| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā |
೩-೭. ಇಸ್ಸರಿಯಕಾಮಕಾರಿಕಾಕಥಾವಣ್ಣನಾ
3-7. Issariyakāmakārikākathāvaṇṇanā
೯೧೦-೯೧೪. ಇದಾನಿ ಇಸ್ಸರಿಯಕಾಮಕಾರಿಕಾಕಥಾ ನಾಮ ಹೋತಿ। ಛದ್ದನ್ತಜಾತಕಾದೀನಿ ಸನ್ಧಾಯ ‘‘ಬೋಧಿಸತ್ತೋ ಇಸ್ಸರಿಯಕಾಮಕಾರಿಕಾಹೇತು ವಿನಿಪಾತಂ ಗಚ್ಛತಿ, ಗಬ್ಭಸೇಯ್ಯಂ ಓಕ್ಕಮತಿ, ದುಕ್ಕರಕಾರಿಕಂ ಅಕಾಸಿ, ಅಪರನ್ತಪಂ ಅಕಾಸಿ, ಅಞ್ಞಂ ಸತ್ಥಾರಂ ಉದ್ದಿಸೀ’’ತಿ ಯೇಸಂ ಲದ್ಧಿ, ಸೇಯ್ಯಥಾಪಿ ಅನ್ಧಕಾನಂ, ತೇ ಸನ್ಧಾಯ ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸ। ಸೇಸಂ ಪಠಮಕಥಾಯಂ ಉತ್ತಾನತ್ಥಮೇವ। ದುತಿಯಕಥಾಯಂ ಇದ್ಧಿಮಾತಿ ಯದಿ ಇಸ್ಸರಿಯಕಾಮಕಾರಿಕಾಹೇತು ಗಚ್ಛೇಯ್ಯ, ಇದ್ಧಿಯಾ ಗಚ್ಛೇಯ್ಯ, ನ ಕಮ್ಮವಸೇನಾತಿ ಚೋದನತ್ಥಂ ವುತ್ತಂ। ಇತರೋ ಪನ ಪಠಮಪಞ್ಹೇ ಭಾವನಾಮಯಂ ಸನ್ಧಾಯ ಪಟಿಕ್ಖಿಪತಿ। ದುತಿಯಪಞ್ಹೇ ಪುಞ್ಞಿದ್ಧಿಂ ಸನ್ಧಾಯ ಪಟಿಜಾನಾತಿ। ತತಿಯಕಥಾಯಂ ಇಸ್ಸರಿಯಕಾಮಕಾರಿಕಾಹೇತು ನಾಮ ದುಕ್ಕರಕಾರಿಕಾ ಮಿಚ್ಛಾದಿಟ್ಠಿಯಾ ಕರಿಯತಿ। ಯದಿ ಚ ಸೋ ತಂ ಕರೇಯ್ಯ, ಸಸ್ಸತಾದೀನಿಪಿ ಗಣ್ಹೇಯ್ಯಾತಿ ಚೋದನತ್ಥಂ ಸಸ್ಸತೋ ಲೋಕೋತಿಆದಿ ವುತ್ತಂ। ಚತುತ್ಥಕಥಾಯಮ್ಪಿ ಏಸೇವ ನಯೋತಿ।
910-914. Idāni issariyakāmakārikākathā nāma hoti. Chaddantajātakādīni sandhāya ‘‘bodhisatto issariyakāmakārikāhetu vinipātaṃ gacchati, gabbhaseyyaṃ okkamati, dukkarakārikaṃ akāsi, aparantapaṃ akāsi, aññaṃ satthāraṃ uddisī’’ti yesaṃ laddhi, seyyathāpi andhakānaṃ, te sandhāya pucchā sakavādissa, paṭiññā itarassa. Sesaṃ paṭhamakathāyaṃ uttānatthameva. Dutiyakathāyaṃ iddhimāti yadi issariyakāmakārikāhetu gaccheyya, iddhiyā gaccheyya, na kammavasenāti codanatthaṃ vuttaṃ. Itaro pana paṭhamapañhe bhāvanāmayaṃ sandhāya paṭikkhipati. Dutiyapañhe puññiddhiṃ sandhāya paṭijānāti. Tatiyakathāyaṃ issariyakāmakārikāhetu nāma dukkarakārikā micchādiṭṭhiyā kariyati. Yadi ca so taṃ kareyya, sassatādīnipi gaṇheyyāti codanatthaṃ sassato lokotiādi vuttaṃ. Catutthakathāyampi eseva nayoti.
ಇಸ್ಸರಿಯಕಾಮಕಾರಿಕಾಕಥಾವಣ್ಣನಾ।
Issariyakāmakārikākathāvaṇṇanā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೨೨೦-೪) ೩-೭. ಇಸ್ಸರಿಯಕಾಮಕಾರಿಕಾದಿಕಥಾ • (220-4) 3-7. Issariyakāmakārikādikathā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೩-೭. ಇಸ್ಸರಿಯಕಾಮಕಾರಿಕಾಕಥಾವಣ್ಣನಾ • 3-7. Issariyakāmakārikākathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೩-೭. ಇಸ್ಸರಿಯಕಾಮಕಾರಿಕಾಕಥಾವಣ್ಣನಾ • 3-7. Issariyakāmakārikākathāvaṇṇanā
