| Library / Tipiṭaka / д̇ибидага • Tipiṭaka / вибхан̇г̇а-анудийгаа • Vibhaṅga-anuṭīkā |
5. инд̣̇рияавибхан̇г̇о
5. Indriyavibhaṅgo
1. абхид̇хаммабхааж̇анийяаван̣н̣анаа
1. Abhidhammabhājanīyavaṇṇanā
219. жагкуд̣̇ваарабхаавзд̇и жагкуд̣̇ваарабхаавахзд̇у. д̇ам̣д̣̇вааригзхийд̇и д̇асмим̣ д̣̇ваарз бавад̇д̇анагзхи жид̇д̇ажзд̇асигзхи. д̇з хи ‘‘д̇ам̣ д̣̇ваарам̣ бавад̇д̇иогаасабхууд̇ам̣ зд̇зсам̣ ад̇т̇ий’’д̇и д̇ам̣д̣̇вааригаа. нану жа д̇аб̣б̣ад̇т̇угзхиби д̇ам̣ инд̣̇адтам̣ гаарзд̇и. д̇знааха адтагат̇ааяам̣ ‘‘д̇игкз д̇игкад̇д̇аа, манд̣̇з жа манд̣̇ад̇д̇аа’’д̇и? сажжам̣ гаарзд̇и, д̇аб̣б̣ад̇т̇угааби бана ид̇ха ‘‘д̇ам̣д̣̇вааригаа’’ижжзва вуд̇д̇аа. абарижжад̇д̇ад̣̇ваарабхаавам̣язва хи жагку ниссаяадтзна ‘‘вад̇т̇уу’’д̇и вужжад̇и. ат̇а ваа д̇ам̣д̣̇вааригзсу д̇асса инд̣̇адто баагадод̇и ‘‘д̇ам̣д̣̇вааригзхий’’д̇и вуд̇д̇ам̣. инд̣̇адто барзхи анувад̇д̇анийяад̇аа барамиссарабхаавод̇и д̣̇ассзнд̇о ‘‘д̇ан̃хи…бз… анувад̇д̇анд̇ий’’д̇и ааха. д̇ад̇т̇а д̇анд̇и жагкум̣. д̇зд̇и д̇ам̣д̣̇вааригз. гирияаанидтаанаваажий аавий-сад̣̇д̣̇о ‘‘виж̇ид̇аавий’’д̇иаад̣̇ийсу (д̣̇ий. ни. 1.258; 2.33; 3.199) вияаад̇и ааха ‘‘баринидтид̇агижжаж̇аанана’’нд̇и.
219. Cakkhudvārabhāveti cakkhudvārabhāvahetu. Taṃdvārikehīti tasmiṃ dvāre pavattanakehi cittacetasikehi. Te hi ‘‘taṃ dvāraṃ pavattiokāsabhūtaṃ etesaṃ atthī’’ti taṃdvārikā. Nanu ca tabbatthukehipi taṃ indaṭṭhaṃ kāreti. Tenāha aṭṭhakathāyaṃ ‘‘tikkhe tikkhattā, mande ca mandattā’’ti? Saccaṃ kāreti, tabbatthukāpi pana idha ‘‘taṃdvārikā’’icceva vuttā. Apariccattadvārabhāvaṃyeva hi cakkhu nissayaṭṭhena ‘‘vatthū’’ti vuccati. Atha vā taṃdvārikesu tassa indaṭṭho pākaṭoti ‘‘taṃdvārikehī’’ti vuttaṃ. Indaṭṭho parehi anuvattanīyatā paramissarabhāvoti dassento ‘‘tañhi…pe… anuvattantī’’ti āha. Tattha tanti cakkhuṃ. Teti taṃdvārike. Kiriyāniṭṭhānavācī āvī-saddo ‘‘vijitāvī’’tiādīsu (dī. ni. 1.258; 2.33; 3.199) viyāti āha ‘‘pariniṭṭhitakiccajānana’’nti.
‘‘ча имаани, бхигкавз, инд̣̇рияаани. гад̇амаани ча? жагкунд̣̇рияам̣…бз… манинд̣̇рияа’’нд̇и (сам̣. ни. 5.495-499) звам̣ гад̇т̇ажи чабинд̣̇рияаани ааг̇ад̇аани, гасмаа бана суд̇д̇анд̇з канд̇хаад̣̇аяо вияа инд̣̇рияаани згаж̇жхам̣ на вуд̇д̇аани, абхид̇хаммз жа вуд̇д̇аанийд̇и ааха ‘‘д̇ад̇т̇а суд̇д̇анд̇з’’д̇иаад̣̇и. ниссаран̣уубааяаад̣̇ибхаавад̇од̇и зд̇т̇а логуд̇д̇арзсу маг̇г̇абарияаабаннаани ниссаран̣ам̣, ид̇араани ниссаран̣апалам̣, виваддасанниссид̇зна ниб̣б̣ад̇д̇ид̇аани сад̣̇д̇хинд̣̇рияаад̣̇ийни ниссаран̣уубааяо, ид̇арзсу гаанижи бавад̇д̇ибхууд̇аани, гаанижи бавад̇д̇иубааяод̇и взд̣̇ид̇аб̣б̣аани.
‘‘Cha imāni, bhikkhave, indriyāni. Katamāni cha? Cakkhundriyaṃ…pe… manindriya’’nti (saṃ. ni. 5.495-499) evaṃ katthaci chapindriyāni āgatāni, kasmā pana suttante khandhādayo viya indriyāni ekajjhaṃ na vuttāni, abhidhamme ca vuttānīti āha ‘‘tattha suttante’’tiādi. Nissaraṇūpāyādibhāvatoti ettha lokuttaresu maggapariyāpannāni nissaraṇaṃ, itarāni nissaraṇaphalaṃ, vivaṭṭasannissitena nibbattitāni saddhindriyādīni nissaraṇūpāyo, itaresu kānici pavattibhūtāni, kānici pavattiupāyoti veditabbāni.
кийн̣аасавасса бхаавабхууд̇од̇и чал̣ан̇г̇убзгкаа вияа кийн̣аасавассзва д̇хаммабхууд̇о.
Khīṇāsavassa bhāvabhūtoti chaḷaṅgupekkhā viya khīṇāsavasseva dhammabhūto.
д̣̇вз ад̇т̇аад̇и инд̣̇алин̇г̇аинд̣̇асидтадтаа. ад̇д̇ано бажжаяавасзнаад̇и яат̇аасагам̣ гаммаад̣̇ибажжаяавасзна. д̇ам̣сахид̇асанд̇аанзд̇и ид̇т̇инд̣̇рияасахид̇з, бурисинд̣̇рияасахид̇з жа санд̇аанз. ан̃н̃аагаарзнаад̇и ид̇т̇иаад̣̇ид̇о ан̃н̃зна аагаарзна. анувад̇д̇анийяабхааво ид̇т̇ибурисинд̣̇рияаанам̣ аад̇хибажжанд̇и яож̇анаа. имасмин̃жад̇т̇зд̇и аад̇хибажжад̇т̇з.
Dveatthāti indaliṅgaindasiṭṭhaṭṭhā. Attano paccayavasenāti yathāsakaṃ kammādipaccayavasena. Taṃsahitasantāneti itthindriyasahite, purisindriyasahite ca santāne. Aññākārenāti itthiādito aññena ākārena. Anuvattanīyabhāvo itthipurisindriyānaṃ ādhipaccanti yojanā. Imasmiñcattheti ādhipaccatthe.
д̇зсанд̇и анан̃н̃аад̇ан̃н̃ассаамийд̇инд̣̇рияаад̣̇ийнам̣ д̇ин̣н̣ам̣. яаа сукад̣̇угкинд̣̇рияаанам̣ идтаанидтаагаарасамбхог̇арасад̇аа вуд̇д̇аа, саа аарамман̣асабхаавзнзва взд̣̇ид̇аб̣б̣аа, на згажжасоманассинд̣̇рияаад̣̇ийнам̣ вияа баригаббавасзнаад̇и д̣̇ассзнд̇о ‘‘зд̇т̇а жаа’’д̇иаад̣̇имааха.
Tesanti anaññātaññassāmītindriyādīnaṃ tiṇṇaṃ. Yā sukhadukkhindriyānaṃ iṭṭhāniṭṭhākārasambhogarasatā vuttā, sā ārammaṇasabhāveneva veditabbā, na ekaccasomanassindriyādīnaṃ viya parikappavasenāti dassento ‘‘ettha cā’’tiādimāha.
яад̣̇иби бурисинд̣̇рияаананд̇арам̣ ж̇ийвид̇инд̣̇рияам̣ руубаган̣д̣зби (д̇ха. са. 584) д̣̇зсид̇ам̣, д̇ам̣ бана руубаж̇ийвид̇инд̣̇рияам̣, на жа д̇ад̇т̇а манинд̣̇рияам̣ вад̇ваа ид̇т̇ибурисинд̣̇рияаани вуд̇д̇аани. ид̇ха бана адтагат̇ааяам̣ инд̣̇рияаануггамо вуд̇д̇о саб̣б̣аагаарзна яамагад̣̇зсанааяа сам̣санд̣̇ад̇ийд̇и д̣̇ассзнд̇о ааха ‘‘со инд̣̇рияаяамагад̣̇зсанааяа самзд̇ий’’д̇и. буримабажчимаанам̣ аж̇жхад̇д̇игаб̣аахираананд̇и жагкаад̣̇ийнам̣ буримаанам̣ аж̇жхад̇д̇игаанам̣, ид̇т̇инд̣̇рияаад̣̇ийнам̣ бажчимаанам̣ б̣аахираанам̣. д̇зсам̣ маж̇жхз вуд̇д̇ам̣ убхаязсам̣ убагаарагад̇аад̣̇ийбанад̇т̇анд̇и ад̇хиббааяо. д̇зна звамби д̣̇зсананд̇араанурод̇хзна ж̇ийвид̇инд̣̇рияасса ануггамам̣ вад̇д̇ум̣ ваддад̇ийд̇и д̣̇ассзд̇и. гааман̃жзд̇т̇а звам̣ вуд̇д̇ам̣, барад̇о бана гижжавинижчаяз ид̇ха баал̣ияам̣ ааг̇ад̇анияаамзнзва манинд̣̇рияаананд̇арам̣ ж̇ийвид̇инд̣̇рияасса, д̇ад̣̇ананд̇аран̃жа ид̇т̇ибурисинд̣̇рияаанам̣ гижжавинижчаяам̣ д̣̇ассзссад̇и. саб̣б̣ам̣ д̇ам̣ д̣̇угкам̣ сан̇каарад̣̇угкабхаавзна, яат̇аарахам̣ ваа д̣̇угкад̣̇угкад̇аад̣̇ибхаавзна. д̣̇увид̇хад̇д̇абхааваанубаалагассаад̇и руубааруубавасзна д̣̇увид̇хасса ад̇д̇абхаавасса анубаалагасса. руубааруубавасзна д̣̇увид̇хамби хи ж̇ийвид̇инд̣̇рияам̣ ид̇ха г̇ахид̇ам̣. ‘‘бавад̇д̇ий’’д̇и зд̇зна сахаж̇аад̇ад̇хаммаанам̣ бавад̇д̇анарасзна ж̇ийвид̇инд̣̇риязна взд̣̇аяид̇аанам̣ бавад̇д̇зд̇аб̣б̣ад̇ам̣ д̣̇ийбзд̇и. ‘‘бхааванаамаг̇г̇асамбаяуд̇д̇а’’нд̇и иминаа палабхууд̇ам̣ ан̃н̃инд̣̇рияам̣ нивад̇д̇зд̇и. бхааванааг̇ахан̣ан̃жзд̇т̇а саггаа авад̇д̇ум̣. ‘‘бхаавзд̇аб̣б̣ад̇д̇аа’’д̇и вуд̇д̇ад̇д̇аа бхааванаабхааво баагадова. д̣̇ассанаананд̇араад̇и самаанаж̇аад̇ибхуумигзна аб̣яавахид̇ад̇ам̣ санд̇хааяааха, на ананд̇арабажжаяам̣.
Yadipi purisindriyānantaraṃ jīvitindriyaṃ rūpakaṇḍepi (dha. sa. 584) desitaṃ, taṃ pana rūpajīvitindriyaṃ, na ca tattha manindriyaṃ vatvā itthipurisindriyāni vuttāni. Idha pana aṭṭhakathāyaṃ indriyānukkamo vutto sabbākārena yamakadesanāya saṃsandatīti dassento āha ‘‘so indriyayamakadesanāya sametī’’ti. Purimapacchimānaṃ ajjhattikabāhirānanti cakkhādīnaṃ purimānaṃ ajjhattikānaṃ, itthindriyādīnaṃ pacchimānaṃ bāhirānaṃ. Tesaṃ majjhe vuttaṃ ubhayesaṃ upakārakatādīpanatthanti adhippāyo. Tena evampi desanantarānurodhena jīvitindriyassa anukkamaṃ vattuṃ vaṭṭatīti dasseti. Kāmañcettha evaṃ vuttaṃ, parato pana kiccavinicchaye idha pāḷiyaṃ āgataniyāmeneva manindriyānantaraṃ jīvitindriyassa, tadanantarañca itthipurisindriyānaṃ kiccavinicchayaṃ dassessati. Sabbaṃ taṃ dukkhaṃ saṅkhāradukkhabhāvena, yathārahaṃ vā dukkhadukkhatādibhāvena. Duvidhattabhāvānupālakassāti rūpārūpavasena duvidhassa attabhāvassa anupālakassa. Rūpārūpavasena duvidhampi hi jīvitindriyaṃ idha gahitaṃ. ‘‘Pavattī’’ti etena sahajātadhammānaṃ pavattanarasena jīvitindriyena vedayitānaṃ pavattetabbataṃ dīpeti. ‘‘Bhāvanāmaggasampayutta’’nti iminā phalabhūtaṃ aññindriyaṃ nivatteti. Bhāvanāgahaṇañcettha sakkā avattuṃ. ‘‘Bhāvetabbattā’’ti vuttattā bhāvanābhāvo pākaṭova. Dassanānantarāti samānajātibhūmikena abyavahitataṃ sandhāyāha, na anantarapaccayaṃ.
д̇ассаад̇и инд̣̇рияабажжаяабхаавасса. анан̃н̃асаад̇хааран̣ад̇д̇аад̇и ан̃н̃зхи анинд̣̇риязхи асаад̇хааран̣ад̇д̇аа. звам̣ саамад̇т̇ияад̇о гижжависзсам̣ вавад̇т̇абзд̇ваа багаран̣ад̇оби д̇ам̣ д̣̇ассзд̇и ‘‘инд̣̇рияагат̇ааяа жа бавад̇д̇ад̇д̇аа’’д̇и. ан̃н̃зсанд̇и ан̃н̃зсам̣ инд̣̇рияасабхааваанамби сахаж̇аад̇ад̇хаммаанам̣. язхи д̇з инд̣̇адтам̣ гаарзнд̇и, д̇зсам̣ васавад̇д̇аабанам̣ над̇т̇и, яат̇аа манинд̣̇рияасса буб̣б̣ан̇г̇амасабхааваабхаавад̇о саяан̃жа д̇з ан̃н̃ад̣̇ад̇т̇у манинд̣̇рияассзва васз вад̇д̇анд̇и. д̇знааха ‘‘д̇ам̣самбаяуд̇д̇ааниби хий’’д̇иаад̣̇и. яад̣̇и звам̣ гат̇ам̣ д̇зсам̣ инд̣̇адтод̇и? ‘‘суканаад̣̇илагкан̣з самбаяуд̇д̇аанам̣ ад̇д̇аагаараанувид̇хаабанамад̇д̇а’’нд̇и вуд̇д̇овааяамад̇т̇о . ‘‘жзд̇асигад̇д̇аа’’д̇и иминаа самбаяуд̇д̇ад̇хаммаанам̣ жид̇д̇асса бад̇хаанад̇ам̣ д̣̇ассзд̇и. д̇ад̇о хи ‘‘жзд̇асигаа’’д̇и вужжанд̇и. саб̣б̣ад̇т̇аад̇и васавад̇д̇аабанам̣ сахаж̇аад̇ад̇хаммаанубаалананд̇и звам̣ яаава амад̇аабхимукабхаавабажжаяад̇аа жа самбаяуд̇д̇аананд̇и д̇ам̣гижжанид̣̇д̣̇зсз. ‘‘ануббаад̣̇анз, анубад̇т̇амбхз жа сад̇ий’’д̇и бад̣̇ам̣ аахарид̇ваа самб̣анд̇хид̇аб̣б̣ам̣. на хи бад̣̇ад̇т̇о саб̣бхаавам̣ б̣яабхижарад̇ийд̇и ж̇анагубад̇т̇амбхагад̇д̇аабхаавзбийд̇и вуд̇д̇ам̣ ход̇и. д̇аббажжаяаананд̇и ид̇т̇ибурисанимид̇д̇аад̣̇ибажжаяаанам̣ гаммаад̣̇ийнам̣. д̇аббавад̇д̇анз нимид̇д̇абхаавод̇и ид̇т̇инимид̇д̇аад̣̇иаагаараруубаниб̣б̣ад̇д̇анз гааран̣абхааво. свааяам̣ ид̇т̇инд̣̇рияаад̣̇ийнам̣ д̇ад̇т̇а ад̇т̇ибхаавоязваад̇и д̣̇адтаб̣б̣ам̣. яасмин̃хи сад̇и яам̣ ход̇и, асад̇и жа на ход̇и, д̇ам̣ д̇асса гааран̣анд̇и. ‘‘нимид̇д̇абхааво анувид̇хаана’’нд̇и иминаа анувид̇хаанасад̣̇д̣̇асса гаммад̇т̇ад̇ам̣ д̣̇ассзд̇и. сукад̣̇угкабхааваббад̇д̇аа вияаад̇и саяам̣ сукад̣̇угкасабхааваббад̇д̇аа вияа, суканд̇аа д̣̇угканд̇аа жа вияаад̇и ад̇т̇о. асанд̇асса…бз… маж̇жхад̇д̇аагаараанубаабанам̣ ан̃н̃аан̣убзгканаад̣̇ивасзна взд̣̇ид̇аб̣б̣ам̣. самаанаж̇аад̇ияанд̇и агусалзхи сукад̣̇угкзхи агусалуубзгкааяа, аб̣яаагад̇зхи аб̣яаагад̇уубзгкааяа, гусаласукад̇о гусалуубзгкааяа. д̇ад̇т̇ааби бхуумивибхааг̇знааяамад̇т̇о бхинд̣̇ид̇ваа яож̇зд̇аб̣б̣о. д̇ам̣ саб̣б̣ам̣ канд̇хавибхан̇г̇з вуд̇д̇аол̣ааригасукумавибхааг̇зна д̣̇ийбзд̇аб̣б̣ам̣. аад̣̇исад̣̇д̣̇знаад̇и ‘‘гаамарааг̇аб̣яаабаад̣̇аад̣̇ий’’д̇и зд̇т̇а вуд̇д̇ааад̣̇исад̣̇д̣̇зна. сам̣яож̇анасамужчинд̣̇анад̇ад̣̇убаниссаяад̇аа зва санд̇хааяа ан̃н̃аад̇аавинд̣̇рияасса гижжанд̇араабасуд̇ад̇аа вуд̇д̇аа, д̇ассааби уд̣̇д̇хамбхааг̇ияасам̣яож̇анабадиббассад̣̇д̇хиббахаанагижжад̇аа лаб̣бхад̇зва. аб̣яаабийбхаавад̇о ваа ан̃н̃аад̇аавинд̣̇рияасса бадиббассад̣̇д̇хиббахаанагижжам̣ на вад̇д̇аб̣б̣ам̣, д̇ад̇о ан̃н̃инд̣̇рияассааби д̇ам̣ адтагат̇ааяам̣ ануд̣̇д̇хадам̣. маг̇г̇аананд̇аран̃хи палам̣ ‘‘д̇ааяа сад̣̇д̇хааяа авуубасанд̇ааяаа’’д̇иаад̣̇иважанад̇о (д̇ха. са. адта. 505) гилзсаанам̣ бадиббассамбханавасзна бавад̇д̇ад̇и, на ид̇арам̣. ан̃н̃ат̇аа арияаа саб̣б̣агаалам̣ аббадиббассад̣̇д̇хагилзсад̣̇арат̇аа сияум̣. ид̇арасса бана нижчанд̣̇арааг̇зсу сад̇д̇авохааро вияа рул̣хивасзна бадиббассад̣̇д̇хигижжад̇аа взд̣̇ид̇аб̣б̣аа.
Tassāti indriyapaccayabhāvassa. Anaññasādhāraṇattāti aññehi anindriyehi asādhāraṇattā. Evaṃ sāmatthiyato kiccavisesaṃ vavatthapetvā pakaraṇatopi taṃ dasseti ‘‘indriyakathāya ca pavattattā’’ti. Aññesanti aññesaṃ indriyasabhāvānampi sahajātadhammānaṃ. Yehi te indaṭṭhaṃ kārenti, tesaṃ vasavattāpanaṃ natthi, yathā manindriyassa pubbaṅgamasabhāvābhāvato sayañca te aññadatthu manindriyasseva vase vattanti. Tenāha ‘‘taṃsampayuttānipi hī’’tiādi. Yadi evaṃ kathaṃ tesaṃ indaṭṭhoti? ‘‘Sukhanādilakkhaṇe sampayuttānaṃ attākārānuvidhāpanamatta’’nti vuttovāyamattho . ‘‘Cetasikattā’’ti iminā sampayuttadhammānaṃ cittassa padhānataṃ dasseti. Tato hi ‘‘cetasikā’’ti vuccanti. Sabbatthāti vasavattāpanaṃ sahajātadhammānupālananti evaṃ yāva amatābhimukhabhāvapaccayatā ca sampayuttānanti taṃkiccaniddese. ‘‘Anuppādane, anupatthambhe ca satī’’ti padaṃ āharitvā sambandhitabbaṃ. Na hi padattho sabbhāvaṃ byabhicaratīti janakupatthambhakattābhāvepīti vuttaṃ hoti. Tappaccayānanti itthipurisanimittādipaccayānaṃ kammādīnaṃ. Tappavattane nimittabhāvoti itthinimittādiākārarūpanibbattane kāraṇabhāvo. Svāyaṃ itthindriyādīnaṃ tattha atthibhāvoyevāti daṭṭhabbaṃ. Yasmiñhi sati yaṃ hoti, asati ca na hoti, taṃ tassa kāraṇanti. ‘‘Nimittabhāvo anuvidhāna’’nti iminā anuvidhānasaddassa kammatthataṃ dasseti. Sukhadukkhabhāvappattā viyāti sayaṃ sukhadukkhasabhāvappattā viya, sukhantā dukkhantā ca viyāti attho. Asantassa…pe… majjhattākārānupāpanaṃ aññāṇupekkhanādivasena veditabbaṃ. Samānajātiyanti akusalehi sukhadukkhehi akusalūpekkhāya, abyākatehi abyākatūpekkhāya, kusalasukhato kusalūpekkhāya. Tatthāpi bhūmivibhāgenāyamattho bhinditvā yojetabbo. Taṃ sabbaṃ khandhavibhaṅge vuttaoḷārikasukhumavibhāgena dīpetabbaṃ. Ādisaddenāti ‘‘kāmarāgabyāpādādī’’ti ettha vuttaādisaddena. Saṃyojanasamucchindanatadupanissayatā eva sandhāya aññātāvindriyassa kiccantarāpasutatā vuttā, tassāpi uddhambhāgiyasaṃyojanapaṭippassaddhippahānakiccatā labbhateva. Abyāpībhāvato vā aññātāvindriyassa paṭippassaddhippahānakiccaṃ na vattabbaṃ, tato aññindriyassāpi taṃ aṭṭhakathāyaṃ anuddhaṭaṃ. Maggānantarañhi phalaṃ ‘‘tāya saddhāya avūpasantāyā’’tiādivacanato (dha. sa. aṭṭha. 505) kilesānaṃ paṭippassambhanavasena pavattati, na itaraṃ. Aññathā ariyā sabbakālaṃ appaṭippassaddhakilesadarathā siyuṃ. Itarassa pana nicchandarāgesu sattavohāro viya ruḷhivasena paṭippassaddhikiccatā veditabbā.
зд̇т̇ааха – гасмаа бана зд̇д̇агаанзва инд̣̇рияаани вуд̇д̇аани, зд̇аани зва жа вуд̇д̇аанийд̇и? аад̇хибажжад̇т̇асамбхавад̇од̇и жз. аад̇хибажжам̣ наама иссарияанд̇и вуд̇д̇амзд̇ам̣. д̇аяид̣̇ам̣ аад̇хибажжам̣ ад̇д̇ано гижжз б̣алаванд̇и ан̃н̃зсамби сабхаавад̇хаммаанам̣ лаб̣бхад̇зва. бажжаяаад̇хийнавуд̇д̇игаа хи бажжаяуббаннаа . д̇асмаа д̇з д̇зхи анувад̇д̇ийяанд̇и, д̇з жа д̇з анувад̇д̇анд̇ийд̇и? сажжамзд̇ам̣, д̇ат̇ааби ад̇т̇и д̇зсам̣ висзсо. свааяам̣ висзсо ‘‘жагкувин̃н̃аан̣аад̣̇иббавад̇д̇ияан̃хи жагкаад̣̇ийнам̣ сид̣̇д̇хамаад̇хибажжа’’нд̇иаад̣̇инаа (вибха. адта. 219) адтагат̇ааяам̣ д̣̇ассид̇оязва.
Etthāha – kasmā pana ettakāneva indriyāni vuttāni, etāni eva ca vuttānīti? Ādhipaccatthasambhavatoti ce. Ādhipaccaṃ nāma issariyanti vuttametaṃ. Tayidaṃ ādhipaccaṃ attano kicce balavanti aññesampi sabhāvadhammānaṃ labbhateva. Paccayādhīnavuttikā hi paccayuppannā . Tasmā te tehi anuvattīyanti, te ca te anuvattantīti? Saccametaṃ, tathāpi atthi tesaṃ viseso. Svāyaṃ viseso ‘‘cakkhuviññāṇādippavattiyañhi cakkhādīnaṃ siddhamādhipacca’’ntiādinā (vibha. aṭṭha. 219) aṭṭhakathāyaṃ dassitoyeva.
абижа канд̇хабан̃жагз яааяам̣ сад̇д̇абан̃н̃ад̇д̇и, д̇ассаа висзсаниссаяо ча аж̇жхад̇д̇игаани ааяад̇анаанийд̇и д̇аани д̇аава аад̇хибажжад̇т̇ам̣ убаад̣̇ааяа ‘‘жагкунд̣̇рияам̣…бз… манинд̣̇рияа’’нд̇иаад̣̇ид̇о вуд̇д̇аани. д̇аани бана язна д̇хаммзна бавад̇д̇анд̇и, аяам̣ со д̇хаммо д̇зсам̣ тид̇ихзд̇ууд̇и д̣̇ассанад̇т̇ам̣ ж̇ийвид̇ам̣. д̇аяимз инд̣̇рияабадиб̣ад̣̇д̇хаа д̇хаммаа имзсам̣ васзна ‘‘ид̇т̇ий, бурисо’’д̇и вохарийяанд̇ийд̇и д̣̇ассанад̇т̇ам̣ бхаавад̣̇ваяам̣. свааяам̣ сад̇д̇асан̃н̃ид̇о д̇хаммабун̃ж̇о баб̣анд̇хавасзна бавад̇д̇амаано имаахи взд̣̇анаахи сам̣гилиссад̇ийд̇и д̣̇ассанад̇т̇ам̣ взд̣̇анаабан̃жагам̣. д̇ад̇о висуд̣̇д̇хад̇т̇игаанам̣ вод̣̇аанасамбхаарад̣̇ассанад̇т̇ам̣ сад̣̇д̇хаад̣̇ибан̃жагам̣. д̇ад̇о вод̣̇аанасамбхаараа имзхи висуж̇жханд̇и, висуд̣̇д̇хиббад̇д̇аа, нидтид̇агижжаа жа хонд̇ийд̇и д̣̇ассанад̇т̇ам̣ анд̇з анан̃н̃аад̇ан̃н̃ассаамийд̇инд̣̇рияаад̣̇ийни д̇ийн̣и вуд̇д̇аани. саб̣б̣ад̇т̇а ‘‘аад̇хибажжад̇т̇ам̣ убаад̣̇ааяаа’’д̇и бад̣̇ам̣ яож̇зд̇аб̣б̣ам̣. зд̇д̇аавад̇аа ад̇хиббзд̇ад̇т̇асид̣̇д̇хийд̇и ан̃н̃зсам̣ аг̇г̇ахан̣ам̣.
Apica khandhapañcake yāyaṃ sattapaññatti, tassā visesanissayo cha ajjhattikāni āyatanānīti tāni tāva ādhipaccatthaṃ upādāya ‘‘cakkhundriyaṃ…pe… manindriya’’ntiādito vuttāni. Tāni pana yena dhammena pavattanti, ayaṃ so dhammo tesaṃ ṭhitihetūti dassanatthaṃ jīvitaṃ. Tayime indriyapaṭibaddhā dhammā imesaṃ vasena ‘‘itthī, puriso’’ti voharīyantīti dassanatthaṃ bhāvadvayaṃ. Svāyaṃ sattasaññito dhammapuñjo pabandhavasena pavattamāno imāhi vedanāhi saṃkilissatīti dassanatthaṃ vedanāpañcakaṃ. Tato visuddhatthikānaṃ vodānasambhāradassanatthaṃ saddhādipañcakaṃ. Tato vodānasambhārā imehi visujjhanti, visuddhippattā, niṭṭhitakiccā ca hontīti dassanatthaṃ ante anaññātaññassāmītindriyādīni tīṇi vuttāni. Sabbattha ‘‘ādhipaccatthaṃ upādāyā’’ti padaṃ yojetabbaṃ. Ettāvatā adhippetatthasiddhīti aññesaṃ aggahaṇaṃ.
ат̇а ваа бавад̇д̇инивад̇д̇ийнам̣ ниссаяаад̣̇ид̣̇ассанад̇т̇амби зд̇аани зва вуд̇д̇аани. бавад̇д̇ияаа хи висзсад̇о мууланиссаяабхууд̇аани ча аж̇жхад̇д̇игаани ааяад̇анаани. яат̇ааха ‘‘часу лого самуббанно’’д̇иаад̣̇и (су. ни. 171). д̇ассаа уббад̇д̇и ид̇т̇ибурисинд̣̇риязхи. висабхааг̇авад̇т̇усарааг̇анимид̇д̇аа хи язбхуяязна сад̇д̇агааяасса абхиниб̣б̣ад̇д̇и. вуд̇д̇ан̃хзд̇ам̣ ‘‘д̇ин̣н̣ам̣ ко бана, махаарааж̇а, саннибаад̇аа г̇аб̣бхассаавагганд̇и ход̇и, ид̇ха маад̇аабид̇аро жа саннибад̇ид̇аа хонд̇и, маад̇аа жа уд̇уний ход̇и, г̇аб̣бхо жа бажжубадтид̇о ход̇ий’’д̇и (ма. ни. 1.408; 2.411; ми. ба. 4.1.6). авадтаанам̣ ж̇ийвид̇инд̣̇риязна д̇зна анубаалзд̇аб̣б̣ад̇о. д̇знааха ‘‘ааяу тид̇и яабанаа яаабанаа’’д̇иаад̣̇и. убабхог̇о взд̣̇анаахи . взд̣̇анаавасзна хи идтаад̣̇исаб̣б̣ависаяубабхог̇о. яат̇ааха – ‘‘взд̣̇аяад̇и взд̣̇аяад̇ийд̇и ко, бхигкавз, д̇асмаа взд̣̇анаад̇и вужжад̇ий’’д̇и (сам̣. ни. 3.79). звам̣ бавад̇д̇ияаа ниссаяасамуббаад̣̇адтид̇исамбхог̇ад̣̇ассанад̇т̇ам̣ жагкунд̣̇рияам̣ яаава убзгкинд̣̇рияанд̇и жуд̣̇д̣̇асинд̣̇рияаани д̣̇зсид̇аани. яат̇аа жзд̇аани бавад̇д̇ияаа, звам̣ ид̇араани нивад̇д̇ияаа. виваддасанниссид̇зна хи ниб̣б̣ад̇д̇ид̇аани сад̣̇д̇хаад̣̇ийни бан̃жа инд̣̇рияаани нивад̇д̇ияаа ниссаяо. уббаад̣̇о анан̃н̃аад̇ан̃н̃ассаамийд̇инд̣̇риязна д̇асса батамам̣ уббаж̇ж̇анад̇о. авадтаанам̣ ан̃н̃инд̣̇риязна. убабхог̇о ан̃н̃аад̇аавинд̣̇риязна аг̇г̇апаласамубабхог̇ад̇о. звамби зд̇аани зва инд̣̇рияаани д̣̇зсид̇аани. зд̇д̇аавад̇аа яат̇аад̇хиббзд̇ад̇т̇асид̣̇д̇хид̇о ан̃н̃зсам̣ аг̇г̇ахан̣ам̣. зд̇знааби нзсам̣ д̣̇зсанаануггамоби сам̣ван̣н̣ид̇о взд̣̇ид̇аб̣б̣о.
Atha vā pavattinivattīnaṃ nissayādidassanatthampi etāni eva vuttāni. Pavattiyā hi visesato mūlanissayabhūtāni cha ajjhattikāni āyatanāni. Yathāha ‘‘chasu loko samuppanno’’tiādi (su. ni. 171). Tassā uppatti itthipurisindriyehi. Visabhāgavatthusarāganimittā hi yebhuyyena sattakāyassa abhinibbatti. Vuttañhetaṃ ‘‘tiṇṇaṃ kho pana, mahārāja, sannipātā gabbhassāvakkanti hoti, idha mātāpitaro ca sannipatitā honti, mātā ca utunī hoti, gabbho ca paccupaṭṭhito hotī’’ti (ma. ni. 1.408; 2.411; mi. pa. 4.1.6). Avaṭṭhānaṃ jīvitindriyena tena anupāletabbato. Tenāha ‘‘āyu ṭhiti yapanā yāpanā’’tiādi. Upabhogo vedanāhi . Vedanāvasena hi iṭṭhādisabbavisayupabhogo. Yathāha – ‘‘vedayati vedayatīti kho, bhikkhave, tasmā vedanāti vuccatī’’ti (saṃ. ni. 3.79). Evaṃ pavattiyā nissayasamuppādaṭṭhitisambhogadassanatthaṃ cakkhundriyaṃ yāva upekkhindriyanti cuddasindriyāni desitāni. Yathā cetāni pavattiyā, evaṃ itarāni nivattiyā. Vivaṭṭasannissitena hi nibbattitāni saddhādīni pañca indriyāni nivattiyā nissayo. Uppādo anaññātaññassāmītindriyena tassa paṭhamaṃ uppajjanato. Avaṭṭhānaṃ aññindriyena. Upabhogo aññātāvindriyena aggaphalasamupabhogato. Evampi etāni eva indriyāni desitāni. Ettāvatā yathādhippetatthasiddhito aññesaṃ aggahaṇaṃ. Etenāpi nesaṃ desanānukkamopi saṃvaṇṇito veditabbo.
220. гусалаагусалавийрияаад̣̇ийнийд̇и зд̇т̇а аад̣̇и-сад̣̇д̣̇зна гусаласамаад̇хиаад̣̇ийнам̣, аб̣яаагад̇авийрияаад̣̇ийнан̃жа сан̇г̇ахо д̣̇адтаб̣б̣о. бажжаяаад̣̇ийд̇и аад̣̇и-сад̣̇д̣̇зна д̣̇зсаарамман̣аад̣̇аяо г̇ахид̇аа, яат̇аавуд̇д̇авийрияаад̣̇ийни, жагкаад̣̇ийни жа сан̇г̇ан̣хаад̇и. ижжзвам̣ саб̣б̣асан̇г̇аахигаани вийрияинд̣̇рияаад̣̇ибад̣̇аани, жагкунд̣̇рияаад̣̇ибад̣̇аани жа. д̇знаад̇и ‘‘звам̣ санд̇збий’’д̇иаад̣̇инаа бхуумивибхааг̇агат̇анзна. д̇аннивад̇д̇анзнаад̇и саб̣б̣зсам̣ саб̣б̣абхуумигад̇д̇анивад̇д̇анзна. авиж̇ж̇амаанасан̇г̇аахагад̇д̇анд̇и д̇ассам̣ д̇ассам̣ бхуумияам̣ анубалаб̣бхамаанасса инд̣̇рияасса сан̇г̇аахагад̇аа.
220. Kusalākusalavīriyādīnīti ettha ādi-saddena kusalasamādhiādīnaṃ, abyākatavīriyādīnañca saṅgaho daṭṭhabbo. Paccayādīti ādi-saddena desārammaṇādayo gahitā, yathāvuttavīriyādīni, cakkhādīni ca saṅgaṇhāti. Iccevaṃ sabbasaṅgāhikāni vīriyindriyādipadāni, cakkhundriyādipadāni ca. Tenāti ‘‘evaṃ santepī’’tiādinā bhūmivibhāgakathanena. Tannivattanenāti sabbesaṃ sabbabhūmikattanivattanena. Avijjamānasaṅgāhakattanti tassaṃ tassaṃ bhūmiyaṃ anupalabbhamānassa indriyassa saṅgāhakatā.
абхид̇хаммабхааж̇анийяаван̣н̣анаа нидтид̇аа.
Abhidhammabhājanīyavaṇṇanā niṭṭhitā.
2. бан̃хабужчагаван̣н̣анаа
2. Pañhapucchakavaṇṇanā
ид̇ха имасмим̣ ‘‘сад̇д̇инд̣̇рияаа анаарамман̣аа’’д̇и звам̣ зганд̇аанаарамман̣ад̇д̇з вужжамаанз на аабхадтам̣ ж̇ийвид̇инд̣̇рияам̣ на бхаасид̇ам̣. дийгааяам̣ бана анаабхадтанд̇и гад̇асамаасам̣ гад̇ваа вуд̇д̇ам̣. руубад̇хаммзсу сан̇г̇ахид̇ад̇анд̇и ‘‘рууба’’нд̇и г̇ан̣ид̇ад̇ам̣. аруубагодтаасзна аруубабхаавзна сияаабагкз сан̇г̇ахид̇ам̣. гасмаа? д̇асса барид̇д̇аарамман̣аад̣̇ид̇аа ад̇т̇ийд̇и. яасмаа бана руубааруубамиссагассзва васзна сияаабагкасан̇г̇ахо яуд̇д̇о, на згад̣̇зсасса, д̇асмаа згад̣̇зсасса д̇ам̣ анижчанд̇о ааха ‘‘ад̇хиббааяо’’д̇и. ид̣̇аани д̇амад̇т̇ам̣ багаасзд̇ум̣ ‘‘аруубагодтаасзна банаа’’д̇иаад̣̇и вуд̇д̇ам̣. навад̇д̇аб̣б̣ад̇аад̇и барид̇д̇аарамман̣аад̣̇ибхаавзна навад̇д̇аб̣б̣ад̇аа. гат̇ам̣ бана руубагодтаасзнассаанаарамман̣асса навад̇д̇аб̣б̣ад̇аад̇и жод̣̇анам̣ санд̇хааяааха ‘‘на хи анаарамман̣а’’нд̇иаад̣̇и. ‘‘авиж̇ж̇амаанаарамман̣аанаарамман̣зсуу’’д̇и иминаа ‘‘анаарамман̣аа’’д̇и б̣аахирад̇т̇асамаасо аяанд̇и д̣̇ассзд̇и . навад̇д̇аб̣б̣зсууд̇и саарамман̣абхаавзна навад̇д̇аб̣б̣зсу. анаарамман̣ад̇д̇аад̇и аарамман̣арахид̇ад̇д̇аа. ‘‘навинд̣̇рияаа сияаа барид̇д̇аарамман̣аа, сияаа махаг̇г̇ад̇аарамман̣аа, сияаа аббамаан̣аарамман̣аа, сияаа на вад̇д̇аб̣б̣аа ‘барид̇д̇аарамман̣аа’д̇иби ‘махаг̇г̇ад̇аарамман̣аа’д̇иби ‘аббамаан̣аарамман̣аа’д̇ибий’’д̇иаад̣̇ийсу (вибха. 223) вияа на саарамман̣ассзва навад̇д̇аб̣б̣ад̇ам̣ д̣̇ассзд̇и. яат̇аа жа на саарамман̣ассзва навад̇д̇аб̣б̣ад̇аабарияааяо, ат̇а ко анаарамман̣ассаабийд̇и саарамман̣з нияамаабхааво. звам̣ навад̇д̇аб̣б̣ам̣ саарамман̣амзваад̇и аяамби нияамо над̇т̇ийд̇и д̣̇ассзнд̇о ‘‘навад̇д̇аб̣б̣асса ваа саарамман̣ад̇а’’нд̇и ааха. д̇асса на д̣̇ассзд̇ийд̇и самб̣анд̇хо. ‘‘на хий’’д̇иаад̣̇инаа д̇амзвад̇т̇ам̣ виварад̇и.
Idha imasmiṃ ‘‘sattindriyā anārammaṇā’’ti evaṃ ekantānārammaṇatte vuccamāne na ābhaṭṭhaṃ jīvitindriyaṃ na bhāsitaṃ. Ṭīkāyaṃ pana anābhaṭṭhanti katasamāsaṃ katvā vuttaṃ. Rūpadhammesu saṅgahitatanti ‘‘rūpa’’nti gaṇitataṃ. Arūpakoṭṭhāsena arūpabhāvena siyāpakkhe saṅgahitaṃ. Kasmā? Tassa parittārammaṇāditā atthīti. Yasmā pana rūpārūpamissakasseva vasena siyāpakkhasaṅgaho yutto, na ekadesassa, tasmā ekadesassa taṃ anicchanto āha ‘‘adhippāyo’’ti. Idāni tamatthaṃ pakāsetuṃ ‘‘arūpakoṭṭhāsena panā’’tiādi vuttaṃ. Navattabbatāti parittārammaṇādibhāvena navattabbatā. Kathaṃ pana rūpakoṭṭhāsenassānārammaṇassa navattabbatāti codanaṃ sandhāyāha ‘‘na hi anārammaṇa’’ntiādi. ‘‘Avijjamānārammaṇānārammaṇesū’’ti iminā ‘‘anārammaṇā’’ti bāhiratthasamāso ayanti dasseti . Navattabbesūti sārammaṇabhāvena navattabbesu. Anārammaṇattāti ārammaṇarahitattā. ‘‘Navindriyā siyā parittārammaṇā, siyā mahaggatārammaṇā, siyā appamāṇārammaṇā, siyā na vattabbā ‘parittārammaṇā’tipi ‘mahaggatārammaṇā’tipi ‘appamāṇārammaṇā’tipī’’tiādīsu (vibha. 223) viya na sārammaṇasseva navattabbataṃ dasseti. Yathā ca na sārammaṇasseva navattabbatāpariyāyo, atha kho anārammaṇassāpīti sārammaṇe niyamābhāvo. Evaṃ navattabbaṃ sārammaṇamevāti ayampi niyamo natthīti dassento ‘‘navattabbassa vā sārammaṇata’’nti āha. Tassa na dassetīti sambandho. ‘‘Na hī’’tiādinā tamevatthaṃ vivarati.
д̇ад̇т̇а руубаниб̣б̣аанаанам̣ сукаад̣̇исамбаяуд̇д̇абхаавзна навад̇д̇аб̣б̣ад̇аа, на барид̇д̇аарамман̣аад̣̇ибхаавзнаад̇и жод̣̇анам̣ манаси гад̇ваа ааха ‘‘ат̇аабий’’д̇иаад̣̇и. д̇ад̇т̇а ат̇ааби вад̇д̇ад̇ийд̇и самб̣анд̇хо. сияаа анаарамман̣анд̇иби вад̇д̇аб̣б̣ам̣ сияаад̇и анаарамман̣ам̣ д̇хаммааяад̇анам̣ саарамман̣зхи висум̣ гад̇ваа звам̣ вад̇д̇аб̣б̣ам̣ сияаа. навад̇д̇аб̣б̣а-сад̣̇д̣̇о яад̣̇и саарамман̣зсвзва вад̇д̇зяяа, на жзвам̣ вуд̇д̇ам̣, аважанз жа ан̃н̃ам̣ гааран̣ам̣ над̇т̇ийд̇и д̣̇ассзнд̇о ааха ‘‘на хи бан̃хабужчагз саавасзсаа д̣̇зсанаа ад̇т̇ий’’д̇и. д̇асмаа навад̇д̇аб̣б̣а-сад̣̇д̣̇о анаарамман̣зсуби вад̇д̇ад̇зваад̇и ад̇хиббааяо. яааби ‘‘адтинд̣̇рияаа сияаа аж̇жхад̇д̇аарамман̣аа’’д̇и аж̇жхад̇д̇аарамман̣аад̣̇ибхаавзна навад̇д̇аб̣б̣ад̇аа вуд̇д̇аа, саа ж̇ийвид̇инд̣̇рияасса аагин̃жан̃н̃ааяад̇анагаалз батамааруббавин̃н̃аан̣аабхаавамад̇д̇аарамман̣ад̇ам̣ санд̇хааяа вуд̇д̇аа, на саарамман̣ассзва навад̇д̇аб̣б̣ад̇аад̣̇ассанад̇т̇ам̣, нааби анаарамман̣асса барид̇д̇аарамман̣аад̣̇ибхаавзна навад̇д̇аб̣б̣ад̇аабхаавад̣̇ассанад̇т̇анд̇и д̣̇ассзнд̇о ‘‘адтинд̣̇рияаа сияаа аж̇жхад̇д̇аарамман̣аад̇и зд̇т̇а жаа’’д̇иаад̣̇имааха. д̇ад̇т̇а сияаа аж̇жхад̇д̇аарамман̣аад̇ийд̇и ид̇и-сад̣̇д̣̇о аад̣̇иад̇т̇о. д̇зна авасидтабаал̣исан̇г̇ан̣ханзна ‘‘сияаа на вад̇д̇аб̣б̣аа ‘аж̇жхад̇д̇аарамман̣аа’д̇иби ‘б̣ахид̣̇д̇хаарамман̣аа’д̇иби ‘аж̇жхад̇д̇аб̣ахид̣̇д̇хаарамман̣аа’д̇ибий’’д̇и имааяа баал̣ияаа вуд̇д̇амад̇т̇ам̣ ж̇ийвид̇инд̣̇рияасса д̣̇ассзнд̇о ‘‘ж̇ийвид̇инд̣̇рияасса…бз… навад̇д̇аб̣б̣ад̇аа взд̣̇ид̇аб̣б̣аа’’д̇и ааха, д̇ам̣ вуд̇д̇ад̇т̇амзва.
Tattha rūpanibbānānaṃ sukhādisampayuttabhāvena navattabbatā, na parittārammaṇādibhāvenāti codanaṃ manasi katvā āha ‘‘athāpī’’tiādi. Tattha athāpi vattatīti sambandho. Siyā anārammaṇantipi vattabbaṃ siyāti anārammaṇaṃ dhammāyatanaṃ sārammaṇehi visuṃ katvā evaṃ vattabbaṃ siyā. Navattabba-saddo yadi sārammaṇesveva vatteyya, na cevaṃ vuttaṃ, avacane ca aññaṃ kāraṇaṃ natthīti dassento āha ‘‘na hi pañhapucchake sāvasesā desanā atthī’’ti. Tasmā navattabba-saddo anārammaṇesupi vattatevāti adhippāyo. Yāpi ‘‘aṭṭhindriyā siyā ajjhattārammaṇā’’ti ajjhattārammaṇādibhāvena navattabbatā vuttā, sā jīvitindriyassa ākiñcaññāyatanakāle paṭhamāruppaviññāṇābhāvamattārammaṇataṃ sandhāya vuttā, na sārammaṇasseva navattabbatādassanatthaṃ, nāpi anārammaṇassa parittārammaṇādibhāvena navattabbatābhāvadassanatthanti dassento ‘‘aṭṭhindriyā siyā ajjhattārammaṇāti ettha cā’’tiādimāha. Tattha siyā ajjhattārammaṇātīti iti-saddo ādiattho. Tena avasiṭṭhapāḷisaṅgaṇhanena ‘‘siyā na vattabbā ‘ajjhattārammaṇā’tipi ‘bahiddhārammaṇā’tipi ‘ajjhattabahiddhārammaṇā’tipī’’ti imāya pāḷiyā vuttamatthaṃ jīvitindriyassa dassento ‘‘jīvitindriyassa…pe… navattabbatā veditabbā’’ti āha, taṃ vuttatthameva.
бан̃хабужчагаван̣н̣анаа нидтид̇аа.
Pañhapucchakavaṇṇanā niṭṭhitā.
инд̣̇рияавибхан̇г̇аван̣н̣анаа нидтид̇аа.
Indriyavibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 5. инд̣̇рияавибхан̇г̇о • 5. Indriyavibhaṅgo
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / саммохавинод̣̇аний-адтагат̇аа • Sammohavinodanī-aṭṭhakathā / 1. абхид̇хаммабхааж̇анийяаван̣н̣анаа • 1. Abhidhammabhājanīyavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 5. инд̣̇рияавибхан̇г̇о • 5. Indriyavibhaṅgo
