| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
9. இந்த்³ரியஸம்பன்னஸுத்தங்
9. Indriyasampannasuttaṃ
154. அத² கோ² அஞ்ஞதரோ பி⁴க்கு² யேன ப⁴க³வா தேனுபஸங்கமி…பே॰… ஏகமந்தங் நிஸின்னோ கோ² ஸோ பி⁴க்கு² ப⁴க³வந்தங் ஏதத³வோச – ‘‘‘இந்த்³ரியஸம்பன்னோ, இந்த்³ரியஸம்பன்னோ’தி, ப⁴ந்தே, வுச்சதி. கித்தாவதா நு கோ², ப⁴ந்தே, இந்த்³ரியஸம்பன்னோ ஹோதீ’’தி?
154. Atha kho aññataro bhikkhu yena bhagavā tenupasaṅkami…pe… ekamantaṃ nisinno kho so bhikkhu bhagavantaṃ etadavoca – ‘‘‘indriyasampanno, indriyasampanno’ti, bhante, vuccati. Kittāvatā nu kho, bhante, indriyasampanno hotī’’ti?
‘‘சக்கு²ந்த்³ரியே சே, பி⁴க்கு², உத³யப்³ப³யானுபஸ்ஸீ விஹரந்தோ சக்கு²ந்த்³ரியே நிப்³பி³ந்த³தி…பே॰… ஜிவ்ஹிந்த்³ரியே சே, பி⁴க்கு², உத³யப்³ப³யானுபஸ்ஸீ விஹரந்தோ ஜிவ்ஹிந்த்³ரியே நிப்³பி³ந்த³தி…பே॰… மனிந்த்³ரியே சே, பி⁴க்கு², உத³யப்³ப³யானுபஸ்ஸீ விஹரந்தோ மனிந்த்³ரியே நிப்³பி³ந்த³தி. நிப்³பி³ந்த³ங் விரஜ்ஜதி…பே॰… விமுத்தஸ்மிங் விமுத்தமிதி ஞாணங் ஹோதி. ‘கீ²ணா ஜாதி, வுஸிதங் ப்³ரஹ்மசரியங், கதங் கரணீயங், நாபரங் இத்த²த்தாயா’தி பஜானாதி. எத்தாவதா கோ², பி⁴க்கு², இந்த்³ரியஸம்பன்னோ ஹோதீ’’தி. நவமங்.
‘‘Cakkhundriye ce, bhikkhu, udayabbayānupassī viharanto cakkhundriye nibbindati…pe… jivhindriye ce, bhikkhu, udayabbayānupassī viharanto jivhindriye nibbindati…pe… manindriye ce, bhikkhu, udayabbayānupassī viharanto manindriye nibbindati. Nibbindaṃ virajjati…pe… vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti. Ettāvatā kho, bhikkhu, indriyasampanno hotī’’ti. Navamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 9-10. இந்த்³ரியஸம்பன்னஸுத்தாதி³வண்ணனா • 9-10. Indriyasampannasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 9-10. இந்த்³ரியஸம்பன்னஸுத்தாதி³வண்ணனா • 9-10. Indriyasampannasuttādivaṇṇanā
