| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৩-৭. ইস্সরিযকামকারিকাকথাৰণ্ণনা
3-7. Issariyakāmakārikākathāvaṇṇanā
৯১০-৯১৪. ইদানি ইস্সরিযকামকারিকাকথা নাম হোতি। ছদ্দন্তজাতকাদীনি সন্ধায ‘‘বোধিসত্তো ইস্সরিযকামকারিকাহেতু ৰিনিপাতং গচ্ছতি, গব্ভসেয্যং ওক্কমতি, দুক্করকারিকং অকাসি, অপরন্তপং অকাসি, অঞ্ঞং সত্থারং উদ্দিসী’’তি যেসং লদ্ধি, সেয্যথাপি অন্ধকানং, তে সন্ধায পুচ্ছা সকৰাদিস্স, পটিঞ্ঞা ইতরস্স। সেসং পঠমকথাযং উত্তানত্থমেৰ। দুতিযকথাযং ইদ্ধিমাতি যদি ইস্সরিযকামকারিকাহেতু গচ্ছেয্য, ইদ্ধিযা গচ্ছেয্য, ন কম্মৰসেনাতি চোদনত্থং ৰুত্তং। ইতরো পন পঠমপঞ্হে ভাৰনামযং সন্ধায পটিক্খিপতি। দুতিযপঞ্হে পুঞ্ঞিদ্ধিং সন্ধায পটিজানাতি। ততিযকথাযং ইস্সরিযকামকারিকাহেতু নাম দুক্করকারিকা মিচ্ছাদিট্ঠিযা করিযতি। যদি চ সো তং করেয্য, সস্সতাদীনিপি গণ্হেয্যাতি চোদনত্থং সস্সতো লোকোতিআদি ৰুত্তং। চতুত্থকথাযম্পি এসেৰ নযোতি।
910-914. Idāni issariyakāmakārikākathā nāma hoti. Chaddantajātakādīni sandhāya ‘‘bodhisatto issariyakāmakārikāhetu vinipātaṃ gacchati, gabbhaseyyaṃ okkamati, dukkarakārikaṃ akāsi, aparantapaṃ akāsi, aññaṃ satthāraṃ uddisī’’ti yesaṃ laddhi, seyyathāpi andhakānaṃ, te sandhāya pucchā sakavādissa, paṭiññā itarassa. Sesaṃ paṭhamakathāyaṃ uttānatthameva. Dutiyakathāyaṃ iddhimāti yadi issariyakāmakārikāhetu gaccheyya, iddhiyā gaccheyya, na kammavasenāti codanatthaṃ vuttaṃ. Itaro pana paṭhamapañhe bhāvanāmayaṃ sandhāya paṭikkhipati. Dutiyapañhe puññiddhiṃ sandhāya paṭijānāti. Tatiyakathāyaṃ issariyakāmakārikāhetu nāma dukkarakārikā micchādiṭṭhiyā kariyati. Yadi ca so taṃ kareyya, sassatādīnipi gaṇheyyāti codanatthaṃ sassato lokotiādi vuttaṃ. Catutthakathāyampi eseva nayoti.
ইস্সরিযকামকারিকাকথাৰণ্ণনা।
Issariyakāmakārikākathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (২২০-৪) ৩-৭. ইস্সরিযকামকারিকাদিকথা • (220-4) 3-7. Issariyakāmakārikādikathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৩-৭. ইস্সরিযকামকারিকাকথাৰণ্ণনা • 3-7. Issariyakāmakārikākathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৩-৭. ইস্সরিযকামকারিকাকথাৰণ্ণনা • 3-7. Issariyakāmakārikākathāvaṇṇanā
