Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya

6. исиг̇илисуд̇д̇ам̣

6. Isigilisuttaṃ

133. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и исиг̇илисмим̣ баб̣б̣ад̇з. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –

133. Evaṃ me sutaṃ – ekaṃ samayaṃ bhagavā rājagahe viharati isigilismiṃ pabbate. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –

‘‘бассат̇а но д̇умхз, бхигкавз, зд̇ам̣ взбхаарам̣ баб̣б̣ад̇а’’нд̇и? ‘‘звам̣, бханд̇з’’. ‘‘зд̇ассаби ко, бхигкавз, взбхаарасса баб̣б̣ад̇асса ан̃н̃аава саман̃н̃аа ахоси ан̃н̃аа бан̃н̃ад̇д̇и’’.

‘‘Passatha no tumhe, bhikkhave, etaṃ vebhāraṃ pabbata’’nti? ‘‘Evaṃ, bhante’’. ‘‘Etassapi kho, bhikkhave, vebhārassa pabbatassa aññāva samaññā ahosi aññā paññatti’’.

‘‘бассат̇а но д̇умхз, бхигкавз, зд̇ам̣ бан̣д̣авам̣ баб̣б̣ад̇а’’нд̇и? ‘‘звам̣, бханд̇з’’. ‘‘зд̇ассаби ко, бхигкавз, бан̣д̣авасса баб̣б̣ад̇асса ан̃н̃аава саман̃н̃аа ахоси ан̃н̃аа бан̃н̃ад̇д̇и’’.

‘‘Passatha no tumhe, bhikkhave, etaṃ paṇḍavaṃ pabbata’’nti? ‘‘Evaṃ, bhante’’. ‘‘Etassapi kho, bhikkhave, paṇḍavassa pabbatassa aññāva samaññā ahosi aññā paññatti’’.

‘‘бассат̇а но д̇умхз, бхигкавз, зд̇ам̣ взбуллам̣ баб̣б̣ад̇а’’нд̇и? ‘‘звам̣, бханд̇з’’. ‘‘зд̇ассаби ко, бхигкавз, взбулласса баб̣б̣ад̇асса ан̃н̃аава саман̃н̃аа ахоси ан̃н̃аа бан̃н̃ад̇д̇и’’.

‘‘Passatha no tumhe, bhikkhave, etaṃ vepullaṃ pabbata’’nti? ‘‘Evaṃ, bhante’’. ‘‘Etassapi kho, bhikkhave, vepullassa pabbatassa aññāva samaññā ahosi aññā paññatti’’.

‘‘бассат̇а но д̇умхз, бхигкавз, зд̇ам̣ г̇иж̇жхагуудам̣ баб̣б̣ад̇а’’нд̇и? ‘‘звам̣, бханд̇з’’. ‘‘зд̇ассаби ко, бхигкавз, г̇иж̇жхагуудасса баб̣б̣ад̇асса ан̃н̃аава саман̃н̃аа ахоси ан̃н̃аа бан̃н̃ад̇д̇и’’.

‘‘Passatha no tumhe, bhikkhave, etaṃ gijjhakūṭaṃ pabbata’’nti? ‘‘Evaṃ, bhante’’. ‘‘Etassapi kho, bhikkhave, gijjhakūṭassa pabbatassa aññāva samaññā ahosi aññā paññatti’’.

‘‘бассат̇а но д̇умхз, бхигкавз, имам̣ исиг̇илим̣ баб̣б̣ад̇а’’нд̇и? ‘‘звам̣, бханд̇з’’. ‘‘имасса ко бана, бхигкавз, исиг̇илисса баб̣б̣ад̇асса зсаава саман̃н̃аа ахоси зсаа бан̃н̃ад̇д̇и’’.

‘‘Passatha no tumhe, bhikkhave, imaṃ isigiliṃ pabbata’’nti? ‘‘Evaṃ, bhante’’. ‘‘Imassa kho pana, bhikkhave, isigilissa pabbatassa esāva samaññā ahosi esā paññatti’’.

‘‘бхууд̇абуб̣б̣ам̣, бхигкавз, бан̃жа бажжзгаб̣уд̣̇д̇хасад̇аани имасмим̣ исиг̇илисмим̣ баб̣б̣ад̇з жираниваасино ахзсум̣. д̇з имам̣ баб̣б̣ад̇ам̣ бависанд̇аа д̣̇иссанд̇и , бавидтаа на д̣̇иссанд̇и. д̇амзнам̣ мануссаа д̣̇исваа звамаахам̣су – ‘аяам̣ баб̣б̣ад̇о имз исий ¹ г̇илад̇ий’д̇и; ‘исиг̇или исиг̇или’ д̇взва саман̃н̃аа уд̣̇абаад̣̇и. аажигкиссаами ², бхигкавз, бажжзгаб̣уд̣̇д̇хаанам̣ наамаани; гид̇д̇аяиссаами, бхигкавз, бажжзгаб̣уд̣̇д̇хаанам̣ наамаани; д̣̇зсзссаами, бхигкавз , бажжзгаб̣уд̣̇д̇хаанам̣ наамаани . д̇ам̣ сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –

‘‘Bhūtapubbaṃ, bhikkhave, pañca paccekabuddhasatāni imasmiṃ isigilismiṃ pabbate ciranivāsino ahesuṃ. Te imaṃ pabbataṃ pavisantā dissanti , paviṭṭhā na dissanti. Tamenaṃ manussā disvā evamāhaṃsu – ‘ayaṃ pabbato ime isī ³ gilatī’ti; ‘isigili isigili’ tveva samaññā udapādi. Ācikkhissāmi ⁴, bhikkhave, paccekabuddhānaṃ nāmāni; kittayissāmi, bhikkhave, paccekabuddhānaṃ nāmāni; desessāmi, bhikkhave , paccekabuddhānaṃ nāmāni . Taṃ suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –

134. ‘‘аридто наама, бхигкавз, бажжзгасамб̣уд̣̇д̇хо ⁵ имасмим̣ исиг̇илисмим̣ баб̣б̣ад̇з жираниваасий ахоси; убаридто наама, бхигкавз, бажжзгасамб̣уд̣̇д̇хо имасмим̣ исиг̇илисмим̣ баб̣б̣ад̇з жираниваасий ахоси; д̇аг̇арасикий ⁶ наама, бхигкавз, бажжзгасамб̣уд̣̇д̇хо имасмим̣ исиг̇илисмим̣ баб̣б̣ад̇з жираниваасий ахоси; яасассий наама, бхигкавз, бажжзгасамб̣уд̣̇д̇хо имасмим̣ исиг̇илисмим̣ баб̣б̣ад̇з жираниваасий ахоси; суд̣̇ассано наама, бхигкавз, бажжзгасамб̣уд̣̇д̇хо имасмим̣ исиг̇илисмим̣ баб̣б̣ад̇з жираниваасий ахоси; бияад̣̇ассий наама, бхигкавз, бажжзгасамб̣уд̣̇д̇хо имасмим̣ исиг̇илисмим̣ баб̣б̣ад̇з жираниваасий ахоси; г̇анд̇хааро наама, бхигкавз, бажжзгасамб̣уд̣̇д̇хо имасмим̣ исиг̇илисмим̣ баб̣б̣ад̇з жираниваасий ахоси; бин̣д̣оло наама, бхигкавз, бажжзгасамб̣уд̣̇д̇хо имасмим̣ исиг̇илисмим̣ баб̣б̣ад̇з жираниваасий ахоси; убаасабхо наама, бхигкавз, бажжзгасамб̣уд̣̇д̇хо имасмим̣ исиг̇илисмим̣ баб̣б̣ад̇з жираниваасий ахоси; нийд̇о наама, бхигкавз, бажжзгасамб̣уд̣̇д̇хо имасмим̣ исиг̇илисмим̣ баб̣б̣ад̇з жираниваасий ахоси; д̇ат̇о наама, бхигкавз, бажжзгасамб̣уд̣̇д̇хо имасмим̣ исиг̇илисмим̣ баб̣б̣ад̇з жираниваасий ахоси, суд̇аваа наама, бхигкавз, бажжзгасамб̣уд̣̇д̇хо имасмим̣ исиг̇илисмим̣ баб̣б̣ад̇з жираниваасий ахоси; бхаавид̇ад̇д̇о наама, бхигкавз, бажжзгасамб̣уд̣̇д̇хо имасмим̣ исиг̇илисмим̣ баб̣б̣ад̇з жираниваасий ахоси.

134. ‘‘Ariṭṭho nāma, bhikkhave, paccekasambuddho ⁷ imasmiṃ isigilismiṃ pabbate ciranivāsī ahosi; upariṭṭho nāma, bhikkhave, paccekasambuddho imasmiṃ isigilismiṃ pabbate ciranivāsī ahosi; tagarasikhī ⁸ nāma, bhikkhave, paccekasambuddho imasmiṃ isigilismiṃ pabbate ciranivāsī ahosi; yasassī nāma, bhikkhave, paccekasambuddho imasmiṃ isigilismiṃ pabbate ciranivāsī ahosi; sudassano nāma, bhikkhave, paccekasambuddho imasmiṃ isigilismiṃ pabbate ciranivāsī ahosi; piyadassī nāma, bhikkhave, paccekasambuddho imasmiṃ isigilismiṃ pabbate ciranivāsī ahosi; gandhāro nāma, bhikkhave, paccekasambuddho imasmiṃ isigilismiṃ pabbate ciranivāsī ahosi; piṇḍolo nāma, bhikkhave, paccekasambuddho imasmiṃ isigilismiṃ pabbate ciranivāsī ahosi; upāsabho nāma, bhikkhave, paccekasambuddho imasmiṃ isigilismiṃ pabbate ciranivāsī ahosi; nīto nāma, bhikkhave, paccekasambuddho imasmiṃ isigilismiṃ pabbate ciranivāsī ahosi; tatho nāma, bhikkhave, paccekasambuddho imasmiṃ isigilismiṃ pabbate ciranivāsī ahosi, sutavā nāma, bhikkhave, paccekasambuddho imasmiṃ isigilismiṃ pabbate ciranivāsī ahosi; bhāvitatto nāma, bhikkhave, paccekasambuddho imasmiṃ isigilismiṃ pabbate ciranivāsī ahosi.

135.

‘‘яз сад̇д̇асаараа анийгхаа нираасаа,

‘‘Ye sattasārā anīghā nirāsā,

бажжзгамзваж̇жхаг̇амам̣су б̣од̇хим̣ ⁹;

Paccekamevajjhagamaṃsu bodhiṃ ¹⁰;

д̇зсам̣ висаллаана наруд̇д̇амаанам̣,

Tesaṃ visallāna naruttamānaṃ,

наамаани мз гид̇д̇аяад̇о сун̣аат̇а.

Nāmāni me kittayato suṇātha.

‘‘аридто убаридто д̇аг̇арасикий яасассий,

‘‘Ariṭṭho upariṭṭho tagarasikhī yasassī,

суд̣̇ассано бияад̣̇ассий жа сусамб̣уд̣̇д̇хо ¹¹;

Sudassano piyadassī ca susambuddho ¹²;

г̇анд̇хааро бин̣д̣оло убаасабхо жа,

Gandhāro piṇḍolo upāsabho ca,

нийд̇о д̇ат̇о суд̇аваа бхаавид̇ад̇д̇о.

Nīto tatho sutavā bhāvitatto.

‘‘сумбхо субхо мад̇уло ¹³ адтамо жа,

‘‘Sumbho subho matulo ¹⁴ aṭṭhamo ca,

ат̇ассумзгхо ¹⁵ анийгхо суд̣̇аато;

Athassumegho ¹⁶ anīgho sudāṭho;

бажжзгаб̣уд̣̇д̇хаа бхаванзд̇д̇икийн̣аа,

Paccekabuddhā bhavanettikhīṇā,

хин̇г̇уу жа хин̇г̇о жа махаанубхааваа.

Hiṅgū ca hiṅgo ca mahānubhāvā.

‘‘д̣̇вз ж̇аалино мунино адтаго жа,

‘‘Dve jālino munino aṭṭhako ca,

ат̇а госалло б̣уд̣̇д̇хо ат̇о суб̣ааху;

Atha kosallo buddho atho subāhu;

убанзмисо нзмисо санд̇ажид̇д̇о,

Upanemiso nemiso santacitto,

сажжо д̇ат̇о вираж̇о бан̣д̣ид̇о жа.

Sacco tatho virajo paṇḍito ca.

‘‘гаал̣уубагаал̣аа виж̇ид̇о ж̇ид̇о жа,

‘‘Kāḷūpakāḷā vijito jito ca,

ан̇г̇о жа бан̇г̇о жа г̇уд̇д̇иж̇ид̇о жа;

Aṅgo ca paṅgo ca guttijito ca;

басси ж̇ахи убад̇хид̣̇угкамуулам̣ ¹⁷,

Passi jahi upadhidukkhamūlaṃ ¹⁸,

абарааж̇ид̇о маараб̣алам̣ аж̇зси.

Aparājito mārabalaṃ ajesi.

‘‘сад̇т̇аа бавад̇д̇аа сарабхан̇г̇о ломахам̣со,

‘‘Satthā pavattā sarabhaṅgo lomahaṃso,

ужжан̇г̇амааяо асид̇о анаасаво;

Uccaṅgamāyo asito anāsavo;

маномаяо маанажчид̣̇о жа б̣анд̇хумаа,

Manomayo mānacchido ca bandhumā,

д̇ад̣̇аад̇химуд̇д̇о вимало жа гзд̇умаа.

Tadādhimutto vimalo ca ketumā.

‘‘гзд̇умбхарааг̇о жа маад̇ан̇г̇о арияо,

‘‘Ketumbharāgo ca mātaṅgo ariyo,

ат̇ажжуд̇о ажжуд̇аг̇аамаб̣яаамаго;

Athaccuto accutagāmabyāmako;

суман̇г̇ало д̣̇аб̣б̣ило субад̇идтид̇о,

Sumaṅgalo dabbilo supatiṭṭhito,

асаяхо кзмаабхирад̇о жа сорад̇о.

Asayho khemābhirato ca sorato.

‘‘д̣̇ураннаяо сан̇гхо ат̇оби уж̇ж̇аяо,

‘‘Durannayo saṅgho athopi ujjayo,

абаро муни саяхо аноманиггамо;

Aparo muni sayho anomanikkamo;

аананд̣̇о нанд̣̇о убананд̣̇о д̣̇ваад̣̇аса,

Ānando nando upanando dvādasa,

бхаарад̣̇вааж̇о анд̇имад̣̇зхад̇хаарий ¹⁹.

Bhāradvājo antimadehadhārī ²⁰.

‘‘б̣од̇хи махаанаамо ат̇оби уд̇д̇аро,

‘‘Bodhi mahānāmo athopi uttaro,

гзсий сикий сунд̣̇аро д̣̇ваарабхааж̇о;

Kesī sikhī sundaro dvārabhājo;

д̇иссуубад̇иссаа бхаваб̣анд̇ханажчид̣̇аа,

Tissūpatissā bhavabandhanacchidā,

убасики д̇ан̣хажчид̣̇о жа сикари ²¹.

Upasikhi taṇhacchido ca sikhari ²².

‘‘б̣уд̣̇д̇хо аху ман̇г̇ало вийд̇арааг̇о,

‘‘Buddho ahu maṅgalo vītarāgo,

усабхажчид̣̇аа ж̇аалиним̣ д̣̇угкамуулам̣;

Usabhacchidā jāliniṃ dukkhamūlaṃ;

санд̇ам̣ бад̣̇ам̣ аж̇жхаг̇амобанийд̇о,

Santaṃ padaṃ ajjhagamopanīto,

убосат̇о сунд̣̇аро сажжанаамо.

Uposatho sundaro saccanāmo.

‘‘ж̇зд̇о ж̇аяанд̇о бад̣̇умо уббало жа,

‘‘Jeto jayanto padumo uppalo ca,

бад̣̇умуд̇д̇аро рагкид̇о баб̣б̣ад̇о жа;

Padumuttaro rakkhito pabbato ca;

маанад̇т̇ад̣̇д̇хо собхид̇о вийд̇арааг̇о,

Mānatthaddho sobhito vītarāgo,

ган̣хо жа б̣уд̣̇д̇хо сувимуд̇д̇ажид̇д̇о.

Kaṇho ca buddho suvimuttacitto.

‘‘зд̇з жа ан̃н̃з жа махаанубхааваа,

‘‘Ete ca aññe ca mahānubhāvā,

бажжзгаб̣уд̣̇д̇хаа бхаванзд̇д̇икийн̣аа;

Paccekabuddhā bhavanettikhīṇā;

д̇з саб̣б̣асан̇г̇аад̇иг̇ад̇з махзсий,

Te sabbasaṅgātigate mahesī,

бариниб̣б̣уд̇з ванд̣̇ат̇а аббамзяяз’’д̇и.

Parinibbute vandatha appameyye’’ti.

исиг̇илисуд̇д̇ам̣ нидтид̇ам̣ чадтам̣.

Isigilisuttaṃ niṭṭhitaṃ chaṭṭhaṃ.

Next: 7. махаажад̇д̇аарийсагасуд̇д̇ам̣ • 7. Mahācattārīsakasuttaṃ

Footnotes:

1. исаяо (га.)

2. ажигкиссаами во (га.)

3. isayo (ka.)

4. acikkhissāmi vo (ka.)

5. бажжзгаб̣уд̣̇д̇хо (га. сий. бий.)

6. д̇аг̇г̇арасикий (га.)

7. paccekabuddho (ka. sī. pī.)

8. taggarasikhī (ka.)

9. бажжзгамзваж̇жхаг̇амум̣ суб̣од̇хим̣ (сий. сяаа. гам̣. бий.)

10. paccekamevajjhagamuṃ subodhiṃ (sī. syā. kaṃ. pī.)

11. б̣уд̣̇д̇хо (сий. сяаа. гам̣. бий.)

12. buddho (sī. syā. kaṃ. pī.)

13. мзт̇уло (сий. сяаа. гам̣. бий.)

14. methulo (sī. syā. kaṃ. pī.)

15. адтасумзд̇хо (га.)

16. aṭṭhasumedho (ka.)

17. бассий ж̇ахий убад̇хим̣ д̣̇угкамуулам̣ (сий. сяаа. гам̣. бий.)

18. passī jahī upadhiṃ dukkhamūlaṃ (sī. syā. kaṃ. pī.)

19. анд̇имад̣̇зхад̇хаари (сий.)

20. antimadehadhāri (sī.)

21. убасийд̣̇арий д̇ан̣хажчид̣̇о жа сийд̣̇арий (сий. сяаа. гам̣. бий.)

22. upasīdarī taṇhacchido ca sīdarī (sī. syā. kaṃ. pī.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 6. исиг̇илисуд̇д̇аван̣н̣анаа • 6. Isigilisuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 6. исиг̇илисуд̇д̇аван̣н̣анаа • 6. Isigilisuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact