| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๗. อิสฺสริยสุตฺตวณฺณนา
7. Issariyasuttavaṇṇanā
๗๗. สตฺตเม สตฺถมลนฺติ มลคฺคหิตสตฺถํฯ กิํ สุ หรนฺตํ วาเรนฺตีติ กํ หรนฺตํ นิเสเธนฺติฯ วโสติ อาณาปวตฺตนํฯ อิตฺถีติ อวิสฺสชฺชนียภณฺฑตฺตา ‘‘อิตฺถี ภณฺฑานมุตฺตมํ, วรภณฺฑ’’นฺติ อาหฯ อถ วา สเพฺพปิ โพธิสตฺตา จ จกฺกวตฺติโน จ มาตุกุจฺฉิยํเยว นิพฺพตฺตนฺตีติ ‘‘อิตฺถี ภณฺฑานมุตฺตม’’นฺติ อาหฯ โกโธ สตฺถมลนฺติ โกโธ มลคฺคหิตสตฺถสทิโส, ปญฺญาสตฺถสฺส วา มลนฺติ สตฺถมลํฯ อพฺพุทนฺติ วินาสการณํ, โจรา โลกสฺมิํ วินาสกาติ อโตฺถฯ หรโนฺตติ สลากภตฺตาทีนิ คเหตฺวา คจฺฉโนฺตฯ สลากภตฺตาทีนิ หิ ปฎฺฐปิตกาเลเยว มนุเสฺสหิ ปริจฺจตฺตานิฯ เตสํ ตานิ หรโนฺต สมโณ ปิโย โหติ, อนาหรเนฺต ปุญฺญหานิํ นิสฺสาย วิปฺปฎิสาริโน โหนฺติฯ สตฺตมํฯ
77. Sattame satthamalanti malaggahitasatthaṃ. Kiṃ su harantaṃ vārentīti kaṃ harantaṃ nisedhenti. Vasoti āṇāpavattanaṃ. Itthīti avissajjanīyabhaṇḍattā ‘‘itthī bhaṇḍānamuttamaṃ, varabhaṇḍa’’nti āha. Atha vā sabbepi bodhisattā ca cakkavattino ca mātukucchiyaṃyeva nibbattantīti ‘‘itthī bhaṇḍānamuttama’’nti āha. Kodho satthamalanti kodho malaggahitasatthasadiso, paññāsatthassa vā malanti satthamalaṃ. Abbudanti vināsakāraṇaṃ, corā lokasmiṃ vināsakāti attho. Harantoti salākabhattādīni gahetvā gacchanto. Salākabhattādīni hi paṭṭhapitakāleyeva manussehi pariccattāni. Tesaṃ tāni haranto samaṇo piyo hoti, anāharante puññahāniṃ nissāya vippaṭisārino honti. Sattamaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๗. อิสฺสริยสุตฺตํ • 7. Issariyasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๗. อิสฺสริยสุตฺตวณฺณนา • 7. Issariyasuttavaṇṇanā
