| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
10. исид̣̇ад̇д̇ад̇т̇зраг̇аат̇ааван̣н̣анаа
10. Isidattattheragāthāvaṇṇanā
бан̃жагканд̇хаа барин̃н̃аад̇аад̇и ааяасмад̇о исид̣̇ад̇д̇ад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ бун̃н̃ам̣ убажинанд̇о вибассисса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ бхаг̇аванд̇ам̣ рат̇ияам̣ г̇ажчанд̇ам̣ д̣̇исваа басаннамаанасо мад̇хурам̣ аамод̣̇апалам̣ ад̣̇ааси. со д̇зна бун̃н̃агаммзна д̣̇звалогз ниб̣б̣ад̇д̇ид̇ваа абараабарам̣ бун̃н̃аани гад̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з аванд̇ирадтз вад̣дхаг̇аамз ан̃н̃ад̇арасса сад̇т̇аваахасса буд̇д̇о худ̇ваа ниб̣б̣ад̇д̇и, исид̣̇ад̇д̇од̇исса наамам̣ ахоси. со ваяаббад̇д̇о мажчигаасан̣д̣з жид̇д̇асса г̇ахабад̇ино ад̣̇идтасахааяо худ̇ваа д̇зна б̣уд̣̇д̇хаг̇ун̣з ликид̇ваа бзсид̇асаасанам̣ бадилабхид̇ваа саасанз сан̃ж̇аад̇аббасаад̣̇о т̇зрасса махаагажжаанасса санд̇игз баб̣б̣аж̇ид̇ваа вибассанам̣ аарабхид̇ваа нажирассзва чал̣абхин̃н̃о ахоси. д̇зна вуд̇д̇ам̣ абад̣̇аанз (аба. т̇зра 2.51.80-84) –
Pañcakkhandhāpariññātāti āyasmato isidattattherassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayaṃ puññaṃ upacinanto vipassissa bhagavato kāle kulagehe nibbattitvā viññutaṃ patto ekadivasaṃ bhagavantaṃ rathiyaṃ gacchantaṃ disvā pasannamānaso madhuraṃ āmodaphalaṃ adāsi. So tena puññakammena devaloke nibbattitvā aparāparaṃ puññāni katvā devamanussesu saṃsaranto imasmiṃ buddhuppāde avantiraṭṭhe vaḍḍhagāme aññatarassa satthavāhassa putto hutvā nibbatti, isidattotissa nāmaṃ ahosi. So vayappatto macchikāsaṇḍe cittassa gahapatino adiṭṭhasahāyo hutvā tena buddhaguṇe likhitvā pesitasāsanaṃ paṭilabhitvā sāsane sañjātappasādo therassa mahākaccānassa santike pabbajitvā vipassanaṃ ārabhitvā nacirasseva chaḷabhiñño ahosi. Tena vuttaṃ apadāne (apa. thera 2.51.80-84) –
‘‘суван̣н̣аван̣н̣ам̣ самб̣уд̣̇д̇хам̣, аахуд̇ийнам̣ бадиг̇г̇ахам̣;
‘‘Suvaṇṇavaṇṇaṃ sambuddhaṃ, āhutīnaṃ paṭiggahaṃ;
рат̇ияам̣ бадибаж̇ж̇анд̇ам̣, аамод̣̇амад̣̇ад̣̇им̣ палам̣.
Rathiyaṃ paṭipajjantaṃ, āmodamadadiṃ phalaṃ.
‘‘зганавуд̇ид̇о габбз, яам̣ палам̣ ад̣̇ад̣̇им̣ д̇ад̣̇аа;
‘‘Ekanavutito kappe, yaṃ phalaṃ adadiṃ tadā;
д̣̇уг̇г̇ад̇им̣ наабхиж̇аанаами, палад̣̇аанассид̣̇ам̣ палам̣.
Duggatiṃ nābhijānāmi, phaladānassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
чал̣абхин̃н̃о бана худ̇ваа ‘‘б̣уд̣̇д̇хубадтаанам̣ г̇амиссаамий’’д̇и т̇зрам̣ аабужчид̇ваа ануггамзна маж̇жхимад̣̇зсам̣ г̇анд̇ваа сад̇т̇аарам̣ убасан̇гамид̇ваа ванд̣̇ид̇ваа згаманд̇ам̣ нисинно , ‘‘гажжи, бхигку, каманийяам̣, гажжи яаабанийяа’’нд̇иаад̣̇инаа сад̇т̇аараа гад̇абадисант̇ааро бадиважанамукзна, ‘‘бхаг̇аваа д̇умхаагам̣ саасанам̣ убаг̇ад̇агаалад̇о бадтааяа маяхам̣ саб̣б̣ад̣̇угкам̣ абаг̇ад̇ам̣, саб̣б̣о бариссаяо вуубасанд̇о’’д̇и бавзд̣̇анавасзна ан̃н̃ам̣ б̣яаагаронд̇о –
Chaḷabhiñño pana hutvā ‘‘buddhupaṭṭhānaṃ gamissāmī’’ti theraṃ āpucchitvā anukkamena majjhimadesaṃ gantvā satthāraṃ upasaṅkamitvā vanditvā ekamantaṃ nisinno , ‘‘kacci, bhikkhu, khamanīyaṃ, kacci yāpanīya’’ntiādinā satthārā katapaṭisanthāro paṭivacanamukhena, ‘‘bhagavā tumhākaṃ sāsanaṃ upagatakālato paṭṭhāya mayhaṃ sabbadukkhaṃ apagataṃ, sabbo parissayo vūpasanto’’ti pavedanavasena aññaṃ byākaronto –
120.
120.
‘‘бан̃жагканд̇хаа барин̃н̃аад̇аа, д̇идтанд̇и чиннамуулагаа;
‘‘Pañcakkhandhā pariññātā, tiṭṭhanti chinnamūlakā;
д̣̇угкагкаяо ануббад̇д̇о, бад̇д̇о мз аасавагкаяо’’д̇и. – г̇аат̇ам̣ абхааси;
Dukkhakkhayo anuppatto, patto me āsavakkhayo’’ti. – gāthaṃ abhāsi;
д̇ад̇т̇а бан̃жагканд̇хаа барин̃н̃аад̇аад̇и бан̃жаби мз убаад̣̇аанагканд̇хаа вибассанаабан̃н̃аасахид̇ааяа маг̇г̇абан̃н̃ааяа ‘‘ид̣̇ам̣ д̣̇угкам̣, зд̇д̇агам̣ д̣̇угкам̣, на ид̇о бхияяо’’д̇и саб̣б̣асо барижчиж̇ж̇а н̃аад̇аа, на д̇зсу гин̃жиби барин̃н̃аад̇аб̣б̣ам̣ ад̇т̇ийд̇и ад̇хиббааяо. д̇идтанд̇и чиннамуулагаад̇и саб̣б̣асо барин̃н̃аад̇ад̇д̇аа зва д̇зсам̣ авиж̇ж̇аад̇ан̣хаад̣̇игасса мууласса самужчиннад̇д̇аа арияамаг̇г̇зна бахийнад̇д̇аа яааважаримажид̇д̇анирод̇хаа д̇з д̇идтанд̇и. д̣̇угкагкаяо ануббад̇д̇од̇и чиннамуулагад̇д̇ааязва жа нзсам̣ ваддад̣̇угкасса каяо баригкаяо ануббад̇д̇о, ниб̣б̣аанам̣ ад̇хиг̇ад̇ам̣. бад̇д̇о мз аасавагкаяод̇и гаамаасаваад̣̇ийнам̣ саб̣б̣зсам̣ аасаваанам̣ каяанд̇з абхиг̇анд̇аб̣б̣ад̇ааяа ‘‘аасавагкаяо’’д̇и лад̣̇д̇ханаамам̣ арахад̇д̇ам̣ бад̇д̇ам̣ бадилад̣̇д̇ханд̇и ад̇т̇о. гзжи бана анд̇имааяам̣ самуссаяо’’д̇и батанд̇и. ниб̣б̣аанасса ад̇хиг̇ад̇ад̇д̇ааязва аяам̣ мама самуссаяо ад̇д̇абхааво анд̇имо саб̣б̣абажчимаго, над̇т̇и д̣̇аани бунаб̣бхавод̇и ад̇т̇о. яам̣ бана д̇ад̇т̇а д̇ад̇т̇а авуд̇д̇ам̣, д̇ам̣ хздтаа вуд̇д̇анаяад̇д̇аа уд̇д̇аанам̣язваад̇и.
Tattha pañcakkhandhā pariññātāti pañcapi me upādānakkhandhā vipassanāpaññāsahitāya maggapaññāya ‘‘idaṃ dukkhaṃ, ettakaṃ dukkhaṃ, na ito bhiyyo’’ti sabbaso paricchijja ñātā, na tesu kiñcipi pariññātabbaṃ atthīti adhippāyo. Tiṭṭhanti chinnamūlakāti sabbaso pariññātattā eva tesaṃ avijjātaṇhādikassa mūlassa samucchinnattā ariyamaggena pahīnattā yāvacarimacittanirodhā te tiṭṭhanti. Dukkhakkhayo anuppattoti chinnamūlakattāyeva ca nesaṃ vaṭṭadukkhassa khayo parikkhayo anuppatto, nibbānaṃ adhigataṃ. Patto me āsavakkhayoti kāmāsavādīnaṃ sabbesaṃ āsavānaṃ khayante abhigantabbatāya ‘‘āsavakkhayo’’ti laddhanāmaṃ arahattaṃ pattaṃ paṭiladdhanti attho. Keci pana antimāyaṃ samussayo’’ti paṭhanti. Nibbānassa adhigatattāyeva ayaṃ mama samussayo attabhāvo antimo sabbapacchimako, natthi dāni punabbhavoti attho. Yaṃ pana tattha tattha avuttaṃ, taṃ heṭṭhā vuttanayattā uttānaṃyevāti.
исид̣̇ад̇д̇ад̇т̇зраг̇аат̇ааван̣н̣анаа нидтид̇аа.
Isidattattheragāthāvaṇṇanā niṭṭhitā.
д̣̇ваад̣̇асамаваг̇г̇аван̣н̣анаа нидтид̇аа.
Dvādasamavaggavaṇṇanā niṭṭhitā.
нидтид̇аа жа барамад̇т̇ад̣̇ийбанияам̣ т̇зраг̇аат̇ааван̣н̣анааяам̣
Niṭṭhitā ca paramatthadīpaniyaṃ theragāthāvaṇṇanāyaṃ
вийсаад̇хигасад̇ад̇т̇зраг̇аат̇аабадиман̣д̣ид̇асса згаганибаад̇асса
Vīsādhikasatattheragāthāpaṭimaṇḍitassa ekakanipātassa
ад̇т̇аван̣н̣анаа.
Atthavaṇṇanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 10. исид̣̇ад̇д̇ад̇т̇зраг̇аат̇аа • 10. Isidattattheragāthā
