| Library / Tipiṭaka / තිපිටක • Tipiṭaka / විභඞ්‌ගපාළි • Vibhaṅgapāḷi |
5. ඉන්‌ද්‍රියවිභඞ්‌ගො
5. Indriyavibhaṅgo
1. අභිධම්‌මභාජනීයං
1. Abhidhammabhājanīyaṃ
219. බාවීසතින්‌ද්‍රියානි – චක්‌ඛුන්‌ද්‍රියං, සොතින්‌ද්‍රියං, ඝානින්‌ද්‍රියං, ජිව්‌හින්‌ද්‍රියං, කායින්‌ද්‍රියං, මනින්‌ද්‍රියං, ඉත්‌ථින්‌ද්‍රියං, පුරිසින්‌ද්‍රියං, ජීවිතින්‌ද්‍රියං, සුඛින්‌ද්‍රියං, දුක්‌ඛින්‌ද්‍රියං, සොමනස්‌සින්‌ද්‍රියං, දොමනස්‌සින්‌ද්‍රියං, උපෙක්‌ඛින්‌ද්‍රියං, සද්‌ධින්‌ද්‍රියං , වීරියින්‌ද්‍රියං 1, සතින්‌ද්‍රියං, සමාධින්‌ද්‍රියං, පඤ්‌ඤින්‌ද්‍රියං, අනඤ්‌ඤාතඤ්‌ඤස්‌සාමීතින්‌ද්‍රියං, අඤ්‌ඤින්‌ද්‍රියං, අඤ්‌ඤාතාවින්‌ද්‍රියං.
219. Bāvīsatindriyāni – cakkhundriyaṃ, sotindriyaṃ, ghānindriyaṃ, jivhindriyaṃ, kāyindriyaṃ, manindriyaṃ, itthindriyaṃ, purisindriyaṃ, jīvitindriyaṃ, sukhindriyaṃ, dukkhindriyaṃ, somanassindriyaṃ, domanassindriyaṃ, upekkhindriyaṃ, saddhindriyaṃ , vīriyindriyaṃ 2, satindriyaṃ, samādhindriyaṃ, paññindriyaṃ, anaññātaññassāmītindriyaṃ, aññindriyaṃ, aññātāvindriyaṃ.
220. තත්‌ථ කතමං චක්‌ඛුන්‌ද්‍රියං? යං චක්‌ඛු චතුන්‌නං මහාභූතානං උපාදාය පසාදො…පෙ.… සුඤ්‌ඤො ගාමොපෙසො – ඉදං වුච්‌චති ‘‘චක්‌ඛුන්‌ද්‍රියං’’.
220. Tattha katamaṃ cakkhundriyaṃ? Yaṃ cakkhu catunnaṃ mahābhūtānaṃ upādāya pasādo…pe… suñño gāmopeso – idaṃ vuccati ‘‘cakkhundriyaṃ’’.
තත්‌ථ කතමං සොතින්‌ද්‍රියං…පෙ.… ඝානින්‌ද්‍රියං…පෙ.… ජිව්‌හින්‌ද්‍රියං…පෙ.… කායින්‌ද්‍රියං? යො කායො චතුන්‌නං මහාභූතානං උපාදාය පසාදො…පෙ.… සුඤ්‌ඤො ගාමොපෙසො – ඉදං වුච්‌චති ‘‘කායින්‌ද්‍රියං’’.
Tattha katamaṃ sotindriyaṃ…pe… ghānindriyaṃ…pe… jivhindriyaṃ…pe… kāyindriyaṃ? Yo kāyo catunnaṃ mahābhūtānaṃ upādāya pasādo…pe… suñño gāmopeso – idaṃ vuccati ‘‘kāyindriyaṃ’’.
තත්‌ථ කතමං මනින්‌ද්‍රියං? එකවිධෙන මනින්‌ද්‍රියං – ඵස්‌සසම්‌පයුත්‌තං. දුවිධෙන මනින්‌ද්‍රියං – අත්‌ථි සහෙතුකං, අත්‌ථි අහෙතුකං. තිවිධෙන මනින්‌ද්‍රියං – අත්‌ථි කුසලං, අත්‌ථි අකුසලං, අත්‌ථි අබ්‍යාකතං. චතුබ්‌බිධෙන මනින්‌ද්‍රියං – අත්‌ථි කාමාවචරං, අත්‌ථි රූපාවචරං, අත්‌ථි අරූපාවචරං, අත්‌ථි අපරියාපන්‌නං. පඤ්‌චවිධෙන මනින්‌ද්‍රියං – අත්‌ථි සුඛින්‌ද්‍රියසම්‌පයුත්‌තං, අත්‌ථි දුක්‌ඛින්‌ද්‍රියසම්‌පයුත්‌තං, අත්‌ථි සොමනස්‌සින්‌ද්‍රියසම්‌පයුත්‌තං, අත්‌ථි දොමනස්‌සින්‌ද්‍රියසම්‌පයුත්‌තං, අත්‌ථි උපෙක්‌ඛින්‌ද්‍රියසම්‌පයුත්‌තං . ඡබ්‌බිධෙන මනින්‌ද්‍රියං – චක්‌ඛුවිඤ්‌ඤාණං…පෙ.… මනොවිඤ්‌ඤාණං. එවං ඡබ්‌බිධෙන මනින්‌ද්‍රියං.
Tattha katamaṃ manindriyaṃ? Ekavidhena manindriyaṃ – phassasampayuttaṃ. Duvidhena manindriyaṃ – atthi sahetukaṃ, atthi ahetukaṃ. Tividhena manindriyaṃ – atthi kusalaṃ, atthi akusalaṃ, atthi abyākataṃ. Catubbidhena manindriyaṃ – atthi kāmāvacaraṃ, atthi rūpāvacaraṃ, atthi arūpāvacaraṃ, atthi apariyāpannaṃ. Pañcavidhena manindriyaṃ – atthi sukhindriyasampayuttaṃ, atthi dukkhindriyasampayuttaṃ, atthi somanassindriyasampayuttaṃ, atthi domanassindriyasampayuttaṃ, atthi upekkhindriyasampayuttaṃ . Chabbidhena manindriyaṃ – cakkhuviññāṇaṃ…pe… manoviññāṇaṃ. Evaṃ chabbidhena manindriyaṃ.
සත්‌තවිධෙන මනින්‌ද්‍රියං – චක්‌ඛුවිඤ්‌ඤාණං…පෙ.… කායවිඤ්‌ඤාණං, මනොධාතු, මනොවිඤ්‌ඤාණධාතු. එවං සත්‌තවිධෙන මනින්‌ද්‍රියං.
Sattavidhena manindriyaṃ – cakkhuviññāṇaṃ…pe… kāyaviññāṇaṃ, manodhātu, manoviññāṇadhātu. Evaṃ sattavidhena manindriyaṃ.
අට්‌ඨවිධෙන මනින්‌ද්‍රියං – චක්‌ඛුවිඤ්‌ඤාණං…පෙ.… කායවිඤ්‌ඤාණං අත්‌ථි සුඛසහගතං, අත්‌ථි දුක්‌ඛසහගතං, මනොධාතු, මනොවිඤ්‌ඤාණධාතු. එවං අට්‌ඨවිධෙන මනින්‌ද්‍රියං.
Aṭṭhavidhena manindriyaṃ – cakkhuviññāṇaṃ…pe… kāyaviññāṇaṃ atthi sukhasahagataṃ, atthi dukkhasahagataṃ, manodhātu, manoviññāṇadhātu. Evaṃ aṭṭhavidhena manindriyaṃ.
නවවිධෙන මනින්‌ද්‍රියං – චක්‌ඛුවිඤ්‌ඤාණං…පෙ.… කායවිඤ්‌ඤාණං, මනොධාතු, මනොවිඤ්‌ඤාණධාතු අත්‌ථි කුසලා, අත්‌ථි අකුසලා, අත්‌ථි අබ්‍යාකතා. එවං නවවිධෙන මනින්‌ද්‍රියං.
Navavidhena manindriyaṃ – cakkhuviññāṇaṃ…pe… kāyaviññāṇaṃ, manodhātu, manoviññāṇadhātu atthi kusalā, atthi akusalā, atthi abyākatā. Evaṃ navavidhena manindriyaṃ.
දසවිධෙන මනින්‌ද්‍රියං – චක්‌ඛුවිඤ්‌ඤාණං…පෙ.… කායවිඤ්‌ඤාණං අත්‌ථි සුඛසහගතං, අත්‌ථි දුක්‌ඛසහගතං, මනොධාතු, මනොවිඤ්‌ඤාණධාතු අත්‌ථි කුසලා, අත්‌ථි අකුසලා, අත්‌ථි අබ්‍යාකතා. එවං දසවිධෙන මනින්‌ද්‍රියං…පෙ.… එවං බහුවිධෙන මනින්‌ද්‍රියං. ඉදං වුච්‌චති ‘‘මනින්‌ද්‍රියං’’.
Dasavidhena manindriyaṃ – cakkhuviññāṇaṃ…pe… kāyaviññāṇaṃ atthi sukhasahagataṃ, atthi dukkhasahagataṃ, manodhātu, manoviññāṇadhātu atthi kusalā, atthi akusalā, atthi abyākatā. Evaṃ dasavidhena manindriyaṃ…pe… evaṃ bahuvidhena manindriyaṃ. Idaṃ vuccati ‘‘manindriyaṃ’’.
තත්‌ථ කතමං ඉත්‌ථින්‌ද්‍රියං? යං ඉත්‌ථියා ඉත්‌ථිලිඞ්‌ගං ඉත්‌ථිනිමිත්‌තං ඉත්‌ථිකුත්‌තං ඉත්‌ථාකප්‌පො ඉත්‌ථත්‌තං ඉත්‌ථිභාවො – ඉදං වුච්‌චති ‘‘ඉත්‌ථින්‌ද්‍රියං’’.
Tattha katamaṃ itthindriyaṃ? Yaṃ itthiyā itthiliṅgaṃ itthinimittaṃ itthikuttaṃ itthākappo itthattaṃ itthibhāvo – idaṃ vuccati ‘‘itthindriyaṃ’’.
තත්‌ථ කතමං පුරිසින්‌ද්‍රියං? යං පුරිසස්‌ස පුරිසලිඞ්‌ගං පුරිසනිමිත්‌තං පුරිසකුත්‌තං පුරිසාකප්‌පො පුරිසත්‌තං පුරිසභාවො – ඉදං වුච්‌චති ‘‘පුරිසින්‌ද්‍රියං’’.
Tattha katamaṃ purisindriyaṃ? Yaṃ purisassa purisaliṅgaṃ purisanimittaṃ purisakuttaṃ purisākappo purisattaṃ purisabhāvo – idaṃ vuccati ‘‘purisindriyaṃ’’.
තත්‌ථ කතමං ජීවිතින්‌ද්‍රියං? ජීවිතින්‌ද්‍රියං දුවිධෙන – අත්‌ථි රූපජීවිතින්‌ද්‍රියං, අත්‌ථි අරූපජීවිතින්‌ද්‍රියං.
Tattha katamaṃ jīvitindriyaṃ? Jīvitindriyaṃ duvidhena – atthi rūpajīvitindriyaṃ, atthi arūpajīvitindriyaṃ.
තත්‌ථ කතමං රූපජීවිතින්‌ද්‍රියං? යො තෙසං රූපීනං ධම්‌මානං ආයු ඨිති යපනා යාපනා ඉරියනා වත්‌තනා පාලනා ජීවිතං ජීවිතින්‌ද්‍රියං – ඉදං වුච්‌චති ‘‘රූපජීවිතින්‌ද්‍රියං’’.
Tattha katamaṃ rūpajīvitindriyaṃ? Yo tesaṃ rūpīnaṃ dhammānaṃ āyu ṭhiti yapanā yāpanā iriyanā vattanā pālanā jīvitaṃ jīvitindriyaṃ – idaṃ vuccati ‘‘rūpajīvitindriyaṃ’’.
තත්‌ථ කතමං අරූපජීවිතින්‌ද්‍රියං? යො තෙසං අරූපීනං ධම්‌මානං ආයු ඨිති යපනා යාපනා ඉරියනා වත්‌තනා පාලනා ජීවිතං ජීවිතින්‌ද්‍රියං – ඉදං වුච්‌චති ‘‘අරූපජීවතින්‌ද්‍රියං’’. ඉදං වුච්‌චති ‘‘ජීවිතින්‌ද්‍රියං’’.
Tattha katamaṃ arūpajīvitindriyaṃ? Yo tesaṃ arūpīnaṃ dhammānaṃ āyu ṭhiti yapanā yāpanā iriyanā vattanā pālanā jīvitaṃ jīvitindriyaṃ – idaṃ vuccati ‘‘arūpajīvatindriyaṃ’’. Idaṃ vuccati ‘‘jīvitindriyaṃ’’.
තත්‌ථ කතමං සුඛින්‌ද්‍රියං? යං කායිකං සාතං කායිකං සුඛං කායසම්‌ඵස්‌සජං සාතං සුඛං වෙදයිතං කායසම්‌ඵස්‌සජා සාතා සුඛා වෙදනා – ඉදං වුච්‌චති ‘‘සුඛින්‌ද්‍රියං’’.
Tattha katamaṃ sukhindriyaṃ? Yaṃ kāyikaṃ sātaṃ kāyikaṃ sukhaṃ kāyasamphassajaṃ sātaṃ sukhaṃ vedayitaṃ kāyasamphassajā sātā sukhā vedanā – idaṃ vuccati ‘‘sukhindriyaṃ’’.
තත්‌ථ කතමං දුක්‌ඛින්‌ද්‍රියං? යං කායිකං අසාතං කායිකං දුක්‌ඛං කායසම්‌ඵස්‌සජං අසාතං දුක්‌ඛං වෙදයිතං කායසම්‌ඵස්‌සජා අසාතා දුක්‌ඛා වෙදනා – ඉදං වුච්‌චති ‘‘දුක්‌ඛින්‌ද්‍රියං’’.
Tattha katamaṃ dukkhindriyaṃ? Yaṃ kāyikaṃ asātaṃ kāyikaṃ dukkhaṃ kāyasamphassajaṃ asātaṃ dukkhaṃ vedayitaṃ kāyasamphassajā asātā dukkhā vedanā – idaṃ vuccati ‘‘dukkhindriyaṃ’’.
තත්‌ථ කතමං සොමනස්‌සින්‌ද්‍රියං? යං චෙතසිකං සාතං චෙතසිකං සුඛං චෙතොසම්‌ඵස්‌සජං සාතං සුඛං වෙදයිතං චෙතොසම්‌ඵස්‌සජා සාතා සුඛා වෙදනා – ඉදං වුච්‌චති ‘‘සොමනස්‌සින්‌ද්‍රියං’’.
Tattha katamaṃ somanassindriyaṃ? Yaṃ cetasikaṃ sātaṃ cetasikaṃ sukhaṃ cetosamphassajaṃ sātaṃ sukhaṃ vedayitaṃ cetosamphassajā sātā sukhā vedanā – idaṃ vuccati ‘‘somanassindriyaṃ’’.
තත්‌ථ කතමං දොමනස්‌සින්‌ද්‍රියං? යං චෙතසිකං අසාතං චෙතසිකං දුක්‌ඛං චෙතොසම්‌ඵස්‌සජං අසාතං දුක්‌ඛං වෙදයිතං චෙතොසම්‌ඵස්‌සජා අසාතා දුක්‌ඛා වෙදනා – ඉදං වුච්‌චති ‘‘දොමනස්‌සින්‌ද්‍රියං’’.
Tattha katamaṃ domanassindriyaṃ? Yaṃ cetasikaṃ asātaṃ cetasikaṃ dukkhaṃ cetosamphassajaṃ asātaṃ dukkhaṃ vedayitaṃ cetosamphassajā asātā dukkhā vedanā – idaṃ vuccati ‘‘domanassindriyaṃ’’.
තත්‌ථ කතමං උපෙක්‌ඛින්‌ද්‍රියං? යං චෙතසිකං නෙව සාතං නාසාතං චෙතොසම්‌ඵස්‌සජං අදුක්‌ඛමසුඛං වෙදයිතං චෙතොසම්‌ඵස්‌සජා අදුක්‌ඛමසුඛා වෙදනා – ඉදං වුච්‌චති ‘‘උපෙක්‌ඛින්‌ද්‍රියං’’.
Tattha katamaṃ upekkhindriyaṃ? Yaṃ cetasikaṃ neva sātaṃ nāsātaṃ cetosamphassajaṃ adukkhamasukhaṃ vedayitaṃ cetosamphassajā adukkhamasukhā vedanā – idaṃ vuccati ‘‘upekkhindriyaṃ’’.
තත්‌ථ කතමං සද්‌ධින්‌ද්‍රියං? යා සද්‌ධා සද්‌දහනා ඔකප්‌පනා අභිප්‌පසාදො සද්‌ධා සද්‌ධින්‌ද්‍රියං සද්‌ධාබලං – ඉදං වුච්‌චති ‘‘සද්‌ධින්‌ද්‍රියං’’.
Tattha katamaṃ saddhindriyaṃ? Yā saddhā saddahanā okappanā abhippasādo saddhā saddhindriyaṃ saddhābalaṃ – idaṃ vuccati ‘‘saddhindriyaṃ’’.
තත්‌ථ කතමං වීරියින්‌ද්‍රියං? යො චෙතසිකො වීරියාරම්‌භො නික්‌කමො පරක්‌කමො උය්‍යාමො වායාමො උස්‌සාහො උස්‌සොළ්‌හී ථාමො ඨිති අසිථිලපරක්‌කමතා අනික්‌ඛිත්‌තඡන්‌දතා අනික්‌ඛිත්‌තධුරතා ධුරසම්‌පග්‌ගාහො වීරියං වීරියින්‌ද්‍රියං වීරියබලං – ඉදං වුච්‌චති ‘‘වීරියින්‌ද්‍රියං’’.
Tattha katamaṃ vīriyindriyaṃ? Yo cetasiko vīriyārambho nikkamo parakkamo uyyāmo vāyāmo ussāho ussoḷhī thāmo ṭhiti asithilaparakkamatā anikkhittachandatā anikkhittadhuratā dhurasampaggāho vīriyaṃ vīriyindriyaṃ vīriyabalaṃ – idaṃ vuccati ‘‘vīriyindriyaṃ’’.
තත්‌ථ කතමං සතින්‌ද්‍රියං? යා සති අනුස්‌සති පටිස්‌සති සති සරණතා ධාරණතා අපිලාපනතා අසම්‌මුස්‌සනතා සති සතින්‌ද්‍රියං සතිබලං සම්‌මාසති – ඉදං වුච්‌චති ‘‘සතින්‌ද්‍රියං’’.
Tattha katamaṃ satindriyaṃ? Yā sati anussati paṭissati sati saraṇatā dhāraṇatā apilāpanatā asammussanatā sati satindriyaṃ satibalaṃ sammāsati – idaṃ vuccati ‘‘satindriyaṃ’’.
තත්‌ථ කතමං සමාධින්‌ද්‍රියං? යා චිත්‌තස්‌ස ඨිති සණ්‌ඨිති අවට්‌ඨිති අවිසාහාරො අවික්‌ඛෙපො අවිසාහටමානසතා සමථො සමාධින්‌ද්‍රියං සමාධිබලං සම්‌මාසමාධි – ඉදං වුච්‌චති ‘‘සමාධින්‌ද්‍රියං’’.
Tattha katamaṃ samādhindriyaṃ? Yā cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṃ samādhibalaṃ sammāsamādhi – idaṃ vuccati ‘‘samādhindriyaṃ’’.
තත්‌ථ කතමං පඤ්‌ඤින්‌ද්‍රියං? යා පඤ්‌ඤා පජානනා…පෙ.… අමොහො ධම්‌මවිචයො සම්‌මාදිට්‌ඨි – ඉදං වුච්‌චති ‘‘පඤ්‌ඤින්‌ද්‍රියං’’.
Tattha katamaṃ paññindriyaṃ? Yā paññā pajānanā…pe… amoho dhammavicayo sammādiṭṭhi – idaṃ vuccati ‘‘paññindriyaṃ’’.
තත්‌ථ කතමං අනඤ්‌ඤාතඤ්‌ඤස්‌සාමීතින්‌ද්‍රියං? යා තෙසං ධම්‌මානං අනඤ්‌ඤාතානං අදිට්‌ඨානං අප්‌පත්‌තානං අවිදිතානං අසච්‌ඡිකතානං සච්‌ඡිකිරියාය පඤ්‌ඤා පජානනා…පෙ.… අමොහො ධම්‌මවිචයො සම්‌මාදිට්‌ඨි ධම්‌මවිචයසම්‌බොජ්‌ඣඞ්‌ගො මග්‌ගඞ්‌ගං මග්‌ගපරියාපන්‌නං – ඉදං වුච්‌චති ‘‘අනඤ්‌ඤාතඤ්‌ඤස්‌සාමීතින්‌ද්‍රියං’’.
Tattha katamaṃ anaññātaññassāmītindriyaṃ? Yā tesaṃ dhammānaṃ anaññātānaṃ adiṭṭhānaṃ appattānaṃ aviditānaṃ asacchikatānaṃ sacchikiriyāya paññā pajānanā…pe… amoho dhammavicayo sammādiṭṭhi dhammavicayasambojjhaṅgo maggaṅgaṃ maggapariyāpannaṃ – idaṃ vuccati ‘‘anaññātaññassāmītindriyaṃ’’.
තත්‌ථ කතමං අඤ්‌ඤින්‌ද්‍රියං? යා තෙසං ධම්‌මානං ඤාතානං දිට්‌ඨානං පත්‌තානං විදිතානං සච්‌ඡිකතානං සච්‌ඡිකිරියාය පඤ්‌ඤා පජානනා…පෙ.… අමොහො ධම්‌මවිචයො සම්‌මාදිට්‌ඨි ධම්‌මවිචයසම්‌බොජ්‌ඣඞ්‌ගො මග්‌ගඞ්‌ගං මග්‌ගපරියාපන්‌නං – ඉදං වුච්‌චති අඤ්‌ඤින්‌ද්‍රියං.
Tattha katamaṃ aññindriyaṃ? Yā tesaṃ dhammānaṃ ñātānaṃ diṭṭhānaṃ pattānaṃ viditānaṃ sacchikatānaṃ sacchikiriyāya paññā pajānanā…pe… amoho dhammavicayo sammādiṭṭhi dhammavicayasambojjhaṅgo maggaṅgaṃ maggapariyāpannaṃ – idaṃ vuccati aññindriyaṃ.
තත්‌ථ කතමං අඤ්‌ඤාතාවින්‌ද්‍රියං? යා තෙසං ධම්‌මානං අඤ්‌ඤාතාවීනං දිට්‌ඨානං පත්‌තානං විදිතානං සච්‌ඡිකතානං සච්‌ඡිකිරියාය පඤ්‌ඤා පජානනා…පෙ.… අමොහො ධම්‌මවිචයො සම්‌මාදිට්‌ඨි ධම්‌මවිචයසම්‌බොජ්‌ඣඞ්‌ගො මග්‌ගඞ්‌ගං මග්‌ගපරියාපන්‌නං – ඉදං වුච්‌චති ‘‘අඤ්‌ඤාතාවින්‌ද්‍රියං’’.
Tattha katamaṃ aññātāvindriyaṃ? Yā tesaṃ dhammānaṃ aññātāvīnaṃ diṭṭhānaṃ pattānaṃ viditānaṃ sacchikatānaṃ sacchikiriyāya paññā pajānanā…pe… amoho dhammavicayo sammādiṭṭhi dhammavicayasambojjhaṅgo maggaṅgaṃ maggapariyāpannaṃ – idaṃ vuccati ‘‘aññātāvindriyaṃ’’.
අභිධම්‌මභාජනීයං.
Abhidhammabhājanīyaṃ.
2. පඤ්‌හාපුච්‌ඡකං
2. Pañhāpucchakaṃ
221. බාවීසතින්‌ද්‍රියානි – චක්‌ඛුන්‌ද්‍රියං, සොතින්‌ද්‍රියං, ඝානින්‌ද්‍රියං, ජිව්‌හින්‌ද්‍රියං, කායින්‌ද්‍රියං, මනින්‌ද්‍රියං, ඉත්‌ථින්‌ද්‍රියං, පුරිසින්‌ද්‍රියං, ජීවිතින්‌ද්‍රියං, සුඛින්‌ද්‍රියං, දුක්‌ඛින්‌ද්‍රියං, සොමනස්‌සින්‌ද්‍රියං, දොමනස්‌සින්‌ද්‍රියං, උපෙක්‌ඛින්‌ද්‍රියං, සද්‌ධින්‌ද්‍රියං, වීරියින්‌ද්‍රියං, සතින්‌ද්‍රියං, සමාධින්‌ද්‍රියං, පඤ්‌ඤින්‌ද්‍රියං , අනඤ්‌ඤාතඤ්‌ඤස්‌සාමීතින්‌ද්‍රියං, අඤ්‌ඤින්‌ද්‍රියං, අඤ්‌ඤාතාවින්‌ද්‍රියං.
221. Bāvīsatindriyāni – cakkhundriyaṃ, sotindriyaṃ, ghānindriyaṃ, jivhindriyaṃ, kāyindriyaṃ, manindriyaṃ, itthindriyaṃ, purisindriyaṃ, jīvitindriyaṃ, sukhindriyaṃ, dukkhindriyaṃ, somanassindriyaṃ, domanassindriyaṃ, upekkhindriyaṃ, saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ , anaññātaññassāmītindriyaṃ, aññindriyaṃ, aññātāvindriyaṃ.
222. බාවීසතීනං ඉන්‌ද්‍රියානං කති කුසලා, කති අකුසලා, කති අබ්‍යාකතා…පෙ.… කති සරණා, කති අරණා?
222. Bāvīsatīnaṃ indriyānaṃ kati kusalā, kati akusalā, kati abyākatā…pe… kati saraṇā, kati araṇā?
1. තිකං
1. Tikaṃ
223. දසින්‌ද්‍රියා අබ්‍යාකතා. දොමනස්‌සින්‌ද්‍රියං අකුසලං. අනඤ්‌ඤාතඤ්‌ඤස්‌සාමීතින්‌ද්‍රියං කුසලං. චත්‌තාරින්‌ද්‍රියා සියා කුසලා, සියා අබ්‍යාකතා. ඡ ඉන්‌ද්‍රියා සියා කුසලා, සියා අකුසලා, සියා අබ්‍යාකතා.
223. Dasindriyā abyākatā. Domanassindriyaṃ akusalaṃ. Anaññātaññassāmītindriyaṃ kusalaṃ. Cattārindriyā siyā kusalā, siyā abyākatā. Cha indriyā siyā kusalā, siyā akusalā, siyā abyākatā.
ද්‌වාදසින්‌ද්‍රියා න වත්‌තබ්‌බා – ‘‘සුඛාය වෙදනාය සම්‌පයුත්‌තා’’තිපි, ‘‘දුක්‌ඛාය වෙදනාය සම්‌පයුත්‌තා’’තිපි, ‘‘අදුක්‌ඛමසුඛාය වෙදනාය සම්‌පයුත්‌තා’’තිපි. ඡ ඉන්‌ද්‍රියා සියා සුඛාය වෙදනාය සම්‌පයුත්‌තා, සියා අදුක්‌ඛමසුඛාය වෙදනාය සම්‌පයුත්‌තා. තීණින්‌ද්‍රියා සියා සුඛාය වෙදනාය සම්‌පයුත්‌තා, සියා දුක්‌ඛාය වෙදනාය සම්‌පයුත්‌තා, සියා අදුක්‌ඛමසුඛාය වෙදනාය සම්‌පයුත්‌තා. ජීවිතින්‌ද්‍රියං සියා සුඛාය වෙදනාය සම්‌පයුත්‌තං, සියා දුක්‌ඛාය වෙදනාය සම්‌පයුත්‌තං, සියා අදුක්‌ඛමසුඛාය වෙදනාය සම්‌පයුත්‌තං, සියා න වත්‌තබ්‌බං – ‘‘සුඛාය වෙදනාය සම්‌පයුත්‌ත’’න්‌තිපි , ‘‘දුක්‌ඛාය වෙදනාය සම්‌පයුත්‌ත’’න්‌තිපි, ‘‘අදුක්‌ඛමසුඛාය වෙදනාය සම්‌පයුත්‌ත’’න්‌තිපි.
Dvādasindriyā na vattabbā – ‘‘sukhāya vedanāya sampayuttā’’tipi, ‘‘dukkhāya vedanāya sampayuttā’’tipi, ‘‘adukkhamasukhāya vedanāya sampayuttā’’tipi. Cha indriyā siyā sukhāya vedanāya sampayuttā, siyā adukkhamasukhāya vedanāya sampayuttā. Tīṇindriyā siyā sukhāya vedanāya sampayuttā, siyā dukkhāya vedanāya sampayuttā, siyā adukkhamasukhāya vedanāya sampayuttā. Jīvitindriyaṃ siyā sukhāya vedanāya sampayuttaṃ, siyā dukkhāya vedanāya sampayuttaṃ, siyā adukkhamasukhāya vedanāya sampayuttaṃ, siyā na vattabbaṃ – ‘‘sukhāya vedanāya sampayutta’’ntipi , ‘‘dukkhāya vedanāya sampayutta’’ntipi, ‘‘adukkhamasukhāya vedanāya sampayutta’’ntipi.
සත්‌තින්‌ද්‍රියා නෙවවිපාකනවිපාකධම්‌මධම්‌මා. තීණින්‌ද්‍රියා විපාකා. ද්‌වින්‌ද්‍රියා විපාකධම්‌මධම්‌මා. අඤ්‌ඤින්‌ද්‍රියං සියා විපාකං, සියා විපාකධම්‌මධම්‌මං. නවින්‌ද්‍රියා සියා විපාකා, සියා විපාකධම්‌මධම්‌මා, සියා නෙවවිපාකනවිපාකධම්‌මධම්‌මා. නවින්‌ද්‍රියා උපාදින්‌නුපාදානියා . දොමනස්‌සින්‌ද්‍රියං අනුපාදින්‌නුපාදානියං. තීණින්‌ද්‍රියා අනුපාදින්‌නඅනුපාදානියා. නවින්‌ද්‍රියා සියා උපාදින්‌නුපාදානියා, සියා අනුපාදින්‌නුපාදානියා, සියා අනුපාදින්‌නඅනුපාදානියා.
Sattindriyā nevavipākanavipākadhammadhammā. Tīṇindriyā vipākā. Dvindriyā vipākadhammadhammā. Aññindriyaṃ siyā vipākaṃ, siyā vipākadhammadhammaṃ. Navindriyā siyā vipākā, siyā vipākadhammadhammā, siyā nevavipākanavipākadhammadhammā. Navindriyā upādinnupādāniyā . Domanassindriyaṃ anupādinnupādāniyaṃ. Tīṇindriyā anupādinnaanupādāniyā. Navindriyā siyā upādinnupādāniyā, siyā anupādinnupādāniyā, siyā anupādinnaanupādāniyā.
නවින්‌ද්‍රියා අසංකිලිට්‌ඨසංකිලෙසිකා. දොමනස්‌සින්‌ද්‍රියං සංකිලිට්‌ඨසංකිලෙසිකං. තීණින්‌ද්‍රියා අසංකිලිට්‌ඨඅසංකිලෙසිකා. තීණින්‌ද්‍රියා සියා අසංකිලිට්‌ඨසංකිලෙසිකා, සියා අසංකිලිට්‌ඨඅසංකිලෙසිකා. ඡ ඉන්‌ද්‍රියා සියා සංකිලිට්‌ඨසංකිලෙසිකා, සියා අසංකිලිට්‌ඨසංකිලෙසිකා, සියා අසංකිලිට්‌ඨඅසංකිලෙසිකා. නවින්‌ද්‍රියා අවිතක්‌කඅවිචාරා. දොමනස්‌සින්‌ද්‍රියං සවිතක්‌කසවිචාරං. උපෙක්‌ඛින්‌ද්‍රියං සියා සවිතක්‌කසවිචාරං, සියා අවිතක්‌කඅවිචාරං. එකාදසින්‌ද්‍රියා සියා සවිතක්‌කසවිචාරා, සියා අවිතක්‌කවිචාරමත්‌තා, සියා අවිතක්‌කඅවිචාරා.
Navindriyā asaṃkiliṭṭhasaṃkilesikā. Domanassindriyaṃ saṃkiliṭṭhasaṃkilesikaṃ. Tīṇindriyā asaṃkiliṭṭhaasaṃkilesikā. Tīṇindriyā siyā asaṃkiliṭṭhasaṃkilesikā, siyā asaṃkiliṭṭhaasaṃkilesikā. Cha indriyā siyā saṃkiliṭṭhasaṃkilesikā, siyā asaṃkiliṭṭhasaṃkilesikā, siyā asaṃkiliṭṭhaasaṃkilesikā. Navindriyā avitakkaavicārā. Domanassindriyaṃ savitakkasavicāraṃ. Upekkhindriyaṃ siyā savitakkasavicāraṃ, siyā avitakkaavicāraṃ. Ekādasindriyā siyā savitakkasavicārā, siyā avitakkavicāramattā, siyā avitakkaavicārā.
එකාදසින්‌ද්‍රියා න වත්‌තබ්‌බා – ‘‘පීතිසහගතා’’තිපි, ‘‘සුඛසහගතා’’තිපි, ‘‘උපෙක්‌ඛාසහගතා’’තිපි. සොමනස්‌සින්‌ද්‍රියං සියා පීතිසහගතං න සුඛසහගතං න උපෙක්‌ඛාසහගතං, සියා න වත්‌තබ්‌බං – ‘‘පීතිසහගත’’න්‌ති. ඡ ඉන්‌ද්‍රියා සියා පීතිසහගතා, සියා සුඛසහගතා, සියා උපෙක්‌ඛාසහගතා. චත්‌තාරින්‌ද්‍රියා සියා පීතිසහගතා, සියා සුඛසහගතා, සියා උපෙක්‌ඛාසහගතා , සියා න වත්‌තබ්‌බා – ‘‘පීතිසහගතා’’තිපි, ‘‘සුඛසහගතා’’තිපි, ‘‘උපෙක්‌ඛාසහගතා’’තිපි.
Ekādasindriyā na vattabbā – ‘‘pītisahagatā’’tipi, ‘‘sukhasahagatā’’tipi, ‘‘upekkhāsahagatā’’tipi. Somanassindriyaṃ siyā pītisahagataṃ na sukhasahagataṃ na upekkhāsahagataṃ, siyā na vattabbaṃ – ‘‘pītisahagata’’nti. Cha indriyā siyā pītisahagatā, siyā sukhasahagatā, siyā upekkhāsahagatā. Cattārindriyā siyā pītisahagatā, siyā sukhasahagatā, siyā upekkhāsahagatā , siyā na vattabbā – ‘‘pītisahagatā’’tipi, ‘‘sukhasahagatā’’tipi, ‘‘upekkhāsahagatā’’tipi.
පන්‌නරසින්‌ද්‍රියා නෙව දස්‌සනෙන න භාවනාය පහාතබ්‌බා. දොමනස්‌සින්‌ද්‍රියං සියා දස්‌සනෙන පහාතබ්‌බං, සියා භාවනාය පහාතබ්‌බං. ඡ ඉන්‌ද්‍රියා සියා දස්‌සනෙන පහාතබ්‌බා, සියා භාවනාය පහාතබ්‌බා, සියා නෙව දස්‌සනෙන න භාවනාය පහාතබ්‌බා. පන්‌නරසින්‌ද්‍රියා නෙව දස්‌සනෙන න භාවනාය පහාතබ්‌බහෙතුකා. දොමනස්‌සින්‌ද්‍රියං සියා දස්‌සනෙන පහාතබ්‌බහෙතුකං, සියා භාවනාය පහාතබ්‌බහෙතුකං. ඡ ඉන්‌ද්‍රියා සියා දස්‌සනෙන පහාතබ්‌බහෙතුකා, සියා භාවනාය පහාතබ්‌බහෙතුකා, සියා නෙව දස්‌සනෙන න භාවනාය පහාතබ්‌බහෙතුකා.
Pannarasindriyā neva dassanena na bhāvanāya pahātabbā. Domanassindriyaṃ siyā dassanena pahātabbaṃ, siyā bhāvanāya pahātabbaṃ. Cha indriyā siyā dassanena pahātabbā, siyā bhāvanāya pahātabbā, siyā neva dassanena na bhāvanāya pahātabbā. Pannarasindriyā neva dassanena na bhāvanāya pahātabbahetukā. Domanassindriyaṃ siyā dassanena pahātabbahetukaṃ, siyā bhāvanāya pahātabbahetukaṃ. Cha indriyā siyā dassanena pahātabbahetukā, siyā bhāvanāya pahātabbahetukā, siyā neva dassanena na bhāvanāya pahātabbahetukā.
දසින්‌ද්‍රියා නෙවාචයගාමිනාපචයගාමිනො. දොමනස්‌සින්‌ද්‍රියං ආචයගාමි. අනඤ්‌ඤාතඤ්‌ඤස්‌සාමීතින්‌ද්‍රියං අපචයගාමි. අඤ්‌ඤින්‌ද්‍රියං සියා අපචයගාමි, සියා නෙවාචයගාමිනාපචයගාමි . නවින්‌ද්‍රියා සියා ආචයගාමිනො, සියා අපචයගාමිනො, සියා නෙවාචයගාමිනාපචයගාමිනො. දසින්‌ද්‍රියා නෙවසෙක්‌ඛනාසෙක්‌ඛා. ද්‌වින්‌ද්‍රියා සෙක්‌ඛා. අඤ්‌ඤාතාවින්‌ද්‍රියං අසෙක්‌ඛං. නවින්‌ද්‍රියා සියා සෙක්‌ඛා, සියා අසෙක්‌ඛා, සියා නෙවසෙක්‌ඛනාසෙක්‌ඛා.
Dasindriyā nevācayagāmināpacayagāmino. Domanassindriyaṃ ācayagāmi. Anaññātaññassāmītindriyaṃ apacayagāmi. Aññindriyaṃ siyā apacayagāmi, siyā nevācayagāmināpacayagāmi . Navindriyā siyā ācayagāmino, siyā apacayagāmino, siyā nevācayagāmināpacayagāmino. Dasindriyā nevasekkhanāsekkhā. Dvindriyā sekkhā. Aññātāvindriyaṃ asekkhaṃ. Navindriyā siyā sekkhā, siyā asekkhā, siyā nevasekkhanāsekkhā.
දසින්‌ද්‍රියා පරිත්‌තා. තීණින්‌ද්‍රියා අප්‌පමාණා. නවින්‌ද්‍රියා සියා පරිත්‌තා, සියා මහග්‌ගතා, සියා අප්‌පමාණා. සත්‌තින්‌ද්‍රියා අනාරම්‌මණා. ද්‌වින්‌ද්‍රියා පරිත්‌තාරම්‌මණා. තීණින්‌ද්‍රියා අප්‌පමාණාරම්‌මණා. දොමනස්‌සින්‌ද්‍රියං සියා පරිත්‌තාරම්‌මණං සියා මහග්‌ගතාරම්‌මණං, න අප්‌පමාණාරම්‌මණං, සියා න වත්‌තබ්‌බං – ‘‘පරිත්‌තාරම්‌මණ’’න්‌තිපි , ‘‘මහග්‌ගතාරම්‌මණ’’න්‌ති පි. නවින්‌ද්‍රියා සියා පරිත්‌තාරම්‌මණා, සියා මහග්‌ගතාරම්‌මණා, සියා අප්‌පමාණාරම්‌මණා, සියා න වත්‌තබ්‌බා – ‘‘පරිත්‌තාරම්‌මණා’’තිපි, ‘‘මහග්‌ගතාරම්‌මණා’’තිපි, ‘‘අප්‌පමාණාරම්‌මණා’’තිපි.
Dasindriyā parittā. Tīṇindriyā appamāṇā. Navindriyā siyā parittā, siyā mahaggatā, siyā appamāṇā. Sattindriyā anārammaṇā. Dvindriyā parittārammaṇā. Tīṇindriyā appamāṇārammaṇā. Domanassindriyaṃ siyā parittārammaṇaṃ siyā mahaggatārammaṇaṃ, na appamāṇārammaṇaṃ, siyā na vattabbaṃ – ‘‘parittārammaṇa’’ntipi , ‘‘mahaggatārammaṇa’’nti pi. Navindriyā siyā parittārammaṇā, siyā mahaggatārammaṇā, siyā appamāṇārammaṇā, siyā na vattabbā – ‘‘parittārammaṇā’’tipi, ‘‘mahaggatārammaṇā’’tipi, ‘‘appamāṇārammaṇā’’tipi.
නවින්‌ද්‍රියා මජ්‌ඣිමා. දොමනස්‌සින්‌ද්‍රියං හීනං. තීණින්‌ද්‍රියා පණීතා. තීණින්‌ද්‍රියා සියා මජ්‌ඣිමා, සියා පණීතා. ඡ ඉන්‌ද්‍රියා සියා හීනා, සියා මජ්‌ඣිමා, සියා පණීතා. දසින්‌ද්‍රියා අනියතා. අනඤ්‌ඤාතඤ්‌ඤස්‌සාමීතින්‌ද්‍රියං සම්‌මත්‌තනියතං. චත්‌තාරින්‌ද්‍රියා සියා සම්‌මත්‌තනියතා, සියා අනියතා. දොමනස්‌සින්‌ද්‍රියං සියා මිච්‌ඡත්‌තනියතං, සියා අනියතං . ඡ ඉන්‌ද්‍රියා සියා මිච්‌ඡත්‌තනියතා, සියා සම්‌මත්‌තනියතා, සියා අනියතා. සත්‌තින්‌ද්‍රියා අනාරම්‌මණා. චත්‌තාරින්‌ද්‍රියා න වත්‌තබ්‌බා – ‘‘මග්‌ගාරම්‌මණා’’තිපි, ‘‘මග්‌ගහෙතුකා’’තිපි, ‘‘මග්‌ගාධිපතිනො’’තිපි. අනඤ්‌ඤාතඤ්‌ඤස්‌සාමීතින්‌ද්‍රියං න මග්‌ගාරම්‌මණං, සියා මග්‌ගහෙතුකං, සියා මග්‌ගාධිපති, සියා න වත්‌තබ්‌බං – ‘‘මග්‌ගහෙතුක’’න්‌තිපි, ‘‘මග්‌ගාධිපතී’’තිපි. අඤ්‌ඤින්‌ද්‍රියං න මග්‌ගාරම්‌මණං, සියා මග්‌ගහෙතුකං, සියා මග්‌ගාධිපති, සියා න වත්‌තබ්‌බං – ‘‘මග්‌ගහෙතුක’’න්‌තිපි, ‘‘මග්‌ගාධිපතී’’තිපි. නවින්‌ද්‍රියා සියා මග්‌ගාරම්‌මණා, සියා මග්‌ගහෙතුකා, සියා මග්‌ගාධිපතිනො, සියා න වත්‌තබ්‌බා – ‘‘මග්‌ගාරම්‌මණා’’තිපි, ‘‘මග්‌ගහෙතුකා’’තිපි, ‘‘මග්‌ගාධිපතිනො’’තිපි.
Navindriyā majjhimā. Domanassindriyaṃ hīnaṃ. Tīṇindriyā paṇītā. Tīṇindriyā siyā majjhimā, siyā paṇītā. Cha indriyā siyā hīnā, siyā majjhimā, siyā paṇītā. Dasindriyā aniyatā. Anaññātaññassāmītindriyaṃ sammattaniyataṃ. Cattārindriyā siyā sammattaniyatā, siyā aniyatā. Domanassindriyaṃ siyā micchattaniyataṃ, siyā aniyataṃ . Cha indriyā siyā micchattaniyatā, siyā sammattaniyatā, siyā aniyatā. Sattindriyā anārammaṇā. Cattārindriyā na vattabbā – ‘‘maggārammaṇā’’tipi, ‘‘maggahetukā’’tipi, ‘‘maggādhipatino’’tipi. Anaññātaññassāmītindriyaṃ na maggārammaṇaṃ, siyā maggahetukaṃ, siyā maggādhipati, siyā na vattabbaṃ – ‘‘maggahetuka’’ntipi, ‘‘maggādhipatī’’tipi. Aññindriyaṃ na maggārammaṇaṃ, siyā maggahetukaṃ, siyā maggādhipati, siyā na vattabbaṃ – ‘‘maggahetuka’’ntipi, ‘‘maggādhipatī’’tipi. Navindriyā siyā maggārammaṇā, siyā maggahetukā, siyā maggādhipatino, siyā na vattabbā – ‘‘maggārammaṇā’’tipi, ‘‘maggahetukā’’tipi, ‘‘maggādhipatino’’tipi.
දසින්‌ද්‍රියා සියා උප්‌පන්‌නා, සියා උප්‌පාදිනො, න වත්‌තබ්‌බා – ‘‘අනුප්‌පන්‌නා’’ති. ද්‌වින්‌ද්‍රියා සියා උප්‌පන්‌නා, සියා අනුප්‌පන්‌නා, න වත්‌තබ්‌බා – ‘‘උප්‌පාදිනො’’ති. දසින්‌ද්‍රියා සියා උප්‌පන්‌නා, සියා අනුප්‌පන්‌නා, සියා උප්‌පාදිනො ; සියා අතීතා, සියා අනාගතා, සියා පච්‌චුප්‌පන්‌නා. සත්‌තින්‌ද්‍රියා අනාරම්‌මණා. ද්‌වින්‌ද්‍රියා පච්‌චුප්‌පන්‌නාරම්‌මණා. තීණින්‌ද්‍රියා න වත්‌තබ්‌බා – ‘‘අතීතාරම්‌මණා’’තිපි, ‘‘අනාගතාරම්‌මණා’’තිපි , ‘‘පච්‌චුප්‌පන්‌නාරම්‌මණා’’තිපි. දසින්‌ද්‍රියා සියා අතීතාරම්‌මණා, සියා අනාගතාරම්‌මණා, සියා පච්‌චුප්‌පන්‌නාරම්‌මණා, සියා න වත්‌තබ්‌බා – ‘‘අතීතාරම්‌මණා’’තිපි, ‘‘අනාගතාරම්‌මණා’’තිපි, ‘‘පච්‌චුප්‌පන්‌නාරම්‌මණා’’තිපි; සියා අජ්‌ඣත්‌තා, සියා බහිද්‌ධා, සියා අජ්‌ඣත්‌තබහිද්‌ධා. සත්‌තින්‌ද්‍රියා අනාරම්‌මණා. තීණින්‌ද්‍රියා බහිද්‌ධාරම්‌මණා. චත්‌තාරින්‌ද්‍රියා සියා අජ්‌ඣත්‌තාරම්‌මණා, සියා බහිද්‌ධාරම්‌මණා, සියා අජ්‌ඣත්‌තබහිද්‌ධාරම්‌මණා, අට්‌ඨින්‌ද්‍රියා සියා අජ්‌ඣත්‌තාරම්‌මණා, සියා බහිද්‌ධාරම්‌මණා, සියා අජ්‌ඣත්‌තබහිද්‌ධාරම්‌මණා, සියා න වත්‌තබ්‌බා – ‘‘අජ්‌ඣත්‌තාරම්‌මණා’’තිපි, ‘‘බහිද්‌ධාරම්‌මණා’’තිපි, ‘‘අජ්‌ඣත්‌තබහිද්‌ධාරම්‌මණා’’තිපි. පඤ්‌චින්‌ද්‍රියා අනිදස්‌සනසප්‌පටිඝා. සත්‌තරසින්‌ද්‍රියා අනිදස්‌සනඅප්‌පටිඝා.
Dasindriyā siyā uppannā, siyā uppādino, na vattabbā – ‘‘anuppannā’’ti. Dvindriyā siyā uppannā, siyā anuppannā, na vattabbā – ‘‘uppādino’’ti. Dasindriyā siyā uppannā, siyā anuppannā, siyā uppādino ; siyā atītā, siyā anāgatā, siyā paccuppannā. Sattindriyā anārammaṇā. Dvindriyā paccuppannārammaṇā. Tīṇindriyā na vattabbā – ‘‘atītārammaṇā’’tipi, ‘‘anāgatārammaṇā’’tipi , ‘‘paccuppannārammaṇā’’tipi. Dasindriyā siyā atītārammaṇā, siyā anāgatārammaṇā, siyā paccuppannārammaṇā, siyā na vattabbā – ‘‘atītārammaṇā’’tipi, ‘‘anāgatārammaṇā’’tipi, ‘‘paccuppannārammaṇā’’tipi; siyā ajjhattā, siyā bahiddhā, siyā ajjhattabahiddhā. Sattindriyā anārammaṇā. Tīṇindriyā bahiddhārammaṇā. Cattārindriyā siyā ajjhattārammaṇā, siyā bahiddhārammaṇā, siyā ajjhattabahiddhārammaṇā, aṭṭhindriyā siyā ajjhattārammaṇā, siyā bahiddhārammaṇā, siyā ajjhattabahiddhārammaṇā, siyā na vattabbā – ‘‘ajjhattārammaṇā’’tipi, ‘‘bahiddhārammaṇā’’tipi, ‘‘ajjhattabahiddhārammaṇā’’tipi. Pañcindriyā anidassanasappaṭighā. Sattarasindriyā anidassanaappaṭighā.
2. දුකං
2. Dukaṃ
224. චත්‌තාරින්‌ද්‍රියා හෙතූ. අට්‌ඨාරසින්‌ද්‍රියා න හෙතූ. සත්‌තින්‌ද්‍රියා සහෙතුකා. නවින්‌ද්‍රියා අහෙතුකා. ඡ ඉන්‌ද්‍රියා සියා සහෙතුකා, සියා අහෙතුකා. සත්‌තින්‌ද්‍රියා හෙතුසම්‌පයුත්‌තා. නවින්‌ද්‍රියා හෙතුවිප්‌පයුත්‌තා. ඡ ඉන්‌ද්‍රියා සියා හෙතුසම්‌පයුත්‌තා, සියා හෙතුවිප්‌පයුත්‌තා. චත්‌තාරින්‌ද්‍රියා හෙතූ චෙව සහෙතුකා ච. නවින්‌ද්‍රියා න වත්‌තබ්‌බා – ‘‘හෙතූ චෙව සහෙතුකා චා’’තිපි, ‘‘සහෙතුකා චෙව න ච හෙතූ’’තිපි. තීණින්‌ද්‍රියා න වත්‌තබ්‌බා – ‘‘හෙතූ චෙව සහෙතුකා චා’’ති. සහෙතුකා චෙව න ච හෙතූ. ඡ ඉන්‌ද්‍රියා න වත්‌තබ්‌බා – ‘‘හෙතූ චෙව සහෙතුකා චා’’ති, සියා සහෙතුකා චෙව න ච හෙතූ, සියා න වත්‌තබ්‌බා – ‘‘සහෙතුකා චෙව න ච හෙතූ’’ති.
224. Cattārindriyā hetū. Aṭṭhārasindriyā na hetū. Sattindriyā sahetukā. Navindriyā ahetukā. Cha indriyā siyā sahetukā, siyā ahetukā. Sattindriyā hetusampayuttā. Navindriyā hetuvippayuttā. Cha indriyā siyā hetusampayuttā, siyā hetuvippayuttā. Cattārindriyā hetū ceva sahetukā ca. Navindriyā na vattabbā – ‘‘hetū ceva sahetukā cā’’tipi, ‘‘sahetukā ceva na ca hetū’’tipi. Tīṇindriyā na vattabbā – ‘‘hetū ceva sahetukā cā’’ti. Sahetukā ceva na ca hetū. Cha indriyā na vattabbā – ‘‘hetū ceva sahetukā cā’’ti, siyā sahetukā ceva na ca hetū, siyā na vattabbā – ‘‘sahetukā ceva na ca hetū’’ti.
චත්‌තාරින්‌ද්‍රියා හෙතූ චෙව හෙතුසම්‌පයුත්‌තා ච . නවින්‌ද්‍රියා න වත්‌තබ්‌බා – ‘‘හෙතූ චෙව හෙතුසම්‌පයුත්‌තා චා’’තිපි, ‘‘හෙතුසම්‌පයුත්‌තා චෙව න ච හෙතූ’’තිපි. තීණින්‌ද්‍රියා න වත්‌තබ්‌බා – ‘‘හෙතූ චෙව හෙතුසම්‌පයුත්‌තා චා’’ති, ‘‘හෙතුසම්‌පයුත්‌තා චෙව න ච හෙතූ’’. ඡ ඉන්‌ද්‍රියා න වත්‌තබ්‌බා – ‘‘හෙතූ චෙව හෙතුසම්‌පයුත්‌තා චා’’ති, සියා හෙතුසම්‌පයුත්‌තා චෙව න ච හෙතූ, සියා න වත්‌තබ්‌බා – ‘‘හෙතුසම්‌පයුත්‌තා චෙව න ච හෙතූ’’ති.
Cattārindriyā hetū ceva hetusampayuttā ca . Navindriyā na vattabbā – ‘‘hetū ceva hetusampayuttā cā’’tipi, ‘‘hetusampayuttā ceva na ca hetū’’tipi. Tīṇindriyā na vattabbā – ‘‘hetū ceva hetusampayuttā cā’’ti, ‘‘hetusampayuttā ceva na ca hetū’’. Cha indriyā na vattabbā – ‘‘hetū ceva hetusampayuttā cā’’ti, siyā hetusampayuttā ceva na ca hetū, siyā na vattabbā – ‘‘hetusampayuttā ceva na ca hetū’’ti.
නවින්‌ද්‍රියා න හෙතූ අහෙතුකා. තීණින්‌ද්‍රියා න හෙතූ සහෙතුකා. චත්‌තාරින්‌ද්‍රියා න වත්‌තබ්‌බා – ‘‘න හෙතූ සහෙතුකා’’තිපි, ‘‘න හෙතූ අහෙතුකා’’තිපි . ඡ ඉන්‌ද්‍රියා සියා න හෙතූ සහෙතුකා, සියා න හෙතූ අහෙතුකා.
Navindriyā na hetū ahetukā. Tīṇindriyā na hetū sahetukā. Cattārindriyā na vattabbā – ‘‘na hetū sahetukā’’tipi, ‘‘na hetū ahetukā’’tipi . Cha indriyā siyā na hetū sahetukā, siyā na hetū ahetukā.
සප්‌පච්‌චයා. සඞ්‌ඛතා. අනිදස්‌සනා. පඤ්‌චින්‌ද්‍රියා සප්‌පටිඝා. සත්‌තරසින්‌ද්‍රියා අප්‌පටිඝා. සත්‌තින්‌ද්‍රියා රූපා. චුද්‌දසින්‌ද්‍රියා අරූපා. ජීවිතින්‌ද්‍රියං සියා රූපං, සියා අරූපං. දසින්‌ද්‍රියා ලොකියා. තීණින්‌ද්‍රියා ලොකුත්‌තරා. නවින්‌ද්‍රියා සියා ලොකියා, සියා ලොකුත්‌තරා; කෙනචි විඤ්‌ඤෙය්‍යා, කෙනචි න විඤ්‌ඤෙය්‍යා.
Sappaccayā. Saṅkhatā. Anidassanā. Pañcindriyā sappaṭighā. Sattarasindriyā appaṭighā. Sattindriyā rūpā. Cuddasindriyā arūpā. Jīvitindriyaṃ siyā rūpaṃ, siyā arūpaṃ. Dasindriyā lokiyā. Tīṇindriyā lokuttarā. Navindriyā siyā lokiyā, siyā lokuttarā; kenaci viññeyyā, kenaci na viññeyyā.
නො ආසවා. දසින්‌ද්‍රියා සාසවා. තීණින්‌ද්‍රියා අනාසවා. නවින්‌ද්‍රියා සියා සාසවා, සියා අනාසවා. පන්‌නරසින්‌ද්‍රියා ආසවවිප්‌පයුත්‌තා. දොමනස්‌සින්‌ද්‍රියං ආසවසම්‌පයුත්‌තං. ඡ ඉන්‌ද්‍රියා සියා ආසවසම්‌පයුත්‌තා, සියා ආසවවිප්‌පයුත්‌තා. දසින්‌ද්‍රියා න වත්‌තබ්‌බා – ‘‘ආසවා චෙව සාසවා චා’’ති, ‘‘සාසවා චෙව නො ච ආසවා’’. තීණින්‌ද්‍රියා න වත්‌තබ්‌බා – ‘‘ආසවා චෙව සාසවා චා’’තිපි, ‘‘සාසවා චෙව නො ච ආසවා’’තිපි. නවින්‌ද්‍රියා න වත්‌තබ්‌බා – ‘‘ආසවා චෙව සාසවා චා’’ති, සියා සාසවා චෙව නො ච ආසවා, සියා න වත්‌තබ්‌බා – ‘‘සාසවා චෙව නො ච ආසවා’’ති.
No āsavā. Dasindriyā sāsavā. Tīṇindriyā anāsavā. Navindriyā siyā sāsavā, siyā anāsavā. Pannarasindriyā āsavavippayuttā. Domanassindriyaṃ āsavasampayuttaṃ. Cha indriyā siyā āsavasampayuttā, siyā āsavavippayuttā. Dasindriyā na vattabbā – ‘‘āsavā ceva sāsavā cā’’ti, ‘‘sāsavā ceva no ca āsavā’’. Tīṇindriyā na vattabbā – ‘‘āsavā ceva sāsavā cā’’tipi, ‘‘sāsavā ceva no ca āsavā’’tipi. Navindriyā na vattabbā – ‘‘āsavā ceva sāsavā cā’’ti, siyā sāsavā ceva no ca āsavā, siyā na vattabbā – ‘‘sāsavā ceva no ca āsavā’’ti.
පන්‌නරසින්‌ද්‍රියා න වත්‌තබ්‌බා – ‘‘ආසවා චෙව ආසවසම්‌පයුත්‌තා චා’’තිපි, ‘‘ආසවසම්‌පයුත්‌තා චෙව නො ච ආසවා’’තිපි. දොමනස්‌සින්‌ද්‍රියං න වත්‌තබ්‌බං – ‘‘ආසවො චෙව ආසවසම්‌පයුත්‌තඤ්‌චා’’ති, ‘‘ආසවසම්‌පයුත්‌තඤ්‌චෙව නො ච ආසවො’’. ඡ ඉන්‌ද්‍රියා න වත්‌තබ්‌බා – ‘‘ආසවා චෙව ආසවසම්‌පයුත්‌තා චා’’ති, සියා ආසවසම්‌පයුත්‌තා චෙව නො ච ආසවා, සියා න වත්‌තබ්‌බා – ‘‘ආසවසම්‌පයුත්‌තා චෙව නො ච ආසවා’’ති. නවින්‌ද්‍රියා ආසවවිප්‌පයුත්‌තසාසවා. තීණින්‌ද්‍රියා ආසවවිප්‌පයුත්‌තඅනාසවා. දොමනස්‌සින්‌ද්‍රියං න වත්‌තබ්‌බං – ‘‘ආසවවිප්‌පයුත්‌තසාසව’’න්‌තිපි, ‘‘ආසවවිප්‌පයුත්‌තඅනාසව’’න්‌තිපි. තීණින්‌ද්‍රියා සියා ආසවවිප්‌පයුත්‌තසාසවා, සියා ආසවවිප්‌පයුත්‌තඅනාසවා. ඡ ඉන්‌ද්‍රියා සියා ආසවවිප්‌පයුත්‌තසාසවා, සියා ආසවවිප්‌පයුත්‌තඅනාසවා, සියා න වත්‌තබ්‌බා – ‘‘ආසවවිප්‌පයුත්‌තසාසවා’’තිපි, ‘‘ආසවවිප්‌පයුත්‌තඅනාසවා’’තිපි.
Pannarasindriyā na vattabbā – ‘‘āsavā ceva āsavasampayuttā cā’’tipi, ‘‘āsavasampayuttā ceva no ca āsavā’’tipi. Domanassindriyaṃ na vattabbaṃ – ‘‘āsavo ceva āsavasampayuttañcā’’ti, ‘‘āsavasampayuttañceva no ca āsavo’’. Cha indriyā na vattabbā – ‘‘āsavā ceva āsavasampayuttā cā’’ti, siyā āsavasampayuttā ceva no ca āsavā, siyā na vattabbā – ‘‘āsavasampayuttā ceva no ca āsavā’’ti. Navindriyā āsavavippayuttasāsavā. Tīṇindriyā āsavavippayuttaanāsavā. Domanassindriyaṃ na vattabbaṃ – ‘‘āsavavippayuttasāsava’’ntipi, ‘‘āsavavippayuttaanāsava’’ntipi. Tīṇindriyā siyā āsavavippayuttasāsavā, siyā āsavavippayuttaanāsavā. Cha indriyā siyā āsavavippayuttasāsavā, siyā āsavavippayuttaanāsavā, siyā na vattabbā – ‘‘āsavavippayuttasāsavā’’tipi, ‘‘āsavavippayuttaanāsavā’’tipi.
නො සංයොජනා. දසින්‌ද්‍රියා සංයොජනියා. තීණින්‌ද්‍රියා අසංයොජනියා. නවින්‌ද්‍රියා සියා සංයොජනියා, සියා අසංයොජනියා. පන්‌නරසින්‌ද්‍රියා සංයොජනවිප්‌පයුත්‌තා. දොමනස්‌සින්‌ද්‍රියං සංයොජනසම්‌පයුත්‌තං . ඡ ඉන්‌ද්‍රියා සියා සංයොජනසම්‌පයුත්‌තා , සියා සංයොජනවිප්‌පයුත්‌තා. දසින්‌ද්‍රියා න වත්‌තබ්‌බා – ‘‘සංයොජනා චෙව සංයොජනියා චා’’ති, සංයොජනියා චෙව නො ච සංයොජනා. තීණින්‌ද්‍රියා න වත්‌තබ්‌බා – ‘‘සංයොජනා චෙව සංයොජනියා චා’’තිපි, ‘‘සංයොජනියා චෙව නො ච සංයොජනා’’තිපි. නවින්‌ද්‍රියා න වත්‌තබ්‌බා – ‘‘සංයොජනා චෙව සංයොජනියා චා’’ති, සියා සංයොජනියා චෙව නො ච සංයොජනා, සියා න වත්‌තබ්‌බා – ‘‘සංයොජනියා චෙව නො ච සංයොජනා’’ති.
No saṃyojanā. Dasindriyā saṃyojaniyā. Tīṇindriyā asaṃyojaniyā. Navindriyā siyā saṃyojaniyā, siyā asaṃyojaniyā. Pannarasindriyā saṃyojanavippayuttā. Domanassindriyaṃ saṃyojanasampayuttaṃ . Cha indriyā siyā saṃyojanasampayuttā , siyā saṃyojanavippayuttā. Dasindriyā na vattabbā – ‘‘saṃyojanā ceva saṃyojaniyā cā’’ti, saṃyojaniyā ceva no ca saṃyojanā. Tīṇindriyā na vattabbā – ‘‘saṃyojanā ceva saṃyojaniyā cā’’tipi, ‘‘saṃyojaniyā ceva no ca saṃyojanā’’tipi. Navindriyā na vattabbā – ‘‘saṃyojanā ceva saṃyojaniyā cā’’ti, siyā saṃyojaniyā ceva no ca saṃyojanā, siyā na vattabbā – ‘‘saṃyojaniyā ceva no ca saṃyojanā’’ti.
පන්‌නරසින්‌ද්‍රියා න වත්‌තබ්‌බා – ‘‘සංයොජනා චෙව සංයොජනසම්‌පයුත්‌තා චා’’තිපි, ‘‘සංයොජනසම්‌පයුත්‌තා චෙව නො ච සංයොජනා’’තිපි. දොමනස්‌සින්‌ද්‍රියං න වත්‌තබ්‌බං – ‘‘සංයොජනඤ්‌චෙව සංයොජනසම්‌පයුත්‌තඤ්‌චා’’ති, සංයොජනසම්‌පයුත්‌තඤ්‌චෙව නො ච සංයොජනං. ඡ ඉන්‌ද්‍රියා න වත්‌තබ්‌බා – ‘‘සංයොජනා චෙව සංයොජනසම්‌පයුත්‌තා චා’’ති, සියා සංයොජනසම්‌පයුත්‌තා චෙව නො ච සංයොජනා, සියා න වත්‌තබ්‌බා – ‘‘සංයොජනසම්‌පයුත්‌තා චෙව නො ච සංයොජනා’’ති.
Pannarasindriyā na vattabbā – ‘‘saṃyojanā ceva saṃyojanasampayuttā cā’’tipi, ‘‘saṃyojanasampayuttā ceva no ca saṃyojanā’’tipi. Domanassindriyaṃ na vattabbaṃ – ‘‘saṃyojanañceva saṃyojanasampayuttañcā’’ti, saṃyojanasampayuttañceva no ca saṃyojanaṃ. Cha indriyā na vattabbā – ‘‘saṃyojanā ceva saṃyojanasampayuttā cā’’ti, siyā saṃyojanasampayuttā ceva no ca saṃyojanā, siyā na vattabbā – ‘‘saṃyojanasampayuttā ceva no ca saṃyojanā’’ti.
නවින්‌ද්‍රියා සංයොජනවිප්‌පයුත්‌තසංයොජනියා. තීණින්‌ද්‍රියා සංයොජනවිප්‌පයුත්‌තඅසංයොජනියා. දොමනස්‌සින්‌ද්‍රියං න වත්‌තබ්‌බං – ‘‘සංයොජනවිප්‌පයුත්‌තසංයොජනිය’’න්‌තිපි, ‘‘සංයොජනවිප්‌පයුත්‌තඅසංයොජනිය’’න්‌තිපි. තීණින්‌ද්‍රියා සියා සංයොජනවිප්‌පයුත්‌තසංයොජනියා, සියා සංයොජනවිප්‌පයුත්‌තඅසංයොජනියා. ඡ ඉන්‌ද්‍රියා සියා සංයොජනවිප්‌පයුත්‌තසංයොජනියා, සියා සංයොජනවිප්‌පයුත්‌තඅසංයොජනියා, සියා න වත්‌තබ්‌බා – ‘‘සංයොජනවිප්‌පයුත්‌තසංයොජනියා’’තිපි, ‘‘සංයොජනවිප්‌පයුත්‌තඅසංයොජනියා’’තිපි .
Navindriyā saṃyojanavippayuttasaṃyojaniyā. Tīṇindriyā saṃyojanavippayuttaasaṃyojaniyā. Domanassindriyaṃ na vattabbaṃ – ‘‘saṃyojanavippayuttasaṃyojaniya’’ntipi, ‘‘saṃyojanavippayuttaasaṃyojaniya’’ntipi. Tīṇindriyā siyā saṃyojanavippayuttasaṃyojaniyā, siyā saṃyojanavippayuttaasaṃyojaniyā. Cha indriyā siyā saṃyojanavippayuttasaṃyojaniyā, siyā saṃyojanavippayuttaasaṃyojaniyā, siyā na vattabbā – ‘‘saṃyojanavippayuttasaṃyojaniyā’’tipi, ‘‘saṃyojanavippayuttaasaṃyojaniyā’’tipi .
නො ගන්‌ථා. දසින්‌ද්‍රියා ගන්‌ථනියා. තීණින්‌ද්‍රියා අගන්‌ථනියා. නවින්‌ද්‍රියා සියා ගන්‌ථනියා, සියා අගන්‌ථනියා. පන්‌නරසින්‌ද්‍රියා ගන්‌ථවිප්‌පයුත්‌තා. දොමනස්‌සින්‌ද්‍රියං ගන්‌ථසම්‌පයුත්‌තං. ඡ ඉන්‌ද්‍රියා සියා ගන්‌ථසම්‌පයුත්‌තා, සියා ගන්‌ථවිප්‌පයුත්‌තා. දසින්‌ද්‍රියා න වත්‌තබ්‌බා – ‘‘ගන්‌ථා චෙව ගන්‌ථනියා චා’’ති, ගන්‌ථනියා චෙව නො ච ගන්‌ථා. තීණින්‌ද්‍රියා න වත්‌තබ්‌බා – ‘‘ගන්‌ථා චෙව ගන්‌ථනියා චා’’තිපි, ‘‘ගන්‌ථනියා චෙව නො ච ගන්‌ථා’’තිපි. නවින්‌ද්‍රියා න වත්‌තබ්‌බා – ‘‘ගන්‌ථා චෙව ගන්‌ථනියා චා’’ති, සියා ගන්‌ථනියා චෙව නො ච ගන්‌ථා, සියා න වත්‌තබ්‌බා – ‘‘ගන්‌ථනියා චෙව නො ච ගන්‌ථා’’ති.
No ganthā. Dasindriyā ganthaniyā. Tīṇindriyā aganthaniyā. Navindriyā siyā ganthaniyā, siyā aganthaniyā. Pannarasindriyā ganthavippayuttā. Domanassindriyaṃ ganthasampayuttaṃ. Cha indriyā siyā ganthasampayuttā, siyā ganthavippayuttā. Dasindriyā na vattabbā – ‘‘ganthā ceva ganthaniyā cā’’ti, ganthaniyā ceva no ca ganthā. Tīṇindriyā na vattabbā – ‘‘ganthā ceva ganthaniyā cā’’tipi, ‘‘ganthaniyā ceva no ca ganthā’’tipi. Navindriyā na vattabbā – ‘‘ganthā ceva ganthaniyā cā’’ti, siyā ganthaniyā ceva no ca ganthā, siyā na vattabbā – ‘‘ganthaniyā ceva no ca ganthā’’ti.
පන්‌නරසින්‌ද්‍රියා න වත්‌තබ්‌බා – ‘‘ගන්‌ථා චෙව ගන්‌ථසම්‌පයුත්‌තා චා’’තිපි, ‘‘ගන්‌ථසම්‌පයුත්‌තා චෙව නො ච ගන්‌ථා’’තිපි. දොමනස්‌සින්‌ද්‍රියං න වත්‌තබ්‌බං – ‘‘ගන්‌ථො චෙව ගන්‌ථසම්‌පයුත්‌ත’’ඤ්‌චාති, ගන්‌ථසම්‌පයුත්‌තඤ්‌චෙව නො ච ගන්‌ථො. ඡ ඉන්‌ද්‍රියා න වත්‌තබ්‌බා – ‘‘ගන්‌ථා චෙව ගන්‌ථසම්‌පයුත්‌තා චා’’ති, සියා ගන්‌ථසම්‌පයුත්‌තා චෙව නො ච ගන්‌ථා, සියා න වත්‌තබ්‌බා – ‘‘ගන්‌ථසම්‌පයුත්‌තා චෙව නො ච ගන්‌ථා’’ති.
Pannarasindriyā na vattabbā – ‘‘ganthā ceva ganthasampayuttā cā’’tipi, ‘‘ganthasampayuttā ceva no ca ganthā’’tipi. Domanassindriyaṃ na vattabbaṃ – ‘‘gantho ceva ganthasampayutta’’ñcāti, ganthasampayuttañceva no ca gantho. Cha indriyā na vattabbā – ‘‘ganthā ceva ganthasampayuttā cā’’ti, siyā ganthasampayuttā ceva no ca ganthā, siyā na vattabbā – ‘‘ganthasampayuttā ceva no ca ganthā’’ti.
නවින්‌ද්‍රියා ගන්‌ථවිප්‌පයුත්‌තගන්‌ථනියා. තීණින්‌ද්‍රියා ගන්‌ථවිප්‌පයුත්‌තඅගන්‌ථනියා . දොමනස්‌සින්‌ද්‍රියං න වත්‌තබ්‌බං – ‘‘ගන්‌ථවිප්‌පයුත්‌තගන්‌ථනිය’’න්‌තිපි, ‘‘ගන්‌ථවිප්‌පයුත්‌තඅගන්‌ථනිය’’න්‌තිපි. තීණින්‌ද්‍රියා සියා ගන්‌ථවිප්‌පයුත්‌තගන්‌ථනියා, සියා ගන්‌ථවිප්‌පයුත්‌තඅගන්‌ථනියා. ඡ ඉන්‌ද්‍රියා සියා ගන්‌ථවිප්‌පයුත්‌තගන්‌ථනියා, සියා ගන්‌ථවිප්‌පයුත්‌තඅගන්‌ථනියා, සියා න වත්‌තබ්‌බා – ‘‘ගන්‌ථවිප්‌පයුත්‌තගන්‌ථනියා’’තිපි, ‘‘ගන්‌ථවිප්‌පයුත්‌තඅගන්‌ථනියා’’තිපි.
Navindriyā ganthavippayuttaganthaniyā. Tīṇindriyā ganthavippayuttaaganthaniyā . Domanassindriyaṃ na vattabbaṃ – ‘‘ganthavippayuttaganthaniya’’ntipi, ‘‘ganthavippayuttaaganthaniya’’ntipi. Tīṇindriyā siyā ganthavippayuttaganthaniyā, siyā ganthavippayuttaaganthaniyā. Cha indriyā siyā ganthavippayuttaganthaniyā, siyā ganthavippayuttaaganthaniyā, siyā na vattabbā – ‘‘ganthavippayuttaganthaniyā’’tipi, ‘‘ganthavippayuttaaganthaniyā’’tipi.
නො ඔඝා…පෙ.… නො යොගා…පෙ.… නො නීවරණා. දසින්‌ද්‍රියා නීවරණියා. තීණින්‌ද්‍රියා අනීවරණියා. නවින්‌ද්‍රියා සියා නීවරණියා, සියා අනීවරණියා. පන්‌නරසින්‌ද්‍රියා නීවරණවිප්‌පයුත්‌තා. දොමනස්‌සින්‌ද්‍රියං නීවරණසම්‌පයුත්‌තං. ඡ ඉන්‌ද්‍රියා සියා නීවරණසම්‌පයුත්‌තා, සියා නීවරණවිප්‌පයුත්‌තා. දසින්‌ද්‍රියා න වත්‌තබ්‌බා – ‘‘නීවරණා චෙව නීවරණියා චා’’ති, නීවරණියා චෙව නො ච නීවරණා. තීණින්‌ද්‍රියා න වත්‌තබ්‌බා – ‘‘නීවරණා චෙව නීවරණියා චා’’තිපි, ‘‘නීවරණියා චෙව නො ච නීවරණා’’තිපි. නවින්‌ද්‍රියා න වත්‌තබ්‌බා – ‘‘නීවරණා චෙව නීවරණියා චා’’ති, සියා නීවරණියා චෙව නො ච නීවරණා, සියා න වත්‌තබ්‌බා – ‘‘නීවරණියා චෙව නො ච නීවරණා’’ති.
No oghā…pe… no yogā…pe… no nīvaraṇā. Dasindriyā nīvaraṇiyā. Tīṇindriyā anīvaraṇiyā. Navindriyā siyā nīvaraṇiyā, siyā anīvaraṇiyā. Pannarasindriyā nīvaraṇavippayuttā. Domanassindriyaṃ nīvaraṇasampayuttaṃ. Cha indriyā siyā nīvaraṇasampayuttā, siyā nīvaraṇavippayuttā. Dasindriyā na vattabbā – ‘‘nīvaraṇā ceva nīvaraṇiyā cā’’ti, nīvaraṇiyā ceva no ca nīvaraṇā. Tīṇindriyā na vattabbā – ‘‘nīvaraṇā ceva nīvaraṇiyā cā’’tipi, ‘‘nīvaraṇiyā ceva no ca nīvaraṇā’’tipi. Navindriyā na vattabbā – ‘‘nīvaraṇā ceva nīvaraṇiyā cā’’ti, siyā nīvaraṇiyā ceva no ca nīvaraṇā, siyā na vattabbā – ‘‘nīvaraṇiyā ceva no ca nīvaraṇā’’ti.
පන්‌නරසින්‌ද්‍රියා න වත්‌තබ්‌බා – ‘‘නීවරණා චෙව නීවරණසම්‌පයුත්‌තා චා’’තිපි, ‘‘නීවරණසම්‌පයුත්‌තා චෙව නො ච නීවරණා’’තිපි. දොමනස්‌සින්‌ද්‍රියං න වත්‌තබ්‌බං – ‘‘නීවරණඤ්‌චෙව නීවරණසම්‌පයුත්‌තඤ්‌චා’’ති, නීවරණසම්‌පයුත්‌තඤ්‌චෙව නො ච නීවරණං. ඡ ඉන්‌ද්‍රියා න වත්‌තබ්‌බා – ‘‘නීවරණා චෙව නීවරණසම්‌පයුත්‌තා චා’’ති, සියා නීවරණසම්‌පයුත්‌තා චෙව නො ච නීවරණා, සියා න වත්‌තබ්‌බා – ‘‘නීවරණසම්‌පයුත්‌තා චෙව නො ච නීවරණා’’ති.
Pannarasindriyā na vattabbā – ‘‘nīvaraṇā ceva nīvaraṇasampayuttā cā’’tipi, ‘‘nīvaraṇasampayuttā ceva no ca nīvaraṇā’’tipi. Domanassindriyaṃ na vattabbaṃ – ‘‘nīvaraṇañceva nīvaraṇasampayuttañcā’’ti, nīvaraṇasampayuttañceva no ca nīvaraṇaṃ. Cha indriyā na vattabbā – ‘‘nīvaraṇā ceva nīvaraṇasampayuttā cā’’ti, siyā nīvaraṇasampayuttā ceva no ca nīvaraṇā, siyā na vattabbā – ‘‘nīvaraṇasampayuttā ceva no ca nīvaraṇā’’ti.
නවින්‌ද්‍රියා නීවරණවිප්‌පයුත්‌තනීවරණියා. තීණින්‌ද්‍රියා නීවරණවිප්‌පයුත්‌තඅනීවරණියා. දොමනස්‌සින්‌ද්‍රියං න වත්‌තබ්‌බං – ‘‘නීවරණවිප්‌පයුත්‌තනීවරණිය’’න්‌තිපි, ‘‘නීවරණවිප්‌පයුත්‌තඅනීවරණිය’’න්‌තිපි. තීණින්‌ද්‍රියා සියා නීවරණවිප්‌පයුත්‌තනීවරණියා, සියා නීවරණවිප්‌පයුත්‌තඅනීවරණියා . ඡ ඉන්‌ද්‍රියා සියා නීවරණවිප්‌පයුත්‌තනීවරණියා , සියා නීවරණවිප්‌පයුත්‌තඅනීවරණියා, සියා න වත්‌තබ්‌බා – ‘‘නීවරණවිප්‌පයුත්‌තනීවරණියා’’තිපි, ‘‘නීවරණවිප්‌පයුත්‌තඅනීවරණියා’’තිපි.
Navindriyā nīvaraṇavippayuttanīvaraṇiyā. Tīṇindriyā nīvaraṇavippayuttaanīvaraṇiyā. Domanassindriyaṃ na vattabbaṃ – ‘‘nīvaraṇavippayuttanīvaraṇiya’’ntipi, ‘‘nīvaraṇavippayuttaanīvaraṇiya’’ntipi. Tīṇindriyā siyā nīvaraṇavippayuttanīvaraṇiyā, siyā nīvaraṇavippayuttaanīvaraṇiyā . Cha indriyā siyā nīvaraṇavippayuttanīvaraṇiyā , siyā nīvaraṇavippayuttaanīvaraṇiyā, siyā na vattabbā – ‘‘nīvaraṇavippayuttanīvaraṇiyā’’tipi, ‘‘nīvaraṇavippayuttaanīvaraṇiyā’’tipi.
නො පරාමාසා. දසින්‌ද්‍රියා පරාමට්‌ඨා. තීණින්‌ද්‍රියා අපරාමට්‌ඨා. නවින්‌ද්‍රියා සියා පරාමට්‌ඨා, සියා අපරාමට්‌ඨා. සොළසින්‌ද්‍රියා පරාමාසවිප්‌පයුත්‌තා. ඡ ඉන්‌ද්‍රියා සියා පරාමාසසම්‌පයුත්‌තා, සියා පරාමාසවිප්‌පයුත්‌තා. දසින්‌ද්‍රියා න වත්‌තබ්‌බා – ‘‘පරාමාසා චෙව පරාමට්‌ඨා චා’’ති, පරාමට්‌ඨා චෙව නො ච පරාමාසා. තීණින්‌ද්‍රියා න වත්‌තබ්‌බා – ‘‘පරාමාසා චෙව පරාමට්‌ඨා චා’’තිපි, ‘‘පරාමට්‌ඨා චෙව නො ච පරාමාසා’’තිපි. නවින්‌ද්‍රියා න වත්‌තබ්‌බා – ‘‘පරාමාසා චෙව පරාමට්‌ඨා චා’’ති, සියා පරාමට්‌ඨා චෙව නො ච පරාමාසා, සියා න වත්‌තබ්‌බා – ‘‘පරාමට්‌ඨා චෙව නො ච පරාමාසා’’ති. දසින්‌ද්‍රියා පරාමාසවිප්‌පයුත්‌තපරාමට්‌ඨා. තීණින්‌ද්‍රියා පරාමාසවිප්‌පයුත්‌තඅපරාමට්‌ඨා. තීණින්‌ද්‍රියා සියා පරාමාසවිප්‌පයුත්‌තපරාමට්‌ඨා, සියා පරාමාසවිප්‌පයුත්‌තඅපරාමට්‌ඨා. ඡ ඉන්‌ද්‍රියා සියා පරාමාසවිප්‌පයුත්‌තපරාමට්‌ඨා, සියා පරාමාසවිප්‌පයුත්‌තඅපරාමට්‌ඨා, සියා න වත්‌තබ්‌බා – ‘‘පරාමාසවිප්‌පයුත්‌තපරාමට්‌ඨා’’තිපි, ‘‘පරාමාසවිප්‌පයුත්‌තඅපරාමට්‌ඨා’’තිපි.
No parāmāsā. Dasindriyā parāmaṭṭhā. Tīṇindriyā aparāmaṭṭhā. Navindriyā siyā parāmaṭṭhā, siyā aparāmaṭṭhā. Soḷasindriyā parāmāsavippayuttā. Cha indriyā siyā parāmāsasampayuttā, siyā parāmāsavippayuttā. Dasindriyā na vattabbā – ‘‘parāmāsā ceva parāmaṭṭhā cā’’ti, parāmaṭṭhā ceva no ca parāmāsā. Tīṇindriyā na vattabbā – ‘‘parāmāsā ceva parāmaṭṭhā cā’’tipi, ‘‘parāmaṭṭhā ceva no ca parāmāsā’’tipi. Navindriyā na vattabbā – ‘‘parāmāsā ceva parāmaṭṭhā cā’’ti, siyā parāmaṭṭhā ceva no ca parāmāsā, siyā na vattabbā – ‘‘parāmaṭṭhā ceva no ca parāmāsā’’ti. Dasindriyā parāmāsavippayuttaparāmaṭṭhā. Tīṇindriyā parāmāsavippayuttaaparāmaṭṭhā. Tīṇindriyā siyā parāmāsavippayuttaparāmaṭṭhā, siyā parāmāsavippayuttaaparāmaṭṭhā. Cha indriyā siyā parāmāsavippayuttaparāmaṭṭhā, siyā parāmāsavippayuttaaparāmaṭṭhā, siyā na vattabbā – ‘‘parāmāsavippayuttaparāmaṭṭhā’’tipi, ‘‘parāmāsavippayuttaaparāmaṭṭhā’’tipi.
සත්‌තින්‌ද්‍රියා අනාරම්‌මණා. චුද්‌දසින්‌ද්‍රියා සාරම්‌මණා. ජීවිතින්‌ද්‍රියං සියා සාරම්‌මණං, සියා අනාරම්‌මණං. එකවීසතින්‌ද්‍රියා නො චිත්‌තා. මනින්‌ද්‍රියං චිත්‌තං. තෙරසින්‌ද්‍රියා චෙතසිකා. අට්‌ඨින්‌ද්‍රියා අචෙතසිකා. ජීවිතින්‌ද්‍රියං සියා චෙතසිකං, සියා අචෙතසිකං. තෙරසින්‌ද්‍රියා චිත්‌තසම්‌පයුත්‌තා. සත්‌තින්‌ද්‍රියා චිත්‌තවිප්‌පයුත්‌තා. ජීවිතින්‌ද්‍රියං සියා චිත්‌තසම්‌පයුත්‌තං, සියා චිත්‌තවිප්‌පයුත්‌තං. මනින්‌ද්‍රියං න වත්‌තබ්‌බං – ‘‘චිත්‌තෙන සම්‌පයුත්‌ත’’න්‌තිපි, ‘‘චිත්‌තෙන විප්‌පයුත්‌ත’’න්‌තිපි.
Sattindriyā anārammaṇā. Cuddasindriyā sārammaṇā. Jīvitindriyaṃ siyā sārammaṇaṃ, siyā anārammaṇaṃ. Ekavīsatindriyā no cittā. Manindriyaṃ cittaṃ. Terasindriyā cetasikā. Aṭṭhindriyā acetasikā. Jīvitindriyaṃ siyā cetasikaṃ, siyā acetasikaṃ. Terasindriyā cittasampayuttā. Sattindriyā cittavippayuttā. Jīvitindriyaṃ siyā cittasampayuttaṃ, siyā cittavippayuttaṃ. Manindriyaṃ na vattabbaṃ – ‘‘cittena sampayutta’’ntipi, ‘‘cittena vippayutta’’ntipi.
තෙරසින්‌ද්‍රියා චිත්‌තසංසට්‌ඨා. සත්‌තින්‌ද්‍රියා චිත්‌තවිසංසට්‌ඨා. ජීවිතින්‌ද්‍රියං සියා චිත්‌තසංසට්‌ඨං, සියා චිත්‌තවිසංසට්‌ඨං. මනින්‌ද්‍රියං න වත්‌තබ්‌බං – ‘‘චිත්‌තෙන සංසට්‌ඨ’’න්‌තිපි, ‘‘චිත්‌තෙන විසංසට්‌ඨ’’න්‌තිපි. තෙරසින්‌ද්‍රියා චිත්‌තසමුට්‌ඨානා. අට්‌ඨින්‌ද්‍රියා නො චිත්‌තසමුට්‌ඨානා. ජීවිතින්‌ද්‍රියං සියා චිත්‌තසමුට්‌ඨානං, සියා නො චිත්‌තසමුට්‌ඨානං.
Terasindriyā cittasaṃsaṭṭhā. Sattindriyā cittavisaṃsaṭṭhā. Jīvitindriyaṃ siyā cittasaṃsaṭṭhaṃ, siyā cittavisaṃsaṭṭhaṃ. Manindriyaṃ na vattabbaṃ – ‘‘cittena saṃsaṭṭha’’ntipi, ‘‘cittena visaṃsaṭṭha’’ntipi. Terasindriyā cittasamuṭṭhānā. Aṭṭhindriyā no cittasamuṭṭhānā. Jīvitindriyaṃ siyā cittasamuṭṭhānaṃ, siyā no cittasamuṭṭhānaṃ.
තෙරසින්‌ද්‍රියා චිත්‌තසහභුනො. අට්‌ඨින්‌ද්‍රියා නො චිත්‌තසහභුනො. ජීවිතින්‌ද්‍රියං සියා චිත්‌තසහභූ, සියා නො චිත්‌තසහභූ. තෙරසින්‌ද්‍රියා චිත්‌තානුපරිවත්‌තිනො. අට්‌ඨින්‌ද්‍රියා නො චිත්‌තානුපරිවත්‌තිනො. ජීවිතින්‌ද්‍රියං සියා චිත්‌තානුපරිවත්‌ති, සියා නො චිත්‌තානුපරිවත්‌ති.
Terasindriyā cittasahabhuno. Aṭṭhindriyā no cittasahabhuno. Jīvitindriyaṃ siyā cittasahabhū, siyā no cittasahabhū. Terasindriyā cittānuparivattino. Aṭṭhindriyā no cittānuparivattino. Jīvitindriyaṃ siyā cittānuparivatti, siyā no cittānuparivatti.
තෙරසින්‌ද්‍රියා චිත්‌තසංසට්‌ඨසමුට්‌ඨානා. අට්‌ඨින්‌ද්‍රියා නො චිත්‌තසංසට්‌ඨසමුට්‌ඨානා. ජීවිතින්‌ද්‍රියං සියා චිත්‌තසංසට්‌ඨසමුට්‌ඨානං, සියා නො චිත්‌තසංසට්‌ඨසමුට්‌ඨානං. තෙරසින්‌ද්‍රියා චිත්‌තසංසට්‌ඨසමුට්‌ඨානසහභුනො. අට්‌ඨින්‌ද්‍රියා නො චිත්‌තසංසට්‌ඨසමුට්‌ඨානසහභුනො. ජීවිතින්‌ද්‍රියං සියා චිත්‌තසංසට්‌ඨසමුට්‌ඨානසහභූ, සියා නො චිත්‌තසංසට්‌ඨසමුට්‌ඨානසහභූ. තෙරසින්‌ද්‍රියා චිත්‌තසංසට්‌ඨසමුට්‌ඨානානුපරිවත්‌තිනො. අට්‌ඨින්‌ද්‍රියා නො චිත්‌තසංසට්‌ඨසමුට්‌ඨානානුපරිවත්‌තිනො. ජීවිතින්‌ද්‍රියං සියා චිත්‌තසංසට්‌ඨසමුට්‌ඨානානුපරිවත්‌ති , සියා නො චිත්‌තසංසට්‌ඨසමුට්‌ඨානානුපරිවත්‌ති. ඡ ඉන්‌ද්‍රියා අජ්‌ඣත්‌තිකා. සොළසින්‌ද්‍රියා බාහිරා.
Terasindriyā cittasaṃsaṭṭhasamuṭṭhānā. Aṭṭhindriyā no cittasaṃsaṭṭhasamuṭṭhānā. Jīvitindriyaṃ siyā cittasaṃsaṭṭhasamuṭṭhānaṃ, siyā no cittasaṃsaṭṭhasamuṭṭhānaṃ. Terasindriyā cittasaṃsaṭṭhasamuṭṭhānasahabhuno. Aṭṭhindriyā no cittasaṃsaṭṭhasamuṭṭhānasahabhuno. Jīvitindriyaṃ siyā cittasaṃsaṭṭhasamuṭṭhānasahabhū, siyā no cittasaṃsaṭṭhasamuṭṭhānasahabhū. Terasindriyā cittasaṃsaṭṭhasamuṭṭhānānuparivattino. Aṭṭhindriyā no cittasaṃsaṭṭhasamuṭṭhānānuparivattino. Jīvitindriyaṃ siyā cittasaṃsaṭṭhasamuṭṭhānānuparivatti , siyā no cittasaṃsaṭṭhasamuṭṭhānānuparivatti. Cha indriyā ajjhattikā. Soḷasindriyā bāhirā.
සත්‌තින්‌ද්‍රියා උපාදා. චුද්‌දසින්‌ද්‍රියා නො උපාදා. ජීවිතින්‌ද්‍රියං සියා උපාදා, සියා නො උපාදා. නවින්‌ද්‍රියා උපාදින්‌නා. චත්‌තාරින්‌ද්‍රියා අනුපාදින්‌නා. නවින්‌ද්‍රියා සියා උපාදින්‌නා, සියා අනුපාදින්‌නා. නො උපාදානා. දසින්‌ද්‍රියා උපාදානියා. තීණින්‌ද්‍රියා අනුපාදානියා. නවින්‌ද්‍රියා සියා උපාදානියා, සියා අනුපාදානියා. සොළසින්‌ද්‍රියා උපාදානවිප්‌පයුත්‌තා. ඡ ඉන්‌ද්‍රියා සියා උපාදානසම්‌පයුත්‌තා, සියා උපාදානවිප්‌පයුත්‌තා. දසින්‌ද්‍රියා න වත්‌තබ්‌බා – ‘‘උපාදානා චෙව උපාදානියා චා’’ති, උපාදානියා චෙව නො ච උපාදානා. තීණින්‌ද්‍රියා න වත්‌තබ්‌බා – ‘‘උපාදානා චෙව උපාදානියා චා’’තිපි, ‘‘උපාදානියා චෙව නො ච උපාදානා’’තිපි. නවින්‌ද්‍රියා න වත්‌තබ්‌බා – ‘‘උපාදානා චෙව උපාදානියා චා’’ති, සියා උපාදානියා චෙව නො ච උපාදානා. දසින්‌ද්‍රියා සියා උපාදානියා චෙව නො ච උපාදානා, සියා න වත්‌තබ්‌බා – ‘‘උපාදානියා චෙව නො ච උපාදානා’’ති.
Sattindriyā upādā. Cuddasindriyā no upādā. Jīvitindriyaṃ siyā upādā, siyā no upādā. Navindriyā upādinnā. Cattārindriyā anupādinnā. Navindriyā siyā upādinnā, siyā anupādinnā. No upādānā. Dasindriyā upādāniyā. Tīṇindriyā anupādāniyā. Navindriyā siyā upādāniyā, siyā anupādāniyā. Soḷasindriyā upādānavippayuttā. Cha indriyā siyā upādānasampayuttā, siyā upādānavippayuttā. Dasindriyā na vattabbā – ‘‘upādānā ceva upādāniyā cā’’ti, upādāniyā ceva no ca upādānā. Tīṇindriyā na vattabbā – ‘‘upādānā ceva upādāniyā cā’’tipi, ‘‘upādāniyā ceva no ca upādānā’’tipi. Navindriyā na vattabbā – ‘‘upādānā ceva upādāniyā cā’’ti, siyā upādāniyā ceva no ca upādānā. Dasindriyā siyā upādāniyā ceva no ca upādānā, siyā na vattabbā – ‘‘upādāniyā ceva no ca upādānā’’ti.
සොළසින්‌ද්‍රියා න වත්‌තබ්‌බා – ‘‘උපාදානා චෙව උපාදානසම්‌පයුත්‌තා චා’’තිපි, ‘‘උපාදානසම්‌පයුත්‌තා චෙව නො ච උපාදානා’’තිපි. ඡ ඉන්‌ද්‍රියා න වත්‌තබ්‌බා – ‘‘උපාදානා චෙව උපාදානසම්‌පයුත්‌තා චා’’ති, සියා උපාදානසම්‌පයුත්‌තා චෙව නො ච උපාදානා, සියා න වත්‌තබ්‌බා – ‘‘උපාදානසම්‌පයුත්‌තා චෙව නො ච උපාදානා’’ති. දසින්‌ද්‍රියා උපාදානවිප්‌පයුත්‌තඋපාදානියා. තීණින්‌ද්‍රියා උපාදානවිප්‌පයුත්‌තඅනුපාදානියා. තීණින්‌ද්‍රියා සියා උපාදානවිප්‌පයුත්‌තඋපාදානියා, සියා උපාදානවිප්‌පයුත්‌තඅනුපාදානියා. ඡ ඉන්‌ද්‍රියා සියා උපාදානවිප්‌පයුත්‌තඋපාදානියා, සියා උපාදානවිප්‌පයුත්‌තඅනුපාදානියා, සියා න වත්‌තබ්‌බා – ‘‘උපාදානවිප්‌පයුත්‌තඋපාදානියා’’තිපි, ‘‘උපාදානවිප්‌පයුත්‌තඅනුපාදානියා’’තිපි.
Soḷasindriyā na vattabbā – ‘‘upādānā ceva upādānasampayuttā cā’’tipi, ‘‘upādānasampayuttā ceva no ca upādānā’’tipi. Cha indriyā na vattabbā – ‘‘upādānā ceva upādānasampayuttā cā’’ti, siyā upādānasampayuttā ceva no ca upādānā, siyā na vattabbā – ‘‘upādānasampayuttā ceva no ca upādānā’’ti. Dasindriyā upādānavippayuttaupādāniyā. Tīṇindriyā upādānavippayuttaanupādāniyā. Tīṇindriyā siyā upādānavippayuttaupādāniyā, siyā upādānavippayuttaanupādāniyā. Cha indriyā siyā upādānavippayuttaupādāniyā, siyā upādānavippayuttaanupādāniyā, siyā na vattabbā – ‘‘upādānavippayuttaupādāniyā’’tipi, ‘‘upādānavippayuttaanupādāniyā’’tipi.
නො කිලෙසා. දසින්‌ද්‍රියා සංකිලෙසිකා. තීණින්‌ද්‍රියා අසංකිලෙසිකා. නවින්‌ද්‍රියා සියා සංකිලෙසිකා, සියා අසංකිලෙසිකා. පන්‌නරසින්‌ද්‍රියා අසංකිලිට්‌ඨා. දොමනස්‌සින්‌ද්‍රියං සංකිලිට්‌ඨං. ඡ ඉන්‌ද්‍රියා සියා සංකිලිට්‌ඨා, සියා අසංකිලිට්‌ඨා. පන්‌නරසින්‌ද්‍රියා කිලෙසවිප්‌පයුත්‌තා. දොමනස්‌සින්‌ද්‍රියං කිලෙසසම්‌පයුත්‌තං. ඡ ඉන්‌ද්‍රියා සියා කිලෙසසම්‌පයුත්‌තා, සියා කිලෙසවිප්‌පයුත්‌තා. දසින්‌ද්‍රියා න වත්‌තබ්‌බා – ‘‘කිලෙසා චෙව සංකිලෙසිකා චා’’ති, සංකිලෙසිකා චෙව නො ච කිලෙසා. තීණින්‌ද්‍රියා න වත්‌තබ්‌බා – ‘‘කිලෙසා චෙව සංකිලෙසිකා චා’’තිපි, ‘‘සංකිලෙසිකා චෙව නො ච කිලෙසා’’තිපි. නවින්‌ද්‍රියා න වත්‌තබ්‌බා – ‘‘කිලෙසා චෙව සංකිලෙසිකා චා’’ති, සියා සංකිලෙසිකා චෙව නො ච කිලෙසා, සියා න වත්‌තබ්‌බා – ‘‘සංකිලෙසිකා චෙව නො ච කිලෙසා’’ති.
No kilesā. Dasindriyā saṃkilesikā. Tīṇindriyā asaṃkilesikā. Navindriyā siyā saṃkilesikā, siyā asaṃkilesikā. Pannarasindriyā asaṃkiliṭṭhā. Domanassindriyaṃ saṃkiliṭṭhaṃ. Cha indriyā siyā saṃkiliṭṭhā, siyā asaṃkiliṭṭhā. Pannarasindriyā kilesavippayuttā. Domanassindriyaṃ kilesasampayuttaṃ. Cha indriyā siyā kilesasampayuttā, siyā kilesavippayuttā. Dasindriyā na vattabbā – ‘‘kilesā ceva saṃkilesikā cā’’ti, saṃkilesikā ceva no ca kilesā. Tīṇindriyā na vattabbā – ‘‘kilesā ceva saṃkilesikā cā’’tipi, ‘‘saṃkilesikā ceva no ca kilesā’’tipi. Navindriyā na vattabbā – ‘‘kilesā ceva saṃkilesikā cā’’ti, siyā saṃkilesikā ceva no ca kilesā, siyā na vattabbā – ‘‘saṃkilesikā ceva no ca kilesā’’ti.
පන්‌නරසින්‌ද්‍රියා න වත්‌තබ්‌බා – ‘‘කිලෙසා චෙව සංකිලිට්‌ඨා චා’’තිපි, ‘‘සංකිලිට්‌ඨා චෙව නො ච කිලෙසා’’තිපි. දොමනස්‌සින්‌ද්‍රියං න වත්‌තබ්‌බං – ‘‘කිලෙසො චෙව සංකිලිට්‌ඨඤ්‌චා’’ති, සංකිලිට්‌ඨඤ්‌චෙව නො ච කිලෙසො. ඡ ඉන්‌ද්‍රියා න වත්‌තබ්‌බා – ‘‘කිලෙසා චෙව සංකිලිට්‌ඨා චා’’ති, සියා සංකිලිට්‌ඨා චෙව නො ච කිලෙසා, සියා න වත්‌තබ්‌බා – ‘‘සංකිලිට්‌ඨා චෙව නො ච කිලෙසා’’ති.
Pannarasindriyā na vattabbā – ‘‘kilesā ceva saṃkiliṭṭhā cā’’tipi, ‘‘saṃkiliṭṭhā ceva no ca kilesā’’tipi. Domanassindriyaṃ na vattabbaṃ – ‘‘kileso ceva saṃkiliṭṭhañcā’’ti, saṃkiliṭṭhañceva no ca kileso. Cha indriyā na vattabbā – ‘‘kilesā ceva saṃkiliṭṭhā cā’’ti, siyā saṃkiliṭṭhā ceva no ca kilesā, siyā na vattabbā – ‘‘saṃkiliṭṭhā ceva no ca kilesā’’ti.
පන්‌නරසින්‌ද්‍රියා න වත්‌තබ්‌බා – ‘‘කිලෙසා චෙව කිලෙසසම්‌පයුත්‌තා චා’’තිපි, ‘‘කිලෙසසම්‌පයුත්‌තා චෙව නො ච කිලෙසා’’තිපි. දොමනස්‌සින්‌ද්‍රියං න වත්‌තබ්‌බං – ‘‘කිලෙසො චෙව කිලෙසසම්‌පයුත්‌තඤ්‌චා’’ති, කිලෙසසම්‌පයුත්‌තඤ්‌චෙව නො ච කිලෙසො. ඡ ඉන්‌ද්‍රියා න වත්‌තබ්‌බා – ‘‘කිලෙසා චෙව කිලෙසසම්‌පයුත්‌තා චා’’ති, සියා කිලෙසසම්‌පයුත්‌තා චෙව නො ච කිලෙසා, සියා න වත්‌තබ්‌බා – ‘‘කිලෙසසම්‌පයුත්‌තා චෙව නො ච කිලෙසා’’ති. නවින්‌ද්‍රියා කිලෙසවිප්‌පයුත්‌තසංකිලෙසිකා. තීණින්‌ද්‍රියා කිලෙසවිප්‌පයුත්‌තඅසංකිලෙසිකා. දොමනස්‌සින්‌ද්‍රියං න වත්‌තබ්‌බං – ‘‘කිලෙසවිප්‌පයුත්‌තසංකිලෙසික’’න්‌තිපි, ‘‘කිලෙසවිප්‌පයුත්‌තඅසංකිලෙසික’’න්‌තිපි. තීණින්‌ද්‍රියා සියා කිලෙසවිප්‌පයුත්‌තසංකිලෙසිකා, සියා කිලෙසවිප්‌පයුත්‌තඅසංකිලෙසිකා. ඡ ඉන්‌ද්‍රියා සියා කිලෙසවිප්‌පයුත්‌තසංකිලෙසිකා, සියා කිලෙසවිප්‌පයුත්‌තඅසංකිලෙසිකා, සියා න වත්‌තබ්‌බා – ‘‘කිලෙසවිප්‌පයුත්‌තසංකිලෙසිකා’’තිපි, ‘‘කිලෙසවිප්‌පයුත්‌තඅසංකිලෙසිකා’’තිපි.
Pannarasindriyā na vattabbā – ‘‘kilesā ceva kilesasampayuttā cā’’tipi, ‘‘kilesasampayuttā ceva no ca kilesā’’tipi. Domanassindriyaṃ na vattabbaṃ – ‘‘kileso ceva kilesasampayuttañcā’’ti, kilesasampayuttañceva no ca kileso. Cha indriyā na vattabbā – ‘‘kilesā ceva kilesasampayuttā cā’’ti, siyā kilesasampayuttā ceva no ca kilesā, siyā na vattabbā – ‘‘kilesasampayuttā ceva no ca kilesā’’ti. Navindriyā kilesavippayuttasaṃkilesikā. Tīṇindriyā kilesavippayuttaasaṃkilesikā. Domanassindriyaṃ na vattabbaṃ – ‘‘kilesavippayuttasaṃkilesika’’ntipi, ‘‘kilesavippayuttaasaṃkilesika’’ntipi. Tīṇindriyā siyā kilesavippayuttasaṃkilesikā, siyā kilesavippayuttaasaṃkilesikā. Cha indriyā siyā kilesavippayuttasaṃkilesikā, siyā kilesavippayuttaasaṃkilesikā, siyā na vattabbā – ‘‘kilesavippayuttasaṃkilesikā’’tipi, ‘‘kilesavippayuttaasaṃkilesikā’’tipi.
පන්‌නරසින්‌ද්‍රියා න දස්‌සනෙන පහාතබ්‌බා. සත්‌තින්‌ද්‍රියා සියා දස්‌සනෙන පහාතබ්‌බා, සියා න දස්‌සනෙන පහාතබ්‌බා. පන්‌නරසින්‌ද්‍රියා න භාවනාය පහාතබ්‌බා. සත්‌තින්‌ද්‍රියා සියා භාවනාය පහාතබ්‌බා, සියා න භාවනාය පහාතබ්‌බා. පන්‌නරසින්‌ද්‍රියා න දස්‌සනෙන පහාතබ්‌බහෙතුකා. සත්‌තින්‌ද්‍රියා සියා දස්‌සනෙන පහාතබ්‌බහෙතුකා, සියා න දස්‌සනෙන පහාතබ්‌බහෙතුකා. පන්‌නරසින්‌ද්‍රියා න භාවනාය පහාතබ්‌බහෙතුකා. සත්‌තින්‌ද්‍රියා සියා භාවනාය පහාතබ්‌බහෙතුකා , සියා න භාවනාය පහාතබ්‌බහෙතුකා.
Pannarasindriyā na dassanena pahātabbā. Sattindriyā siyā dassanena pahātabbā, siyā na dassanena pahātabbā. Pannarasindriyā na bhāvanāya pahātabbā. Sattindriyā siyā bhāvanāya pahātabbā, siyā na bhāvanāya pahātabbā. Pannarasindriyā na dassanena pahātabbahetukā. Sattindriyā siyā dassanena pahātabbahetukā, siyā na dassanena pahātabbahetukā. Pannarasindriyā na bhāvanāya pahātabbahetukā. Sattindriyā siyā bhāvanāya pahātabbahetukā , siyā na bhāvanāya pahātabbahetukā.
නවින්‌ද්‍රියා අවිතක්‌කා. දොමනස්‌සින්‌ද්‍රියං සවිතක්‌කං. ද්‌වාදසින්‌ද්‍රියා සියා සවිතක්‌කා, සියා අවිතක්‌කා. නවින්‌ද්‍රියා අවිචාරා. දොමනස්‌සින්‌ද්‍රියං සවිචාරං. ද්‌වාදසින්‌ද්‍රියා සියා සවිචාරා, සියා අවිචාරා. එකාදසින්‌ද්‍රියා අප්‌පීතිකා. එකාදසින්‌ද්‍රියා සියා සප්‌පීතිකා, සියා අප්‌පීතිකා. එකාදසින්‌ද්‍රියා න පීතිසහගතා. එකාදසින්‌ද්‍රියා සියා පීතිසහගතා, සියා න පීතිසහගතා. ද්‌වාදසින්‌ද්‍රියා න සුඛසහගතා. දසින්‌ද්‍රියා සියා සුඛසහගතා, සියා න සුඛසහගතා. ද්‌වාදසින්‌ද්‍රියා න උපෙක්‌ඛාසහගතා. දසින්‌ද්‍රියා සියා උපෙක්‌ඛාසහගතා, සියා න උපෙක්‌ඛාසහගතා.
Navindriyā avitakkā. Domanassindriyaṃ savitakkaṃ. Dvādasindriyā siyā savitakkā, siyā avitakkā. Navindriyā avicārā. Domanassindriyaṃ savicāraṃ. Dvādasindriyā siyā savicārā, siyā avicārā. Ekādasindriyā appītikā. Ekādasindriyā siyā sappītikā, siyā appītikā. Ekādasindriyā na pītisahagatā. Ekādasindriyā siyā pītisahagatā, siyā na pītisahagatā. Dvādasindriyā na sukhasahagatā. Dasindriyā siyā sukhasahagatā, siyā na sukhasahagatā. Dvādasindriyā na upekkhāsahagatā. Dasindriyā siyā upekkhāsahagatā, siyā na upekkhāsahagatā.
දසින්‌ද්‍රියා කාමාවචරා. තීණින්‌ද්‍රියා න කාමාවචරා. නවින්‌ද්‍රියා සියා කාමාවචරා, සියා න කාමාවචරා. තෙරසින්‌ද්‍රියා න රූපාවචරා. නවින්‌ද්‍රියා සියා රූපාවචරා, සියා න රූපාවචරා. චුද්‌දසින්‌ද්‍රියා න අරූපාවචරා. අට්‌ඨින්‌ද්‍රියා සියා අරූපාවචරා, සියා න අරූපාවචරා. දසින්‌ද්‍රියා පරියාපන්‌නා. තීණින්‌ද්‍රියා අපරියාපන්‌නා. නවින්‌ද්‍රියා සියා පරියාපන්‌නා, සියා අපරියාපන්‌නා. එකාදසින්‌ද්‍රියා අනිය්‍යානිකා. අනඤ්‌ඤාතඤ්‌ඤස්‌සාමීතින්‌ද්‍රියං නිය්‍යානිකං. දසින්‌ද්‍රියා සියා නිය්‍යානිකා, සියා අනිය්‍යානිකා. දසින්‌ද්‍රියා අනියතා. අනඤ්‌ඤාතඤ්‌ඤස්‌සාමීතින්‌ද්‍රියං නියතං. එකාදසින්‌ද්‍රියා සියා නියතා, සියා අනියතා. දසින්‌ද්‍රියා සඋත්‌තරා. තීණින්‌ද්‍රියා අනුත්‌තරා. නවින්‌ද්‍රියා සියා සඋත්‌තරා, සියා අනුත්‌තරා. පන්‌නරසින්‌ද්‍රියා අරණා. දොමනස්‌සින්‌ද්‍රියං සරණං. ඡ ඉන්‌ද්‍රියා සියා සරණා, සියා අරණාති.
Dasindriyā kāmāvacarā. Tīṇindriyā na kāmāvacarā. Navindriyā siyā kāmāvacarā, siyā na kāmāvacarā. Terasindriyā na rūpāvacarā. Navindriyā siyā rūpāvacarā, siyā na rūpāvacarā. Cuddasindriyā na arūpāvacarā. Aṭṭhindriyā siyā arūpāvacarā, siyā na arūpāvacarā. Dasindriyā pariyāpannā. Tīṇindriyā apariyāpannā. Navindriyā siyā pariyāpannā, siyā apariyāpannā. Ekādasindriyā aniyyānikā. Anaññātaññassāmītindriyaṃ niyyānikaṃ. Dasindriyā siyā niyyānikā, siyā aniyyānikā. Dasindriyā aniyatā. Anaññātaññassāmītindriyaṃ niyataṃ. Ekādasindriyā siyā niyatā, siyā aniyatā. Dasindriyā sauttarā. Tīṇindriyā anuttarā. Navindriyā siyā sauttarā, siyā anuttarā. Pannarasindriyā araṇā. Domanassindriyaṃ saraṇaṃ. Cha indriyā siyā saraṇā, siyā araṇāti.
පඤ්‌හාපුච්‌ඡකං.
Pañhāpucchakaṃ.
ඉන්‌ද්‍රියවිභඞ්‌ගො නිට්‌ඨිතො.
Indriyavibhaṅgo niṭṭhito.
Footnotes:
Related texts:
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / සම්‌මොහවිනොදනී-අට්‌ඨකථා • Sammohavinodanī-aṭṭhakathā
1. අභිධම්‌මභාජනීයවණ්‌ණනා • 1. Abhidhammabhājanīyavaṇṇanā
2. පඤ්‌හාපුච්‌ඡකවණ්‌ණනා • 2. Pañhāpucchakavaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / විභඞ්‌ග-මූලටීකා • Vibhaṅga-mūlaṭīkā / 5. ඉන්‌ද්‍රියවිභඞ්‌ගො • 5. Indriyavibhaṅgo
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / විභඞ්‌ග-අනුටීකා • Vibhaṅga-anuṭīkā / 5. ඉන්‌ද්‍රියවිභඞ්‌ගො • 5. Indriyavibhaṅgo
