| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
3-7. இஸ்ஸரியகாமகாரிகாகதா²வண்ணனா
3-7. Issariyakāmakārikākathāvaṇṇanā
910-914. இதா³னி இஸ்ஸரியகாமகாரிகாகதா² நாம ஹோதி. ச²த்³த³ந்தஜாதகாதீ³னி ஸந்தா⁴ய ‘‘போ³தி⁴ஸத்தோ இஸ்ஸரியகாமகாரிகாஹேது வினிபாதங் க³ச்ச²தி, க³ப்³ப⁴ஸெய்யங் ஓக்கமதி, து³க்கரகாரிகங் அகாஸி, அபரந்தபங் அகாஸி, அஞ்ஞங் ஸத்தா²ரங் உத்³தி³ஸீ’’தி யேஸங் லத்³தி⁴, ஸெய்யதா²பி அந்த⁴கானங், தே ஸந்தா⁴ய புச்சா² ஸகவாதி³ஸ்ஸ, படிஞ்ஞா இதரஸ்ஸ. ஸேஸங் பட²மகதா²யங் உத்தானத்த²மேவ. து³தியகதா²யங் இத்³தி⁴மாதி யதி³ இஸ்ஸரியகாமகாரிகாஹேது க³ச்செ²ய்ய, இத்³தி⁴யா க³ச்செ²ய்ய, ந கம்மவஸேனாதி சோத³னத்த²ங் வுத்தங். இதரோ பன பட²மபஞ்ஹே பா⁴வனாமயங் ஸந்தா⁴ய படிக்கி²பதி. து³தியபஞ்ஹே புஞ்ஞித்³தி⁴ங் ஸந்தா⁴ய படிஜானாதி. ததியகதா²யங் இஸ்ஸரியகாமகாரிகாஹேது நாம து³க்கரகாரிகா மிச்சா²தி³ட்டி²யா கரியதி. யதி³ ச ஸோ தங் கரெய்ய, ஸஸ்ஸதாதீ³னிபி க³ண்ஹெய்யாதி சோத³னத்த²ங் ஸஸ்ஸதோ லோகோதிஆதி³ வுத்தங். சதுத்த²கதா²யம்பி ஏஸேவ நயோதி.
910-914. Idāni issariyakāmakārikākathā nāma hoti. Chaddantajātakādīni sandhāya ‘‘bodhisatto issariyakāmakārikāhetu vinipātaṃ gacchati, gabbhaseyyaṃ okkamati, dukkarakārikaṃ akāsi, aparantapaṃ akāsi, aññaṃ satthāraṃ uddisī’’ti yesaṃ laddhi, seyyathāpi andhakānaṃ, te sandhāya pucchā sakavādissa, paṭiññā itarassa. Sesaṃ paṭhamakathāyaṃ uttānatthameva. Dutiyakathāyaṃ iddhimāti yadi issariyakāmakārikāhetu gaccheyya, iddhiyā gaccheyya, na kammavasenāti codanatthaṃ vuttaṃ. Itaro pana paṭhamapañhe bhāvanāmayaṃ sandhāya paṭikkhipati. Dutiyapañhe puññiddhiṃ sandhāya paṭijānāti. Tatiyakathāyaṃ issariyakāmakārikāhetu nāma dukkarakārikā micchādiṭṭhiyā kariyati. Yadi ca so taṃ kareyya, sassatādīnipi gaṇheyyāti codanatthaṃ sassato lokotiādi vuttaṃ. Catutthakathāyampi eseva nayoti.
இஸ்ஸரியகாமகாரிகாகதா²வண்ணனா.
Issariyakāmakārikākathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (220-4) 3-7. இஸ்ஸரியகாமகாரிகாதி³கதா² • (220-4) 3-7. Issariyakāmakārikādikathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 3-7. இஸ்ஸரியகாமகாரிகாகதா²வண்ணனா • 3-7. Issariyakāmakārikākathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 3-7. இஸ்ஸரியகாமகாரிகாகதா²வண்ணனா • 3-7. Issariyakāmakārikākathāvaṇṇanā
