ੍ਞવਾ ਪੁਗ੍ਗਲੋ ਸੁવਿਞ੍ਞਾਪਯੋ, ਦੁਪ੍ਪਞ੍ਞੋ ਪੁਗ੍ਗਲੋ ਦੁવਿਞ੍ਞਾਪਯੋ।
Tikkhindriye mudindriyeti saddho puggalo tikkhindriyo, assaddho puggalo mudindriyo…pe… paññavā puggalo tikkhindriyo, duppañño puggalo mudindriyo. Svākāre dvākāreti saddho puggalo svākāro, assaddho puggalo dvākāro…pe… paññavā puggalo svākāro, duppañño puggalo dvākāro. Suviññāpaye duviññāpayeti saddho puggalo suviññāpayo, assaddho puggalo duviññāpayo…pe… paññavā puggalo suviññāpayo, duppañño puggalo duviññāpayo.
ਅਪ੍ਪੇਕਚ੍ਚੇ ਪਰਲੋਕવਜ੍ਜਭਯਦਸ੍ਸਾવਿਨੋ, ਅਪ੍ਪੇਕਚ੍ਚੇ ਨਪਰਲੋਕવਜ੍ਜਭਯਦਸ੍ਸਾવਿਨੋਤਿ ਸਦ੍ਧੋ ਪੁਗ੍ਗਲੋ ਪਰਲੋਕવਜ੍ਜਭਯਦਸ੍ਸਾવੀ, ਅਸ੍ਸਦ੍ਧੋ ਪੁਗ੍ਗਲੋ ਨਪਰਲੋਕવਜ੍ਜਭਯਦਸ੍ਸਾવੀ। ਆਰਦ੍ਧવੀਰਿਯੋ ਪੁਗ੍ਗਲੋ ਪਰਲੋਕવਜ੍ਜਭਯਦਸ੍ਸਾવੀ , ਕੁਸੀਤੋ ਪੁਗ੍ਗਲੋ ਨਪਰਲੋਕવਜ੍ਜਭਯਦਸ੍ਸਾવੀ…ਪੇ॰… ਪਞ੍ਞવਾ ਪੁਗ੍ਗਲੋ ਪਰਲੋਕવਜ੍ਜਭਯਦਸ੍ਸਾવੀ, ਦੁਪ੍ਪਞ੍ਞੋ ਪੁਗ੍ਗਲੋ ਨਪਰਲੋਕવਜ੍ਜਭਯਦਸ੍ਸਾવੀ।
Appekacceparalokavajjabhayadassāvino, appekacce naparalokavajjabhayadassāvinoti saddho puggalo paralokavajjabhayadassāvī, assaddho puggalo naparalokavajjabhayadassāvī. Āraddhavīriyo puggalo paralokavajjabhayadassāvī , kusīto puggalo naparalokavajjabhayadassāvī…pe… paññavā puggalo paralokavajjabhayadassāvī, duppañño puggalo naparalokavajjabhayadassāvī.
ਲੋਕੋਤਿ ਖਨ੍ਧਲੋਕੋ ਧਾਤੁਲੋਕੋ ਆਯਤਨਲੋਕੋ વਿਪਤ੍ਤਿਭવਲੋਕੋ વਿਪਤ੍ਤਿਸਮ੍ਭવਲੋਕੋ ਸਮ੍ਪਤ੍ਤਿਭવਲੋਕੋ ਸਮ੍ਪਤ੍ਤਿਸਮ੍ਭવਲੋਕੋ।
Lokoti khandhaloko dhātuloko āyatanaloko vipattibhavaloko vipattisambhavaloko sampattibhavaloko sampattisambhavaloko.
ਏਕੋ ਲੋਕੋ – ਸਬ੍ਬੇ ਸਤ੍ਤਾ ਆਹਾਰਟ੍ਠਿਤਿਕਾ। ਦ੍વੇ ਲੋਕਾ – ਨਾਮਞ੍ਚ ਰੂਪਞ੍ਚ। ਤਯੋ ਲੋਕਾ – ਤਿਸ੍ਸੋ વੇਦਨਾ। ਚਤ੍ਤਾਰੋ ਲੋਕਾ – ਚਤ੍ਤਾਰੋ ਆਹਾਰਾ। ਪਞ੍ਚ ਲੋਕਾ – ਪਞ੍ਚੁਪਾਦਾਨਕ੍ਖਨ੍ਧਾ। ਛ ਲੋਕਾ – ਛ ਅਜ੍ਝਤ੍ਤਿਕਾਨਿ ਆਯਤਨਾਨਿ। ਸਤ੍ਤ ਲੋਕਾ – ਸਤ੍ਤ વਿਞ੍ਞਾਣਟ੍ਠਿਤਿਯੋ। ਅਟ੍ਠ ਲੋਕਾ – ਅਟ੍ਠ ਲੋਕਧਮ੍ਮਾ। ਨવ ਲੋਕਾ – ਨવ ਸਤ੍ਤਾવਾਸਾ। ਦਸ ਲੋਕਾ – ਦਸਾਯਤਨਾਨਿ। ਦ੍વਾਦਸ ਲੋਕਾ – ਦ੍વਾਦਸਾਯਤਨਾਨਿ। ਅਟ੍ਠਾਰਸ ਲੋਕਾ – ਅਟ੍ਠਾਰਸ ਧਾਤੁਯੋ।
Eko loko – sabbe sattā āhāraṭṭhitikā. Dve lokā – nāmañca rūpañca. Tayo lokā – tisso vedanā. Cattāro lokā – cattāro āhārā. Pañca lokā – pañcupādānakkhandhā. Cha lokā – cha ajjhattikāni āyatanāni. Satta lokā – satta viññāṇaṭṭhitiyo. Aṭṭha lokā – aṭṭha lokadhammā. Nava lokā – nava sattāvāsā. Dasa lokā – dasāyatanāni. Dvādasa lokā – dvādasāyatanāni. Aṭṭhārasa lokā – aṭṭhārasa dhātuyo.
વਜ੍ਜਨ੍ਤਿ ਸਬ੍ਬੇ ਕਿਲੇਸਾ વਜ੍ਜਾ, ਸਬ੍ਬੇ ਦੁਚ੍ਚਰਿਤਾ વਜ੍ਜਾ, ਸਬ੍ਬੇ ਅਭਿਸਙ੍ਖਾਰਾ વਜ੍ਜਾ, ਸਬ੍ਬੇ ਭવਗਾਮਿਕਮ੍ਮਾ વਜ੍ਜਾ। ਇਤਿ ਇਮਸ੍ਮਿਞ੍ਚ ਲੋਕੇ ਇਮਸ੍ਮਿਞ੍ਚ વਜ੍ਜੇ ਤਿਬ੍ਬਾ ਭਯਸਞ੍ਞਾ ਪਚ੍ਚੁਪਟ੍ਠਿਤਾ ਹੋਨ੍ਤਿ, ਸੇਯ੍ਯਥਾਪਿ ਉਕ੍ਖਿਤ੍ਤਾਸਿਕੇ વਧਕੇ। ਇਮੇਹਿ ਪਞ੍ਞਾਸਾਯ ਆਕਾਰੇਹਿ ਇਮਾਨਿ ਪਞ੍ਚਿਨ੍ਦ੍ਰਿਯਾਨਿ ਜਾਨਾਤਿ ਪਸ੍ਸਤਿ ਅਞ੍ਞਾਤਿ ਪਟਿવਿਜ੍ਝਤੀਤਿ।
Vajjanti sabbe kilesā vajjā, sabbe duccaritā vajjā, sabbe abhisaṅkhārā vajjā, sabbe bhavagāmikammā vajjā. Iti imasmiñca loke imasmiñca vajje tibbā bhayasaññā paccupaṭṭhitā honti, seyyathāpi ukkhittāsike vadhake. Imehi paññāsāya ākārehi imāni pañcindriyāni jānāti passati aññāti paṭivijjhatīti.
ਇਨ੍ਦ੍ਰਿਯਸਮੋਧਾਨੋ ਪਞ੍ਚਮੋ।
Indriyasamodhāno pañcamo.
ਤਤਿਯਭਾਣવਾਰੋ।
Tatiyabhāṇavāro.
ਇਨ੍ਦ੍ਰਿਯਕਥਾ ਨਿਟ੍ਠਿਤਾ।
Indriyakathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā / ੫. ਇਨ੍ਦ੍ਰਿਯਸਮੋਧਾਨવਣ੍ਣਨਾ • 5. Indriyasamodhānavaṇṇanā
