| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
7. иссарияасуд̇д̇аван̣н̣анаа
7. Issariyasuttavaṇṇanā
77. сад̇т̇асса маланд̇и сад̇т̇амалам̣, язна сад̇т̇ам̣ малийнам̣ ход̇и, сад̇т̇амалаг̇г̇ахан̣зна жзд̇т̇а малийнам̣ сад̇т̇амзва г̇ахид̇анд̇и ааха ‘‘малаг̇г̇ахид̇асад̇т̇а’’нд̇и. аан̣аабавад̇д̇ананд̇и аббагз ваа маханд̇з ваа яад̇т̇а гад̇т̇ажи ад̇д̇ано аан̣ааяа бавад̇д̇анавасзна васанам̣ иссарияад̇д̇амижчанд̇и. ман̣ирад̇анамби виссаж̇ж̇анийяабагкигад̇д̇аа уд̇д̇амам̣ бхан̣д̣ам̣ наама на ход̇и, ид̇т̇ий бана барижжад̇д̇агулаажаарид̇т̇игааяаби аниссаж̇ж̇анийяад̇ааяа уд̇д̇амабхан̣д̣ам̣ наама. д̇знааха ‘‘ид̇т̇ий бхан̣д̣аанамуд̇д̇ама’’нд̇и. д̇зсам̣ д̇зсан̃хи бурисааж̇аанийяаанам̣ уббад̇д̇идтаанад̇ааяа уд̇д̇амарад̇анаагарад̇д̇аа ид̇т̇ий бхан̣д̣аанамуд̇д̇амам̣. малаг̇г̇ахид̇асад̇т̇асад̣̇исо аваб̣од̇хагижжавиб̣анд̇ханад̇о. сад̇т̇амалам̣ вияа сад̇т̇асса бан̃н̃аасад̇т̇асса г̇ун̣аабхаавагаран̣ад̇о бан̃н̃аасад̇т̇амалам̣ . аб̣б̣у вужжад̇и убад̣̇д̣̇авам̣, д̇ам̣ д̣̇зд̇ийд̇и аб̣б̣уд̣̇ам̣, винаасагааран̣ам̣. нану харан̣ам̣ саман̣асса аяуд̇д̇анд̇и? яуд̇д̇ам̣. д̇асса анваяад̇о б̣яад̇ирзгад̇о жа яуд̇д̇ад̇ам̣ д̣̇ассзнд̇о ‘‘салаагабхад̇д̇аад̣̇ийний’’д̇иаад̣̇имааха.
77. Satthassa malanti satthamalaṃ, yena satthaṃ malīnaṃ hoti, satthamalaggahaṇena cettha malīnaṃ satthameva gahitanti āha ‘‘malaggahitasattha’’nti. Āṇāpavattananti appake vā mahante vā yattha katthaci attano āṇāya pavattanavasena vasanaṃ issariyattamicchanti. Maṇiratanampi vissajjanīyapakkhikattā uttamaṃ bhaṇḍaṃ nāma na hoti, itthī pana pariccattakulācāritthikāyapi anissajjanīyatāya uttamabhaṇḍaṃ nāma. Tenāha ‘‘itthī bhaṇḍānamuttama’’nti. Tesaṃ tesañhi purisājānīyānaṃ uppattiṭṭhānatāya uttamaratanākarattā itthī bhaṇḍānamuttamaṃ. Malaggahitasatthasadiso avabodhakiccavibandhanato. Satthamalaṃ viya satthassa paññāsatthassa guṇābhāvakaraṇato paññāsatthamalaṃ. Abbu vuccati upaddavaṃ, taṃ detīti abbudaṃ, vināsakāraṇaṃ. Nanu haraṇaṃ samaṇassa ayuttanti? Yuttaṃ. Tassa anvayato byatirekato ca yuttataṃ dassento ‘‘salākabhattādīnī’’tiādimāha.
иссарияасуд̇д̇аван̣н̣анаа нидтид̇аа.
Issariyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. иссарияасуд̇д̇ам̣ • 7. Issariyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. иссарияасуд̇д̇аван̣н̣анаа • 7. Issariyasuttavaṇṇanā
