| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
6. исиг̇илисуд̇д̇аван̣н̣анаа
6. Isigilisuttavaṇṇanā
133. звам̣ мз суд̇анд̇и исиг̇илисуд̇д̇ам̣. д̇ад̇т̇а ан̃н̃аава саман̃н̃аа ахосийд̇и исиг̇илисса исиг̇илийд̇и саман̃н̃ааяа уббаннагаалз взбхааро на взбхаарод̇и бан̃н̃ааяид̇т̇а, ан̃н̃ааязвасса саман̃н̃аа ахоси. ан̃н̃аа бан̃н̃ад̇д̇ийд̇и ид̣̇ам̣ буримабад̣̇ассзва взважанам̣. сзсзсуби зсзва наяо.
133.Evaṃme sutanti isigilisuttaṃ. Tattha aññāva samaññā ahosīti isigilissa isigilīti samaññāya uppannakāle vebhāro na vebhāroti paññāyittha, aññāyevassa samaññā ahosi. Aññā paññattīti idaṃ purimapadasseva vevacanaṃ. Sesesupi eseva nayo.
д̇ад̣̇аа гира бхаг̇аваа сааяанхасамаяз самаабад̇д̇ид̇о вудтааяа г̇анд̇хагудид̇о нигкамид̇ваа яасмим̣ таанз нисиннаанам̣ бан̃жа баб̣б̣ад̇аа бан̃н̃ааяанд̇и, д̇ад̇т̇а бхигкусан̇гхабаривуд̇о нисийд̣̇ид̇ваа имз бан̃жа баб̣б̣ад̇з бадибаадияаа аажигки. д̇ад̇т̇а на бхаг̇авад̇о баб̣б̣ад̇зхи ад̇т̇о ад̇т̇и, ид̇и имзсу бана баб̣б̣ад̇зсу бадибаадияаа гат̇ияамаанзсу исиг̇илисса исиг̇илибхааво гат̇зд̇аб̣б̣о ход̇и. д̇асмим̣ гат̇ияамаанз бад̣̇умавад̇ияаа буд̇д̇аанам̣ бан̃жасад̇аанам̣ бажжзгаб̣уд̣̇д̇хаанам̣ наамаани жзва бад̣̇умавад̇ияаа жа бад̇т̇анаа гат̇зд̇аб̣б̣аа бхависсад̇ийд̇и бхаг̇аваа имам̣ бан̃жа баб̣б̣ад̇абадибаадим̣ аажигки.
Tadā kira bhagavā sāyanhasamaye samāpattito vuṭṭhāya gandhakuṭito nikkhamitvā yasmiṃ ṭhāne nisinnānaṃ pañca pabbatā paññāyanti, tattha bhikkhusaṅghaparivuto nisīditvā ime pañca pabbate paṭipāṭiyā ācikkhi. Tattha na bhagavato pabbatehi attho atthi, iti imesu pana pabbatesu paṭipāṭiyā kathiyamānesu isigilissa isigilibhāvo kathetabbo hoti. Tasmiṃ kathiyamāne padumavatiyā puttānaṃ pañcasatānaṃ paccekabuddhānaṃ nāmāni ceva padumavatiyā ca patthanā kathetabbā bhavissatīti bhagavā imaṃ pañca pabbatapaṭipāṭiṃ ācikkhi.
бависанд̇аа д̣̇иссанд̇и бавидтаа на д̣̇иссанд̇ийд̇и яат̇аапаасугадтаанз бин̣д̣ааяа жарид̇ваа гад̇абхад̇д̇агижжаа ааг̇анд̇ваа жзд̇ияаг̇аб̣бхз яамагамахаад̣̇ваарам̣ виваранд̇аа вияа д̇ам̣ баб̣б̣ад̇ам̣ д̣̇взд̇хаа гад̇ваа анд̇о бависид̇ваа рад̇д̇идтаанад̣̇иваадтаанаани маабзд̇ваа д̇ад̇т̇а васим̣су, д̇асмаа звамааха. имз исийд̇и имз бажжзгаб̣уд̣̇д̇хаисий.
Pavisantādissanti paviṭṭhā na dissantīti yathāphāsukaṭṭhāne piṇḍāya caritvā katabhattakiccā āgantvā cetiyagabbhe yamakamahādvāraṃ vivarantā viya taṃ pabbataṃ dvedhā katvā anto pavisitvā rattiṭṭhānadivāṭṭhānāni māpetvā tattha vasiṃsu, tasmā evamāha. Ime isīti ime paccekabuddhaisī.
гад̣̇аа бана д̇з д̇ад̇т̇а васим̣су? ад̇ийд̇з гира ануббаннз д̇ат̇ааг̇ад̇з б̣аараан̣асим̣ убаниссааяа згасмим̣ г̇аамагз згаа гулад̇хийд̇аа кзд̇д̇ам̣ рагкамаанаа згасса бажжзгаб̣уд̣̇д̇хасса бан̃жахи лааж̇аасад̇зхи сад̣̇д̇хим̣ згам̣ бад̣̇умабубпам̣ д̣̇ад̇ваа бан̃жа буд̇д̇асад̇аани бад̇т̇зси. д̇асмим̣язва жа кан̣з бан̃жасад̇аа миг̇алуд̣̇д̣̇агаа мад̇хурамам̣сам̣ д̣̇ад̇ваа ‘‘зд̇иссаа буд̇д̇аа бхавзяяаамаа’’д̇и бад̇т̇аяим̣су. саа яаавад̇ааяугам̣ тад̇ваа д̣̇звалогз ниб̣б̣ад̇д̇аа, д̇ад̇о жуд̇аа ж̇аад̇ассарз бад̣̇умаг̇аб̣бхз ниб̣б̣ад̇д̇и. д̇амзго д̇аабасо д̣̇исваа бадиж̇аг̇г̇и, д̇ассаа вижаранд̇ияаава баад̣̇уд̣̇д̇хаарз баад̣̇уд̣̇д̇хаарз бхуумид̇о бад̣̇умаани удтаханд̇и. зго ванажараго д̣̇исваа б̣аараан̣асиран̃н̃о аарожзси. рааж̇аа нам̣ аахараабзд̇ваа аг̇г̇амахзсим̣ агааси, д̇ассаа г̇аб̣бхо сан̣тааси. махаабад̣̇умагумааро маад̇угужчияам̣ васи, сзсаа г̇аб̣бхамалам̣ ниссаа ниб̣б̣ад̇д̇аа. ваяаббад̇д̇аа уяяаанз бад̣̇умассарз гийл̣анд̇аа згзгасмим̣ бад̣̇умз нисийд̣̇ид̇ваа каяаваяам̣ бадтабзд̇ваа бажжзгаб̣од̇хин̃аан̣ам̣ ниб̣б̣ад̇д̇аяим̣су. аяам̣ д̇зсам̣ б̣яаагаран̣аг̇аат̇аа ахоси –
Kadā pana te tattha vasiṃsu? Atīte kira anuppanne tathāgate bārāṇasiṃ upanissāya ekasmiṃ gāmake ekā kuladhītā khettaṃ rakkhamānā ekassa paccekabuddhassa pañcahi lājāsatehi saddhiṃ ekaṃ padumapupphaṃ datvā pañca puttasatāni patthesi. Tasmiṃyeva ca khaṇe pañcasatā migaluddakā madhuramaṃsaṃ datvā ‘‘etissā puttā bhaveyyāmā’’ti patthayiṃsu. Sā yāvatāyukaṃ ṭhatvā devaloke nibbattā, tato cutā jātassare padumagabbhe nibbatti. Tameko tāpaso disvā paṭijaggi, tassā vicarantiyāva pāduddhāre pāduddhāre bhūmito padumāni uṭṭhahanti. Eko vanacarako disvā bārāṇasirañño ārocesi. Rājā naṃ āharāpetvā aggamahesiṃ akāsi, tassā gabbho saṇṭhāsi. Mahāpadumakumāro mātukucchiyaṃ vasi, sesā gabbhamalaṃ nissā nibbattā. Vayappattā uyyāne padumassare kīḷantā ekekasmiṃ padume nisīditvā khayavayaṃ paṭṭhapetvā paccekabodhiñāṇaṃ nibbattayiṃsu. Ayaṃ tesaṃ byākaraṇagāthā ahosi –
‘‘сарорухам̣ бад̣̇умабалаасабад̇д̇аж̇ам̣, субубпид̇ам̣ бхамараг̇ан̣аанужин̣н̣ам̣;
‘‘Saroruhaṃ padumapalāsapattajaṃ, supupphitaṃ bhamaragaṇānuciṇṇaṃ;
анижжад̇ааяубаг̇ад̇ам̣ вид̣̇ид̇ваа, зго жарз каг̇г̇ависаан̣агаббо’’д̇и.
Aniccatāyupagataṃ viditvā, eko care khaggavisāṇakappo’’ti.
д̇асмим̣ гаалз д̇з д̇ад̇т̇а васим̣су, д̇ад̣̇аа жасса баб̣б̣ад̇асса исиг̇илийд̇и саман̃н̃аа уд̣̇абаад̣̇и.
Tasmiṃ kāle te tattha vasiṃsu, tadā cassa pabbatassa isigilīti samaññā udapādi.
135. яз сад̇д̇асаараад̇и аридто убаридто д̇аг̇арасикий яасассий суд̣̇ассано бияад̣̇ассий г̇анд̇хааро бин̣д̣оло убаасабхо нийд̇о д̇ат̇о суд̇аваа бхаавид̇ад̇д̇од̇и д̇зрасаннам̣ бажжзгаб̣уд̣̇д̇хаанам̣ наамаани вад̇ваа ид̣̇аани д̇зсан̃жа ан̃н̃зсан̃жа г̇аат̇ааб̣анд̇хзна наамаани аажигканд̇о яз сад̇д̇асаараад̇иаад̣̇имааха . д̇ад̇т̇а сад̇д̇асаараад̇и сад̇д̇аанам̣ саарабхууд̇аа. анийгхаад̇и нид̣̇д̣̇угкаа. нираасаад̇и нид̇д̇ан̣хаа.
135.Ye sattasārāti ariṭṭho upariṭṭho tagarasikhī yasassī sudassano piyadassī gandhāro piṇḍolo upāsabho nīto tatho sutavā bhāvitattoti terasannaṃ paccekabuddhānaṃ nāmāni vatvā idāni tesañca aññesañca gāthābandhena nāmāni ācikkhanto ye sattasārātiādimāha . Tattha sattasārāti sattānaṃ sārabhūtā. Anīghāti niddukkhā. Nirāsāti nittaṇhā.
д̣̇вз ж̇аалинод̇и жуул̣аж̇аали махааж̇аалийд̇и д̣̇вз ж̇аалинаамагаа. санд̇ажид̇д̇од̇и ид̣̇амби згасса наамамзва. басси ж̇ахи убад̇хид̣̇угкамууланд̇и зд̇т̇а басси наама со бажжзгаб̣уд̣̇д̇хо, д̣̇угкасса бана муулам̣ убад̇хим̣ ж̇ахийд̇и аяамасса т̇уд̇и. абарааж̇ид̇од̇иби згасса наамамзва.
Dve jālinoti cūḷajāli mahājālīti dve jālināmakā. Santacittoti idampi ekassa nāmameva. Passi jahi upadhidukkhamūlanti ettha passi nāma so paccekabuddho, dukkhassa pana mūlaṃ upadhiṃ jahīti ayamassa thuti. Aparājitotipi ekassa nāmameva.
сад̇т̇аа бавад̇д̇аа сарабхан̇г̇о ломахам̣со ужжан̇г̇амааяод̇и имз бан̃жа ж̇анаа. асид̇о анаасаво маномаяод̇и имзби д̇аяо ж̇анаа. маанажчид̣̇о жа б̣анд̇хумаад̇и б̣анд̇хумаа наама зго, маанасса бана чиннад̇д̇аа маанажчид̣̇од̇и вуд̇д̇о. д̇ад̣̇аад̇химуд̇д̇од̇иби наамамзва.
Satthā pavattā sarabhaṅgo lomahaṃso uccaṅgamāyoti ime pañca janā. Asito anāsavo manomayoti imepi tayo janā. Mānacchido ca bandhumāti bandhumā nāma eko, mānassa pana chinnattā mānacchidoti vutto. Tadādhimuttotipi nāmameva.
гзд̇умбхарааг̇о жа маад̇ан̇г̇о арияод̇и имз д̇аяо ж̇анаа. ат̇ажжуд̇од̇и ат̇а ажжуд̇о. ажжуд̇аг̇аамаб̣яааман̇год̇и имз д̣̇вз ж̇анаа. кзмаабхирад̇о жа сорад̇од̇и имз д̣̇взязва.
Ketumbharāgo ca mātaṅgo ariyoti ime tayo janā. Athaccutoti atha accuto. Accutagāmabyāmaṅkoti ime dve janā. Khemābhirato ca soratoti ime dveyeva.
саяхо аноманиггамод̇и саяхо наама со б̣уд̣̇д̇хо, аномавийрияад̇д̇аа бана аноманиггамод̇и вуд̇д̇о. аананд̣̇о нанд̣̇о убананд̣̇о д̣̇ваад̣̇асаад̇и жад̇д̇ааро аананд̣̇аа, жад̇д̇ааро нанд̣̇аа жад̇д̇ааро убананд̣̇аад̇и звам̣ д̣̇ваад̣̇аса. бхаарад̣̇вааж̇о анд̇имад̣̇зхад̇хаарийд̇и бхаарад̣̇вааж̇о наама со б̣уд̣̇д̇хо. анд̇имад̣̇зхад̇хаарийд̇и т̇уд̇и.
Sayho anomanikkamoti sayho nāma so buddho, anomavīriyattā pana anomanikkamoti vutto. Ānando nando upanando dvādasāti cattāro ānandā, cattāro nandā cattāro upanandāti evaṃ dvādasa. Bhāradvājoantimadehadhārīti bhāradvājo nāma so buddho. Antimadehadhārīti thuti.
д̇ан̣хажчид̣̇од̇и сикариссааяам̣ т̇уд̇и. вийд̇арааг̇од̇и ман̇г̇аласса т̇уд̇и. усабхажчид̣̇аа ж̇аалиним̣ д̣̇угкамууланд̇и усабхо наама со б̣уд̣̇д̇хо д̣̇угкамуулабхууд̇ам̣ ж̇аалиним̣ ажчид̣̇аад̇и ад̇т̇о. санд̇ам̣ бад̣̇ам̣ аж̇жхаг̇амобанийд̇од̇и убанийд̇о наама со б̣уд̣̇д̇хо санд̇ам̣ бад̣̇ам̣ аж̇жхаг̇амаа. вийд̇арааг̇од̇иби згасса наамамзва. сувимуд̇д̇ажид̇д̇од̇и аяам̣ ган̣хасса т̇уд̇и.
Taṇhacchidoti sikharissāyaṃ thuti. Vītarāgoti maṅgalassa thuti. Usabhacchidā jāliniṃ dukkhamūlanti usabho nāma so buddho dukkhamūlabhūtaṃ jāliniṃ acchidāti attho. Santaṃ padaṃ ajjhagamopanītoti upanīto nāma so buddho santaṃ padaṃ ajjhagamā. Vītarāgotipi ekassa nāmameva. Suvimuttacittoti ayaṃ kaṇhassa thuti.
зд̇з жа ан̃н̃з жаад̇и зд̇з баал̣ияам̣ ааг̇ад̇аа жа баал̣ияам̣ анааг̇ад̇аа ан̃н̃з жа зд̇зсам̣ зганаамагааязва. имзсу хи бан̃жасу бажжзгаб̣уд̣̇д̇хасад̇зсу д̣̇взби д̇аяоби д̣̇асаби д̣̇ваад̣̇асаби аананд̣̇аад̣̇аяо вияа зганаамагаа ахзсум̣. ид̇и баал̣ияам̣ ааг̇ад̇анаамзхзва саб̣б̣зсам̣ наамаани вуд̇д̇аани хонд̇ийд̇и ид̇о барам̣ висум̣ висум̣ авад̇ваа ‘‘зд̇з жа ан̃н̃з жаа’’д̇и ааха. сзсам̣ саб̣б̣ад̇т̇а уд̇д̇аанамзваад̇и.
Ete ca aññe cāti ete pāḷiyaṃ āgatā ca pāḷiyaṃ anāgatā aññe ca etesaṃ ekanāmakāyeva. Imesu hi pañcasu paccekabuddhasatesu dvepi tayopi dasapi dvādasapi ānandādayo viya ekanāmakā ahesuṃ. Iti pāḷiyaṃ āgatanāmeheva sabbesaṃ nāmāni vuttāni hontīti ito paraṃ visuṃ visuṃ avatvā ‘‘ete ca aññe cā’’ti āha. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
исиг̇илисуд̇д̇аван̣н̣анаа нидтид̇аа.
Isigilisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 6. исиг̇илисуд̇д̇ам̣ • 6. Isigilisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 6. исиг̇илисуд̇д̇аван̣н̣анаа • 6. Isigilisuttavaṇṇanā
