| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
5. инд̣̇рияасамод̇хаанаван̣н̣анаа
5. Indriyasamodhānavaṇṇanā
204. ид̣̇аани самаад̇хим̣ бхааваяад̇о вибассанам̣ бхааваяад̇о жа инд̣̇рияасамод̇хаанам̣ д̣̇ассзд̇угаамо батамам̣ д̇аава убадтаанагосаллаббабхзд̣̇ам̣ нид̣̇д̣̇исид̇ум̣ бут̇уж̇ж̇ано самаад̇хим̣ бхаавзнд̇од̇иаад̣̇имааха. д̇ад̇т̇а бут̇уж̇ж̇ано самаад̇хим̣ бхаавзнд̇од̇и ниб̣б̣зд̇хабхааг̇ияам̣ самаад̇хим̣ бхаавзнд̇о. сзгкасса вийд̇арааг̇асса жа бана логуд̇д̇ароби самаад̇хи лаб̣бхад̇и. ааваж̇ж̇ид̇ад̇д̇аад̇и гасин̣аад̣̇инимид̇д̇асса ааваж̇ж̇ид̇ад̇д̇аа, гасин̣аад̣̇ибаригаммам̣ гад̇ваа д̇ад̇т̇а уббаад̣̇ид̇анимид̇д̇ад̇д̇аад̇и вуд̇д̇ам̣ ход̇и. аарамман̣уубадтаанагусалод̇и д̇асса уббаад̣̇ид̇асса нимид̇д̇ассзва убадтаанз гусало. самат̇анимид̇д̇уубадтаанагусалод̇и ажжаарад̣̇д̇хавийрияад̇аад̣̇ийхи уд̣̇д̇хад̇з жид̇д̇з бассад̣̇д̇хисамаад̇хиубзгкаасамб̣ож̇жхан̇г̇абхааванаавасзна жид̇д̇обасаманимид̇д̇асса убадтаанз гусало. баг̇г̇аханимид̇д̇уубадтаанагусалод̇и ад̇исит̇илавийрияад̇аад̣̇ийхи лийнз жид̇д̇з д̇хаммавижаяавийрияабийд̇исамб̣ож̇жхан̇г̇абхааванаавасзна жид̇д̇абаг̇г̇аханимид̇д̇асса убадтаанз гусало. авигкзбуубадтаанагусалод̇и ануд̣̇д̇хад̇аалийнажид̇д̇асса самбаяуд̇д̇асса самаад̇хисса убадтаанз гусало. обхаасуубадтаанагусалод̇и бан̃н̃аабаяог̇аманд̣̇ад̇ааяа нирассаад̣̇з жид̇д̇з адтасам̣взг̇авад̇т̇убажжавзгкан̣зна жид̇д̇ам̣ сам̣взж̇зд̇ваа н̃аан̣обхаасасса убадтаанз гусало. адта сам̣взг̇авад̇т̇ууни наама ж̇аад̇иж̇арааб̣яаад̇химаран̣аани жад̇д̇аари, абааяад̣̇угкам̣ бан̃жамам̣, ад̇ийд̇з ваддамуулагам̣ д̣̇угкам̣, анааг̇ад̇з ваддамуулагам̣ д̣̇угкам̣, бажжуббаннз аахаарабарияздтимуулагам̣ д̣̇угканд̇и. самбахам̣сануубадтаанагусалод̇и убасамасукаанад̇хиг̇амзна нирассаад̣̇з жид̇д̇з б̣уд̣̇д̇хад̇хаммасан̇гхаг̇ун̣аануссаран̣зна жид̇д̇ам̣ басаад̣̇знд̇о самбахам̣санасса убадтаанз гусало. убзгкуубадтаанагусалод̇и уд̣̇д̇хад̇аад̣̇ид̣̇осавирахид̇з жид̇д̇з ниг̇г̇ахабаг̇г̇ахаад̣̇ийсу б̣яаабаараабхаавагаран̣зна убзгкааяа убадтаанз гусало. сзгкод̇и д̇иссо сигкаа сигкад̇ийд̇и сзгко. згад̇д̇уубадтаанагусалод̇и саггааяад̣̇идтаад̣̇ийнам̣ бахийнад̇д̇аа нзгкаммаад̣̇ино згад̇д̇асса убадтаанз гусало.
204. Idāni samādhiṃ bhāvayato vipassanaṃ bhāvayato ca indriyasamodhānaṃ dassetukāmo paṭhamaṃ tāva upaṭṭhānakosallappabhedaṃ niddisituṃ puthujjano samādhiṃ bhāventotiādimāha. Tattha puthujjano samādhiṃ bhāventoti nibbedhabhāgiyaṃ samādhiṃ bhāvento. Sekkhassa vītarāgassa ca pana lokuttaropi samādhi labbhati. Āvajjitattāti kasiṇādinimittassa āvajjitattā, kasiṇādiparikammaṃ katvā tattha uppāditanimittattāti vuttaṃ hoti. Ārammaṇūpaṭṭhānakusaloti tassa uppāditassa nimittasseva upaṭṭhāne kusalo. Samathanimittūpaṭṭhānakusaloti accāraddhavīriyatādīhi uddhate citte passaddhisamādhiupekkhāsambojjhaṅgabhāvanāvasena cittopasamanimittassa upaṭṭhāne kusalo. Paggahanimittūpaṭṭhānakusaloti atisithilavīriyatādīhi līne citte dhammavicayavīriyapītisambojjhaṅgabhāvanāvasena cittapaggahanimittassa upaṭṭhāne kusalo. Avikkhepūpaṭṭhānakusaloti anuddhatālīnacittassa sampayuttassa samādhissa upaṭṭhāne kusalo. Obhāsūpaṭṭhānakusaloti paññāpayogamandatāya nirassāde citte aṭṭhasaṃvegavatthupaccavekkhaṇena cittaṃ saṃvejetvā ñāṇobhāsassa upaṭṭhāne kusalo. Aṭṭha saṃvegavatthūni nāma jātijarābyādhimaraṇāni cattāri, apāyadukkhaṃ pañcamaṃ, atīte vaṭṭamūlakaṃ dukkhaṃ, anāgate vaṭṭamūlakaṃ dukkhaṃ, paccuppanne āhārapariyeṭṭhimūlakaṃ dukkhanti. Sampahaṃsanūpaṭṭhānakusaloti upasamasukhānadhigamena nirassāde citte buddhadhammasaṅghaguṇānussaraṇena cittaṃ pasādento sampahaṃsanassa upaṭṭhāne kusalo. Upekkhūpaṭṭhānakusaloti uddhatādidosavirahite citte niggahapaggahādīsu byāpārābhāvakaraṇena upekkhāya upaṭṭhāne kusalo. Sekkhoti tisso sikkhā sikkhatīti sekkho. Ekattūpaṭṭhānakusaloti sakkāyadiṭṭhādīnaṃ pahīnattā nekkhammādino ekattassa upaṭṭhāne kusalo.
вийд̇арааг̇од̇и саб̣б̣асо бахийнарааг̇ад̇д̇аа вийд̇арааг̇о кийн̣аасаво. н̃аан̣уубадтаанагусалод̇и арахаа д̇хаммзсу виг̇ад̇асаммохад̇д̇аа д̇ад̇т̇а д̇ад̇т̇а асаммохан̃аан̣асса убадтаанз гусало. вимуд̇д̇уубадтаанагусалод̇и арахад̇д̇апалавимуд̇д̇ияаа убадтаанз гусало. вимуд̇д̇ийд̇и хи саб̣б̣агилзсзхи вимуд̇д̇ад̇д̇аа арахад̇д̇апалавимуд̇д̇и ад̇хиббзд̇аа.
Vītarāgoti sabbaso pahīnarāgattā vītarāgo khīṇāsavo. Ñāṇūpaṭṭhānakusaloti arahā dhammesu vigatasammohattā tattha tattha asammohañāṇassa upaṭṭhāne kusalo. Vimuttūpaṭṭhānakusaloti arahattaphalavimuttiyā upaṭṭhāne kusalo. Vimuttīti hi sabbakilesehi vimuttattā arahattaphalavimutti adhippetā.
205. вибассанаабхааванааяа убадтаанаанубадтаанзсу анижжад̇од̇иаад̣̇ийни нижжад̇од̇иаад̣̇ийни жа сийлагат̇ааяам̣ вуд̇д̇анаязнзва взд̣̇ид̇аб̣б̣аани. баатад̇о бана ‘‘ааяууханаанубадтаанагусало вибарин̣аамуубадтаанагусало анимид̇д̇уубадтаанагусало нимид̇д̇аанубадтаанагусало аббан̣ихид̇уубадтаанагусало бан̣ид̇хианубадтаанагусало абхинивзсаанубадтаанагусало’’д̇и зд̇зсу саамиважанзна самаасабад̣̇ажчзд̣̇о гаад̇аб̣б̣о. сзсзсу бана ниссаггаважанзна баато.
205. Vipassanābhāvanāya upaṭṭhānānupaṭṭhānesu aniccatotiādīni niccatotiādīni ca sīlakathāyaṃ vuttanayeneva veditabbāni. Pāṭhato pana ‘‘āyūhanānupaṭṭhānakusalo vipariṇāmūpaṭṭhānakusalo animittūpaṭṭhānakusalo nimittānupaṭṭhānakusalo appaṇihitūpaṭṭhānakusalo paṇidhianupaṭṭhānakusalo abhinivesānupaṭṭhānakusalo’’ti etesu sāmivacanena samāsapadacchedo kātabbo. Sesesu pana nissakkavacanena pāṭho.
206. сун̃н̃ад̇уубадтаанагусалод̇и банзд̇т̇а сун̃н̃ад̇о убадтаанагусалод̇и ваа сун̃н̃ад̇ааяа убадтаанагусалод̇и ваа бад̣̇ажчзд̣̇о гаад̇аб̣б̣о. яасмаа бана ниб̣б̣ид̣̇аавирааг̇анирод̇хабадиниссаг̇г̇аанубассанаа ад̇хибан̃н̃аад̇хаммавибассанаа яат̇аабхууд̇ан̃аан̣ад̣̇ассанам̣ бадисан̇каанубассанаа вивадданаанубассанаад̇и имаа адта махаавибассанаа ад̇д̇ано сабхаавависзсзна висзсид̇аа, на аарамман̣ависзсзна, д̇асмаа имаасам̣ адтаннам̣ ‘‘анижжад̇о убадтаанагусало ход̇ий’’д̇иаад̣̇ийни важанаани вияа ‘‘ниб̣б̣ид̣̇аад̇о убадтаанагусало ход̇ий’’д̇иаад̣̇ийни важанаани на яуж̇ж̇анд̇и. д̇асмаа зва имаа адта на яож̇ид̇аа. аад̣̇ийнаваанубассанаа бана ‘‘сун̃н̃ад̇уубадтаанагусало ход̇и, абхинивзсаанубадтаанагусало ход̇ий’’д̇и иминаа яуг̇алагаважанзнзва ад̇т̇ад̇о ‘‘аад̣̇ийнавад̇о убадтаанагусало ход̇и, аалаяаабхинивзсаанубадтаанагусало ход̇ий’’д̇и яож̇ид̇аава ход̇ийд̇и саруубзна на яож̇ид̇аа. ид̇и буримаа жа адта, аяан̃жа аад̣̇ийнаваанубассанаад̇и адтаарасасу махаавибассанаасу имаа нава аяож̇зд̇ваа ид̇араа зва нава яож̇ид̇аад̇и взд̣̇ид̇аб̣б̣аа. н̃аан̣уубадтаанагусалод̇и сзгко вибассануубаггилзсаанам̣ абхаавад̇о вибассанаабхааванааяа н̃аан̣асса убадтаанз гусало. самаад̇хибхааванааяа бана ниганд̇исаб̣бхаавад̇о н̃аан̣уубадтаанз гусалод̇и на вуд̇д̇о.
206.Suññatūpaṭṭhānakusaloti panettha suññato upaṭṭhānakusaloti vā suññatāya upaṭṭhānakusaloti vā padacchedo kātabbo. Yasmā pana nibbidāvirāganirodhapaṭinissaggānupassanā adhipaññādhammavipassanā yathābhūtañāṇadassanaṃ paṭisaṅkhānupassanā vivaṭṭanānupassanāti imā aṭṭha mahāvipassanā attano sabhāvavisesena visesitā, na ārammaṇavisesena, tasmā imāsaṃ aṭṭhannaṃ ‘‘aniccato upaṭṭhānakusalo hotī’’tiādīni vacanāni viya ‘‘nibbidāto upaṭṭhānakusalo hotī’’tiādīni vacanāni na yujjanti. Tasmā eva imā aṭṭha na yojitā. Ādīnavānupassanā pana ‘‘suññatūpaṭṭhānakusalo hoti, abhinivesānupaṭṭhānakusalo hotī’’ti iminā yugalakavacaneneva atthato ‘‘ādīnavato upaṭṭhānakusalo hoti, ālayābhinivesānupaṭṭhānakusalo hotī’’ti yojitāva hotīti sarūpena na yojitā. Iti purimā ca aṭṭha, ayañca ādīnavānupassanāti aṭṭhārasasu mahāvipassanāsu imā nava ayojetvā itarā eva nava yojitāti veditabbā. Ñāṇūpaṭṭhānakusaloti sekkho vipassanūpakkilesānaṃ abhāvato vipassanābhāvanāya ñāṇassa upaṭṭhāne kusalo. Samādhibhāvanāya pana nikantisabbhāvato ñāṇūpaṭṭhāne kusaloti na vutto.
висан̃н̃ог̇уубадтаанагусалод̇и ‘‘гаамаяог̇ависан̃н̃ог̇о бхаваяог̇ависан̃н̃ог̇о д̣̇идтияог̇ависан̃н̃ог̇о авиж̇ж̇ааяог̇ависан̃н̃ог̇о’’д̇и (д̣̇ий. ни. 3.312) жад̇уд̇хаа вуд̇д̇асса висан̃н̃ог̇асса убадтаанз гусало. сан̃н̃ог̇аанубадтаанагусалод̇и гаамаяог̇абхаваяог̇ад̣̇идтияог̇аавиж̇ж̇ааяог̇авасзна жад̇уд̇хаа вуд̇д̇асса сан̃н̃ог̇асса анубадтаанз гусало. нирод̇хуубадтаанагусалод̇и ‘‘буна жабарам̣, бхигкавз, кийн̣аасавасса бхигкуно ниб̣б̣аананиннам̣ жид̇д̇ам̣ ход̇и ниб̣б̣аанабон̣ам̣ ниб̣б̣аанабаб̣бхаарам̣ вивзгадтам̣ нзгкаммаабхирад̇ам̣ б̣яанд̇ийбхууд̇ам̣ саб̣б̣асо аасавадтааниязхи д̇хаммзхий’’д̇и (а. ни. 10.90; бади. ма. 2.44 ад̇т̇ад̇о самаанам̣) вуд̇д̇акийн̣аасаваб̣алавасзна ниб̣б̣аананиннажид̇д̇ад̇д̇аа кийн̣аасавова нирод̇хасан̇каад̇асса ниб̣б̣аанасса убадтаанз гусало.
Visaññogūpaṭṭhānakusaloti ‘‘kāmayogavisaññogo bhavayogavisaññogo diṭṭhiyogavisaññogo avijjāyogavisaññogo’’ti (dī. ni. 3.312) catudhā vuttassa visaññogassa upaṭṭhāne kusalo. Saññogānupaṭṭhānakusaloti kāmayogabhavayogadiṭṭhiyogāvijjāyogavasena catudhā vuttassa saññogassa anupaṭṭhāne kusalo. Nirodhūpaṭṭhānakusaloti ‘‘puna caparaṃ, bhikkhave, khīṇāsavassa bhikkhuno nibbānaninnaṃ cittaṃ hoti nibbānapoṇaṃ nibbānapabbhāraṃ vivekaṭṭhaṃ nekkhammābhirataṃ byantībhūtaṃ sabbaso āsavaṭṭhāniyehi dhammehī’’ti (a. ni. 10.90; paṭi. ma. 2.44 atthato samānaṃ) vuttakhīṇāsavabalavasena nibbānaninnacittattā khīṇāsavova nirodhasaṅkhātassa nibbānassa upaṭṭhāne kusalo.
аарамман̣уубадтаанагусалавасзнаад̇иаад̣̇ийсу гусаланд̇и н̃аан̣ам̣. н̃аан̣амби хи гусалабуг̇г̇алаяог̇ад̇о гусалам̣ яат̇аа бан̣д̣ид̇абуг̇г̇алаяог̇ад̇о ‘‘бан̣д̣ид̇аа д̇хаммаа’’д̇и (д̇ха. са. д̣̇угамаад̇игаа 103). д̇асмаа госаллавасзнаад̇и ад̇т̇о.
Ārammaṇūpaṭṭhānakusalavasenātiādīsu kusalanti ñāṇaṃ. Ñāṇampi hi kusalapuggalayogato kusalaṃ yathā paṇḍitapuggalayogato ‘‘paṇḍitā dhammā’’ti (dha. sa. dukamātikā 103). Tasmā kosallavasenāti attho.
207. ид̣̇аани жад̇усадтияаа аагаарзхийд̇иаад̣̇и н̃аан̣агат̇ааяам̣ (бади. ма. 1.107) вуд̇д̇амби инд̣̇рияагат̇аасамб̣анд̇хзна ид̇хаанзд̇ваа вуд̇д̇ам̣. д̇ам̣ хздтаа вуд̇д̇анаязнзва взд̣̇ид̇аб̣б̣ам̣.
207. Idāni catusaṭṭhiyā ākārehītiādi ñāṇakathāyaṃ (paṭi. ma. 1.107) vuttampi indriyakathāsambandhena idhānetvā vuttaṃ. Taṃ heṭṭhā vuttanayeneva veditabbaṃ.
208. буна саманд̇ажагкусамб̣анд̇хзна инд̣̇рияавид̇хаанам̣ вад̇д̇угаамо на д̇асса ад̣̇д̣̇идтамид̇хад̇т̇и гин̃жийд̇иаад̣̇имааха. д̇ад̇т̇а саманд̇ажагкууд̇и саб̣б̣ан̃н̃уд̇ан̃н̃аан̣ам̣. бан̃н̃инд̣̇рияасса васзнаад̇иаад̣̇инаа бан̃жаннам̣ инд̣̇рияаанам̣ авияог̇ид̇ам̣ д̣̇ассзд̇и. сад̣̇д̣̇аханд̇о баг̇г̇ан̣хаад̇ийд̇иаад̣̇ийхи згзгинд̣̇рияамуулагзхи бан̃жахи жад̇уггзхи бан̃жаннам̣ инд̣̇рияаанам̣ ниннабаяог̇агаалз ваа маг̇г̇агкан̣з ваа згарасабхаавам̣ ан̃н̃аман̃н̃абажжаяабхааван̃жа д̣̇ассзд̇и. сад̣̇д̣̇ахид̇ад̇д̇аа баг̇г̇ахид̇анд̇иаад̣̇ийхи згзгинд̣̇рияамуулагзхи бан̃жахи жад̇уггзхи бан̃жаннам̣ инд̣̇рияаанам̣ ниб̣б̣ад̇д̇игаалз ваа палагаалз ваа згарасабхаавам̣ ан̃н̃аман̃н̃абажжаяабхааван̃жа д̣̇ассзд̇и. буна б̣уд̣̇д̇хажагкусамб̣анд̇хзна инд̣̇рияавид̇хаанам̣ вад̇д̇угаамо яам̣ б̣уд̣̇д̇хажагкууд̇иаад̣̇имааха . д̇ад̇т̇а б̣уд̣̇д̇хажагкууд̇и инд̣̇рияабаробарияад̇д̇ан̃аан̣ам̣ аасаяаанусаяан̃аан̣ан̃жа. б̣уд̣̇д̇хан̃аан̣анд̇и жа ид̣̇ам̣ д̇ад̣̇зва д̣̇ваяам̣, сзсам̣ хздтаа вуд̇д̇ад̇т̇амзваад̇и.
208. Puna samantacakkhusambandhena indriyavidhānaṃ vattukāmo na tassa addiṭṭhamidhatthi kiñcītiādimāha. Tattha samantacakkhūti sabbaññutaññāṇaṃ. Paññindriyassa vasenātiādinā pañcannaṃ indriyānaṃ aviyogitaṃ dasseti. Saddahanto paggaṇhātītiādīhi ekekindriyamūlakehi pañcahi catukkehi pañcannaṃ indriyānaṃ ninnapayogakāle vā maggakkhaṇe vā ekarasabhāvaṃ aññamaññapaccayabhāvañca dasseti. Saddahitattā paggahitantiādīhi ekekindriyamūlakehi pañcahi catukkehi pañcannaṃ indriyānaṃ nibbattikāle vā phalakāle vā ekarasabhāvaṃ aññamaññapaccayabhāvañca dasseti. Puna buddhacakkhusambandhena indriyavidhānaṃ vattukāmo yaṃ buddhacakkhūtiādimāha . Tattha buddhacakkhūti indriyaparopariyattañāṇaṃ āsayānusayañāṇañca. Buddhañāṇanti ca idaṃ tadeva dvayaṃ, sesaṃ heṭṭhā vuttatthamevāti.
инд̣̇рияасамод̇хаанаван̣н̣анаа нидтид̇аа.
Indriyasamodhānavaṇṇanā niṭṭhitā.
сад̣̇д̇хаммаббагаасинияаа бадисамбхид̣̇аамаг̇г̇а-адтагат̇ааяа
Saddhammappakāsiniyā paṭisambhidāmagga-aṭṭhakathāya
инд̣̇рияагат̇ааван̣н̣анаа нидтид̇аа.
Indriyakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 5. инд̣̇рияасамод̇хаанам̣ • 5. Indriyasamodhānaṃ
