| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༣-༧. ཨིསྶརིཡཀཱམཀཱརིཀཱཀཐཱཝཎྞནཱ
3-7. Issariyakāmakārikākathāvaṇṇanā
༩༡༠-༩༡༤. ཨིདཱནི ཨིསྶརིཡཀཱམཀཱརིཀཱཀཐཱ ནཱམ ཧོཏི། ཚདྡནྟཛཱཏཀཱདཱིནི སནྡྷཱཡ ‘‘བོདྷིསཏྟོ ཨིསྶརིཡཀཱམཀཱརིཀཱཧེཏུ ཝིནིཔཱཏཾ གཙྪཏི, གབྦྷསེཡྻཾ ཨོཀྐམཏི, དུཀྐརཀཱརིཀཾ ཨཀཱསི, ཨཔརནྟཔཾ ཨཀཱསི, ཨཉྙཾ སཏྠཱརཾ ཨུདྡིསཱི’’ཏི ཡེསཾ ལདྡྷི, སེཡྻཐཱཔི ཨནྡྷཀཱནཾ, ཏེ སནྡྷཱཡ པུཙྪཱ སཀཝཱདིསྶ, པཊིཉྙཱ ཨིཏརསྶ། སེསཾ པཋམཀཐཱཡཾ ཨུཏྟཱནཏྠམེཝ། དུཏིཡཀཐཱཡཾ ཨིདྡྷིམཱཏི ཡདི ཨིསྶརིཡཀཱམཀཱརིཀཱཧེཏུ གཙྪེཡྻ, ཨིདྡྷིཡཱ གཙྪེཡྻ, ན ཀམྨཝསེནཱཏི ཙོདནཏྠཾ ཝུཏྟཾ། ཨིཏརོ པན པཋམཔཉྷེ བྷཱཝནཱམཡཾ སནྡྷཱཡ པཊིཀྑིཔཏི། དུཏིཡཔཉྷེ པུཉྙིདྡྷིཾ སནྡྷཱཡ པཊིཛཱནཱཏི། ཏཏིཡཀཐཱཡཾ ཨིསྶརིཡཀཱམཀཱརིཀཱཧེཏུ ནཱམ དུཀྐརཀཱརིཀཱ མིཙྪཱདིཊྛིཡཱ ཀརིཡཏི། ཡདི ཙ སོ ཏཾ ཀརེཡྻ, སསྶཏཱདཱིནིཔི གཎྷེཡྻཱཏི ཙོདནཏྠཾ སསྶཏོ ལོཀོཏིཨཱདི ཝུཏྟཾ། ཙཏུཏྠཀཐཱཡམྤི ཨེསེཝ ནཡོཏི།
910-914. Idāni issariyakāmakārikākathā nāma hoti. Chaddantajātakādīni sandhāya ‘‘bodhisatto issariyakāmakārikāhetu vinipātaṃ gacchati, gabbhaseyyaṃ okkamati, dukkarakārikaṃ akāsi, aparantapaṃ akāsi, aññaṃ satthāraṃ uddisī’’ti yesaṃ laddhi, seyyathāpi andhakānaṃ, te sandhāya pucchā sakavādissa, paṭiññā itarassa. Sesaṃ paṭhamakathāyaṃ uttānatthameva. Dutiyakathāyaṃ iddhimāti yadi issariyakāmakārikāhetu gaccheyya, iddhiyā gaccheyya, na kammavasenāti codanatthaṃ vuttaṃ. Itaro pana paṭhamapañhe bhāvanāmayaṃ sandhāya paṭikkhipati. Dutiyapañhe puññiddhiṃ sandhāya paṭijānāti. Tatiyakathāyaṃ issariyakāmakārikāhetu nāma dukkarakārikā micchādiṭṭhiyā kariyati. Yadi ca so taṃ kareyya, sassatādīnipi gaṇheyyāti codanatthaṃ sassato lokotiādi vuttaṃ. Catutthakathāyampi eseva nayoti.
ཨིསྶརིཡཀཱམཀཱརིཀཱཀཐཱཝཎྞནཱ།
Issariyakāmakārikākathāvaṇṇanā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༢༢༠-༤) ༣-༧. ཨིསྶརིཡཀཱམཀཱརིཀཱདིཀཐཱ • (220-4) 3-7. Issariyakāmakārikādikathā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༣-༧. ཨིསྶརིཡཀཱམཀཱརིཀཱཀཐཱཝཎྞནཱ • 3-7. Issariyakāmakārikākathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༣-༧. ཨིསྶརིཡཀཱམཀཱརིཀཱཀཐཱཝཎྞནཱ • 3-7. Issariyakāmakārikākathāvaṇṇanā
