| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
10. инд̣̇рияаяамагам̣
10. Indriyayamakaṃ
1. бан̣н̣ад̇д̇ивааро
1. Paṇṇattivāro
уд̣̇д̣̇зсаваараван̣н̣анаа
Uddesavāravaṇṇanā
1. инд̣̇рияаяамагз вибхан̇г̇з вияаад̇и яат̇аа инд̣̇рияавибхан̇г̇з бурисинд̣̇рияаананд̇арам̣ ж̇ийвид̇инд̣̇рияам̣ уд̣̇д̣̇идтам̣, на манинд̣̇рияаананд̇арам̣, звам̣ имасмим̣ инд̣̇рияаяамагз. д̇ан̃жа суд̇д̇ад̣̇зсанаанурод̇хзнаад̇и д̣̇ассзнд̇о ‘‘д̇ийн̣имаани…бз… суд̇д̇з д̣̇зсид̇аггамзнаа’’д̇и ааха. сояам̣ яад̣̇ад̇т̇ам̣ д̇асса суд̇д̇з д̣̇зсид̇аггамзна уд̣̇д̣̇зсо, д̇ам̣ д̣̇ассзд̇ум̣ ‘‘бавад̇д̇иваарзхий’’д̇иаад̣̇и вуд̇д̇ам̣. д̇ад̇т̇а яат̇аа ‘‘ж̇ийвид̇инд̣̇рияа’’нд̇и ид̣̇ам̣ руубаж̇ийвид̇инд̣̇рияасса аруубаж̇ийвид̇инд̣̇рияасса жа сааман̃н̃ад̇о г̇ахан̣ам̣, звам̣ убаад̣̇иннасса анубаад̣̇иннасса жаад̇и ааха ‘‘гаммаж̇аанам̣ агаммаж̇аанан̃жа анубаалага’’нд̇и. ат̇а ваа сахаж̇ад̇хаммаанубаалагамби ж̇ийвид̇инд̣̇рияам̣ на гзвалам̣ кан̣адтид̇ияаа зва гааран̣ам̣, ат̇а ко баб̣анд̇хаанубажчзд̣̇ассаби гааран̣амзва. ан̃н̃ат̇аа ааяугкаяамаран̣ам̣ на самбхавзяяа, д̇асмаа ‘‘гаммаж̇аанан̃жа анубаалага’’нд̇и ависзсад̇о вуд̇д̇ам̣, жуд̇ибадисанд̇хийсу жа бавад̇д̇амаанаанам̣ гаммаж̇аанам̣ анубаалагам̣. ид̇ийд̇и д̇асмаа. д̇ам̣муулагаанийд̇и ж̇ийвид̇инд̣̇рияамуулагаани. жуд̇ибадисанд̇хибавад̇д̇ивасзнаад̇и жуд̇ибадисанд̇хивасзна бавад̇д̇ивасзна жа. д̇ад̇т̇а яам̣ убаад̣̇иннам̣, д̇ам̣ жуд̇ибадисанд̇хивасзнзва, ид̇арам̣ ид̇аравасзнаби вад̇д̇аб̣б̣ам̣. яасмаа жагкунд̣̇рияаад̣̇ийсу бурисинд̣̇рияаавасаанзсу зганд̇аубаад̣̇иннзсу ад̇ам̣сабхаавад̇д̇аа яам̣ манинд̣̇рияам̣ мууламзва на ход̇и, д̇асмаа д̇ам̣ табзд̇ваа авасзсамуулагаани жагкунд̣̇рияаад̣̇имуулагаани. ааяад̇анаяамагз вияаад̇и яат̇аа ааяад̇анаяамагз бадисанд̇хивасзнааяад̇анаанам̣ уббаад̣̇о, маран̣авасзна жа нирод̇хо вуд̇д̇о, звамид̇хааби жуд̇иубабад̇д̇ивасзнзва вад̇д̇аб̣б̣аани, д̇асмаа ад̇ам̣сабхаавад̇д̇аа ж̇ийвид̇инд̣̇рияам̣ д̇зсам̣ жагкунд̣̇рияаад̣̇ийнам̣ маж̇жхз ануд̣̇д̣̇исид̇ваа анд̇з бурисинд̣̇рияаананд̇арам̣ уд̣̇д̣̇идтам̣. яам̣ бана жагкунд̣̇рияаад̣̇имуулагзсу манинд̣̇рияам̣ саб̣б̣абажчаа зва г̇ахид̇ам̣, д̇ад̇т̇а гааран̣ам̣ адтагат̇ааяам̣ вуд̇д̇амзва.
1. Indriyayamakevibhaṅge viyāti yathā indriyavibhaṅge purisindriyānantaraṃ jīvitindriyaṃ uddiṭṭhaṃ, na manindriyānantaraṃ, evaṃ imasmiṃ indriyayamake. Tañca suttadesanānurodhenāti dassento ‘‘tīṇimāni…pe… sutte desitakkamenā’’ti āha. Soyaṃ yadatthaṃ tassa sutte desitakkamena uddeso, taṃ dassetuṃ ‘‘pavattivārehī’’tiādi vuttaṃ. Tattha yathā ‘‘jīvitindriya’’nti idaṃ rūpajīvitindriyassa arūpajīvitindriyassa ca sāmaññato gahaṇaṃ, evaṃ upādinnassa anupādinnassa cāti āha ‘‘kammajānaṃ akammajānañca anupālaka’’nti. Atha vā sahajadhammānupālakampi jīvitindriyaṃ na kevalaṃ khaṇaṭṭhitiyā eva kāraṇaṃ, atha kho pabandhānupacchedassapi kāraṇameva. Aññathā āyukkhayamaraṇaṃ na sambhaveyya, tasmā ‘‘kammajānañca anupālaka’’nti avisesato vuttaṃ, cutipaṭisandhīsu ca pavattamānānaṃ kammajānaṃ anupālakaṃ. Itīti tasmā. Taṃmūlakānīti jīvitindriyamūlakāni. Cutipaṭisandhipavattivasenāti cutipaṭisandhivasena pavattivasena ca. Tattha yaṃ upādinnaṃ, taṃ cutipaṭisandhivaseneva, itaraṃ itaravasenapi vattabbaṃ. Yasmā cakkhundriyādīsu purisindriyāvasānesu ekantaupādinnesu ataṃsabhāvattā yaṃ manindriyaṃ mūlameva na hoti, tasmā taṃ ṭhapetvā avasesamūlakāni cakkhundriyādimūlakāni. Āyatanayamake viyāti yathā āyatanayamake paṭisandhivasenāyatanānaṃ uppādo, maraṇavasena ca nirodho vutto, evamidhāpi cutiupapattivaseneva vattabbāni, tasmā ataṃsabhāvattā jīvitindriyaṃ tesaṃ cakkhundriyādīnaṃ majjhe anuddisitvā ante purisindriyānantaraṃ uddiṭṭhaṃ. Yaṃ pana cakkhundriyādimūlakesu manindriyaṃ sabbapacchā eva gahitaṃ, tattha kāraṇaṃ aṭṭhakathāyaṃ vuttameva.
уд̣̇д̣̇зсаваараван̣н̣анаа нидтид̇аа.
Uddesavāravaṇṇanā niṭṭhitā.
нид̣̇д̣̇зсаваараван̣н̣анаа
Niddesavāravaṇṇanā
94. гожи сабхааво над̇т̇ийд̇и гожи сабхаавад̇хаммо над̇т̇и. яад̣̇и звам̣ ‘‘над̇т̇ий’’д̇и бадигкзбо зва яуд̇д̇од̇и ааха ‘‘на жа руубаад̣̇ий’’д̇иаад̣̇и. ‘‘сукаа д̣̇угкаа ад̣̇угкамасукаа’’д̇иаад̣̇ийсу сукад̣̇угкасад̣̇д̣̇аанам̣ сааман̃н̃аважанабхаавзби инд̣̇рияад̣̇зсанааяам̣ д̇з висидтависаяаа зваад̇и д̣̇ассзнд̇о ‘‘сукасса…бз… г̇ахид̇оязваа’’д̇и ааха. д̣̇угкасса жа бхзд̣̇ам̣ гад̇ваа.
94. Kocisabhāvo natthīti koci sabhāvadhammo natthi. Yadi evaṃ ‘‘natthī’’ti paṭikkhepo eva yuttoti āha ‘‘na ca rūpādī’’tiādi. ‘‘Sukhā dukkhā adukkhamasukhā’’tiādīsu sukhadukkhasaddānaṃ sāmaññavacanabhāvepi indriyadesanāyaṃ te visiṭṭhavisayā evāti dassento ‘‘sukhassa…pe… gahitoyevā’’ti āha. Dukkhassa ca bhedaṃ katvā.
140. бан̃н̃инд̣̇рияаани хонд̇ийд̇и ааманд̇аад̇и вуд̇д̇анд̇и баж̇аананадтзна ад̇хибад̇зяяадтзна жа бан̃н̃инд̣̇рияаани хонд̇и, д̣̇ассанадтзна бана жагкууни жаад̇и жагку, инд̣̇рияанд̇и бужчааяа ‘‘ааманд̇аа’’д̇и вуд̇д̇анд̇и ад̇хиббааяо. ‘‘д̇ан̣хаасод̇амзваахаа’’д̇и вуд̇д̇ам̣, ‘‘яасса чад̇д̇им̣сад̇и сод̇аа’’д̇иаад̣̇ийсу (д̇ха. ба. 339) бана д̣̇идтиаад̣̇ийнамби сод̇абхааво ааг̇ад̇о.
140. Paññindriyāni hontīti āmantāti vuttanti pajānanaṭṭhena adhipateyyaṭṭhena ca paññindriyāni honti, dassanaṭṭhena pana cakkhūni cāti cakkhu, indriyanti pucchāya ‘‘āmantā’’ti vuttanti adhippāyo. ‘‘Taṇhāsotamevāhā’’ti vuttaṃ, ‘‘yassa chattiṃsati sotā’’tiādīsu (dha. pa. 339) pana diṭṭhiādīnampi sotabhāvo āgato.
бан̣н̣ад̇д̇инид̣̇д̣̇зсаваараван̣н̣анаа нидтид̇аа.
Paṇṇattiniddesavāravaṇṇanā niṭṭhitā.
2. бавад̇д̇иваараван̣н̣анаа
2. Pavattivāravaṇṇanā
186. ан̃н̃ад̇хамманиссаязнаад̇и ‘‘яо д̇зсам̣ руубийнам̣ д̇хаммаанам̣ ааяу тид̇ий’’д̇иаад̣̇инаа (д̇ха. са. 634) ан̃н̃ад̇хамманиссаязна г̇ахзд̇аб̣б̣ам̣. бавад̇д̇ин̃жа г̇ахзд̇ваа г̇ад̇зсу виссаж̇ж̇анзсу, жуд̇ибадисанд̇хияо г̇ахзд̇ваа г̇ад̇зсу яож̇анаа на лаб̣бхад̇ийд̇и ад̇хиббааяо. алаб̣бхамаанаа жа сукад̣̇угкад̣̇оманассинд̣̇риязхзва на лаб̣бхад̇и. д̇ам̣муулагаа жа наяаад̇и сукинд̣̇рияаад̣̇имуулагаа жа наяаа. д̇зхийд̇и сукинд̣̇рияаад̣̇ийхи. яож̇анаад̇и ‘‘бавад̇д̇з сукинд̣̇рияавиббаяуд̇д̇ажид̇д̇асса уббаад̣̇агкан̣з’’д̇иаад̣̇инаа уббаж̇ж̇амаанзхи яож̇анаа. д̇ам̣муулагаа жа д̇ат̇ааяож̇анаамуулабхууд̇аа жа наяаа ж̇ийвид̇инд̣̇рияаад̣̇имуулагаа жа наяаа. баагадааязваад̇и баал̣иг̇ад̇ияаа зва вин̃н̃ааяамаанаяож̇анад̇д̇аа сувин̃н̃зяяаа зва.
186. Aññadhammanissayenāti ‘‘yo tesaṃ rūpīnaṃ dhammānaṃ āyu ṭhitī’’tiādinā (dha. sa. 634) aññadhammanissayena gahetabbaṃ. Pavattiñca gahetvā gatesu vissajjanesu, cutipaṭisandhiyo gahetvā gatesu yojanā na labbhatīti adhippāyo. Alabbhamānā ca sukhadukkhadomanassindriyeheva na labbhati. Taṃmūlakā ca nayāti sukhindriyādimūlakā ca nayā. Tehīti sukhindriyādīhi. Yojanāti ‘‘pavatte sukhindriyavippayuttacittassa uppādakkhaṇe’’tiādinā uppajjamānehi yojanā. Taṃmūlakā ca tathāyojanāmūlabhūtā ca nayā jīvitindriyādimūlakā ca nayā. Pākaṭāyevāti pāḷigatiyā eva viññāyamānayojanattā suviññeyyā eva.
д̇ам̣ важанам̣. соманассавирахид̇асажагкугабадисанд̇хинид̣̇ассанавасзнаад̇и соманассавирахид̇асажагкугабадисанд̇хиязва нид̣̇ассананд̇и яож̇зд̇аб̣б̣ам̣. гат̇ам̣ банзд̇ам̣ ж̇аанид̇аб̣б̣ам̣ ‘‘нид̣̇ассанамад̇д̇амзд̇ам̣, на бана г̇ан̣анабарижчинд̣̇ана’’нд̇и ааха ‘‘на хи жад̇уннам̣язваад̇и нияамо гад̇о’’д̇и. д̇ам̣самааналагкан̣аад̇и д̇ааяа сажагкугабадисанд̇хид̇ааяа самааналагкан̣аад̇и барид̇д̇авибаагаг̇г̇ахан̣ам̣. д̇ад̇т̇а сасоманассабадисанд̇хияо санд̇хааяа убзгкаабадисанд̇хияо нид̣̇ассанабхаавзна вуд̇д̇аад̇и гзжи. барид̇д̇авибаагабадисанд̇хи жа гусалавибаагаахзд̇угабадисанд̇хи взд̣̇ид̇аб̣б̣аа. сааби хи сажагкугаа сияаа. д̇ам̣самааналагкан̣аад̇и ваа д̇ааяа убзгкаасахаг̇ад̇ааяа самааналагкан̣аа яат̇аавуд̇д̇аахзд̇угабадисанд̇хи жа бан̃жамаж̇жхаанабадисанд̇хи жа. яад̣̇и звам̣ ‘‘жад̇унна’’нд̇и гасмаа г̇ан̣анабарижчзд̣̇од̇и ааха ‘‘гаамааважарз…бз… нид̣̇ассанам̣ гад̇а’’нд̇и. д̇знаад̇и убзгкаасахаг̇ад̇амахаавибааганид̣̇ассанзна, язхи самаанад̇ааяа имз нид̣̇ассанабхаавзна вуд̇д̇аа, д̇з згам̣сзна д̇ам̣сабхааваа зваад̇и аяамзд̇т̇а ад̇хиббааяо. д̇знааха ‘‘яат̇аа сасоманасса…бз… д̇о ход̇ий’’д̇и.
Taṃ vacanaṃ. Somanassavirahitasacakkhukapaṭisandhinidassanavasenāti somanassavirahitasacakkhukapaṭisandhiyeva nidassananti yojetabbaṃ. Kathaṃ panetaṃ jānitabbaṃ ‘‘nidassanamattametaṃ, na pana gaṇanaparicchindana’’nti āha ‘‘na hi catunnaṃyevāti niyamo kato’’ti. Taṃsamānalakkhaṇāti tāya sacakkhukapaṭisandhitāya samānalakkhaṇāti parittavipākaggahaṇaṃ. Tattha sasomanassapaṭisandhiyo sandhāya upekkhāpaṭisandhiyo nidassanabhāvena vuttāti keci. Parittavipākapaṭisandhi ca kusalavipākāhetukapaṭisandhi veditabbā. Sāpi hi sacakkhukā siyā. Taṃsamānalakkhaṇāti vā tāya upekkhāsahagatāya samānalakkhaṇā yathāvuttaahetukapaṭisandhi ca pañcamajjhānapaṭisandhi ca. Yadi evaṃ ‘‘catunna’’nti kasmā gaṇanaparicchedoti āha ‘‘kāmāvacare…pe… nidassanaṃ kata’’nti. Tenāti upekkhāsahagatamahāvipākanidassanena, yehi samānatāya ime nidassanabhāvena vuttā, te ekaṃsena taṃsabhāvā evāti ayamettha adhippāyo. Tenāha ‘‘yathā sasomanassa…pe… to hotī’’ti.
нану жа г̇аб̣бхасзяяагзсу аяамад̇т̇о згам̣сад̇о на лаб̣бхад̇ийд̇и аасан̇гам̣ санд̇хааяааха ‘‘г̇аб̣бхасзяяагаанан̃жа…бз… д̣̇ассид̇аа ход̇ий’’д̇и. д̇знааха ‘‘сажагкугаана’’нд̇иаад̣̇и. д̇ад̇т̇а яад̣̇и сахзд̇угабадисанд̇хигаанам̣ гаамааважараанам̣ нияамад̇о сажагкугаад̣̇ибхаавад̣̇ассанам̣ г̇аб̣бхасзяяагавасзна лаб̣бхзяяа, яуд̇д̇амзд̇ам̣ сияаад̇и жод̣̇анам̣ санд̇хааяааха ‘‘г̇аб̣бхасзяяагзби хий’’д̇иаад̣̇и. д̇ат̇аа ааяад̇анаяамагз д̣̇ассид̇анд̇и ид̣̇ам̣ ааяад̇анаяамагаван̣н̣анааяам̣ ад̇д̇анаа вуд̇д̇ам̣ ‘‘зван̃жа гад̇ваа инд̣̇рияаяамагз’’д̇иаад̣̇иважанам̣ санд̇хааяа вуд̇д̇ам̣. д̇ад̇т̇а хи соманассинд̣̇рияуббаад̣̇агагаммасса зганд̇зна жагкунд̣̇рияуббаад̣̇анад̇о г̇аб̣бхзби яаава жагкунд̣̇рияуббад̇д̇и, д̇аава уббаж̇ж̇амаанад̇ааяа ‘‘абхинанд̣̇ид̇аб̣б̣ад̇д̇аа’’д̇и вуд̇д̇ам̣. саннидтаанзна сан̇г̇ахид̇аананд̇и ‘‘яасса ваа бана соманассинд̣̇рияам̣ уббаж̇ж̇ад̇ий’’д̇и зд̇зна саннидтаанзна сан̇г̇ахид̇аанам̣. ид̇т̇ийнам̣ агхаанагаанам̣ убабаж̇ж̇анд̇ийнанд̇и аад̣̇ийсууд̇и аад̣̇и-сад̣̇д̣̇зна ‘‘ид̇т̇ийнам̣ ажагкугаанам̣ убабаж̇ж̇анд̇ийна’’нд̇иаад̣̇им̣ сан̇г̇ан̣хаад̇и. д̇з зваад̇и г̇аб̣бхасзяяагаа зва.
Nanu ca gabbhaseyyakesu ayamattho ekaṃsato na labbhatīti āsaṅkaṃ sandhāyāha ‘‘gabbhaseyyakānañca…pe… dassitā hotī’’ti. Tenāha ‘‘sacakkhukāna’’ntiādi. Tattha yadi sahetukapaṭisandhikānaṃ kāmāvacarānaṃ niyamato sacakkhukādibhāvadassanaṃ gabbhaseyyakavasena labbheyya, yuttametaṃ siyāti codanaṃ sandhāyāha ‘‘gabbhaseyyakepi hī’’tiādi. Tathā āyatanayamake dassitanti idaṃ āyatanayamakavaṇṇanāyaṃ attanā vuttaṃ ‘‘evañca katvā indriyayamake’’tiādivacanaṃ sandhāya vuttaṃ. Tattha hi somanassindriyuppādakakammassa ekantena cakkhundriyuppādanato gabbhepi yāva cakkhundriyuppatti, tāva uppajjamānatāya ‘‘abhinanditabbattā’’ti vuttaṃ. Sanniṭṭhānena saṅgahitānanti ‘‘yassa vā pana somanassindriyaṃ uppajjatī’’ti etena sanniṭṭhānena saṅgahitānaṃ. Itthīnaṃ aghānakānaṃ upapajjantīnanti ādīsūti ādi-saddena ‘‘itthīnaṃ acakkhukānaṃ upapajjantīna’’ntiādiṃ saṅgaṇhāti. Te evāti gabbhaseyyakā eva.
д̇ам̣самааналагкан̣анд̇и собзгкаажагкугабадисанд̇хибхаавзна самааналагкан̣ам̣. д̇ад̇т̇аад̇и ахзд̇угабадисанд̇хижид̇д̇з. самаад̇хилзсо д̣̇уб̣б̣аласамаад̇хи яо жид̇д̇адтид̇имад̇д̇о. д̇асмаад̇и яасмаа жид̇д̇адтид̇и вияа д̣̇уб̣б̣алам̣ вийрияам̣ над̇т̇и, яо ‘‘вийрияалзсо’’д̇и вад̇д̇аб̣б̣о, д̇асмаа, лзсамад̇д̇ассаби вийрияасса абхааваад̇и ад̇т̇о. ан̃н̃зсууд̇и ахзд̇угабадисанд̇хижид̇д̇ад̇о ан̃н̃зсу. гзсужийд̇и згажжзсу. убхаязнаби манод̣̇ваарааваж̇ж̇анахасид̇уббаад̣̇ажид̇д̇ам̣ вад̣̇ад̇и. ид̇хаад̇и ахзд̇угабадисанд̇хижид̇д̇з. самаад̇хивийрияаани инд̣̇рияаббад̇д̇аани жа на хонд̇ийд̇и самаад̇хигижжам̣ бадигкибад̇и, на самаад̇химад̇д̇ам̣, на вийрияалзсасса саб̣бхаавад̇од̇и яож̇зд̇аб̣б̣ам̣. д̇знзвааха ‘‘висзсанан̃хи висзсид̇аб̣б̣з бавад̇д̇ад̇ий’’д̇и. яасмим̣ вийрияз сад̇и инд̣̇рияуббад̇д̇и сияаа, д̇ад̣̇зва д̇ад̇т̇а над̇т̇ийд̇и ад̇т̇о.
Taṃsamānalakkhaṇanti sopekkhaacakkhukapaṭisandhibhāvena samānalakkhaṇaṃ. Tatthāti ahetukapaṭisandhicitte. Samādhileso dubbalasamādhi yo cittaṭṭhitimatto. Tasmāti yasmā cittaṭṭhiti viya dubbalaṃ vīriyaṃ natthi, yo ‘‘vīriyaleso’’ti vattabbo, tasmā, lesamattassapi vīriyassa abhāvāti attho. Aññesūti ahetukapaṭisandhicittato aññesu. Kesucīti ekaccesu. Ubhayenapi manodvārāvajjanahasituppādacittaṃ vadati. Idhāti ahetukapaṭisandhicitte. Samādhivīriyāni indriyappattāni ca na hontīti samādhikiccaṃ paṭikkhipati, na samādhimattaṃ, na vīriyalesassa sabbhāvatoti yojetabbaṃ. Tenevāha ‘‘visesanañhi visesitabbe pavattatī’’ti. Yasmiṃ vīriye sati indriyuppatti siyā, tadeva tattha natthīti attho.
абааяз обабаад̇игавасзнаад̇и ид̣̇ам̣ суг̇ад̇ияам̣ обабаад̇иго вигалинд̣̇рияо на ход̇ийд̇и гад̇ваа вуд̇д̇ам̣, ‘‘лаб̣бханд̇зва н̃аан̣авиббаяуд̇д̇аана’’нд̇и бана вуд̇д̇ад̇д̇аа ‘‘д̣̇ухзд̇угабадисанд̇хигаанам̣ васзнаа’’д̇и адтагат̇ааяам̣ вуд̇д̇ам̣. д̇зсанд̇и ид̇т̇ибурисинд̣̇рияасанд̇аанаанам̣. ид̇т̇ибурисинд̣̇рияаанам̣ бана уббаад̣̇анирод̇хаа абхин̣хасова хонд̇ийд̇и. батамагаббигаад̣̇ийнанд̇и зд̇т̇а аад̣̇и-сад̣̇д̣̇зна г̇ахид̇аанам̣ баривад̇д̇амааналин̇г̇аанам̣ васзна уббаад̣̇анирод̇хаг̇г̇ахан̣ам̣ взд̣̇ид̇аб̣б̣ам̣. батамагаббигаанам̣ бана васзна уббаад̣̇о зва лаб̣бхад̇и. ‘‘жуд̇иубабад̇д̇ивасзнзва д̣̇уд̇ияабужчаасуби саннидтаанзхи г̇ахан̣ам̣ взд̣̇ид̇аб̣б̣а’’нд̇и ид̣̇ам̣ убаад̣̇иннаинд̣̇риязхи нияамид̇ад̇д̇аа вуд̇д̇ам̣.
Apāyeopapātikavasenāti idaṃ sugatiyaṃ opapātiko vikalindriyo na hotīti katvā vuttaṃ, ‘‘labbhanteva ñāṇavippayuttāna’’nti pana vuttattā ‘‘duhetukapaṭisandhikānaṃ vasenā’’ti aṭṭhakathāyaṃ vuttaṃ. Tesanti itthipurisindriyasantānānaṃ. Itthipurisindriyānaṃ pana uppādanirodhā abhiṇhasova hontīti. Paṭhamakappikādīnanti ettha ādi-saddena gahitānaṃ parivattamānaliṅgānaṃ vasena uppādanirodhaggahaṇaṃ veditabbaṃ. Paṭhamakappikānaṃ pana vasena uppādo eva labbhati. ‘‘Cutiupapattivaseneva dutiyapucchāsupi sanniṭṭhānehi gahaṇaṃ veditabba’’nti idaṃ upādinnaindriyehi niyamitattā vuttaṃ.
190. санд̇аануббад̇д̇инирод̇хад̣̇ассанад̇од̇и санд̇аанавасзна уббаад̣̇анирод̇хаанам̣ д̣̇иссамаанад̇д̇аа. зд̇зна руубаж̇ийвид̇инд̣̇рияасса жагкунд̣̇рияаад̣̇исамаанаг̇ад̇игад̇ам̣ яуд̇д̇ид̇о саад̇хзд̇и. ааг̇амад̇о бана ‘‘винаа соманассзнаа’’д̇иаад̣̇инаа барад̇о саад̇хзссад̇и. чзд̣̇од̇и наамам̣ д̣̇адтаб̣б̣ам̣ саруубад̣̇ассанзнзва сам̣саяачзд̣̇анад̇о.
190. Santānuppattinirodhadassanatoti santānavasena uppādanirodhānaṃ dissamānattā. Etena rūpajīvitindriyassa cakkhundriyādisamānagatikataṃ yuttito sādheti. Āgamato pana ‘‘vinā somanassenā’’tiādinā parato sādhessati. Chedoti nāmaṃ daṭṭhabbaṃ sarūpadassaneneva saṃsayachedanato.
д̇ассаад̇и руубаж̇ийвид̇инд̣̇рияасса. д̇з жа асан̃н̃асад̇д̇аа. нану жа уббаад̣̇ова ж̇ийвид̇инд̣̇рияасса жуд̇иубабад̇д̇ивасзна вад̇д̇аб̣б̣о, на ануббаад̣̇од̇и ааха ‘‘ануббаад̣̇о…бз… на бавад̇д̇з’’д̇и. аяан̃жа наяо на гзвалам̣ буримагодтаасз зва, ат̇а ко ид̇арагодтаасзби г̇ахид̇о зваад̇и д̣̇ассзнд̇о ‘‘бажчимагодтаасзбий’’д̇иаад̣̇имааха.
Tassāti rūpajīvitindriyassa. Te ca asaññasattā. Nanu ca uppādova jīvitindriyassa cutiupapattivasena vattabbo, na anuppādoti āha ‘‘anuppādo…pe… na pavatte’’ti. Ayañca nayo na kevalaṃ purimakoṭṭhāse eva, atha kho itarakoṭṭhāsepi gahito evāti dassento ‘‘pacchimakoṭṭhāsepī’’tiādimāha.
‘‘убабад̇д̇ижид̇д̇асса уббаад̣̇агкан̣з’’д̇и гасмаа вуд̇д̇анд̇и язнаад̇хиббааязна жод̣̇анаа гад̇аа, д̇амад̇хиббааяам̣ виварид̇ум̣ ‘‘нану суд̣̇д̇хаавааса’’нд̇иаад̣̇и вуд̇д̇ам̣. на вад̇д̇аб̣б̣анд̇и ‘‘убабаж̇ж̇анд̇аана’’нд̇и на вад̇д̇аб̣б̣ам̣, ‘‘убабад̇д̇ижид̇д̇асса уббаад̣̇агкан̣з’’ижжзва вад̇д̇аб̣б̣анд̇и ад̇т̇о. ид̣̇аани яат̇аа ‘‘убабаж̇ж̇анд̇аана’’нд̇и на вад̇д̇аб̣б̣ам̣, д̇ам̣ д̣̇ассзд̇ум̣ ‘‘яат̇аа хий’’д̇иаад̣̇и вуд̇д̇ам̣. соманассаманинд̣̇рияаананд̇и соманассинд̣̇рияаманинд̣̇рияаанам̣, аяамзва ваа баато. д̇ад̣̇аад̇и батамасса руубаж̇ийвид̇инд̣̇рияасса д̇харамаанагаалз. д̇асмаад̇и яасмаа руубааруубаж̇ийвид̇инд̣̇рияаанам̣ ад̇т̇зва гаалабхзд̣̇о, убхаяан̃жзд̇т̇а ж̇ийвид̇инд̣̇рияабхаавасааман̃н̃зна згаж̇жхам̣ гад̇ваа г̇аяхад̇и, д̇асмаа. убхаяанд̇и соманассинд̣̇рияаж̇ийвид̇инд̣̇рияанд̇и ид̣̇ам̣ убхаяам̣. уббаад̣̇агкан̣зна нид̣̇ассид̇анд̇и зд̇зна ‘‘убабад̇д̇ижид̇д̇асса уббаад̣̇агкан̣з’’д̇и ид̣̇ам̣ нид̣̇ассанамад̇д̇анд̇и д̣̇ассзд̇и. ид̣̇аани д̇амзвад̇т̇ам̣ уд̣̇аахаран̣зна баагадад̇арам̣ гаад̇ум̣ ‘‘яат̇аа хий’’д̇иаад̣̇и вуд̇д̇ам̣. д̇ад̇т̇а яат̇аа д̇аад̣̇исаанам̣ анзгзсам̣ жид̇д̇аанам̣ бхан̇г̇агкан̣з лаб̣бхамаанам̣ д̇ад̣̇згад̣̇зсзна саб̣б̣абатамасса убабад̇д̇ижид̇д̇асса бхан̇г̇агкан̣зна нид̣̇ассид̇ам̣, звамид̇хааби кан̣ад̣̇ваяз лаб̣бхамаанам̣ д̇ад̣̇згад̣̇зсзна уббаад̣̇агкан̣зна нид̣̇ассид̇анд̇и звам̣ нид̣̇ассанад̇т̇о взд̣̇ид̇аб̣б̣о.
‘‘Upapatticittassa uppādakkhaṇe’’ti kasmā vuttanti yenādhippāyena codanā katā, tamadhippāyaṃ vivarituṃ ‘‘nanu suddhāvāsa’’ntiādi vuttaṃ. Na vattabbanti ‘‘upapajjantāna’’nti na vattabbaṃ, ‘‘upapatticittassa uppādakkhaṇe’’icceva vattabbanti attho. Idāni yathā ‘‘upapajjantāna’’nti na vattabbaṃ, taṃ dassetuṃ ‘‘yathā hī’’tiādi vuttaṃ. Somanassamanindriyānanti somanassindriyamanindriyānaṃ, ayameva vā pāṭho. Tadāti paṭhamassa rūpajīvitindriyassa dharamānakāle. Tasmāti yasmā rūpārūpajīvitindriyānaṃ attheva kālabhedo, ubhayañcettha jīvitindriyabhāvasāmaññena ekajjhaṃ katvā gayhati, tasmā. Ubhayanti somanassindriyajīvitindriyanti idaṃ ubhayaṃ. Uppādakkhaṇena nidassitanti etena ‘‘upapatticittassa uppādakkhaṇe’’ti idaṃ nidassanamattanti dasseti. Idāni tamevatthaṃ udāharaṇena pākaṭataraṃ kātuṃ ‘‘yathā hī’’tiādi vuttaṃ. Tattha yathā tādisānaṃ anekesaṃ cittānaṃ bhaṅgakkhaṇe labbhamānaṃ tadekadesena sabbapaṭhamassa upapatticittassa bhaṅgakkhaṇena nidassitaṃ, evamidhāpi khaṇadvaye labbhamānaṃ tadekadesena uppādakkhaṇena nidassitanti evaṃ nidassanattho veditabbo.
д̇зсанд̇и ж̇ийвид̇инд̣̇рияаад̣̇ийнам̣. ан̃н̃ад̇т̇аад̇и бавад̇д̇з. ид̇хаад̇и анааг̇ад̇агаалабхзд̣̇з. на на самбхавад̇и убабад̇д̇игкан̣асса вияа д̇ад̇о барам̣ бавад̇д̇игкан̣ассаби анааг̇ад̇агаалабхаавад̇о. д̇асмаад̇и убабад̇д̇ид̇о ан̃н̃ад̇т̇ааби яат̇аад̇хиббзд̇ауббаад̣̇асамбхавад̇о. аяан̃жа ад̇т̇о вааранд̇арзби д̣̇иссад̇ийд̇и д̣̇ассзнд̇о ааха ‘‘зван̃жа гад̇ваа’’д̇иаад̣̇и. на хийд̇иаад̣̇инаа д̇амзвад̇т̇ам̣ самад̇т̇зд̇и. д̇ад̇т̇а аби бажчима…бз… санд̇хигассаад̇и аби-сад̣̇д̣̇зна ‘‘го бана ваад̣̇о абажчимабхавигасса соманассасахаг̇ад̇абадисанд̇хигассаа’’д̇и д̣̇ассзд̇и. абажчимабхавигасса жуд̇ид̇о бажчаа ‘‘соманассинд̣̇рияам̣ нируж̇жхиссад̇ий’’д̇и вад̇д̇аб̣б̣амзва над̇т̇ийд̇и ааха ‘‘жуд̇ид̇о буб̣б̣зваа’’д̇и. зд̇т̇а хи батамабужчаасу саннидтаанад̇т̇од̇иаад̣̇ийсу аяам̣ сан̇кзбад̇т̇о – зд̇т̇а ‘‘яасса жагкунд̣̇рияам̣ уббаж̇ж̇иссад̇ий’’д̇и звамаад̣̇ийсу яамагзсу яаа батамабужчаа, д̇аасу саннидтаанабад̣̇асан̇г̇ахид̇о ад̇т̇о. бужчид̇аб̣б̣ад̇т̇аниссаяод̇и ‘‘д̇асса соманассинд̣̇рияам̣ уббаж̇ж̇иссад̇ий’’д̇иаад̣̇игасса бужчид̇аб̣б̣асса ад̇т̇асса ниссаяабхууд̇о маад̣̇исова маяаа сад̣̇исо зва ад̇т̇о убабад̇д̇иуббаад̣̇инд̣̇рияаваа убабад̇д̇игкан̣з уббаад̣̇аавад̇т̇аинд̣̇рияасахид̇о, убхаяуббаад̣̇инд̣̇рияаваа бадисанд̇хибавад̇д̇ийсу уббаад̣̇аавад̇т̇аинд̣̇рияасахид̇о ваа. бадинивад̇д̇ид̇вааби бужчид̇аб̣б̣ад̇т̇асса ниссаяод̇и ‘‘яасса ваа банаа’’д̇иаад̣̇инаа бадинивад̇д̇ид̇ваа бужчид̇аб̣б̣ассаби сам̣саяад̇т̇асса ниссаяод̇и звам̣ иминаа вияа аж̇жхаасаязна ‘‘яасса ваа бана соманассинд̣̇рияам̣ уббаж̇ж̇иссад̇ий’’д̇иаад̣̇ийсу д̣̇уд̇ияабужчаасу саннидтаанад̇т̇амзва саннидтаанабад̣̇асан̇г̇ахид̇амзва ад̇т̇ам̣ нияамзд̇и. д̇ад̇т̇зва д̇аасу зва буб̣б̣з вуд̇д̇абатамабужчаасу зва. бужчид̇аб̣б̣ам̣ ‘‘д̇асса соманассинд̣̇рияам̣ уббаж̇ж̇иссад̇ий’’д̇иаад̣̇ийсу анааг̇ад̇абхаавамад̇д̇зна саруубад̇о г̇ахид̇ам̣ уббаад̣̇ам̣ уббаад̣̇асан̇каад̇ам̣, ‘‘д̇асса соманассинд̣̇рияам̣ нируж̇жхиссад̇ий’’д̇иаад̣̇ийсу анааг̇ад̇абхаавамад̇д̇зна саруубад̇о г̇ахид̇ам̣ нирод̇хам̣ ваа нирод̇хасан̇каад̇ам̣ ваа сам̣саяад̇т̇ам̣ на нияамзд̇ийд̇и. званд̇и вуд̇д̇аббагаарзна саннидтаанад̇т̇асса нияамо ход̇и, на сам̣саяад̇т̇асса, д̇асмаа ‘‘яасса ваа бана…бз… ааманд̇аа’’д̇и вуд̇д̇ам̣. зса наяод̇и явааяам̣ уббаад̣̇аваарз вижааро вуд̇д̇о, нирод̇хаваарзби зсзва наяо. д̇ат̇аа хи ‘‘яасса ваа бана соманассинд̣̇рияам̣ нируж̇жхиссад̇и, д̇асса жагкунд̣̇рияам̣ нируж̇жхиссад̇ийд̇и? ааманд̇аа’’д̇и вуд̇д̇ам̣.
Tesanti jīvitindriyādīnaṃ. Aññatthāti pavatte. Idhāti anāgatakālabhede. Na na sambhavati upapattikkhaṇassa viya tato paraṃ pavattikkhaṇassapi anāgatakālabhāvato. Tasmāti upapattito aññatthāpi yathādhippetauppādasambhavato. Ayañca attho vārantarepi dissatīti dassento āha ‘‘evañca katvā’’tiādi. Na hītiādinā tamevatthaṃ samattheti. Tattha api pacchima…pe… sandhikassāti api-saddena ‘‘ko pana vādo apacchimabhavikassa somanassasahagatapaṭisandhikassā’’ti dasseti. Apacchimabhavikassa cutito pacchā ‘‘somanassindriyaṃ nirujjhissatī’’ti vattabbameva natthīti āha ‘‘cutito pubbevā’’ti. Ettha hi paṭhamapucchāsu sanniṭṭhānatthotiādīsu ayaṃ saṅkhepattho – ettha ‘‘yassa cakkhundriyaṃ uppajjissatī’’ti evamādīsu yamakesu yā paṭhamapucchā, tāsu sanniṭṭhānapadasaṅgahito attho. Pucchitabbatthanissayoti ‘‘tassa somanassindriyaṃ uppajjissatī’’tiādikassa pucchitabbassa atthassa nissayabhūto mādisova mayā sadiso eva attho upapattiuppādindriyavā upapattikkhaṇe uppādāvatthaindriyasahito, ubhayuppādindriyavā paṭisandhipavattīsu uppādāvatthaindriyasahito vā. Paṭinivattitvāpi pucchitabbatthassa nissayoti ‘‘yassa vā panā’’tiādinā paṭinivattitvā pucchitabbassapi saṃsayatthassa nissayoti evaṃ iminā viya ajjhāsayena ‘‘yassa vā pana somanassindriyaṃ uppajjissatī’’tiādīsu dutiyapucchāsu sanniṭṭhānatthameva sanniṭṭhānapadasaṅgahitameva atthaṃ niyameti. Tattheva tāsu eva pubbe vuttapaṭhamapucchāsu eva. Pucchitabbaṃ ‘‘tassa somanassindriyaṃ uppajjissatī’’tiādīsu anāgatabhāvamattena sarūpato gahitaṃ uppādaṃ uppādasaṅkhātaṃ, ‘‘tassa somanassindriyaṃ nirujjhissatī’’tiādīsu anāgatabhāvamattena sarūpato gahitaṃ nirodhaṃ vā nirodhasaṅkhātaṃ vā saṃsayatthaṃ na niyametīti. Evanti vuttappakārena sanniṭṭhānatthassa niyamo hoti, na saṃsayatthassa, tasmā ‘‘yassa vā pana…pe… āmantā’’ti vuttaṃ. Esa nayoti yvāyaṃ uppādavāre vicāro vutto, nirodhavārepi eseva nayo. Tathā hi ‘‘yassa vā pana somanassindriyaṃ nirujjhissati, tassa cakkhundriyaṃ nirujjhissatīti? Āmantā’’ti vuttaṃ.
звам̣ авуд̇д̇ад̇д̇аад̇и уббаад̣̇анирод̇хаанам̣ анааг̇ад̇аанам̣ саруубзна авуд̇д̇ад̇д̇аа. на хи д̇ад̇т̇а д̇з саруубзна вуд̇д̇аа, ат̇а ко ‘‘нуббаж̇ж̇иссад̇ий’’д̇и бадигкзбамукзна вуд̇д̇аа. д̇ад̇т̇аад̇и ануломз. на звам̣ яож̇зд̇аб̣б̣аа бадиломз. д̇амзва аяож̇зд̇аб̣б̣ад̇ам̣ ‘‘яат̇аа хий’’д̇иаад̣̇инаа виварад̇и. уббаад̣̇анирод̇хз ад̇иггамид̇ваа уббаад̣̇анирод̇хаа самбхаванд̇и яож̇зд̇ум̣, д̇ат̇аа уббаад̣̇анирод̇хз аббад̇ваа уббаад̣̇анирод̇хаа самбхаванд̇и яож̇зд̇унд̇и яож̇анаа. ид̣̇ан̃жа д̣̇ваяам̣ яат̇аануломз самбхавад̇и, на звам̣ бадиломз. д̇знааха ‘‘на звам̣…бз… самбхаванд̇ий’’д̇и. д̇ад̇т̇а гааран̣амааха ‘‘абхууд̇аабхаавасса…бз… самбхаваанубабад̇д̇ид̇о’’д̇и. абхууд̇аабхаавассаад̇и абхууд̇асса абхаавасса, абхууд̇асса уббаад̣̇асса нирод̇хасса жа абхаавассаад̇и ад̇хиббааяо. д̇знааха ‘‘абхууд̇уббаад̣̇анирод̇хаабхааво жа бадиломз бужчид̇о’’д̇и, д̇асмаа ‘‘ааманд̇аа’’д̇и жа вуд̇д̇ам̣, на вуд̇д̇ам̣ виссаж̇ж̇ананд̇и самб̣анд̇хо. асса висзсарахид̇асса абхууд̇аабхаавассаад̇и имасса яат̇аавуд̇д̇асса яат̇аа руубаабхааво взд̣̇анаабхаавод̇и гожи абхаавоби висзсасахид̇о, на звамаяанд̇и висзсарахид̇асса абхууд̇аабхаавасса.
Evaṃ avuttattāti uppādanirodhānaṃ anāgatānaṃ sarūpena avuttattā. Na hi tattha te sarūpena vuttā, atha kho ‘‘nuppajjissatī’’ti paṭikkhepamukhena vuttā. Tatthāti anulome. Na evaṃ yojetabbā paṭilome. Tameva ayojetabbataṃ ‘‘yathā hī’’tiādinā vivarati. Uppādanirodhe atikkamitvā uppādanirodhā sambhavanti yojetuṃ, tathā uppādanirodhe appatvā uppādanirodhā sambhavanti yojetunti yojanā. Idañca dvayaṃ yathānulome sambhavati, na evaṃ paṭilome. Tenāha ‘‘na evaṃ…pe… sambhavantī’’ti. Tattha kāraṇamāha ‘‘abhūtābhāvassa…pe… sambhavānupapattito’’ti. Abhūtābhāvassāti abhūtassa abhāvassa, abhūtassa uppādassa nirodhassa ca abhāvassāti adhippāyo. Tenāha ‘‘abhūtuppādanirodhābhāvo ca paṭilome pucchito’’ti, tasmā ‘‘āmantā’’ti ca vuttaṃ, na vuttaṃ vissajjananti sambandho. Assa visesarahitassa abhūtābhāvassāti imassa yathāvuttassa yathā rūpābhāvo vedanābhāvoti koci abhāvopi visesasahito, na evamayanti visesarahitassa abhūtābhāvassa.
гааланд̇араяог̇аабхаавад̇од̇и гаалависзсаяог̇аабхаавад̇о. яаад̣̇исаананд̇и яаани бхууд̇аани на вад̇д̇амаанаани сад̇и бажжаяз уббаж̇ж̇анаарахаани, д̇зсам̣ анааг̇ад̇аананд̇и ад̇т̇о. уббаад̣̇анирод̇хаабхаавзна бужчид̇аб̣б̣ассаад̇и ‘‘нуббаж̇ж̇иссад̇и на нируж̇жхиссад̇ий’’д̇и звам̣ уббаад̣̇асса нирод̇хасса жа абхаавзна бужчид̇аб̣б̣асса ад̇т̇асса. санниссаяо ниссаяабхууд̇о саннидтаанзна саннижчид̇о саннидтаанабад̣̇асан̇г̇ахид̇о. со яат̇аавуд̇д̇о ад̇т̇о ниссаяо зд̇зсанд̇и д̇анниссаяаа. д̇аад̣̇исаанам̣язва анааг̇ад̇аанам̣язва убабад̇д̇ижуд̇иуббаад̣̇анирод̇хаанам̣ убабад̇д̇ижуд̇исан̇каад̇ауббаад̣̇анирод̇хаанам̣ ануббаад̣̇аанирод̇хаанам̣ бадигкзбавасзна. ж̇ийвид̇аад̣̇ийнамби ж̇ийвид̇аманинд̣̇рияаад̣̇ийнамби. ануббаад̣̇аанирод̇хаа сам̣саяабад̣̇зна бужчид̇аа хонд̇и ‘‘яасса соманассинд̣̇рияам̣ нуббаж̇ж̇иссад̇и, д̇асса соманассинд̣̇рияам̣ на нируж̇жхиссад̇ий’’д̇и. ‘‘ааманд̇аа’’д̇и вуд̇д̇ам̣ вибхаж̇ид̇ваа вад̇д̇аб̣б̣асса абхаавад̇о. д̇знааха ‘‘на вуд̇д̇ам̣…бз… виссаж̇ж̇ана’’нд̇и.
Kālantarayogābhāvatoti kālavisesayogābhāvato. Yādisānanti yāni bhūtāni na vattamānāni sati paccaye uppajjanārahāni, tesaṃ anāgatānanti attho. Uppādanirodhābhāvena pucchitabbassāti ‘‘nuppajjissati na nirujjhissatī’’ti evaṃ uppādassa nirodhassa ca abhāvena pucchitabbassa atthassa. Sannissayo nissayabhūto sanniṭṭhānena sannicchito sanniṭṭhānapadasaṅgahito. So yathāvutto attho nissayo etesanti tannissayā. Tādisānaṃyeva anāgatānaṃyeva upapatticutiuppādanirodhānaṃ upapatticutisaṅkhātauppādanirodhānaṃ anuppādānirodhānaṃ paṭikkhepavasena. Jīvitādīnampi jīvitamanindriyādīnampi. Anuppādānirodhā saṃsayapadena pucchitā honti ‘‘yassa somanassindriyaṃ nuppajjissati, tassa somanassindriyaṃ na nirujjhissatī’’ti. ‘‘Āmantā’’ti vuttaṃ vibhajitvā vattabbassa abhāvato. Tenāha ‘‘na vuttaṃ…pe… vissajjana’’nti.
яз собзгкабадисанд̇хигаа бхависсанд̇и руубалогз, д̇з сан̇г̇ахид̇аад̇и яож̇анаа. д̇ам̣самааналагкан̣ад̇ааяаад̇и д̇зна собзгкабадисанд̇хигабхаавзна самааналагкан̣ад̇ааяа. д̇ам̣ бамаад̣̇аликид̇ам̣ д̇хаммаяамагз д̇аад̣̇исассзва важанасса абхаавад̇о. д̇ад̇т̇аби яам̣ вад̇д̇аб̣б̣ам̣, д̇ам̣ жид̇д̇аяамагз вуд̇д̇ам̣ ‘‘на хи кан̣абажжуббаннз уббаж̇ж̇ид̇т̇аад̇и ад̇ийд̇авохааро ад̇т̇ий’’д̇иаад̣̇инаа.
Ye sopekkhapaṭisandhikā bhavissanti rūpaloke, te saṅgahitāti yojanā. Taṃsamānalakkhaṇatāyāti tena sopekkhapaṭisandhikabhāvena samānalakkhaṇatāya. Taṃ pamādalikhitaṃ dhammayamake tādisasseva vacanassa abhāvato. Tatthapi yaṃ vattabbaṃ, taṃ cittayamake vuttaṃ ‘‘na hi khaṇapaccuppanne uppajjitthāti atītavohāro atthī’’tiādinā.
бавад̇д̇иваараван̣н̣анаа нидтид̇аа.
Pavattivāravaṇṇanā niṭṭhitā.
3. барин̃н̃ааваараван̣н̣анаа
3. Pariññāvāravaṇṇanā
435-482. логияааб̣яаагад̇зхийд̇и палад̇хамманиб̣б̣аанавинимуд̇д̇зхи аб̣яаагад̇зхи. д̇аани убаад̣̇ааяаад̇и д̇аани логияааб̣яаагад̇аани убаад̣̇ааяа. д̇ам̣самаанаг̇ад̇игаанам̣ манинд̣̇рияаад̣̇ийнам̣ ‘‘со взд̣̇анаагканд̇хам̣ бариж̇аанаад̇ийд̇и? ааманд̇аа’’д̇иаад̣̇инаа (яама. 1.канд̇хаяамага.206) взд̣̇анаагканд̇хаад̣̇ийнам̣ вияа барин̃н̃зяяад̇аа вуд̇д̇аа. яан̃хи бариж̇аанид̇аб̣б̣ам̣, д̇ад̣̇зва бариж̇аанаад̇ийд̇иаад̣̇инаа вуд̇д̇ам̣. звамавибарийд̇з ад̇т̇з сид̣̇д̇хзби жод̣̇аго ‘‘миссагад̇д̇аа’’д̇и зд̇т̇а лаб̣бхамаанам̣ лзсам̣ г̇ахзд̇ваа жод̣̇зд̇и ‘‘яад̣̇и барин̃н̃зяяамиссагад̇д̇аа’’д̇иаад̣̇инаа. д̇ассад̇т̇о – яат̇аа ид̇ха барин̃н̃зяяамиссагаанам̣ барин̃н̃зяяад̇аа вуд̇д̇аа, зваман̃н̃ад̇т̇ааби саа д̇зсам̣ вад̇д̇аб̣б̣аа, д̇ат̇аа бхаавзд̇аб̣б̣амиссагаанам̣ бхаавзд̇аб̣б̣ад̇аад̇и. д̇знааха ‘‘гасмаа д̇хаммаяамагз’’д̇иаад̣̇и. гусалаагусалзсу бхааванаабахаанаабхинивзсо ход̇и, язна вуд̇д̇ам̣ ‘‘со д̇ам̣ агусалам̣ баж̇ахад̇и, гусалам̣ бхаавзд̇ий’’д̇иаад̣̇и. на аб̣яаагад̇абхааванд̇и згзна яат̇аа пассад̣̇ваарад̇о вияа вин̃н̃аан̣ад̣̇ваарад̇о гусалаад̣̇ийнам̣ уббад̇д̇ибарияааяо, звам̣ взд̣̇анаагканд̇хаад̣̇ийнам̣ вияа на аб̣яаагад̇аад̣̇ийнам̣ барин̃н̃зяяад̇аабарияааяод̇и д̣̇ассзд̇и.
435-482. Lokiyaabyākatehīti phaladhammanibbānavinimuttehi abyākatehi. Tāni upādāyāti tāni lokiyaabyākatāni upādāya. Taṃsamānagatikānaṃ manindriyādīnaṃ ‘‘so vedanākkhandhaṃ parijānātīti? Āmantā’’tiādinā (yama. 1.khandhayamaka.206) vedanākkhandhādīnaṃ viya pariññeyyatā vuttā. Yañhi parijānitabbaṃ, tadeva parijānātītiādinā vuttaṃ. Evamaviparīte atthe siddhepi codako ‘‘missakattā’’ti ettha labbhamānaṃ lesaṃ gahetvā codeti ‘‘yadi pariññeyyamissakattā’’tiādinā. Tassattho – yathā idha pariññeyyamissakānaṃ pariññeyyatā vuttā, evamaññatthāpi sā tesaṃ vattabbā, tathā bhāvetabbamissakānaṃ bhāvetabbatāti. Tenāha ‘‘kasmā dhammayamake’’tiādi. Kusalākusalesu bhāvanāpahānābhiniveso hoti, yena vuttaṃ ‘‘so taṃ akusalaṃ pajahati, kusalaṃ bhāvetī’’tiādi. Na abyākatabhāvanti ekena yathā phassadvārato viya viññāṇadvārato kusalādīnaṃ uppattipariyāyo, evaṃ vedanākkhandhādīnaṃ viya na abyākatādīnaṃ pariññeyyatāpariyāyoti dasseti.
гусалаагусалабхаавзна аг̇г̇ахид̇аад̇и самуд̣̇аяасабхаавзна аг̇г̇ахид̇аад̇и ад̇т̇о. гусалаагусалаабийд̇и гусалаагусалабхаавааби самаанаа. бхаавзд̇аб̣б̣абахаад̇аб̣б̣абхаавзхи винааби ход̇и, яо на маг̇г̇асамуд̣̇аяасажжабагкияо. яат̇аа ‘‘анижжам̣ рууба’’нд̇и зд̇т̇а ‘‘анижжамзва руубам̣, на нижжа’’нд̇и бадияог̇ивинивад̇д̇анамзва зва-гаарзна гарийяад̇и, на д̇асса д̣̇угкаанад̇д̇ад̇аад̣̇аяо ниваарид̇аа хонд̇и, звам̣ ‘‘бахаад̇аб̣б̣амзваа’’д̇и зд̇т̇а зва-сад̣̇д̣̇зна бадияог̇ибхууд̇ам̣ аббахаад̇аб̣б̣амзва нивад̇д̇ийяад̇и, на д̇ад̇о ан̃н̃ависзсаад̇и д̣̇ассзнд̇о ааха ‘‘зд̇зна бахаад̇аб̣б̣амзваа’’д̇иаад̣̇и. бхаавзд̇аб̣б̣абхааво зва д̇асса ан̃н̃инд̣̇рияасса г̇ахид̇о уггам̣саг̇ад̇ивиж̇аананад̇о. ‘‘барад̇о ликид̇аб̣б̣ам̣ уббадибаадияаа ликид̇а’’нд̇и гасмаа вуд̇д̇ам̣. д̣̇вз буг̇г̇алаад̇и хи аад̣̇и ануломз ааг̇ад̇ам̣ уд̣̇д̇хадам̣, жагкунд̣̇рияам̣ на бариж̇аанаад̇ийд̇иаад̣̇и бана бадиломз. д̣̇оманассинд̣̇рияам̣ на баж̇аханд̇и наамаад̇и ид̣̇ам̣ ‘‘но жа д̣̇оманассинд̣̇рияам̣ баж̇аханд̇ий’’д̇и баал̣ибад̣̇асса ад̇т̇аважанам̣. яам̣ бана ‘‘жагкунд̣̇рияамуулагам̣ ад̇иггамид̇ваа д̣̇оманассинд̣̇рияамуулагз ид̣̇ам̣ вуд̇д̇а’’нд̇и вуд̇д̇ам̣, бадиломз ааг̇ад̇ам̣ санд̇хааяа вуд̇д̇ад̇д̇аа д̇ам̣ на яуд̇д̇ам̣, на д̇ам̣ адтагат̇аажарияаа батамам̣ ааг̇ад̇ам̣ бад̣̇ам̣ лан̇гхид̇ваа д̇аад̣̇исассзва бажчаа ааг̇ад̇абад̣̇асса ад̇т̇аван̣н̣анам̣ гаронд̇и. бад̣̇аануггамад̇о зва хи адтагат̇ааяам̣ ад̇т̇аван̣н̣анаа аарад̣̇д̇хаа, барияосаабид̇аа жа, д̇асмаа анубадибаадияаава ликид̇ам̣, на уббадибаадияаад̇и д̣̇адтаб̣б̣ам̣ ‘‘д̣̇вз буг̇г̇алаа’’д̇иаад̣̇игасса ануломз ааг̇ад̇асса уд̣̇д̇хадад̇д̇аа.
Kusalākusalabhāvena aggahitāti samudayasabhāvena aggahitāti attho. Kusalākusalāpīti kusalākusalabhāvāpi samānā. Bhāvetabbapahātabbabhāvehivināpi hoti, yo na maggasamudayasaccapakkhiyo. Yathā ‘‘aniccaṃ rūpa’’nti ettha ‘‘aniccameva rūpaṃ, na nicca’’nti paṭiyogivinivattanameva eva-kārena karīyati, na tassa dukkhānattatādayo nivāritā honti, evaṃ ‘‘pahātabbamevā’’ti ettha eva-saddena paṭiyogibhūtaṃ appahātabbameva nivattīyati, na tato aññavisesāti dassento āha ‘‘etena pahātabbamevā’’tiādi. Bhāvetabbabhāvo eva tassa aññindriyassa gahito ukkaṃsagativijānanato. ‘‘Parato likhitabbaṃ uppaṭipāṭiyā likhita’’nti kasmā vuttaṃ. Dve puggalāti hi ādi anulome āgataṃ uddhaṭaṃ, cakkhundriyaṃ na parijānātītiādi pana paṭilome. Domanassindriyaṃ na pajahanti nāmāti idaṃ ‘‘no ca domanassindriyaṃ pajahantī’’ti pāḷipadassa atthavacanaṃ. Yaṃ pana ‘‘cakkhundriyamūlakaṃ atikkamitvā domanassindriyamūlake idaṃ vutta’’nti vuttaṃ, paṭilome āgataṃ sandhāya vuttattā taṃ na yuttaṃ, na taṃ aṭṭhakathācariyā paṭhamaṃ āgataṃ padaṃ laṅghitvā tādisasseva pacchā āgatapadassa atthavaṇṇanaṃ karonti. Padānukkamato eva hi aṭṭhakathāyaṃ atthavaṇṇanā āraddhā, pariyosāpitā ca, tasmā anupaṭipāṭiyāva likhitaṃ, na uppaṭipāṭiyāti daṭṭhabbaṃ ‘‘dve puggalā’’tiādikassa anulome āgatassa uddhaṭattā.
зд̇т̇аад̇и зд̇асмим̣ барин̃н̃ааваарз. ча буг̇г̇алаад̇и бут̇уж̇ж̇анзна сад̣̇д̇хим̣ яаава анааг̇аамимаг̇г̇адтаа ча буг̇г̇алаа. абхинд̣̇ид̇ваа г̇ахид̇о д̇ад̇т̇а бхаб̣б̣аабхаб̣б̣аанам̣ гижжависзсасса аг̇г̇ахид̇ад̇д̇аа. яад̇т̇а бана сад̇и бут̇уж̇ж̇анаг̇г̇ахан̣асааман̃н̃з бхаб̣б̣аанам̣ гижжам̣ г̇ахид̇ам̣, яад̇т̇а жа абхаб̣б̣аанам̣, д̇ад̇т̇а д̇з зва бхинд̣̇ид̇ваа вуд̇д̇аа хонд̇ийд̇и д̣̇ассзнд̇о ‘‘яз жа бут̇уж̇ж̇анаа маг̇г̇ам̣ бадилабхиссанд̇и, яз жа бут̇уж̇ж̇анаа маг̇г̇ам̣ на бадилабхиссанд̇ий’’д̇и жа аад̣̇имааха. арахаад̇и арияо, аяамзва ваа баато. батамамаг̇г̇апаласаман̇г̇ийд̇и буримамаг̇г̇апаласаман̇г̇ий. ид̇арод̇и арахаа. звам̣ буг̇г̇алабхзд̣̇ам̣ н̃ад̇ваад̇и ид̇ха бут̇уж̇ж̇ано со жа абхаб̣б̣од̇и г̇ахид̇о, ид̇ха бхаб̣б̣о ид̇ха арияаа, яз жа батамамаг̇г̇апаласаман̇г̇ино яаава аг̇г̇амаг̇г̇апаласаман̇г̇инод̇и звам̣ яат̇аавуд̇д̇ам̣ буг̇г̇алавибхааг̇ам̣ н̃ад̇ваа. д̇ад̇т̇а д̇ад̇т̇аад̇и д̇зсам̣ д̣̇вз бут̇уж̇ж̇анаа адта арияаад̇и имзсам̣ яат̇аавуд̇д̇абуг̇г̇алаанам̣ бхзд̣̇ад̇о абхзд̣̇ад̇о жа г̇ахан̣авасзна ааг̇ад̇з д̇асмим̣ д̇асмим̣ баатабад̣̇зсз. саннидтаанзнаад̇и саннидтаанабад̣̇авасзна, нижчаяавасзнзва ваа. нид̣̇д̇хаарзд̇ваад̇и нийхарид̇ваа. виссаж̇ж̇анам̣ яож̇зд̇аб̣б̣анд̇и виссаж̇ж̇анавасзна бавад̇д̇абаал̣ияаа яат̇аавуд̇д̇аад̇т̇ад̣̇ассанзна самб̣анд̇хад̇о вибхаавзд̇аб̣б̣од̇и.
Etthāti etasmiṃ pariññāvāre. Cha puggalāti puthujjanena saddhiṃ yāva anāgāmimaggaṭṭhā cha puggalā. Abhinditvā gahito tattha bhabbābhabbānaṃ kiccavisesassa aggahitattā. Yattha pana sati puthujjanaggahaṇasāmaññe bhabbānaṃ kiccaṃ gahitaṃ, yattha ca abhabbānaṃ, tattha te eva bhinditvā vuttā hontīti dassento ‘‘ye ca puthujjanā maggaṃ paṭilabhissanti, ye ca puthujjanā maggaṃ na paṭilabhissantī’’ti ca ādimāha. Arahāti ariyo, ayameva vā pāṭho. Paṭhamamaggaphalasamaṅgīti purimamaggaphalasamaṅgī. Itaroti arahā. Evaṃ puggalabhedaṃ ñatvāti idha puthujjano so ca abhabboti gahito, idha bhabbo idha ariyā, ye ca paṭhamamaggaphalasamaṅgino yāva aggamaggaphalasamaṅginoti evaṃ yathāvuttaṃ puggalavibhāgaṃ ñatvā. Tattha tatthāti tesaṃ dve puthujjanā aṭṭha ariyāti imesaṃ yathāvuttapuggalānaṃ bhedato abhedato ca gahaṇavasena āgate tasmiṃ tasmiṃ pāṭhapadese. Sanniṭṭhānenāti sanniṭṭhānapadavasena, nicchayavaseneva vā. Niddhāretvāti nīharitvā. Vissajjanaṃ yojetabbanti vissajjanavasena pavattapāḷiyā yathāvuttaatthadassanena sambandhato vibhāvetabboti.
барин̃н̃ааваараван̣н̣анаа нидтид̇аа.
Pariññāvāravaṇṇanā niṭṭhitā.
инд̣̇рияаяамагаван̣н̣анаа нидтид̇аа.
Indriyayamakavaṇṇanā niṭṭhitā.
яамагабагаран̣а-анудийгаа самад̇д̇аа.
Yamakapakaraṇa-anuṭīkā samattā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / яамагабаал̣и • Yamakapāḷi / 8. жид̇д̇аяамагам̣ • 8. Cittayamakaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 10. инд̣̇рияаяамагам̣ • 10. Indriyayamakaṃ
