| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
6. исиг̇илисуд̇д̇аван̣н̣анаа
6. Isigilisuttavaṇṇanā
133. саман̃н̃ааяад̇и зд̇ааяаад̇и саман̃н̃аа, нааманд̇и ад̇т̇о. аяамаяам̣ наамаад̇и бан̃н̃аабзнд̇и зд̇ааяа, д̇ат̇аабан̃н̃аабанамад̇д̇анд̇и ваа бан̃н̃ад̇д̇и, наамамзва. д̇знааха ‘‘буримабад̣̇ассзва взважана’’нд̇и. сзсзсубийд̇и ‘‘бан̣д̣авасса баб̣б̣ад̇ассаа’’д̇иаад̣̇ийсу д̇ийсу ваарзсуби.
133. Samaññāyati etāyāti samaññā, nāmanti attho. Ayamayaṃ nāmāti paññāpenti etāya, tathāpaññāpanamattanti vā paññatti, nāmameva. Tenāha ‘‘purimapadasseva vevacana’’nti. Sesesupīti ‘‘paṇḍavassa pabbatassā’’tiādīsu tīsu vāresupi.
самудтаанам̣ д̇аава суд̇д̇асса гат̇зд̇ваа ад̇т̇асам̣ван̣н̣анам̣ гаад̇ум̣ ‘‘д̇ад̣̇аа гираа’’д̇иаад̣̇и вуд̇д̇ам̣. на баб̣б̣ад̇зхи ад̇т̇од̇и на бхаг̇авад̇о баб̣б̣ад̇зхи гат̇ид̇зхи ад̇т̇о ад̇т̇и. исиг̇илибхаавод̇и исиг̇илинаамад̇аа. ид̇ийд̇и иминаа гааран̣зна, имам̣ адтуббад̇д̇им̣ авзгканд̇од̇и ад̇т̇о.
Samuṭṭhānaṃ tāva suttassa kathetvā atthasaṃvaṇṇanaṃ kātuṃ ‘‘tadā kirā’’tiādi vuttaṃ. Na pabbatehi atthoti na bhagavato pabbatehi kathitehi attho atthi. Isigilibhāvoti isigilināmatā. Itīti iminā kāraṇena, imaṃ aṭṭhuppattiṃ avekkhantoti attho.
жзд̇ияаг̇аб̣бхзд̇и жзд̇ияагхарз жзд̇ияасса аб̣бханд̇арз. яамагамахаад̣̇вааранд̇и яамагагаваадаяуд̇д̇ам̣ маханд̇ам̣ д̣̇ваарам̣. д̣̇взд̇хаа гад̇ваад̇и баб̣б̣ад̇асса аб̣бханд̇арз ман̣д̣абасан̇кзбзна лзн̣ам̣ нимминид̇ваа д̣̇взд̇хаа гад̇ваа д̇ад̣̇аа д̇з д̇ад̇т̇а васим̣су.
Cetiyagabbheti cetiyaghare cetiyassa abbhantare. Yamakamahādvāranti yamakakavāṭayuttaṃ mahantaṃ dvāraṃ. Dvedhā katvāti pabbatassa abbhantare maṇḍapasaṅkhepena leṇaṃ nimminitvā dvedhā katvā tadā te tattha vasiṃsu.
васид̇агаалан̃жа гат̇знд̇о д̇зсам̣ маад̇уяаа яаава д̇ад̇ияабхавад̇о бадтааяа самуд̣̇ааг̇амам̣ д̣̇ассзд̇ум̣, ‘‘ад̇ийд̇з гираа’’д̇иаад̣̇и вуд̇д̇ам̣. бад̇т̇зсийд̇и д̇ассаа гира кзд̇д̇агудияаа вийхаяо бхаж̇ж̇анд̇ияаа д̇ад̇т̇а махаагаран̃ж̇абубпаббамаан̣аа маханд̇аа манохараа бан̃жасад̇амад̇д̇аа лааж̇аа ж̇ааяим̣су. саа д̇аа г̇ахзд̇ваа маханд̇з бад̣̇уминибад̇д̇з табзси. д̇асмин̃жа самаяз зго бажжзгаб̣уд̣̇д̇хо д̇ассаа ануг̇г̇ахад̇т̇ам̣ авид̣̇уурз кзд̇д̇абаал̣ияаа г̇ажчад̇и. саа д̇ам̣ д̣̇исваа басаннамаанасаа субубпид̇ам̣ маханд̇ам̣ згам̣ бад̣̇умам̣ г̇ахзд̇ваа д̇ад̇т̇а лааж̇з багкибид̇ваа бажжзгаб̣уд̣̇д̇хам̣ убасан̇гамид̇ваа бан̃жабад̇идтид̇зна ванд̣̇ид̇ваа, ‘‘имасса, бханд̇з, бун̃н̃асса аанубхаавзна аанубхаавасамбаннз бан̃жасад̇абуд̇д̇з лабхзяяа’’нд̇и бан̃жа буд̇д̇асад̇аани бад̇т̇зси. д̇асмим̣язва кан̣зд̇и яад̣̇аа саа яат̇аавуд̇д̇ам̣ бад̇т̇анам̣ бадтабзси; д̇асмим̣язва кан̣з бан̃жасад̇аа миг̇алуд̣̇д̣̇агаа самбхад̇асамбхаараа барибаггабажжзгаб̣од̇хин̃аан̣аа д̇ассзва бажжзгаб̣уд̣̇д̇хасса мад̇хурамам̣сам̣ д̣̇ад̇ваа, ‘‘зд̇иссаа буд̇д̇аа бхавзяяаамаа’’д̇и бад̇т̇аяим̣су. ад̇ийд̇аасу анзгаж̇аад̇ийсу д̇ассаа буд̇д̇абхаавзна ааг̇ад̇ад̇д̇аа д̇ат̇аа д̇зсам̣ ахосийд̇и вад̣̇анд̇и. баад̣̇уд̣̇д̇хаарзд̇и баад̣̇уд̣̇д̇хаарз баад̣̇уд̣̇д̇хаарз. баад̣̇уд̣̇д̇хаарасийсзна жзд̇т̇а нигкибанам̣ ааха.
Vasitakālañca kathento tesaṃ mātuyā yāva tatiyabhavato paṭṭhāya samudāgamaṃ dassetuṃ, ‘‘atīte kirā’’tiādi vuttaṃ. Patthesīti tassā kira khettakuṭiyā vīhayo bhajjantiyā tattha mahākarañjapupphappamāṇā mahantā manoharā pañcasatamattā lājā jāyiṃsu. Sā tā gahetvā mahante paduminipatte ṭhapesi. Tasmiñca samaye eko paccekabuddho tassā anuggahatthaṃ avidūre khettapāḷiyā gacchati. Sā taṃ disvā pasannamānasā supupphitaṃ mahantaṃ ekaṃ padumaṃ gahetvā tattha lāje pakkhipitvā paccekabuddhaṃ upasaṅkamitvā pañcapatiṭṭhitena vanditvā, ‘‘imassa, bhante, puññassa ānubhāvena ānubhāvasampanne pañcasataputte labheyya’’nti pañca puttasatāni patthesi. Tasmiṃyeva khaṇeti yadā sā yathāvuttaṃ patthanaṃ paṭṭhapesi; tasmiṃyeva khaṇe pañcasatā migaluddakā sambhatasambhārā paripakkapaccekabodhiñāṇā tasseva paccekabuddhassa madhuramaṃsaṃ datvā, ‘‘etissā puttā bhaveyyāmā’’ti patthayiṃsu. Atītāsu anekajātīsu tassā puttabhāvena āgatattā tathā tesaṃ ahosīti vadanti. Pāduddhāreti pāduddhāre pāduddhāre. Pāduddhārasīsena cettha nikkhipanaṃ āha.
г̇аб̣бхамалам̣ ниссааяаад̇и б̣ахи нигканд̇ам̣ г̇аб̣бхамалам̣ ниссаяам̣ гад̇ваа сам̣сзд̣̇аж̇абхаавзна ниб̣б̣ад̇д̇аа . обабаад̇игабхаавзнаад̇и гзжи. каяаваяам̣ бадтабзд̇ваад̇и вибассанам̣ аарабхид̇ваа. вибассанаад̇и анижжаанубассанаабуб̣б̣игаа саббажжаяанаамаруубад̣̇ассанабуб̣б̣игаа жа, сан̇каарз саммасанд̇асса анижжалагкан̣з д̣̇идтз, ‘‘яад̣̇анижжам̣ д̇ам̣ д̣̇угкам̣, яам̣ д̣̇угкам̣ д̇ад̣̇анад̇д̇аа’’д̇и сзсалагкан̣аани сувин̃н̃зяяаанзва хонд̇и. бажжзгаб̣од̇хин̃аан̣ам̣ ниб̣б̣ад̇д̇аяим̣сууд̇и д̣̇вз асан̇кязяяаани габбаанам̣ сад̇асахассан̃жа бажжзгаб̣од̇хибаарамид̇ааяа баринибпаннад̇д̇аа н̃аан̣асса барибаагад̇д̇аа вуд̇д̇анаязна саяамзва вибассанам̣ бавад̇д̇зд̇ваа мад̇т̇агам̣ баабзд̇ваа бажжзгаб̣од̇хин̃аан̣ам̣ ад̇хиг̇ажчим̣су. саб̣б̣зби д̇з д̇ам̣язва г̇аат̇ам̣ абхаасим̣сууд̇и ааха – ‘‘аяам̣ д̇зсам̣ б̣яаагаран̣аг̇аат̇аа ахосий’’д̇и.
Gabbhamalaṃ nissāyāti bahi nikkhantaṃ gabbhamalaṃ nissayaṃ katvā saṃsedajabhāvena nibbattā . Opapātikabhāvenāti keci. Khayavayaṃ paṭṭhapetvāti vipassanaṃ ārabhitvā. Vipassanāti aniccānupassanāpubbikā sappaccayanāmarūpadassanapubbikā ca, saṅkhāre sammasantassa aniccalakkhaṇe diṭṭhe, ‘‘yadaniccaṃ taṃ dukkhaṃ, yaṃ dukkhaṃ tadanattā’’ti sesalakkhaṇāni suviññeyyāneva honti. Paccekabodhiñāṇaṃ nibbattayiṃsūti dve asaṅkhyeyyāni kappānaṃ satasahassañca paccekabodhipāramitāya parinipphannattā ñāṇassa paripākattā vuttanayena sayameva vipassanaṃ pavattetvā matthakaṃ pāpetvā paccekabodhiñāṇaṃ adhigacchiṃsu. Sabbepi te taṃyeva gāthaṃ abhāsiṃsūti āha – ‘‘ayaṃ tesaṃ byākaraṇagāthā ahosī’’ti.
сароруханд̇и сараси ж̇аад̇ам̣. бад̣̇умабалаасабад̇д̇аж̇анд̇и куд̣̇д̣̇агамаханд̇зхи гамалад̣̇алзхи сахаж̇аад̇ам̣. куд̣̇д̣̇агамаханд̇агамалад̣̇аласан̇каад̇аани ваа бад̣̇умабалаасабад̇д̇аани зд̇т̇а санд̇ийд̇и бад̣̇умабалаасабад̇д̇ам̣, бад̣̇умаг̇ажчам̣. д̇ад̇т̇а ж̇аад̇анд̇и бад̣̇умабалаасабад̇д̇аж̇ам̣. субубпид̇анд̇и судту бубпид̇ам̣ саммаа вигасид̇ам̣. бхамараг̇ан̣аанужин̣н̣анд̇и бхамараг̇ан̣зхи анугулан̃жзва анубариб̣бхамид̇ан̃жа. анижжад̇ааяубаг̇ад̇анд̇и кан̣з кан̣з ван̣н̣абхзд̣̇аад̣̇ивасзна анижжад̇ааяа убаг̇ад̇ам̣. вид̣̇ид̇ваад̇и вибассанаабан̃н̃аасахид̇ааяа маг̇г̇абан̃н̃ааяа ж̇аанид̇ваа. зго жарзд̇и д̇асмаа ан̃н̃оби маад̣̇исо ход̇угаамо звам̣ бадибаж̇ж̇ид̇ваа зго жарз каг̇г̇ависаан̣агаббод̇и.
Saroruhanti sarasi jātaṃ. Padumapalāsapattajanti khuddakamahantehi kamaladalehi sahajātaṃ. Khuddakamahantakamaladalasaṅkhātāni vā padumapalāsapattāni ettha santīti padumapalāsapattaṃ, padumagacchaṃ. Tattha jātanti padumapalāsapattajaṃ. Supupphitanti suṭṭhu pupphitaṃ sammā vikasitaṃ. Bhamaragaṇānuciṇṇanti bhamaragaṇehi anukulañceva anuparibbhamitañca. Aniccatāyupagatanti khaṇe khaṇe vaṇṇabhedādivasena aniccatāya upagataṃ. Viditvāti vipassanāpaññāsahitāya maggapaññāya jānitvā. Eko careti tasmā aññopi mādiso hotukāmo evaṃ paṭipajjitvā eko care khaggavisāṇakappoti.
135. сад̇исаарасийласаараад̣̇исаманнааг̇аманзна сад̇д̇зсу саарабхууд̇аа. саб̣б̣асо ваддад̣̇угкасса виг̇ад̇ад̇д̇аа нид̣̇д̣̇угкаа. самужчиннад̇ан̣хад̇ааяа нид̇д̇ан̣хаа. маанажчид̣̇од̇и т̇уд̇иважанам̣.
135. Satisārasīlasārādisamannāgamanena sattesu sārabhūtā. Sabbaso vaṭṭadukkhassa vigatattā niddukkhā. Samucchinnataṇhatāya nittaṇhā. Mānacchidoti thutivacanaṃ.
зд̇зсам̣ зганаамагааязваад̇и зд̇зсам̣ ааг̇ад̇аанам̣ бажжзгаб̣уд̣̇д̇хаанам̣ баал̣ияам̣ анааг̇ад̇аа ан̃н̃з бажжзгаб̣уд̣̇д̇хаа самаананаамагаа зва. вуд̇д̇амзвад̇т̇ам̣ баагадийгаран̣ад̇т̇ам̣ ‘‘имзсу хий’’д̇иаад̣̇и вуд̇д̇ам̣. висум̣ висум̣ авад̇ваад̇и бажжзгам̣ саруубад̇о авад̇ваа. ан̃н̃з жаад̇и асаад̇хааран̣ад̇д̇аа ааха. сзсам̣ сувин̃н̃зяяамзва.
Etesaṃ ekanāmakāyevāti etesaṃ āgatānaṃ paccekabuddhānaṃ pāḷiyaṃ anāgatā aññe paccekabuddhā samānanāmakā eva. Vuttamevatthaṃ pākaṭīkaraṇatthaṃ ‘‘imesu hī’’tiādi vuttaṃ. Visuṃ visuṃ avatvāti paccekaṃ sarūpato avatvā. Aññe cāti asādhāraṇattā āha. Sesaṃ suviññeyyameva.
исиг̇илисуд̇д̇аван̣н̣анааяа лийнад̇т̇аббагаасанаа самад̇д̇аа.
Isigilisuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 6. исиг̇илисуд̇д̇ам̣ • 6. Isigilisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 6. исиг̇илисуд̇д̇аван̣н̣анаа • 6. Isigilisuttavaṇṇanā
