| Library / Tipiṭaka / ติปิฎก • Tipiṭaka / ปญฺจปกรณ-อฎฺฐกถา • Pañcapakaraṇa-aṭṭhakathā |
๓-๗. อิสฺสริยกามการิกากถาวณฺณนา
3-7. Issariyakāmakārikākathāvaṇṇanā
๙๑๐-๙๑๔. อิทานิ อิสฺสริยกามการิกากถา นาม โหติฯ ฉทฺทนฺตชาตกาทีนิ สนฺธาย ‘‘โพธิสโตฺต อิสฺสริยกามการิกาเหตุ วินิปาตํ คจฺฉติ, คพฺภเสยฺยํ โอกฺกมติ, ทุกฺกรการิกํ อกาสิ, อปรนฺตปํ อกาสิ, อญฺญํ สตฺถารํ อุทฺทิสี’’ติ เยสํ ลทฺธิ, เสยฺยถาปิ อนฺธกานํ, เต สนฺธาย ปุจฺฉา สกวาทิสฺส, ปฎิญฺญา อิตรสฺสฯ เสสํ ปฐมกถายํ อุตฺตานตฺถเมวฯ ทุติยกถายํ อิทฺธิมาติ ยทิ อิสฺสริยกามการิกาเหตุ คเจฺฉยฺย, อิทฺธิยา คเจฺฉยฺย, น กมฺมวเสนาติ โจทนตฺถํ วุตฺตํฯ อิตโร ปน ปฐมปเญฺห ภาวนามยํ สนฺธาย ปฎิกฺขิปติฯ ทุติยปเญฺห ปุญฺญิทฺธิํ สนฺธาย ปฎิชานาติฯ ตติยกถายํ อิสฺสริยกามการิกาเหตุ นาม ทุกฺกรการิกา มิจฺฉาทิฎฺฐิยา กริยติฯ ยทิ จ โส ตํ กเรยฺย, สสฺสตาทีนิปิ คเณฺหยฺยาติ โจทนตฺถํ สสฺสโต โลโกติอาทิ วุตฺตํฯ จตุตฺถกถายมฺปิ เอเสว นโยติฯ
910-914. Idāni issariyakāmakārikākathā nāma hoti. Chaddantajātakādīni sandhāya ‘‘bodhisatto issariyakāmakārikāhetu vinipātaṃ gacchati, gabbhaseyyaṃ okkamati, dukkarakārikaṃ akāsi, aparantapaṃ akāsi, aññaṃ satthāraṃ uddisī’’ti yesaṃ laddhi, seyyathāpi andhakānaṃ, te sandhāya pucchā sakavādissa, paṭiññā itarassa. Sesaṃ paṭhamakathāyaṃ uttānatthameva. Dutiyakathāyaṃ iddhimāti yadi issariyakāmakārikāhetu gaccheyya, iddhiyā gaccheyya, na kammavasenāti codanatthaṃ vuttaṃ. Itaro pana paṭhamapañhe bhāvanāmayaṃ sandhāya paṭikkhipati. Dutiyapañhe puññiddhiṃ sandhāya paṭijānāti. Tatiyakathāyaṃ issariyakāmakārikāhetu nāma dukkarakārikā micchādiṭṭhiyā kariyati. Yadi ca so taṃ kareyya, sassatādīnipi gaṇheyyāti codanatthaṃ sassato lokotiādi vuttaṃ. Catutthakathāyampi eseva nayoti.
อิสฺสริยกามการิกากถาวณฺณนาฯ
Issariyakāmakārikākathāvaṇṇanā.
Related texts:
ติปิฎก (มูล) • Tipiṭaka (Mūla) / อภิธมฺมปิฎก • Abhidhammapiṭaka / กถาวตฺถุปาฬิ • Kathāvatthupāḷi / (๒๒๐-๔) ๓-๗. อิสฺสริยกามการิกาทิกถา • (220-4) 3-7. Issariyakāmakārikādikathā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๓-๗. อิสฺสริยกามการิกากถาวณฺณนา • 3-7. Issariyakāmakārikākathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๓-๗. อิสฺสริยกามการิกากถาวณฺณนา • 3-7. Issariyakāmakārikākathāvaṇṇanā
