| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੭. ਇਸ੍ਸਰਿਯਸੁਤ੍ਤવਣ੍ਣਨਾ
7. Issariyasuttavaṇṇanā
੭੭. ਸਤ੍ਥਸ੍ਸ ਮਲਨ੍ਤਿ ਸਤ੍ਥਮਲਂ, ਯੇਨ ਸਤ੍ਥਂ ਮਲੀਨਂ ਹੋਤਿ, ਸਤ੍ਥਮਲਗ੍ਗਹਣੇਨ ਚੇਤ੍ਥ ਮਲੀਨਂ ਸਤ੍ਥਮੇવ ਗਹਿਤਨ੍ਤਿ ਆਹ ‘‘ਮਲਗ੍ਗਹਿਤਸਤ੍ਥ’’ਨ੍ਤਿ। ਆਣਾਪવਤ੍ਤਨਨ੍ਤਿ ਅਪ੍ਪਕੇ વਾ ਮਹਨ੍ਤੇ વਾ ਯਤ੍ਥ ਕਤ੍ਥਚਿ ਅਤ੍ਤਨੋ ਆਣਾਯ ਪવਤ੍ਤਨવਸੇਨ વਸਨਂ ਇਸ੍ਸਰਿਯਤ੍ਤਮਿਚ੍ਛਨ੍ਤਿ। ਮਣਿਰਤਨਮ੍ਪਿ વਿਸ੍ਸਜ੍ਜਨੀਯਪਕ੍ਖਿਕਤ੍ਤਾ ਉਤ੍ਤਮਂ ਭਣ੍ਡਂ ਨਾਮ ਨ ਹੋਤਿ, ਇਤ੍ਥੀ ਪਨ ਪਰਿਚ੍ਚਤ੍ਤਕੁਲਾਚਾਰਿਤ੍ਥਿਕਾਯਪਿ ਅਨਿਸ੍ਸਜ੍ਜਨੀਯਤਾਯ ਉਤ੍ਤਮਭਣ੍ਡਂ ਨਾਮ। ਤੇਨਾਹ ‘‘ਇਤ੍ਥੀ ਭਣ੍ਡਾਨਮੁਤ੍ਤਮ’’ਨ੍ਤਿ। ਤੇਸਂ ਤੇਸਞ੍ਹਿ ਪੁਰਿਸਾਜਾਨੀਯਾਨਂ ਉਪ੍ਪਤ੍ਤਿਟ੍ਠਾਨਤਾਯ ਉਤ੍ਤਮਰਤਨਾਕਰਤ੍ਤਾ ਇਤ੍ਥੀ ਭਣ੍ਡਾਨਮੁਤ੍ਤਮਂ। ਮਲਗ੍ਗਹਿਤਸਤ੍ਥਸਦਿਸੋ ਅવਬੋਧਕਿਚ੍ਚવਿਬਨ੍ਧਨਤੋ। ਸਤ੍ਥਮਲਂ વਿਯ ਸਤ੍ਥਸ੍ਸ ਪਞ੍ਞਾਸਤ੍ਥਸ੍ਸ ਗੁਣਾਭਾવਕਰਣਤੋ ਪਞ੍ਞਾਸਤ੍ਥਮਲਂ । ਅਬ੍ਬੁ વੁਚ੍ਚਤਿ ਉਪਦ੍ਦવਂ, ਤਂ ਦੇਤੀਤਿ ਅਬ੍ਬੁਦਂ, વਿਨਾਸਕਾਰਣਂ। ਨਨੁ ਹਰਣਂ ਸਮਣਸ੍ਸ ਅਯੁਤ੍ਤਨ੍ਤਿ? ਯੁਤ੍ਤਂ। ਤਸ੍ਸ ਅਨ੍વਯਤੋ ਬ੍ਯਤਿਰੇਕਤੋ ਚ ਯੁਤ੍ਤਤਂ ਦਸ੍ਸੇਨ੍ਤੋ ‘‘ਸਲਾਕਭਤ੍ਤਾਦੀਨੀ’’ਤਿਆਦਿਮਾਹ।
77. Satthassa malanti satthamalaṃ, yena satthaṃ malīnaṃ hoti, satthamalaggahaṇena cettha malīnaṃ satthameva gahitanti āha ‘‘malaggahitasattha’’nti. Āṇāpavattananti appake vā mahante vā yattha katthaci attano āṇāya pavattanavasena vasanaṃ issariyattamicchanti. Maṇiratanampi vissajjanīyapakkhikattā uttamaṃ bhaṇḍaṃ nāma na hoti, itthī pana pariccattakulācāritthikāyapi anissajjanīyatāya uttamabhaṇḍaṃ nāma. Tenāha ‘‘itthī bhaṇḍānamuttama’’nti. Tesaṃ tesañhi purisājānīyānaṃ uppattiṭṭhānatāya uttamaratanākarattā itthī bhaṇḍānamuttamaṃ. Malaggahitasatthasadiso avabodhakiccavibandhanato. Satthamalaṃ viya satthassa paññāsatthassa guṇābhāvakaraṇato paññāsatthamalaṃ. Abbu vuccati upaddavaṃ, taṃ detīti abbudaṃ, vināsakāraṇaṃ. Nanu haraṇaṃ samaṇassa ayuttanti? Yuttaṃ. Tassa anvayato byatirekato ca yuttataṃ dassento ‘‘salākabhattādīnī’’tiādimāha.
ਇਸ੍ਸਰਿਯਸੁਤ੍ਤવਣ੍ਣਨਾ ਨਿਟ੍ਠਿਤਾ।
Issariyasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. ਇਸ੍ਸਰਿਯਸੁਤ੍ਤਂ • 7. Issariyasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੭. ਇਸ੍ਸਰਿਯਸੁਤ੍ਤવਣ੍ਣਨਾ • 7. Issariyasuttavaṇṇanā
