| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
10. инд̣̇рияаяамагам̣
10. Indriyayamakaṃ
ид̣̇аани д̇зсан̃н̃зва муулаяамагз д̣̇зсид̇аанам̣ гусалаад̣̇ид̇хаммаанам̣ лаб̣бхамаанавасзна згад̣̇зсам̣ сам̣г̇ан̣хид̇ваа д̇хаммаяамагаананд̇арам̣ д̣̇зсид̇асса инд̣̇рияаяамагасса ван̣н̣анаа ход̇и. д̇ад̇т̇а канд̇хаяамагаад̣̇ийсу вуд̇д̇анаязнзва баал̣ивавад̇т̇аанам̣ взд̣̇ид̇аб̣б̣ам̣. ид̇хааби хи бан̣н̣ад̇д̇иваараад̣̇аяо д̇аяо махааваараа авасзсаа анд̇араваараа жа сад̣̇д̇хим̣ гаалаббабхзд̣̇аад̣̇ийхи канд̇хаяамагаад̣̇ийсу ааг̇ад̇асад̣̇исаава. инд̣̇рияаанам̣ бана б̣ахуд̇ааяа д̇хаад̇уяамагад̇оби б̣ахуд̇араани яамагаани хонд̇и. яат̇аа бана хздтаа буг̇г̇алаваараад̣̇ийсу жагкааяад̇анажагкуд̇хаад̇умуулагз наяз жагкааяад̇анажагкуд̇хаад̇уухи сад̣̇д̇хим̣ ж̇ивхааяад̇анагааяааяад̇анаани на яож̇ид̇аани. ж̇ивхааяад̇анагааяааяад̇анамуулагаани жа яамагаанзва на г̇ахид̇аани, д̇ат̇аа ид̇хааби жагкунд̣̇рияамуулагз наяз ж̇ивхинд̣̇рияагааяинд̣̇рияаани на яож̇ид̇аани, ж̇ивхинд̣̇рияагааяинд̣̇рияамуулагаани жа яамагаанзва на г̇ахид̇аани. д̇зсам̣ аг̇г̇ахан̣з гааран̣ам̣ д̇ад̇т̇а вуд̇д̇анаязнзва взд̣̇ид̇аб̣б̣ам̣. манинд̣̇рияам̣ бана яат̇аа жагкунд̣̇рияаад̣̇имуулагзхи д̇ат̇зва ид̇т̇инд̣̇рияаад̣̇имуулагзхиби сад̣̇д̇хим̣ яасмаа яож̇анам̣ г̇ажчад̇и, д̇асмаа нигкид̇д̇абадибаадияаа аяож̇зд̇ваа саб̣б̣зхиби жагкунд̣̇рияамуулагаад̣̇ийхи сад̣̇д̇хим̣ барияосаанз яож̇ид̇анд̇и взд̣̇ид̇аб̣б̣ам̣. жагкунд̣̇риязна сад̣̇д̇хим̣ ид̇т̇инд̣̇рияабурисинд̣̇рияаж̇ийвид̇инд̣̇рияаани яож̇ид̇аани сукинд̣̇рияад̣̇угкинд̣̇рияад̣̇оманассинд̣̇рияаани бадисанд̇хияам̣ над̇т̇ийд̇и на г̇ахид̇аани. соманассинд̣̇рияаубзгкинд̣̇рияаани бадисанд̇хияам̣ уббад̇д̇исаб̣бхаавад̇о г̇ахид̇аани. д̇ат̇аа сад̣̇д̇хинд̣̇рияаад̣̇ийни бан̃жа. логуд̇д̇араани д̇ийн̣и бадисанд̇хияам̣ абхаавзнзва на г̇ахид̇аани. ид̇и яаани г̇ахид̇аани, д̇зсам̣ васзнзд̇т̇а жагкунд̣̇рияамуулагз наяз яамагаг̇ан̣анаа взд̣̇ид̇аб̣б̣аа. яат̇аа жзд̇т̇а, звам̣ саб̣б̣ад̇т̇а. яаани бана на г̇ахид̇аани, д̇зсам̣ васзна яамагаани на г̇ан̣зд̇аб̣б̣аани. г̇ан̣знд̇зна ваа могхабужчаавасзна г̇ан̣зд̇аб̣б̣аанийд̇и звам̣ д̇аава саб̣б̣аваарзсу баал̣ивавад̇т̇аанамзва взд̣̇ид̇аб̣б̣ам̣.
Idāni tesaññeva mūlayamake desitānaṃ kusalādidhammānaṃ labbhamānavasena ekadesaṃ saṃgaṇhitvā dhammayamakānantaraṃ desitassa indriyayamakassa vaṇṇanā hoti. Tattha khandhayamakādīsu vuttanayeneva pāḷivavatthānaṃ veditabbaṃ. Idhāpi hi paṇṇattivārādayo tayo mahāvārā avasesā antaravārā ca saddhiṃ kālappabhedādīhi khandhayamakādīsu āgatasadisāva. Indriyānaṃ pana bahutāya dhātuyamakatopi bahutarāni yamakāni honti. Yathā pana heṭṭhā puggalavārādīsu cakkhāyatanacakkhudhātumūlake naye cakkhāyatanacakkhudhātūhi saddhiṃ jivhāyatanakāyāyatanāni na yojitāni. Jivhāyatanakāyāyatanamūlakāni ca yamakāneva na gahitāni, tathā idhāpi cakkhundriyamūlake naye jivhindriyakāyindriyāni na yojitāni, jivhindriyakāyindriyamūlakāni ca yamakāneva na gahitāni. Tesaṃ aggahaṇe kāraṇaṃ tattha vuttanayeneva veditabbaṃ. Manindriyaṃ pana yathā cakkhundriyādimūlakehi tatheva itthindriyādimūlakehipi saddhiṃ yasmā yojanaṃ gacchati, tasmā nikkhittapaṭipāṭiyā ayojetvā sabbehipi cakkhundriyamūlakādīhi saddhiṃ pariyosāne yojitanti veditabbaṃ. Cakkhundriyena saddhiṃ itthindriyapurisindriyajīvitindriyāni yojitāni sukhindriyadukkhindriyadomanassindriyāni paṭisandhiyaṃ natthīti na gahitāni. Somanassindriyaupekkhindriyāni paṭisandhiyaṃ uppattisabbhāvato gahitāni. Tathā saddhindriyādīni pañca. Lokuttarāni tīṇi paṭisandhiyaṃ abhāveneva na gahitāni. Iti yāni gahitāni, tesaṃ vasenettha cakkhundriyamūlake naye yamakagaṇanā veditabbā. Yathā cettha, evaṃ sabbattha. Yāni pana na gahitāni, tesaṃ vasena yamakāni na gaṇetabbāni. Gaṇentena vā moghapucchāvasena gaṇetabbānīti evaṃ tāva sabbavāresu pāḷivavatthānameva veditabbaṃ.
бавад̇д̇иваараван̣н̣анаа
Pavattivāravaṇṇanā
1-86. ад̇т̇авинижчаяз банзд̇т̇а ид̣̇ам̣ наяамукам̣ – сажагкугаанам̣ на ид̇т̇ийнанд̇и б̣рахмабаарисаж̇ж̇аад̣̇ийнан̃жзва руубийнам̣ бурисанабум̣сагаанан̃жа васзна вуд̇д̇ам̣. д̇зсан̃хи ид̇т̇инд̣̇рияам̣ нуббаж̇ж̇ад̇и. сажагкугаанам̣ на бурисаананд̇и руубийб̣рахмаанан̃жзва ид̇т̇инабум̣сагаанан̃жа васзна вуд̇д̇ам̣. д̇зсан̃хи бурисинд̣̇рияам̣ нуббаж̇ж̇ад̇и. ажагкугаанам̣ убабаж̇ж̇анд̇аанам̣ д̇зсам̣ ж̇ийвид̇инд̣̇рияам̣ уббаж̇ж̇ад̇ийд̇и згавогааражад̇увогаарагаамад̇хаад̇усад̇д̇з санд̇хааяа вуд̇д̇ам̣. сажагкугаанам̣ винаа соманассзнаад̇и убзгкаасахаг̇ад̇аанам̣ жад̇уннам̣ махаавибаагабадисанд̇хийнам̣ васзна вуд̇д̇ам̣. сажагкугаанам̣ винаа убзгкааяаад̇и соманассасахаг̇ад̇абадисанд̇хигаанам̣ васзна вуд̇д̇ам̣. убзгкааяа ажагкугаананд̇и ахзд̇угабадисанд̇хивасзна вуд̇д̇ам̣. ахзд̇угаананд̇и ахзд̇угабадисанд̇хижид̇д̇зна сад̣̇д̇хим̣ сад̣̇д̇хинд̣̇рияаад̣̇ийнам̣ абхаавад̇о вуд̇д̇ам̣. д̇ад̇т̇а хи зганд̇знзва сад̣̇д̇хаасад̇ибан̃н̃ааяо над̇т̇и. самаад̇хивийрияаани бана инд̣̇рияаббад̇д̇аани на хонд̇и. сахзд̇угаанам̣ ажагкугаананд̇и г̇аб̣бхасзяяагавасзна жзва аруубийвасзна жа вуд̇д̇ам̣. ан̃н̃о хи сахзд̇уго ажагкуго наама над̇т̇и. сажагкугаанам̣ ахзд̇угаананд̇и абааяз обабаад̇игавасзна вуд̇д̇ам̣. сажагкугаанам̣ н̃аан̣авиббаяуд̇д̇аананд̇и гаамад̇хаад̇уяам̣ д̣̇ухзд̇угабадисанд̇хигаанам̣ васзна вуд̇д̇ам̣. сажагкугаанам̣ н̃аан̣асамбаяуд̇д̇аананд̇и руубийб̣рахмаано жзва гаамааважарад̣̇звамануссз жа санд̇хааяа вуд̇д̇ам̣. н̃аан̣асамбаяуд̇д̇аанам̣ ажагкугаананд̇и аруубино жа д̇ихзд̇угаг̇аб̣бхасзяяагз жа санд̇хааяа вуд̇д̇ам̣.
1-86. Atthavinicchaye panettha idaṃ nayamukhaṃ – sacakkhukānaṃ na itthīnanti brahmapārisajjādīnañceva rūpīnaṃ purisanapuṃsakānañca vasena vuttaṃ. Tesañhi itthindriyaṃ nuppajjati. Sacakkhukānaṃ na purisānanti rūpībrahmānañceva itthinapuṃsakānañca vasena vuttaṃ. Tesañhi purisindriyaṃ nuppajjati. Acakkhukānaṃ upapajjantānaṃ tesaṃ jīvitindriyaṃ uppajjatīti ekavokāracatuvokārakāmadhātusatte sandhāya vuttaṃ. Sacakkhukānaṃ vinā somanassenāti upekkhāsahagatānaṃ catunnaṃ mahāvipākapaṭisandhīnaṃ vasena vuttaṃ. Sacakkhukānaṃ vinā upekkhāyāti somanassasahagatapaṭisandhikānaṃ vasena vuttaṃ. Upekkhāya acakkhukānanti ahetukapaṭisandhivasena vuttaṃ. Ahetukānanti ahetukapaṭisandhicittena saddhiṃ saddhindriyādīnaṃ abhāvato vuttaṃ. Tattha hi ekanteneva saddhāsatipaññāyo natthi. Samādhivīriyāni pana indriyappattāni na honti. Sahetukānaṃ acakkhukānanti gabbhaseyyakavasena ceva arūpīvasena ca vuttaṃ. Añño hi sahetuko acakkhuko nāma natthi. Sacakkhukānaṃ ahetukānanti apāye opapātikavasena vuttaṃ. Sacakkhukānaṃ ñāṇavippayuttānanti kāmadhātuyaṃ duhetukapaṭisandhikānaṃ vasena vuttaṃ. Sacakkhukānaṃ ñāṇasampayuttānanti rūpībrahmāno ceva kāmāvacaradevamanusse ca sandhāya vuttaṃ. Ñāṇasampayuttānaṃ acakkhukānanti arūpino ca tihetukagabbhaseyyake ca sandhāya vuttaṃ.
190. ж̇ийвид̇инд̣̇рияамуулагз винаа соманассзна убабаж̇ж̇анд̇аананд̇и д̣̇взби ж̇ийвид̇инд̣̇рияаани санд̇хааяа вуд̇д̇ам̣. бавад̇д̇з соманассавиббаяуд̇д̇ажид̇д̇асса уббаад̣̇агкан̣зд̇и аруубаж̇ийвид̇инд̣̇рияам̣ санд̇хааяа вуд̇д̇ам̣. иминаа наязна саб̣б̣ад̇т̇ааби бадисанд̇хибавад̇д̇ивасзна ж̇ийвид̇инд̣̇рияаяож̇анаа взд̣̇ид̇аб̣б̣аа. соманассинд̣̇рияаад̣̇имуулагзсуби бадисанд̇хибавад̇д̇ивасзнзвад̇т̇о г̇ахзд̇аб̣б̣о. бадиломанаяз бана нирод̇хаваарз жа зд̇зсан̃жзва ан̃н̃зсан̃жа д̇хаммаанам̣ яат̇аалаабхавасзна жуд̇ибадисанд̇хибавад̇д̇зсу д̇ийсуби ануббаад̣̇анирод̇хаа взд̣̇ид̇аб̣б̣аа.
190. Jīvitindriyamūlake vinā somanassena upapajjantānanti dvepi jīvitindriyāni sandhāya vuttaṃ. Pavattesomanassavippayuttacittassa uppādakkhaṇeti arūpajīvitindriyaṃ sandhāya vuttaṃ. Iminā nayena sabbatthāpi paṭisandhipavattivasena jīvitindriyayojanā veditabbā. Somanassindriyādimūlakesupi paṭisandhipavattivasenevattho gahetabbo. Paṭilomanaye pana nirodhavāre ca etesañceva aññesañca dhammānaṃ yathālābhavasena cutipaṭisandhipavattesu tīsupi anuppādanirodhā veditabbā.
281. анааг̇ад̇аваарз зд̇знзва бхаавзнаад̇и зд̇зна бурисабхаавзнзва, анд̇араа ид̇т̇ибхаавам̣ анаабаж̇ж̇ид̇ваа бурисабадисанд̇хиг̇г̇ахан̣знзваад̇и ад̇т̇о. гад̇ижи бхавз д̣̇ассзд̇ваа бариниб̣б̣ааяиссанд̇ийд̇и гад̇ижи бадисанд̇хияо г̇ахзд̇ваа ид̇т̇ибхаавам̣ аббад̇ваава бариниб̣б̣ааяиссанд̇ийд̇и ад̇т̇о. д̣̇уд̇ияабужчааяаби зсзва наяо.
281. Anāgatavāre eteneva bhāvenāti etena purisabhāveneva, antarā itthibhāvaṃ anāpajjitvā purisapaṭisandhiggahaṇenevāti attho. Katici bhave dassetvā parinibbāyissantīti katici paṭisandhiyo gahetvā itthibhāvaṃ appatvāva parinibbāyissantīti attho. Dutiyapucchāyapi eseva nayo.
361. бажжуббаннзна ад̇ийд̇аваарз суд̣̇д̇хааваасаанам̣ убабад̇д̇ижид̇д̇асса бхан̇г̇агкан̣з манинд̣̇рияан̃жа нуббаж̇ж̇ид̇т̇аад̇и жид̇д̇аяамагз вияа уббаад̣̇агкан̣аад̇иггамавасзна ад̇т̇ам̣ аг̇г̇ахзд̇ваа д̇асмим̣ бхавз ануббаннабуб̣б̣авасзна г̇ахзд̇аб̣б̣од̇и. иминаа наяамукзна саб̣б̣асмимби бавад̇д̇иваарз ад̇т̇авинижчаяо взд̣̇ид̇аб̣б̣о.
361. Paccuppannena atītavāre suddhāvāsānaṃ upapatticittassa bhaṅgakkhaṇe manindriyañca nuppajjitthāti cittayamake viya uppādakkhaṇātikkamavasena atthaṃ aggahetvā tasmiṃ bhave anuppannapubbavasena gahetabboti. Iminā nayamukhena sabbasmimpi pavattivāre atthavinicchayo veditabbo.
бавад̇д̇иваараван̣н̣анаа.
Pavattivāravaṇṇanā.
барин̃н̃ааваараван̣н̣анаа
Pariññāvāravaṇṇanā
435-482. барин̃н̃ааваарз бана жагкумуулагаад̣̇ийсу згамзва жагкусод̇аяамагам̣ д̣̇ассид̇ам̣. яасмаа бана сзсааниби логияааб̣яаагад̇аани жзва логияааб̣яаагад̇амиссагаани жа барин̃н̃зяяаанзва, д̇асмаа д̇аани анубад̣̇идтааниби иминаава д̣̇ассид̇аани хонд̇и. яасмаа бана агусалам̣ зганд̇ад̇о бахаад̇аб̣б̣амзва, зганд̇ам̣ гусалам̣ бхаавзд̇аб̣б̣амзва, логуд̇д̇арааб̣яаагад̇ам̣ сажчигаад̇аб̣б̣ам̣, д̇асмаа ‘‘д̣̇оманассинд̣̇рияам̣ баж̇ахад̇ий’’д̇и ‘‘анан̃н̃аад̇ан̃н̃ассаамийд̇инд̣̇рияам̣ бхаавзд̇ий’’д̇и ‘‘ан̃н̃аад̇аавинд̣̇рияам̣ сажчигарод̇ий’’д̇и вуд̇д̇ам̣. ан̃н̃инд̣̇рияам̣ бана бхаавзд̇аб̣б̣амби ад̇т̇и сажчигаад̇аб̣б̣амби, д̇ам̣ бхааванаавасзнзва г̇ахид̇ам̣. д̇ад̇т̇а д̣̇вз буг̇г̇алаад̇и сагад̣̇ааг̇аамимаг̇г̇асаман̇г̇ий жа, арахад̇д̇амаг̇г̇асаман̇г̇ий жа. д̇зсу зго самужчинд̣̇ид̇ум̣ асамад̇т̇ад̇д̇аа д̣̇оманассинд̣̇рияам̣ на баж̇ахад̇и наама. зго бахийнад̣̇осад̇д̇аа жагкунд̣̇рияам̣ на бариж̇аанаад̇ийд̇и ануббаад̣̇ам̣ аабаад̣̇зд̇ум̣ асамад̇т̇ад̇ааяа на бариж̇аанаад̇и. иминаа наязна саб̣б̣ависсаж̇ж̇анзсу ад̇т̇о взд̣̇ид̇аб̣б̣од̇и.
435-482. Pariññāvāre pana cakkhumūlakādīsu ekameva cakkhusotayamakaṃ dassitaṃ. Yasmā pana sesānipi lokiyaabyākatāni ceva lokiyaabyākatamissakāni ca pariññeyyāneva, tasmā tāni anupadiṭṭhānipi imināva dassitāni honti. Yasmā pana akusalaṃ ekantato pahātabbameva, ekantaṃ kusalaṃ bhāvetabbameva, lokuttarābyākataṃ sacchikātabbaṃ, tasmā ‘‘domanassindriyaṃ pajahatī’’ti ‘‘anaññātaññassāmītindriyaṃ bhāvetī’’ti ‘‘aññātāvindriyaṃ sacchikarotī’’ti vuttaṃ. Aññindriyaṃ pana bhāvetabbampi atthi sacchikātabbampi, taṃ bhāvanāvaseneva gahitaṃ. Tattha dve puggalāti sakadāgāmimaggasamaṅgī ca, arahattamaggasamaṅgī ca. Tesu eko samucchindituṃ asamatthattā domanassindriyaṃ na pajahati nāma. Eko pahīnadosattā cakkhundriyaṃ na parijānātīti anuppādaṃ āpādetuṃ asamatthatāya na parijānāti. Iminā nayena sabbavissajjanesu attho veditabboti.
барин̃н̃ааваараван̣н̣анаа.
Pariññāvāravaṇṇanā.
инд̣̇рияаяамагаван̣н̣анаа нидтид̇аа.
Indriyayamakavaṇṇanā niṭṭhitā.
ниг̇аманагат̇аа
Nigamanakathā
зд̇д̇аавад̇аа жа –
Ettāvatā ca –
яассоваад̣̇з тад̇ваа, нидтид̇агижжасса гижжасамбанно;
Yassovāde ṭhatvā, niṭṭhitakiccassa kiccasampanno;
яувад̇иж̇аноби ад̇ийд̇о, сувихид̇анияамо яамассаан̣ам̣.
Yuvatijanopi atīto, suvihitaniyamo yamassāṇaṃ.
д̣̇звабарисааяа маж̇жхз, д̣̇звабурз саб̣б̣ад̣̇звад̣̇звзна;
Devaparisāya majjhe, devapure sabbadevadevena;
яамагам̣ наама багаасид̇ам̣, яамаамалаломзна яам̣ д̇зна.
Yamakaṃ nāma pakāsitaṃ, yamāmalalomena yaṃ tena.
баал̣ивавад̇т̇аанавид̇хим̣, бужчаависсаж̇ж̇анз жа ад̇т̇анаяам̣;
Pāḷivavatthānavidhiṃ, pucchāvissajjane ca atthanayaṃ;
д̣̇ассзд̇ум̣ аарад̣̇д̇хаа, яамагаадтагат̇аа маяаа д̇асса.
Dassetuṃ āraddhā, yamakaaṭṭhakathā mayā tassa.
саа суб̣ахуанд̇арааяз, логамхи яат̇аа ананд̇арааязна;
Sā subahuantarāye, lokamhi yathā anantarāyena;
аяамаж̇ж̇а бан̃жамад̇д̇зхи, д̇анд̇ияаа бхаан̣аваарзхи.
Ayamajja pañcamattehi, tantiyā bhāṇavārehi.
нидтам̣ бад̇д̇аа звам̣, нидтаанам̣ баабун̣анд̇у саб̣б̣зби;
Niṭṭhaṃ pattā evaṃ, niṭṭhānaṃ pāpuṇantu sabbepi;
хид̇асуканиб̣б̣ад̇д̇игараа, манорат̇аа саб̣б̣асад̇д̇аананд̇и.
Hitasukhanibbattikarā, manorathā sabbasattānanti.
яамагаббагаран̣а-адтагат̇аа нидтид̇аа.
Yamakappakaraṇa-aṭṭhakathā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / яамагабаал̣и • Yamakapāḷi / 10. инд̣̇рияаяамагам̣ • 10. Indriyayamakaṃ
