| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
4. исид̣̇иннад̇т̇зраг̇аат̇ааван̣н̣анаа
4. Isidinnattheragāthāvaṇṇanā
д̣̇идтаа маяаад̇и ааяасмад̇о исид̣̇иннад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани гаронд̇о вибассисса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о б̣ийж̇аним̣ г̇ахзд̇ваа б̣од̇хияаа бууж̇ам̣ агааси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з сунаабаранд̇аж̇анабад̣̇з сздтигулз ниб̣б̣ад̇д̇ид̇ваа исид̣̇иннод̇и лад̣̇д̇ханаамо ваяаббад̇д̇о сад̇т̇у жанд̣̇анамаал̣абадиг̇г̇ахан̣з баадихаарияам̣ д̣̇исваа басаннамаанасо сад̇т̇аарам̣ убасан̇гамид̇ваа д̇хаммам̣ суд̇ваа сод̇аабанно худ̇ваа аг̇аарам̣ аж̇жхаавасад̇и. д̇асса хид̇аанугамбиний д̣̇звад̇аа д̇ам̣ жод̣̇знд̇ий –
Diṭṭhāmayāti āyasmato isidinnattherassa gāthā. Kā uppatti? Ayampi purimabuddhesu katādhikāro tattha tattha bhave puññāni karonto vipassissa bhagavato kāle kulagehe nibbattitvā viññutaṃ patto bījaniṃ gahetvā bodhiyā pūjaṃ akāsi. So tena puññakammena devamanussesu saṃsaranto imasmiṃ buddhuppāde sunāparantajanapade seṭṭhikule nibbattitvā isidinnoti laddhanāmo vayappatto satthu candanamāḷapaṭiggahaṇe pāṭihāriyaṃ disvā pasannamānaso satthāraṃ upasaṅkamitvā dhammaṃ sutvā sotāpanno hutvā agāraṃ ajjhāvasati. Tassa hitānukampinī devatā taṃ codentī –
187.
187.
‘‘д̣̇идтаа маяаа д̇хаммад̇хараа убаасагаа, гаамаа анижжаа ид̇и бхаасамаанаа;
‘‘Diṭṭhā mayā dhammadharā upāsakā, kāmā aniccā iti bhāsamānā;
саарад̇д̇арад̇д̇аа ман̣игун̣д̣алзсу, буд̇д̇зсу д̣̇аарзсу жа д̇з абзгкаа.
Sārattarattā maṇikuṇḍalesu, puttesu dāresu ca te apekkhā.
188.
188.
‘‘ад̣̇д̇хаа на ж̇аананд̇и яад̇од̇ха д̇хаммам̣, гаамаа анижжаа ид̇и жааби ааху;
‘‘Addhā na jānanti yatodha dhammaṃ, kāmā aniccā iti cāpi āhu;
рааг̇ан̃жа д̇зсам̣ на б̣алад̇т̇и чзд̇д̇ум̣, д̇асмаа сид̇аа буд̇д̇ад̣̇аарам̣ д̇ханан̃жаа’’д̇и. –
Rāgañca tesaṃ na balatthi chettuṃ, tasmā sitā puttadāraṃ dhanañcā’’ti. –
г̇аат̇аад̣̇ваяамабхааси.
Gāthādvayamabhāsi.
д̇ад̇т̇а д̣̇идтаа маяаа д̇хаммад̇хараа убаасагаа, гаамаа анижжаа ид̇и бхаасамаанаад̇и ид̇хзгажжз барияад̇д̇ид̇хаммад̇хараа убаасагаа маяаа д̣̇идтаа, барияад̇д̇ид̇хаммад̇харад̇д̇аа зва ‘‘гаамаа наамзд̇з анижжаа д̣̇угкаа вибарин̣аамад̇хаммаа’’д̇и гаамзсу аад̣̇ийнавабадисам̣яуд̇д̇ам̣ д̇хаммам̣ бхаасамаанаа, саяам̣ бана саарад̇д̇арад̇д̇аа ман̣игун̣д̣алзсу, буд̇д̇зсу д̣̇аарзсу жа д̇з абзгкаад̇и саарад̇д̇аа худ̇ваа б̣ахаларааг̇арад̇д̇аа ман̣ийсу гун̣д̣алзсу жа, ман̣ижид̇зсу ваа гун̣д̣алзсу, буд̇д̇зсу буд̇д̇ад̇хийд̇аасу д̣̇аарзсу жа ад̇хиг̇ад̇аснзхаа, ан̃н̃ам̣ бхан̣анд̇аа ан̃н̃ам̣ гаронд̇аа д̣̇идтаа маяаад̇и ад̇т̇о.
Tattha diṭṭhā mayā dhammadharā upāsakā, kāmā aniccā iti bhāsamānāti idhekacce pariyattidhammadharā upāsakā mayā diṭṭhā, pariyattidhammadharattā eva ‘‘kāmā nāmete aniccā dukkhā vipariṇāmadhammā’’ti kāmesu ādīnavapaṭisaṃyuttaṃ dhammaṃ bhāsamānā, sayaṃ pana sārattarattā maṇikuṇḍalesu, puttesu dāresu ca te apekkhāti sārattā hutvā bahalarāgarattā maṇīsu kuṇḍalesu ca, maṇicitesu vā kuṇḍalesu, puttesu puttadhītāsu dāresu ca adhigatasnehā, aññaṃ bhaṇantā aññaṃ karontā diṭṭhā mayāti attho.
яад̇од̇и яасмаа д̇з убаасагаа саарад̇д̇арад̇д̇аа ман̣игун̣д̣алзсу буд̇д̇зсу д̣̇аарзсу жа абзгкаванд̇о, д̇асмаа ид̇ха имасмим̣ б̣уд̣̇д̇хасаасанз д̇хаммам̣ яаат̇аавад̇о ад̣̇д̇хаа згам̣сзна на ж̇аананд̇и. звам̣ бхууд̇аа жа ‘‘гаамаа анижжаа’’ид̇и жааби ааху ахоси, сад̇д̇абагад̇и вижид̇д̇асабхааваад̇и ад̇хиббааяо. рааг̇ан̃жа д̇зсам̣ на б̣алад̇т̇и чзд̇д̇унд̇и д̇зсам̣ убаасагаанам̣ яасмаа рааг̇ам̣ чзд̇д̇ум̣ самужчинд̣̇ид̇ум̣ д̇аад̣̇исам̣ н̃аан̣аб̣алам̣ над̇т̇и, д̇асмаа д̇зна гааран̣зна сид̇аа д̇ан̣хаавасзна ниссид̇аа буд̇д̇ад̣̇аарам̣ д̇ханан̃жа аллийнаа на виссаж̇ж̇знд̇ийд̇и саб̣б̣амзд̇ам̣ д̣̇звад̇аа д̇ам̣язва убаасагам̣ уд̣̇д̣̇исса ан̃н̃аабад̣̇зсзна гат̇зси. д̇ам̣ суд̇ваа убаасаго сам̣взг̇аж̇аад̇о баб̣б̣аж̇ид̇ваа нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.48.46-50) –
Yatoti yasmā te upāsakā sārattarattā maṇikuṇḍalesu puttesu dāresu ca apekkhavanto, tasmā idha imasmiṃ buddhasāsane dhammaṃ yāthāvato addhā ekaṃsena na jānanti. Evaṃ bhūtā ca ‘‘kāmā aniccā’’iti cāpi āhu ahosi, sattapakati vicittasabhāvāti adhippāyo. Rāgañca tesaṃ na balatthi chettunti tesaṃ upāsakānaṃ yasmā rāgaṃ chettuṃ samucchindituṃ tādisaṃ ñāṇabalaṃ natthi, tasmā tena kāraṇena sitā taṇhāvasena nissitā puttadāraṃ dhanañca allīnā na vissajjentīti sabbametaṃ devatā taṃyeva upāsakaṃ uddissa aññāpadesena kathesi. Taṃ sutvā upāsako saṃvegajāto pabbajitvā nacirasseva arahattaṃ pāpuṇi. Tena vuttaṃ apadāne (apa. thera 2.48.46-50) –
‘‘вибассино бхаг̇авад̇о, б̣од̇хияаа баад̣̇абуд̇д̇амз;
‘‘Vipassino bhagavato, bodhiyā pādaputtame;
сумано б̣ийж̇аним̣ г̇аяха, аб̣ийж̇им̣ б̣од̇химуд̇д̇амам̣.
Sumano bījaniṃ gayha, abījiṃ bodhimuttamaṃ.
‘‘зганавуд̇ид̇о габбз, аб̣ийж̇им̣ б̣од̇химуд̇д̇амам̣;
‘‘Ekanavutito kappe, abījiṃ bodhimuttamaṃ;
д̣̇уг̇г̇ад̇им̣ наабхиж̇аанаами, б̣ийж̇анааяа ид̣̇ам̣ палам̣.
Duggatiṃ nābhijānāmi, bījanāya idaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ан̃н̃ам̣ б̣яаагаронд̇о имаа зва г̇аат̇аа абхаасийд̇и.
Arahattaṃ pana patvā aññaṃ byākaronto imā eva gāthā abhāsīti.
исид̣̇иннад̇т̇зраг̇аат̇ааван̣н̣анаа нидтид̇аа.
Isidinnattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 4. исид̣̇иннад̇т̇зраг̇аат̇аа • 4. Isidinnattheragāthā
