| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
1. инд̣̇рияавааро
1. Indriyavāro
23. саб̣б̣зсам̣ сад̇д̇аанам̣ бийл̣анам̣ важ̇ж̇зд̇ваа абийл̣анааяа, убагхаад̇ам̣ важ̇ж̇зд̇ваа анубагхаад̇зна, санд̇аабам̣ важ̇ж̇зд̇ваа асанд̇аабзна, барияаад̣̇аанам̣ важ̇ж̇зд̇ваа абарияаад̣̇аанзна, вихзсам̣ важ̇ж̇зд̇ваа авихзсааяа, саб̣б̣з сад̇д̇аа авзрино хонд̇у маа взрино, сукино хонд̇у маа д̣̇угкино, сукид̇ад̇д̇аа хонд̇у маа д̣̇угкид̇ад̇д̇аад̇и – имзхи адтахаагаарзхи саб̣б̣з сад̇д̇з мзд̇д̇ааяад̇ийд̇и – мзд̇д̇аа. д̇ам̣ д̇хаммам̣ жзд̇аяад̇ийд̇и – жзд̇о. саб̣б̣аб̣яаабаад̣̇абарияудтаанзхи вимужжад̇ийд̇и – вимуд̇д̇и. мзд̇д̇аа жа жзд̇о жа вимуд̇д̇и жаад̇и – мзд̇д̇аажзд̇овимуд̇д̇и.
23. Sabbesaṃ sattānaṃ pīḷanaṃ vajjetvā apīḷanāya, upaghātaṃ vajjetvā anupaghātena, santāpaṃ vajjetvā asantāpena, pariyādānaṃ vajjetvā apariyādānena, vihesaṃ vajjetvā avihesāya, sabbe sattā averino hontu mā verino, sukhino hontu mā dukkhino, sukhitattā hontu mā dukkhitattāti – imehi aṭṭhahākārehi sabbe satte mettāyatīti – mettā. Taṃ dhammaṃ cetayatīti – ceto. Sabbabyāpādapariyuṭṭhānehi vimuccatīti – vimutti. Mettā ca ceto ca vimutti cāti – mettācetovimutti.
саб̣б̣з сад̇д̇аа авзрино хонд̇у, кзмино хонд̇у, сукино хонд̇ууд̇и – сад̣̇д̇хааяа ад̇химужжад̇и. сад̣̇д̇хинд̣̇рияабарибхаавид̇аа ход̇и мзд̇д̇аажзд̇овимуд̇д̇и.
Sabbe sattā averino hontu, khemino hontu, sukhino hontūti – saddhāya adhimuccati. Saddhindriyaparibhāvitā hoti mettācetovimutti.
саб̣б̣з сад̇д̇аа авзрино хонд̇у, кзмино хонд̇у, сукино хонд̇ууд̇и – вийрияам̣ баг̇г̇ан̣хаад̇и. вийрияинд̣̇рияабарибхаавид̇аа ход̇и мзд̇д̇аажзд̇овимуд̇д̇и.
Sabbe sattā averino hontu, khemino hontu, sukhino hontūti – vīriyaṃ paggaṇhāti. Vīriyindriyaparibhāvitā hoti mettācetovimutti.
саб̣б̣з сад̇д̇аа авзрино хонд̇у, кзмино хонд̇у, сукино хонд̇ууд̇и – сад̇им̣ убадтаабзд̇и. сад̇инд̣̇рияабарибхаавид̇аа ход̇и мзд̇д̇аажзд̇овимуд̇д̇и.
Sabbe sattā averino hontu, khemino hontu, sukhino hontūti – satiṃ upaṭṭhāpeti. Satindriyaparibhāvitā hoti mettācetovimutti.
саб̣б̣з сад̇д̇аа авзрино хонд̇у, кзмино хонд̇у, сукино хонд̇ууд̇и – жид̇д̇ам̣ самаад̣̇ахад̇и. самаад̇хинд̣̇рияабарибхаавид̇аа ход̇и мзд̇д̇аажзд̇овимуд̇д̇и.
Sabbe sattā averino hontu, khemino hontu, sukhino hontūti – cittaṃ samādahati. Samādhindriyaparibhāvitā hoti mettācetovimutti.
саб̣б̣з сад̇д̇аа авзрино хонд̇у, кзмино хонд̇у, сукино хонд̇ууд̇и – бан̃н̃ааяа баж̇аанаад̇и. бан̃н̃инд̣̇рияабарибхаавид̇аа ход̇и мзд̇д̇аажзд̇овимуд̇д̇и.
Sabbe sattā averino hontu, khemino hontu, sukhino hontūti – paññāya pajānāti. Paññindriyaparibhāvitā hoti mettācetovimutti.
имаани бан̃жинд̣̇рияаани мзд̇д̇ааяа жзд̇овимуд̇д̇ияаа аасзванаа хонд̇и. имзхи бан̃жахи инд̣̇риязхи мзд̇д̇аажзд̇овимуд̇д̇и аасзвийяад̇и. имаани бан̃жинд̣̇рияаани мзд̇д̇ааяа жзд̇овимуд̇д̇ияаа бхааванаа хонд̇и. имзхи бан̃жахи инд̣̇риязхи мзд̇д̇аажзд̇овимуд̇д̇и бхаавийяад̇и. имаани бан̃жинд̣̇рияаани мзд̇д̇ааяа жзд̇овимуд̇д̇ияаа б̣ахулийгад̇аа хонд̇и. имзхи бан̃жахи инд̣̇риязхи мзд̇д̇аажзд̇овимуд̇д̇и б̣ахулийгарийяад̇и. имаани бан̃жинд̣̇рияаани мзд̇д̇ааяа жзд̇овимуд̇д̇ияаа алан̇гаараа хонд̇и. имзхи бан̃жахи инд̣̇риязхи мзд̇д̇аажзд̇овимуд̇д̇и сваалан̇гад̇аа ход̇и. имаани бан̃жинд̣̇рияаани мзд̇д̇ааяа жзд̇овимуд̇д̇ияаа баригкаараа хонд̇и. имзхи бан̃жахи инд̣̇риязхи мзд̇д̇аажзд̇овимуд̇д̇и субаригкад̇аа ход̇и. имаани бан̃жинд̣̇рияаани мзд̇д̇ааяа жзд̇овимуд̇д̇ияаа бариваараа хонд̇и. имзхи бан̃жахи инд̣̇риязхи мзд̇д̇аажзд̇овимуд̇д̇и субаривуд̇аа ход̇и. имаани бан̃жинд̣̇рияаани мзд̇д̇ааяа жзд̇овимуд̇д̇ияаа аасзванаа хонд̇и, бхааванаа хонд̇и, б̣ахулийгад̇аа хонд̇и, алан̇гаараа хонд̇и, баригкаараа хонд̇и, бариваараа хонд̇и, баарибуурий хонд̇и, сахаг̇ад̇аа хонд̇и, сахаж̇аад̇аа хонд̇и, сам̣садтаа хонд̇и, самбаяуд̇д̇аа хонд̇и, багканд̣̇анаа хонд̇и, басийд̣̇анаа 1 хонд̇и, санд̇идтанаа хонд̇и, вимужжанаа хонд̇и, ‘‘зд̇ам̣ санд̇а’’нд̇и пассанаа хонд̇и, яаанийгад̇аа хонд̇и , вад̇т̇угад̇аа хонд̇и, анудтид̇аа хонд̇и, барижид̇аа хонд̇и, сусамаарад̣̇д̇хаа хонд̇и, субхаавид̇аа хонд̇и, сваад̇хидтид̇аа хонд̇и, сусамуг̇г̇ад̇аа хонд̇и , сувимуд̇д̇аа хонд̇и, ниб̣б̣ад̇д̇знд̇и ж̇од̇знд̇и бад̇аабзнд̇и.
Imāni pañcindriyāni mettāya cetovimuttiyā āsevanā honti. Imehi pañcahi indriyehi mettācetovimutti āsevīyati. Imāni pañcindriyāni mettāya cetovimuttiyā bhāvanā honti. Imehi pañcahi indriyehi mettācetovimutti bhāvīyati. Imāni pañcindriyāni mettāya cetovimuttiyā bahulīkatā honti. Imehi pañcahi indriyehi mettācetovimutti bahulīkarīyati. Imāni pañcindriyāni mettāya cetovimuttiyā alaṅkārā honti. Imehi pañcahi indriyehi mettācetovimutti svālaṅkatā hoti. Imāni pañcindriyāni mettāya cetovimuttiyā parikkhārā honti. Imehi pañcahi indriyehi mettācetovimutti suparikkhatā hoti. Imāni pañcindriyāni mettāya cetovimuttiyā parivārā honti. Imehi pañcahi indriyehi mettācetovimutti suparivutā hoti. Imāni pañcindriyāni mettāya cetovimuttiyā āsevanā honti, bhāvanā honti, bahulīkatā honti, alaṅkārā honti, parikkhārā honti, parivārā honti, pāripūrī honti, sahagatā honti, sahajātā honti, saṃsaṭṭhā honti, sampayuttā honti, pakkhandanā honti, pasīdanā 2 honti, santiṭṭhanā honti, vimuccanā honti, ‘‘etaṃ santa’’nti phassanā honti, yānīkatā honti , vatthukatā honti, anuṭṭhitā honti, paricitā honti, susamāraddhā honti, subhāvitā honti, svādhiṭṭhitā honti, susamuggatā honti , suvimuttā honti, nibbattenti jotenti patāpenti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 1. инд̣̇рияаваараван̣н̣анаа • 1. Indriyavāravaṇṇanā
