| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੭. ਇਸ੍ਸਰਿਯਸੁਤ੍ਤવਣ੍ਣਨਾ
7. Issariyasuttavaṇṇanā
੭੭. ਸਤ੍ਤਮੇ ਸਤ੍ਥਮਲਨ੍ਤਿ ਮਲਗ੍ਗਹਿਤਸਤ੍ਥਂ। ਕਿਂ ਸੁ ਹਰਨ੍ਤਂ વਾਰੇਨ੍ਤੀਤਿ ਕਂ ਹਰਨ੍ਤਂ ਨਿਸੇਧੇਨ੍ਤਿ। વਸੋਤਿ ਆਣਾਪવਤ੍ਤਨਂ। ਇਤ੍ਥੀਤਿ ਅવਿਸ੍ਸਜ੍ਜਨੀਯਭਣ੍ਡਤ੍ਤਾ ‘‘ਇਤ੍ਥੀ ਭਣ੍ਡਾਨਮੁਤ੍ਤਮਂ, વਰਭਣ੍ਡ’’ਨ੍ਤਿ ਆਹ। ਅਥ વਾ ਸਬ੍ਬੇਪਿ ਬੋਧਿਸਤ੍ਤਾ ਚ ਚਕ੍ਕવਤ੍ਤਿਨੋ ਚ ਮਾਤੁਕੁਚ੍ਛਿਯਂਯੇવ ਨਿਬ੍ਬਤ੍ਤਨ੍ਤੀਤਿ ‘‘ਇਤ੍ਥੀ ਭਣ੍ਡਾਨਮੁਤ੍ਤਮ’’ਨ੍ਤਿ ਆਹ। ਕੋਧੋ ਸਤ੍ਥਮਲਨ੍ਤਿ ਕੋਧੋ ਮਲਗ੍ਗਹਿਤਸਤ੍ਥਸਦਿਸੋ, ਪਞ੍ਞਾਸਤ੍ਥਸ੍ਸ વਾ ਮਲਨ੍ਤਿ ਸਤ੍ਥਮਲਂ। ਅਬ੍ਬੁਦਨ੍ਤਿ વਿਨਾਸਕਾਰਣਂ, ਚੋਰਾ ਲੋਕਸ੍ਮਿਂ વਿਨਾਸਕਾਤਿ ਅਤ੍ਥੋ। ਹਰਨ੍ਤੋਤਿ ਸਲਾਕਭਤ੍ਤਾਦੀਨਿ ਗਹੇਤ੍વਾ ਗਚ੍ਛਨ੍ਤੋ। ਸਲਾਕਭਤ੍ਤਾਦੀਨਿ ਹਿ ਪਟ੍ਠਪਿਤਕਾਲੇਯੇવ ਮਨੁਸ੍ਸੇਹਿ ਪਰਿਚ੍ਚਤ੍ਤਾਨਿ। ਤੇਸਂ ਤਾਨਿ ਹਰਨ੍ਤੋ ਸਮਣੋ ਪਿਯੋ ਹੋਤਿ, ਅਨਾਹਰਨ੍ਤੇ ਪੁਞ੍ਞਹਾਨਿਂ ਨਿਸ੍ਸਾਯ વਿਪ੍ਪਟਿਸਾਰਿਨੋ ਹੋਨ੍ਤਿ। ਸਤ੍ਤਮਂ।
77. Sattame satthamalanti malaggahitasatthaṃ. Kiṃ su harantaṃ vārentīti kaṃ harantaṃ nisedhenti. Vasoti āṇāpavattanaṃ. Itthīti avissajjanīyabhaṇḍattā ‘‘itthī bhaṇḍānamuttamaṃ, varabhaṇḍa’’nti āha. Atha vā sabbepi bodhisattā ca cakkavattino ca mātukucchiyaṃyeva nibbattantīti ‘‘itthī bhaṇḍānamuttama’’nti āha. Kodho satthamalanti kodho malaggahitasatthasadiso, paññāsatthassa vā malanti satthamalaṃ. Abbudanti vināsakāraṇaṃ, corā lokasmiṃ vināsakāti attho. Harantoti salākabhattādīni gahetvā gacchanto. Salākabhattādīni hi paṭṭhapitakāleyeva manussehi pariccattāni. Tesaṃ tāni haranto samaṇo piyo hoti, anāharante puññahāniṃ nissāya vippaṭisārino honti. Sattamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. ਇਸ੍ਸਰਿਯਸੁਤ੍ਤਂ • 7. Issariyasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੭. ਇਸ੍ਸਰਿਯਸੁਤ੍ਤવਣ੍ਣਨਾ • 7. Issariyasuttavaṇṇanā
