| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੩-੭. ਇਸ੍ਸਰਿਯਕਾਮਕਾਰਿਕਾਕਥਾવਣ੍ਣਨਾ
3-7. Issariyakāmakārikākathāvaṇṇanā
੯੧੦-੯੧੪. ਇਦਾਨਿ ਇਸ੍ਸਰਿਯਕਾਮਕਾਰਿਕਾਕਥਾ ਨਾਮ ਹੋਤਿ। ਛਦ੍ਦਨ੍ਤਜਾਤਕਾਦੀਨਿ ਸਨ੍ਧਾਯ ‘‘ਬੋਧਿਸਤ੍ਤੋ ਇਸ੍ਸਰਿਯਕਾਮਕਾਰਿਕਾਹੇਤੁ વਿਨਿਪਾਤਂ ਗਚ੍ਛਤਿ, ਗਬ੍ਭਸੇਯ੍ਯਂ ਓਕ੍ਕਮਤਿ, ਦੁਕ੍ਕਰਕਾਰਿਕਂ ਅਕਾਸਿ, ਅਪਰਨ੍ਤਪਂ ਅਕਾਸਿ, ਅਞ੍ਞਂ ਸਤ੍ਥਾਰਂ ਉਦ੍ਦਿਸੀ’’ਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਅਨ੍ਧਕਾਨਂ, ਤੇ ਸਨ੍ਧਾਯ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਸੇਸਂ ਪਠਮਕਥਾਯਂ ਉਤ੍ਤਾਨਤ੍ਥਮੇવ। ਦੁਤਿਯਕਥਾਯਂ ਇਦ੍ਧਿਮਾਤਿ ਯਦਿ ਇਸ੍ਸਰਿਯਕਾਮਕਾਰਿਕਾਹੇਤੁ ਗਚ੍ਛੇਯ੍ਯ, ਇਦ੍ਧਿਯਾ ਗਚ੍ਛੇਯ੍ਯ, ਨ ਕਮ੍ਮવਸੇਨਾਤਿ ਚੋਦਨਤ੍ਥਂ વੁਤ੍ਤਂ। ਇਤਰੋ ਪਨ ਪਠਮਪਞ੍ਹੇ ਭਾવਨਾਮਯਂ ਸਨ੍ਧਾਯ ਪਟਿਕ੍ਖਿਪਤਿ। ਦੁਤਿਯਪਞ੍ਹੇ ਪੁਞ੍ਞਿਦ੍ਧਿਂ ਸਨ੍ਧਾਯ ਪਟਿਜਾਨਾਤਿ। ਤਤਿਯਕਥਾਯਂ ਇਸ੍ਸਰਿਯਕਾਮਕਾਰਿਕਾਹੇਤੁ ਨਾਮ ਦੁਕ੍ਕਰਕਾਰਿਕਾ ਮਿਚ੍ਛਾਦਿਟ੍ਠਿਯਾ ਕਰਿਯਤਿ। ਯਦਿ ਚ ਸੋ ਤਂ ਕਰੇਯ੍ਯ, ਸਸ੍ਸਤਾਦੀਨਿਪਿ ਗਣ੍ਹੇਯ੍ਯਾਤਿ ਚੋਦਨਤ੍ਥਂ ਸਸ੍ਸਤੋ ਲੋਕੋਤਿਆਦਿ વੁਤ੍ਤਂ। ਚਤੁਤ੍ਥਕਥਾਯਮ੍ਪਿ ਏਸੇવ ਨਯੋਤਿ।
910-914. Idāni issariyakāmakārikākathā nāma hoti. Chaddantajātakādīni sandhāya ‘‘bodhisatto issariyakāmakārikāhetu vinipātaṃ gacchati, gabbhaseyyaṃ okkamati, dukkarakārikaṃ akāsi, aparantapaṃ akāsi, aññaṃ satthāraṃ uddisī’’ti yesaṃ laddhi, seyyathāpi andhakānaṃ, te sandhāya pucchā sakavādissa, paṭiññā itarassa. Sesaṃ paṭhamakathāyaṃ uttānatthameva. Dutiyakathāyaṃ iddhimāti yadi issariyakāmakārikāhetu gaccheyya, iddhiyā gaccheyya, na kammavasenāti codanatthaṃ vuttaṃ. Itaro pana paṭhamapañhe bhāvanāmayaṃ sandhāya paṭikkhipati. Dutiyapañhe puññiddhiṃ sandhāya paṭijānāti. Tatiyakathāyaṃ issariyakāmakārikāhetu nāma dukkarakārikā micchādiṭṭhiyā kariyati. Yadi ca so taṃ kareyya, sassatādīnipi gaṇheyyāti codanatthaṃ sassato lokotiādi vuttaṃ. Catutthakathāyampi eseva nayoti.
ਇਸ੍ਸਰਿਯਕਾਮਕਾਰਿਕਾਕਥਾવਣ੍ਣਨਾ।
Issariyakāmakārikākathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੨੨੦-੪) ੩-੭. ਇਸ੍ਸਰਿਯਕਾਮਕਾਰਿਕਾਦਿਕਥਾ • (220-4) 3-7. Issariyakāmakārikādikathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੩-੭. ਇਸ੍ਸਰਿਯਕਾਮਕਾਰਿਕਾਕਥਾવਣ੍ਣਨਾ • 3-7. Issariyakāmakārikākathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੩-੭. ਇਸ੍ਸਰਿਯਕਾਮਕਾਰਿਕਾਕਥਾવਣ੍ਣਨਾ • 3-7. Issariyakāmakārikākathāvaṇṇanā
