| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
7. иссарияасуд̇д̇аван̣н̣анаа
7. Issariyasuttavaṇṇanā
77. сад̇д̇амз сад̇т̇амаланд̇и малаг̇г̇ахид̇асад̇т̇ам̣. гим̣ су харанд̇ам̣ ваарзнд̇ийд̇и гам̣ харанд̇ам̣ нисзд̇хзнд̇и. васод̇и аан̣аабавад̇д̇анам̣. ид̇т̇ийд̇и ависсаж̇ж̇анийяабхан̣д̣ад̇д̇аа ‘‘ид̇т̇ий бхан̣д̣аанамуд̇д̇амам̣, варабхан̣д̣а’’нд̇и ааха. ат̇а ваа саб̣б̣зби б̣од̇хисад̇д̇аа жа жаггавад̇д̇ино жа маад̇угужчияам̣язва ниб̣б̣ад̇д̇анд̇ийд̇и ‘‘ид̇т̇ий бхан̣д̣аанамуд̇д̇ама’’нд̇и ааха. год̇хо сад̇т̇амаланд̇и год̇хо малаг̇г̇ахид̇асад̇т̇асад̣̇исо, бан̃н̃аасад̇т̇асса ваа маланд̇и сад̇т̇амалам̣. аб̣б̣уд̣̇анд̇и винаасагааран̣ам̣, жораа логасмим̣ винаасагаад̇и ад̇т̇о. харанд̇од̇и салаагабхад̇д̇аад̣̇ийни г̇ахзд̇ваа г̇ажчанд̇о. салаагабхад̇д̇аад̣̇ийни хи бадтабид̇агаалзязва мануссзхи барижжад̇д̇аани. д̇зсам̣ д̇аани харанд̇о саман̣о бияо ход̇и, анаахаранд̇з бун̃н̃ахааним̣ ниссааяа виббадисаарино хонд̇и. сад̇д̇амам̣.
77. Sattame satthamalanti malaggahitasatthaṃ. Kiṃ su harantaṃ vārentīti kaṃ harantaṃ nisedhenti. Vasoti āṇāpavattanaṃ. Itthīti avissajjanīyabhaṇḍattā ‘‘itthī bhaṇḍānamuttamaṃ, varabhaṇḍa’’nti āha. Atha vā sabbepi bodhisattā ca cakkavattino ca mātukucchiyaṃyeva nibbattantīti ‘‘itthī bhaṇḍānamuttama’’nti āha. Kodho satthamalanti kodho malaggahitasatthasadiso, paññāsatthassa vā malanti satthamalaṃ. Abbudanti vināsakāraṇaṃ, corā lokasmiṃ vināsakāti attho. Harantoti salākabhattādīni gahetvā gacchanto. Salākabhattādīni hi paṭṭhapitakāleyeva manussehi pariccattāni. Tesaṃ tāni haranto samaṇo piyo hoti, anāharante puññahāniṃ nissāya vippaṭisārino honti. Sattamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. иссарияасуд̇д̇ам̣ • 7. Issariyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. иссарияасуд̇д̇аван̣н̣анаа • 7. Issariyasuttavaṇṇanā
