| Library / Tipiṭaka / തിപിടക • Tipiṭaka / അങ്ഗുത്തരനികായ (ടീകാ) • Aṅguttaranikāya (ṭīkā) |
൮. ഇന്ദ്രിയസംവരസുത്തവണ്ണനാ
8. Indriyasaṃvarasuttavaṇṇanā
൫൦. അട്ഠമേ ഉപനിസീദതി ഫലം ഏത്ഥാതി കാരണം ഉപനിസാ. യഥാഭൂതഞാണദസ്സനന്തി യഥാസഭാവജാനനസങ്ഖാതം ദസ്സനം. ഏതേന തരുണവിപസ്സനം ദസ്സേതി. തരുണവിപസ്സനാ ഹി ബലവവിപസ്സനായ പച്ചയോ ഹോതി. തരുണവിപസ്സനാതി നാമരൂപപരിഗ്ഗഹേ ഞാണം, പച്ചയപരിഗ്ഗഹേ ഞാണം, സമ്മസനേ ഞാണം, മഗ്ഗാമഗ്ഗേ വവത്ഥപേത്വാ ഠിതഞാണന്തി ചതുന്നം ഞാണാനം അധിവചനം. നിബ്ബിന്ദതി ഏതായാതി നിബ്ബിദാ. ബലവവിപസ്സനാതി ഭയതുപട്ഠാനേ ഞാണം ആദീനവാനുപസ്സനേ ഞാണം മുച്ചിതുകമ്യതാഞാണം സങ്ഖാരുപേക്ഖാഞാണന്തി ചതുന്നം ഞാണാനം അധിവചനം. പടിസങ്ഖാനുപസ്സനാ പന മുച്ചിതുകമ്യതാപക്ഖികാ ഏവ. ‘‘യാവ മഗ്ഗാമഗ്ഗഞാണദസ്സനവിസുദ്ധി, താവ തരുണവിപസ്സനാ’’തി ഹി വചനതോ ഉപക്കിലേസവിമുത്തഉദയബ്ബയഞാണതോ ബലവവിപസ്സനാ. വിരജ്ജതി അരിയോ സങ്ഖാരതോ ഏതേനാതി വിരാഗോ, അരിയമഗ്ഗോ. അരഹത്തഫലന്തി ഉക്കട്ഠനിദ്ദേസതോ വുത്തം. ഇന്ദ്രിയസംവരസ്സ സീലരക്ഖണഹേതുത്താ വുത്തം ‘‘സീലാനുരക്ഖണഇന്ദ്രിയസംവരോ കഥിതോ’’തി.
50. Aṭṭhame upanisīdati phalaṃ etthāti kāraṇaṃ upanisā. Yathābhūtañāṇadassananti yathāsabhāvajānanasaṅkhātaṃ dassanaṃ. Etena taruṇavipassanaṃ dasseti. Taruṇavipassanā hi balavavipassanāya paccayo hoti. Taruṇavipassanāti nāmarūpapariggahe ñāṇaṃ, paccayapariggahe ñāṇaṃ, sammasane ñāṇaṃ, maggāmagge vavatthapetvā ṭhitañāṇanti catunnaṃ ñāṇānaṃ adhivacanaṃ. Nibbindati etāyāti nibbidā. Balavavipassanāti bhayatupaṭṭhāne ñāṇaṃ ādīnavānupassane ñāṇaṃ muccitukamyatāñāṇaṃ saṅkhārupekkhāñāṇanti catunnaṃ ñāṇānaṃ adhivacanaṃ. Paṭisaṅkhānupassanā pana muccitukamyatāpakkhikā eva. ‘‘Yāva maggāmaggañāṇadassanavisuddhi, tāva taruṇavipassanā’’ti hi vacanato upakkilesavimuttaudayabbayañāṇato balavavipassanā. Virajjati ariyo saṅkhārato etenāti virāgo, ariyamaggo. Arahattaphalanti ukkaṭṭhaniddesato vuttaṃ. Indriyasaṃvarassa sīlarakkhaṇahetuttā vuttaṃ ‘‘sīlānurakkhaṇaindriyasaṃvaro kathito’’ti.
ഇന്ദ്രിയസംവരസുത്തവണ്ണനാ നിട്ഠിതാ.
Indriyasaṃvarasuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൮. ഇന്ദ്രിയസംവരസുത്തം • 8. Indriyasaṃvarasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൮. ഇന്ദ്രിയസംവരസുത്തവണ്ണനാ • 8. Indriyasaṃvarasuttavaṇṇanā
