| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
8. инд̣̇рияасам̣варасуд̇д̇аван̣н̣анаа
8. Indriyasaṃvarasuttavaṇṇanā
50. адтамз убанисийд̣̇ад̇и палам̣ зд̇т̇аад̇и гааран̣ам̣ убанисаа. яат̇аабхууд̇ан̃аан̣ад̣̇ассананд̇и яат̇аасабхааваж̇аананасан̇каад̇ам̣ д̣̇ассанам̣. зд̇зна д̇арун̣авибассанам̣ д̣̇ассзд̇и. д̇арун̣авибассанаа хи б̣алававибассанааяа бажжаяо ход̇и. д̇арун̣авибассанаад̇и наамаруубабариг̇г̇ахз н̃аан̣ам̣, бажжаяабариг̇г̇ахз н̃аан̣ам̣, саммасанз н̃аан̣ам̣, маг̇г̇аамаг̇г̇з вавад̇т̇абзд̇ваа тид̇ан̃аан̣анд̇и жад̇уннам̣ н̃аан̣аанам̣ ад̇хиважанам̣. ниб̣б̣инд̣̇ад̇и зд̇ааяаад̇и ниб̣б̣ид̣̇аа. б̣алававибассанаад̇и бхаяад̇убадтаанз н̃аан̣ам̣ аад̣̇ийнаваанубассанз н̃аан̣ам̣ мужжид̇угамяад̇аан̃аан̣ам̣ сан̇каарубзгкаан̃аан̣анд̇и жад̇уннам̣ н̃аан̣аанам̣ ад̇хиважанам̣. бадисан̇каанубассанаа бана мужжид̇угамяад̇аабагкигаа зва. ‘‘яаава маг̇г̇аамаг̇г̇ан̃аан̣ад̣̇ассанависуд̣̇д̇хи, д̇аава д̇арун̣авибассанаа’’д̇и хи важанад̇о убаггилзсавимуд̇д̇ауд̣̇аяаб̣б̣аяан̃аан̣ад̇о б̣алававибассанаа. вираж̇ж̇ад̇и арияо сан̇каарад̇о зд̇знаад̇и вирааг̇о, арияамаг̇г̇о. арахад̇д̇апаланд̇и уггадтанид̣̇д̣̇зсад̇о вуд̇д̇ам̣. инд̣̇рияасам̣варасса сийларагкан̣ахзд̇уд̇д̇аа вуд̇д̇ам̣ ‘‘сийлаанурагкан̣аинд̣̇рияасам̣варо гат̇ид̇о’’д̇и.
50. Aṭṭhame upanisīdati phalaṃ etthāti kāraṇaṃ upanisā. Yathābhūtañāṇadassananti yathāsabhāvajānanasaṅkhātaṃ dassanaṃ. Etena taruṇavipassanaṃ dasseti. Taruṇavipassanā hi balavavipassanāya paccayo hoti. Taruṇavipassanāti nāmarūpapariggahe ñāṇaṃ, paccayapariggahe ñāṇaṃ, sammasane ñāṇaṃ, maggāmagge vavatthapetvā ṭhitañāṇanti catunnaṃ ñāṇānaṃ adhivacanaṃ. Nibbindati etāyāti nibbidā. Balavavipassanāti bhayatupaṭṭhāne ñāṇaṃ ādīnavānupassane ñāṇaṃ muccitukamyatāñāṇaṃ saṅkhārupekkhāñāṇanti catunnaṃ ñāṇānaṃ adhivacanaṃ. Paṭisaṅkhānupassanā pana muccitukamyatāpakkhikā eva. ‘‘Yāva maggāmaggañāṇadassanavisuddhi, tāva taruṇavipassanā’’ti hi vacanato upakkilesavimuttaudayabbayañāṇato balavavipassanā. Virajjati ariyo saṅkhārato etenāti virāgo, ariyamaggo. Arahattaphalanti ukkaṭṭhaniddesato vuttaṃ. Indriyasaṃvarassa sīlarakkhaṇahetuttā vuttaṃ ‘‘sīlānurakkhaṇaindriyasaṃvaro kathito’’ti.
инд̣̇рияасам̣варасуд̇д̇аван̣н̣анаа нидтид̇аа.
Indriyasaṃvarasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 8. инд̣̇рияасам̣варасуд̇д̇ам̣ • 8. Indriyasaṃvarasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. инд̣̇рияасам̣варасуд̇д̇аван̣н̣анаа • 8. Indriyasaṃvarasuttavaṇṇanā
