| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༩. ཨིནྡྲིཡསམྤནྣསུཏྟཾ
9. Indriyasampannasuttaṃ
༡༥༤. ཨཐ ཁོ ཨཉྙཏརོ བྷིཀྑུ ཡེན བྷགཝཱ ཏེནུཔསངྐམི…པེ॰… ཨེཀམནྟཾ ནིསིནྣོ ཁོ སོ བྷིཀྑུ བྷགཝནྟཾ ཨེཏདཝོཙ – ‘‘‘ཨིནྡྲིཡསམྤནྣོ, ཨིནྡྲིཡསམྤནྣོ’ཏི, བྷནྟེ, ཝུཙྩཏི། ཀིཏྟཱཝཏཱ ནུ ཁོ, བྷནྟེ, ཨིནྡྲིཡསམྤནྣོ ཧོཏཱི’’ཏི?
154. Atha kho aññataro bhikkhu yena bhagavā tenupasaṅkami…pe… ekamantaṃ nisinno kho so bhikkhu bhagavantaṃ etadavoca – ‘‘‘indriyasampanno, indriyasampanno’ti, bhante, vuccati. Kittāvatā nu kho, bhante, indriyasampanno hotī’’ti?
‘‘ཙཀྑུནྡྲིཡེ ཙེ, བྷིཀྑུ, ཨུདཡབྦཡཱནུཔསྶཱི ཝིཧརནྟོ ཙཀྑུནྡྲིཡེ ནིབྦིནྡཏི…པེ॰… ཛིཝ྄ཧིནྡྲིཡེ ཙེ, བྷིཀྑུ, ཨུདཡབྦཡཱནུཔསྶཱི ཝིཧརནྟོ ཛིཝ྄ཧིནྡྲིཡེ ནིབྦིནྡཏི…པེ॰… མནིནྡྲིཡེ ཙེ, བྷིཀྑུ, ཨུདཡབྦཡཱནུཔསྶཱི ཝིཧརནྟོ མནིནྡྲིཡེ ནིབྦིནྡཏི། ནིབྦིནྡཾ ཝིརཛྫཏི…པེ॰… ཝིམུཏྟསྨིཾ ཝིམུཏྟམིཏི ཉཱཎཾ ཧོཏི། ‘ཁཱིཎཱ ཛཱཏི, ཝུསིཏཾ བྲཧྨཙརིཡཾ, ཀཏཾ ཀརཎཱིཡཾ, ནཱཔརཾ ཨིཏྠཏྟཱཡཱ’ཏི པཛཱནཱཏི། ཨེཏྟཱཝཏཱ ཁོ, བྷིཀྑུ, ཨིནྡྲིཡསམྤནྣོ ཧོཏཱི’’ཏི། ནཝམཾ།
‘‘Cakkhundriye ce, bhikkhu, udayabbayānupassī viharanto cakkhundriye nibbindati…pe… jivhindriye ce, bhikkhu, udayabbayānupassī viharanto jivhindriye nibbindati…pe… manindriye ce, bhikkhu, udayabbayānupassī viharanto manindriye nibbindati. Nibbindaṃ virajjati…pe… vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti. Ettāvatā kho, bhikkhu, indriyasampanno hotī’’ti. Navamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༩-༡༠. ཨིནྡྲིཡསམྤནྣསུཏྟཱདིཝཎྞནཱ • 9-10. Indriyasampannasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༩-༡༠. ཨིནྡྲིཡསམྤནྣསུཏྟཱདིཝཎྞནཱ • 9-10. Indriyasampannasuttādivaṇṇanā
