Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya

4. иссад̇д̇асуд̇д̇ам̣

4. Issattasuttaṃ

135. саавад̇т̇инид̣̇аанам̣. згаманд̇ам̣ нисинно ко рааж̇аа басзнад̣̇и госало бхаг̇аванд̇ам̣ зд̇ад̣̇авожа – ‘‘гад̇т̇а ну ко, бханд̇з, д̣̇аанам̣ д̣̇аад̇аб̣б̣а’’нд̇и? ‘‘яад̇т̇а ко, махаарааж̇а, жид̇д̇ам̣ басийд̣̇ад̇ий’’д̇и. ‘‘гад̇т̇а бана, бханд̇з, д̣̇иннам̣ махабпала’’нд̇и? ‘‘ан̃н̃ам̣ ко зд̇ам̣, махаарааж̇а, гад̇т̇а д̣̇аанам̣ д̣̇аад̇аб̣б̣ам̣, ан̃н̃ам̣ банзд̇ам̣ гад̇т̇а д̣̇иннам̣ махабпаланд̇и? сийлавад̇о ко, махаарааж̇а, д̣̇иннам̣ махабпалам̣, но д̇ат̇аа д̣̇уссийлз. д̇зна хи, махаарааж̇а, д̇ан̃н̃звзд̇т̇а бадибужчиссаами. яат̇аа, д̇з камзяяа, д̇ат̇аа нам̣ б̣яаагарзяяааси. д̇ам̣ гим̣ ман̃н̃аси, махаарааж̇а, ид̇ха д̇яасса яуд̣̇д̇хам̣ бажжубадтид̇ам̣ сан̇г̇аамо самубаб̣яуул̣хо ¹. ат̇а ааг̇ажчзяяа кад̇д̇ияагумааро асигкид̇о агад̇ахад̇т̇о агад̇аяог̇г̇о агад̇уубаасано бхийру чамбхий уд̇раасий балааяий. бхарзяяааси д̇ам̣ бурисам̣, ад̇т̇о жа д̇з д̇аад̣̇исзна бурисзнаа’’д̇и? ‘‘наахам̣, бханд̇з, бхарзяяам̣ д̇ам̣ бурисам̣, на жа мз ад̇т̇о д̇аад̣̇исзна бурисзнаа’’д̇и. ‘‘ат̇а ааг̇ажчзяяа б̣раахман̣агумааро асигкид̇о…бз… ат̇а ааг̇ажчзяяа взссагумааро асигкид̇о…бз… ат̇а ааг̇ажчзяяа суд̣̇д̣̇агумааро асигкид̇о…бз… на жа мз ад̇т̇о д̇аад̣̇исзна бурисзнаа’’д̇и.

135. Sāvatthinidānaṃ. Ekamantaṃ nisinno kho rājā pasenadi kosalo bhagavantaṃ etadavoca – ‘‘kattha nu kho, bhante, dānaṃ dātabba’’nti? ‘‘Yattha kho, mahārāja, cittaṃ pasīdatī’’ti. ‘‘Kattha pana, bhante, dinnaṃ mahapphala’’nti? ‘‘Aññaṃ kho etaṃ, mahārāja, kattha dānaṃ dātabbaṃ, aññaṃ panetaṃ kattha dinnaṃ mahapphalanti? Sīlavato kho, mahārāja, dinnaṃ mahapphalaṃ, no tathā dussīle. Tena hi, mahārāja, taññevettha paṭipucchissāmi. Yathā, te khameyya, tathā naṃ byākareyyāsi. Taṃ kiṃ maññasi, mahārāja, idha tyassa yuddhaṃ paccupaṭṭhitaṃ saṅgāmo samupabyūḷho ². Atha āgaccheyya khattiyakumāro asikkhito akatahattho akatayoggo akatūpāsano bhīru chambhī utrāsī palāyī. Bhareyyāsi taṃ purisaṃ, attho ca te tādisena purisenā’’ti? ‘‘Nāhaṃ, bhante, bhareyyaṃ taṃ purisaṃ, na ca me attho tādisena purisenā’’ti. ‘‘Atha āgaccheyya brāhmaṇakumāro asikkhito…pe… atha āgaccheyya vessakumāro asikkhito…pe… atha āgaccheyya suddakumāro asikkhito…pe… na ca me attho tādisena purisenā’’ti.

‘‘д̇ам̣ гим̣ ман̃н̃аси, махаарааж̇а, ид̇ха д̇яасса яуд̣̇д̇хам̣ бажжубадтид̇ам̣ сан̇г̇аамо самубаб̣яуул̣хо. ат̇а ааг̇ажчзяяа кад̇д̇ияагумааро сусигкид̇о гад̇ахад̇т̇о гад̇аяог̇г̇о гад̇уубаасано абхийру ажчамбхий ануд̇раасий абалааяий. бхарзяяааси д̇ам̣ бурисам̣, ад̇т̇о жа д̇з д̇аад̣̇исзна бурисзнаа’’д̇и? ‘‘бхарзяяаахам̣, бханд̇з , д̇ам̣ бурисам̣, ад̇т̇о жа мз д̇аад̣̇исзна бурисзнаа’’д̇и. ‘‘ат̇а ааг̇ажчзяяа б̣раахман̣агумааро…бз… ат̇а ааг̇ажчзяяа взссагумааро…бз… ат̇а ааг̇ажчзяяа суд̣̇д̣̇агумааро сусигкид̇о гад̇ахад̇т̇о гад̇аяог̇г̇о гад̇уубаасано абхийру ажчамбхий ануд̇раасий абалааяий. бхарзяяааси д̇ам̣ бурисам̣, ад̇т̇о жа д̇з д̇аад̣̇исзна бурисзнаа’’д̇и? ‘‘бхарзяяаахам̣, бханд̇з, д̇ам̣ бурисам̣, ад̇т̇о жа мз д̇аад̣̇исзна бурисзнаа’’д̇и.

‘‘Taṃ kiṃ maññasi, mahārāja, idha tyassa yuddhaṃ paccupaṭṭhitaṃ saṅgāmo samupabyūḷho. Atha āgaccheyya khattiyakumāro susikkhito katahattho katayoggo katūpāsano abhīru acchambhī anutrāsī apalāyī. Bhareyyāsi taṃ purisaṃ, attho ca te tādisena purisenā’’ti? ‘‘Bhareyyāhaṃ, bhante , taṃ purisaṃ, attho ca me tādisena purisenā’’ti. ‘‘Atha āgaccheyya brāhmaṇakumāro…pe… atha āgaccheyya vessakumāro…pe… atha āgaccheyya suddakumāro susikkhito katahattho katayoggo katūpāsano abhīru acchambhī anutrāsī apalāyī. Bhareyyāsi taṃ purisaṃ, attho ca te tādisena purisenā’’ti? ‘‘Bhareyyāhaṃ, bhante, taṃ purisaṃ, attho ca me tādisena purisenā’’ti.

‘‘звамзва ко, махаарааж̇а, яасмаа гасмаа жзби ³ гулаа аг̇аарасмаа анаг̇аарияам̣ баб̣б̣аж̇ид̇о ход̇и, со жа ход̇и бан̃жан̇г̇авиббахийно бан̃жан̇г̇асаманнааг̇ад̇о, д̇асмим̣ д̣̇иннам̣ махабпалам̣ ход̇и. гад̇амаани бан̃жан̇г̇аани бахийнаани хонд̇и? гаамажчанд̣̇о бахийно ход̇и, б̣яаабаад̣̇о бахийно ход̇и, т̇инамид̣̇д̇хам̣ бахийнам̣ ход̇и, уд̣̇д̇хажжагуггужжам̣ бахийнам̣ ход̇и, вижигижчаа бахийнаа ход̇и. имаани бан̃жан̇г̇аани бахийнаани хонд̇и. гад̇амзхи бан̃жахан̇г̇зхи саманнааг̇ад̇о ход̇и? асзгкзна сийлагканд̇хзна саманнааг̇ад̇о ход̇и, асзгкзна самаад̇хигканд̇хзна саманнааг̇ад̇о ход̇и, асзгкзна бан̃н̃аагканд̇хзна саманнааг̇ад̇о ход̇и, асзгкзна вимуд̇д̇игканд̇хзна саманнааг̇ад̇о ход̇и, асзгкзна вимуд̇д̇ин̃аан̣ад̣̇ассанагканд̇хзна саманнааг̇ад̇о ход̇и. имзхи бан̃жахан̇г̇зхи саманнааг̇ад̇о ход̇и. ид̇и бан̃жан̇г̇авиббахийнз бан̃жан̇г̇асаманнааг̇ад̇з д̣̇иннам̣ махабпала’’нд̇и. ид̣̇амавожа бхаг̇аваа…бз… сад̇т̇аа –

‘‘Evameva kho, mahārāja, yasmā kasmā cepi ⁴ kulā agārasmā anagāriyaṃ pabbajito hoti, so ca hoti pañcaṅgavippahīno pañcaṅgasamannāgato, tasmiṃ dinnaṃ mahapphalaṃ hoti. Katamāni pañcaṅgāni pahīnāni honti? Kāmacchando pahīno hoti, byāpādo pahīno hoti, thinamiddhaṃ pahīnaṃ hoti, uddhaccakukkuccaṃ pahīnaṃ hoti, vicikicchā pahīnā hoti. Imāni pañcaṅgāni pahīnāni honti. Katamehi pañcahaṅgehi samannāgato hoti? Asekkhena sīlakkhandhena samannāgato hoti, asekkhena samādhikkhandhena samannāgato hoti, asekkhena paññākkhandhena samannāgato hoti, asekkhena vimuttikkhandhena samannāgato hoti, asekkhena vimuttiñāṇadassanakkhandhena samannāgato hoti. Imehi pañcahaṅgehi samannāgato hoti. Iti pañcaṅgavippahīne pañcaṅgasamannāgate dinnaṃ mahapphala’’nti. Idamavoca bhagavā…pe… satthā –

‘‘иссад̇д̇ам̣ ⁵ б̣алавийрияан̃жа ⁶, яасмим̣ виж̇ж̇зт̇а маан̣авз;

‘‘Issattaṃ ⁷ balavīriyañca ⁸, yasmiṃ vijjetha māṇave;

д̇ам̣ яуд̣̇д̇хад̇т̇о бхарз рааж̇аа, наасуурам̣ ж̇аад̇ибажжаяаа.

Taṃ yuddhattho bhare rājā, nāsūraṃ jātipaccayā.

‘‘д̇ат̇зва канд̇исоражжам̣, д̇хаммаа яасмим̣ бад̇идтид̇аа;

‘‘Tatheva khantisoraccaṃ, dhammā yasmiṃ patiṭṭhitā;

арияавуд̇д̇им̣ мзд̇хаавим̣, хийнаж̇ажжамби бууж̇аяз.

Ariyavuttiṃ medhāviṃ, hīnajaccampi pūjaye.

‘‘гаараяз ассамз раммз, ваасаязд̇т̇а б̣ахуссуд̇з;

‘‘Kāraye assame ramme, vāsayettha bahussute;

бабан̃жа виванз гаяираа, д̣̇уг̇г̇з сан̇гаманаани жа.

Papañca vivane kayirā, dugge saṅkamanāni ca.

‘‘аннам̣ баанам̣ каад̣̇анийяам̣, вад̇т̇асзнаасанаани жа;

‘‘Annaṃ pānaṃ khādanīyaṃ, vatthasenāsanāni ca;

д̣̇ад̣̇зяяа уж̇убхууд̇зсу, виббасаннзна жзд̇асаа.

Dadeyya ujubhūtesu, vippasannena cetasā.

‘‘яат̇аа хи мзгхо т̇анаяам̣, виж̇ж̇умаалий сад̇аггагу;

‘‘Yathā hi megho thanayaṃ, vijjumālī satakkaku;

т̇алам̣ ниннан̃жа буурзд̇и, абхивассам̣ васунд̇харам̣.

Thalaṃ ninnañca pūreti, abhivassaṃ vasundharaṃ.

‘‘д̇ат̇зва сад̣̇д̇хо суд̇аваа, абхисан̇кажжа бхож̇анам̣;

‘‘Tatheva saddho sutavā, abhisaṅkhacca bhojanaṃ;

ваниб̣б̣агз д̇аббаяад̇и, аннабаанзна бан̣д̣ид̇о.

Vanibbake tappayati, annapānena paṇḍito.

‘‘аамод̣̇амаано багирзд̇и, д̣̇зт̇а д̣̇зт̇аад̇и бхаасад̇и;

‘‘Āmodamāno pakireti, detha dethāti bhāsati;

д̇ам̣ хисса г̇аж̇ж̇ид̇ам̣ ход̇и, д̣̇звассзва бавассад̇о;

Taṃ hissa gajjitaṃ hoti, devasseva pavassato;

саа бун̃н̃ад̇хаараа вибулаа, д̣̇аад̇аарам̣ абхивассад̇ий’’д̇и.

Sā puññadhārā vipulā, dātāraṃ abhivassatī’’ti.

Next: 5. баб̣б̣ад̇уубамасуд̇д̇ам̣ • 5. Pabbatūpamasuttaṃ

Footnotes:

1. самуубаб̣б̣уул̣хо (сий.), самубаб̣б̣ул̣хо (бий.)

2. samūpabbūḷho (sī.), samupabbuḷho (pī.)

3. яасмаа жзби (сий. сяаа. гам̣. га.)

4. yasmā cepi (sī. syā. kaṃ. ka.)

5. иссад̇т̇ам̣ (сий. сяаа. гам̣.)

6. б̣алавирияан̃жа (сий. сяаа. гам̣. бий.)

7. issatthaṃ (sī. syā. kaṃ.)

8. balaviriyañca (sī. syā. kaṃ. pī.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. иссад̇д̇асуд̇д̇аван̣н̣анаа • 4. Issattasuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. иссад̇д̇асуд̇д̇аван̣н̣анаа • 4. Issattasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact