| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৭. ইস্সরিযসুত্তৰণ্ণনা
7. Issariyasuttavaṇṇanā
৭৭. সত্তমে সত্থমলন্তি মলগ্গহিতসত্থং। কিং সু হরন্তং ৰারেন্তীতি কং হরন্তং নিসেধেন্তি। ৰসোতি আণাপৰত্তনং। ইত্থীতি অৰিস্সজ্জনীযভণ্ডত্তা ‘‘ইত্থী ভণ্ডানমুত্তমং, ৰরভণ্ড’’ন্তি আহ। অথ ৰা সব্বেপি বোধিসত্তা চ চক্কৰত্তিনো চ মাতুকুচ্ছিযংযেৰ নিব্বত্তন্তীতি ‘‘ইত্থী ভণ্ডানমুত্তম’’ন্তি আহ। কোধো সত্থমলন্তি কোধো মলগ্গহিতসত্থসদিসো, পঞ্ঞাসত্থস্স ৰা মলন্তি সত্থমলং। অব্বুদন্তি ৰিনাসকারণং, চোরা লোকস্মিং ৰিনাসকাতি অত্থো। হরন্তোতি সলাকভত্তাদীনি গহেত্ৰা গচ্ছন্তো। সলাকভত্তাদীনি হি পট্ঠপিতকালেযেৰ মনুস্সেহি পরিচ্চত্তানি। তেসং তানি হরন্তো সমণো পিযো হোতি, অনাহরন্তে পুঞ্ঞহানিং নিস্সায ৰিপ্পটিসারিনো হোন্তি। সত্তমং।
77. Sattame satthamalanti malaggahitasatthaṃ. Kiṃ su harantaṃ vārentīti kaṃ harantaṃ nisedhenti. Vasoti āṇāpavattanaṃ. Itthīti avissajjanīyabhaṇḍattā ‘‘itthī bhaṇḍānamuttamaṃ, varabhaṇḍa’’nti āha. Atha vā sabbepi bodhisattā ca cakkavattino ca mātukucchiyaṃyeva nibbattantīti ‘‘itthī bhaṇḍānamuttama’’nti āha. Kodho satthamalanti kodho malaggahitasatthasadiso, paññāsatthassa vā malanti satthamalaṃ. Abbudanti vināsakāraṇaṃ, corā lokasmiṃ vināsakāti attho. Harantoti salākabhattādīni gahetvā gacchanto. Salākabhattādīni hi paṭṭhapitakāleyeva manussehi pariccattāni. Tesaṃ tāni haranto samaṇo piyo hoti, anāharante puññahāniṃ nissāya vippaṭisārino honti. Sattamaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৭. ইস্সরিযসুত্তং • 7. Issariyasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৭. ইস্সরিযসুত্তৰণ্ণনা • 7. Issariyasuttavaṇṇanā
