| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৯. ইন্দ্রিযসম্পন্নসুত্তং
9. Indriyasampannasuttaṃ
১৫৪. অথ খো অঞ্ঞতরো ভিক্খু যেন ভগৰা তেনুপসঙ্কমি…পে॰… একমন্তং নিসিন্নো খো সো ভিক্খু ভগৰন্তং এতদৰোচ – ‘‘‘ইন্দ্রিযসম্পন্নো, ইন্দ্রিযসম্পন্নো’তি, ভন্তে, ৰুচ্চতি। কিত্তাৰতা নু খো, ভন্তে, ইন্দ্রিযসম্পন্নো হোতী’’তি?
154. Atha kho aññataro bhikkhu yena bhagavā tenupasaṅkami…pe… ekamantaṃ nisinno kho so bhikkhu bhagavantaṃ etadavoca – ‘‘‘indriyasampanno, indriyasampanno’ti, bhante, vuccati. Kittāvatā nu kho, bhante, indriyasampanno hotī’’ti?
‘‘চক্খুন্দ্রিযে চে, ভিক্খু, উদযব্বযানুপস্সী ৰিহরন্তো চক্খুন্দ্রিযে নিব্বিন্দতি…পে॰… জিৰ্হিন্দ্রিযে চে, ভিক্খু, উদযব্বযানুপস্সী ৰিহরন্তো জিৰ্হিন্দ্রিযে নিব্বিন্দতি…পে॰… মনিন্দ্রিযে চে, ভিক্খু, উদযব্বযানুপস্সী ৰিহরন্তো মনিন্দ্রিযে নিব্বিন্দতি। নিব্বিন্দং ৰিরজ্জতি…পে॰… ৰিমুত্তস্মিং ৰিমুত্তমিতি ঞাণং হোতি। ‘খীণা জাতি, ৰুসিতং ব্রহ্মচরিযং, কতং করণীযং, নাপরং ইত্থত্তাযা’তি পজানাতি। এত্তাৰতা খো, ভিক্খু, ইন্দ্রিযসম্পন্নো হোতী’’তি। নৰমং।
‘‘Cakkhundriye ce, bhikkhu, udayabbayānupassī viharanto cakkhundriye nibbindati…pe… jivhindriye ce, bhikkhu, udayabbayānupassī viharanto jivhindriye nibbindati…pe… manindriye ce, bhikkhu, udayabbayānupassī viharanto manindriye nibbindati. Nibbindaṃ virajjati…pe… vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti. Ettāvatā kho, bhikkhu, indriyasampanno hotī’’ti. Navamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৯-১০. ইন্দ্রিযসম্পন্নসুত্তাদিৰণ্ণনা • 9-10. Indriyasampannasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৯-১০. ইন্দ্রিযসম্পন্নসুত্তাদিৰণ্ণনা • 9-10. Indriyasampannasuttādivaṇṇanā
