| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
8. இந்த்³ரியஸங்வரஸுத்தவண்ணனா
8. Indriyasaṃvarasuttavaṇṇanā
50. அட்ட²மே உபனிஸீத³தி ப²லங் எத்தா²தி காரணங் உபனிஸா. யதா²பூ⁴தஞாணத³ஸ்ஸனந்தி யதா²ஸபா⁴வஜானநஸங்கா²தங் த³ஸ்ஸனங். ஏதேன தருணவிபஸ்ஸனங் த³ஸ்ஸேதி. தருணவிபஸ்ஸனா ஹி ப³லவவிபஸ்ஸனாய பச்சயோ ஹோதி. தருணவிபஸ்ஸனாதி நாமரூபபரிக்³க³ஹே ஞாணங், பச்சயபரிக்³க³ஹே ஞாணங், ஸம்மஸனே ஞாணங், மக்³கா³மக்³கே³ வவத்த²பெத்வா டி²தஞாணந்தி சதுன்னங் ஞாணானங் அதி⁴வசனங். நிப்³பி³ந்த³தி ஏதாயாதி நிப்³பி³தா³. ப³லவவிபஸ்ஸனாதி ப⁴யதுபட்டா²னே ஞாணங் ஆதீ³னவானுபஸ்ஸனே ஞாணங் முச்சிதுகம்யதாஞாணங் ஸங்கா²ருபெக்கா²ஞாணந்தி சதுன்னங் ஞாணானங் அதி⁴வசனங். படிஸங்கா²னுபஸ்ஸனா பன முச்சிதுகம்யதாபக்கி²கா ஏவ. ‘‘யாவ மக்³கா³மக்³க³ஞாணத³ஸ்ஸனவிஸுத்³தி⁴, தாவ தருணவிபஸ்ஸனா’’தி ஹி வசனதோ உபக்கிலேஸவிமுத்தஉத³யப்³ப³யஞாணதோ ப³லவவிபஸ்ஸனா. விரஜ்ஜதி அரியோ ஸங்கா²ரதோ ஏதேனாதி விராகோ³, அரியமக்³கோ³. அரஹத்தப²லந்தி உக்கட்ட²னித்³தே³ஸதோ வுத்தங். இந்த்³ரியஸங்வரஸ்ஸ ஸீலரக்க²ணஹேதுத்தா வுத்தங் ‘‘ஸீலானுரக்க²ணஇந்த்³ரியஸங்வரோ கதி²தோ’’தி.
50. Aṭṭhame upanisīdati phalaṃ etthāti kāraṇaṃ upanisā. Yathābhūtañāṇadassananti yathāsabhāvajānanasaṅkhātaṃ dassanaṃ. Etena taruṇavipassanaṃ dasseti. Taruṇavipassanā hi balavavipassanāya paccayo hoti. Taruṇavipassanāti nāmarūpapariggahe ñāṇaṃ, paccayapariggahe ñāṇaṃ, sammasane ñāṇaṃ, maggāmagge vavatthapetvā ṭhitañāṇanti catunnaṃ ñāṇānaṃ adhivacanaṃ. Nibbindati etāyāti nibbidā. Balavavipassanāti bhayatupaṭṭhāne ñāṇaṃ ādīnavānupassane ñāṇaṃ muccitukamyatāñāṇaṃ saṅkhārupekkhāñāṇanti catunnaṃ ñāṇānaṃ adhivacanaṃ. Paṭisaṅkhānupassanā pana muccitukamyatāpakkhikā eva. ‘‘Yāva maggāmaggañāṇadassanavisuddhi, tāva taruṇavipassanā’’ti hi vacanato upakkilesavimuttaudayabbayañāṇato balavavipassanā. Virajjati ariyo saṅkhārato etenāti virāgo, ariyamaggo. Arahattaphalanti ukkaṭṭhaniddesato vuttaṃ. Indriyasaṃvarassa sīlarakkhaṇahetuttā vuttaṃ ‘‘sīlānurakkhaṇaindriyasaṃvaro kathito’’ti.
இந்த்³ரியஸங்வரஸுத்தவண்ணனா நிட்டி²தா.
Indriyasaṃvarasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 8. இந்த்³ரியஸங்வரஸுத்தங் • 8. Indriyasaṃvarasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 8. இந்த்³ரியஸங்வரஸுத்தவண்ணனா • 8. Indriyasaṃvarasuttavaṇṇanā
