| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
4. иссад̇д̇асуд̇д̇аван̣н̣анаа
4. Issattasuttavaṇṇanā
135. жад̇уд̇т̇асса адтуббад̇д̇иго нигкзбо. бхаг̇авад̇о гира батамаб̣од̇хияам̣ махаалаабхасаггааро уд̣̇абаад̣̇и бхигкусан̇гхасса жа. д̇ид̇т̇ияаа хад̇алаабхасаггаараа худ̇ваа гулзсу звам̣ гант̇знд̇аа вижаранд̇и – ‘‘саман̣о г̇од̇амо звамааха, ‘маяхамзва д̣̇аанам̣ д̣̇аад̇аб̣б̣ам̣, на ан̃н̃зсам̣ д̣̇аанам̣ д̣̇аад̇аб̣б̣ам̣. маяхамзва саавагаанам̣ д̣̇аанам̣ д̣̇аад̇аб̣б̣ам̣, на ан̃н̃зсам̣ саавагаанам̣ д̣̇аанам̣ д̣̇аад̇аб̣б̣ам̣. маяхамзва д̣̇иннам̣ махабпалам̣, на ан̃н̃зсам̣ д̣̇иннам̣ махабпалам̣. маяхамзва саавагаанам̣ д̣̇иннам̣ махабпалам̣, на ан̃н̃зсам̣ саавагаанам̣ д̣̇иннам̣ махабпала’нд̇и. яуд̇д̇ам̣ ну ко саяамби бхигкаажаараниссид̇зна барзсам̣ бхигкаажаараниссид̇аанам̣ жад̇уннам̣ бажжаяаанам̣ анд̇арааяам̣ гаад̇ум̣, аяуд̇д̇ам̣ гарод̇и ананужчавига’’нд̇и. саа гат̇аа бад̇т̇арамаанаа рааж̇агулам̣ самбад̇д̇аа. рааж̇аа суд̇ваа жинд̇зси – ‘‘адтаанамзд̇ам̣ яам̣ д̇ат̇ааг̇ад̇о барзсам̣ лаабханд̇арааяам̣ гарзяяа. зд̇з д̇ат̇ааг̇ад̇асса алаабхааяа аяасааяа барисагганд̇и. сажаахам̣ ид̇хзва тад̇ваа ‘маа звам̣ авожуд̇т̇а, на сад̇т̇аа звам̣ гат̇зд̇ий’д̇и вад̣̇зяяам̣, звам̣ саа гат̇аа ниж̇жхад̇д̇им̣ на г̇ажчзяяа, имасса махааж̇анасса саннибад̇ид̇агаалзязва нам̣ ниж̇жхаабзссаамий’’д̇и згам̣ чан̣ад̣̇ивасам̣ ааг̇амзнд̇о д̇ун̣хий ахоси.
135. Catutthassa aṭṭhuppattiko nikkhepo. Bhagavato kira paṭhamabodhiyaṃ mahālābhasakkāro udapādi bhikkhusaṅghassa ca. Titthiyā hatalābhasakkārā hutvā kulesu evaṃ kanthentā vicaranti – ‘‘samaṇo gotamo evamāha, ‘mayhameva dānaṃ dātabbaṃ, na aññesaṃ dānaṃ dātabbaṃ. Mayhameva sāvakānaṃ dānaṃ dātabbaṃ, na aññesaṃ sāvakānaṃ dānaṃ dātabbaṃ. Mayhameva dinnaṃ mahapphalaṃ, na aññesaṃ dinnaṃ mahapphalaṃ. Mayhameva sāvakānaṃ dinnaṃ mahapphalaṃ, na aññesaṃ sāvakānaṃ dinnaṃ mahapphala’nti. Yuttaṃ nu kho sayampi bhikkhācāranissitena paresaṃ bhikkhācāranissitānaṃ catunnaṃ paccayānaṃ antarāyaṃ kātuṃ, ayuttaṃ karoti ananucchavika’’nti. Sā kathā pattharamānā rājakulaṃ sampattā. Rājā sutvā cintesi – ‘‘aṭṭhānametaṃ yaṃ tathāgato paresaṃ lābhantarāyaṃ kareyya. Ete tathāgatassa alābhāya ayasāya parisakkanti. Sacāhaṃ idheva ṭhatvā ‘mā evaṃ avocuttha, na satthā evaṃ kathetī’ti vadeyyaṃ, evaṃ sā kathā nijjhattiṃ na gaccheyya, imassa mahājanassa sannipatitakāleyeva naṃ nijjhāpessāmī’’ti ekaṃ chaṇadivasaṃ āgamento tuṇhī ahosi.
абарзна самаязна махаачан̣з самбад̇д̇з ‘‘аяам̣ имасса гаало’’д̇и наг̇арз бхзрим̣ жараабзси – ‘‘сад̣̇д̇хаа ваа ассад̣̇д̇хаа ваа саммаад̣̇идтигаа ваа мижчаад̣̇идтигаа ваа г̇зхарагкагз д̣̇аарагз ваа маад̇уг̇аамз ваа табзд̇ваа авасзсаа яз вихаарам̣ нааг̇ажчанд̇и, бан̃н̃аасам̣ д̣̇ан̣д̣о’’д̇и. саяамби баад̇ова нхад̇ваа гад̇абаад̇араасо саб̣б̣аабхаран̣абадиман̣д̣ид̇о махад̇аа б̣алагааязна сад̣̇д̇хим̣ вихаарам̣ аг̇амааси. г̇ажчанд̇о жа жинд̇зси – ‘‘бхаг̇аваа д̇умхз гира звам̣ вад̣̇ат̇а ‘маяхамзва д̣̇аанам̣ д̣̇аад̇аб̣б̣ам̣…бз… на ан̃н̃зсам̣ саавагаанам̣ д̣̇иннам̣ махабпала’нд̇и звам̣ бужчид̇ум̣ аяуд̇д̇ам̣, бан̃хамзва бужчиссаами, бан̃хам̣ гат̇знд̇о жа мз бхаг̇аваа авасаанз д̇ид̇т̇ияаанам̣ ваад̣̇ам̣ бхан̃ж̇иссад̇ий’’д̇и. со бан̃хам̣ бужчанд̇о гад̇т̇а ну ко, бханд̇з, д̣̇аанам̣ д̣̇аад̇аб̣б̣анд̇и ааха. яад̇т̇аад̇и яасмим̣ буг̇г̇алз жид̇д̇ам̣ басийд̣̇ад̇и, д̇асмим̣ д̣̇аад̇аб̣б̣ам̣, д̇асса ваа д̣̇аад̇аб̣б̣анд̇и ад̇т̇о.
Aparena samayena mahāchaṇe sampatte ‘‘ayaṃ imassa kālo’’ti nagare bheriṃ carāpesi – ‘‘saddhā vā assaddhā vā sammādiṭṭhikā vā micchādiṭṭhikā vā geharakkhake dārake vā mātugāme vā ṭhapetvā avasesā ye vihāraṃ nāgacchanti, paññāsaṃ daṇḍo’’ti. Sayampi pātova nhatvā katapātarāso sabbābharaṇapaṭimaṇḍito mahatā balakāyena saddhiṃ vihāraṃ agamāsi. Gacchanto ca cintesi – ‘‘bhagavā tumhe kira evaṃ vadatha ‘mayhameva dānaṃ dātabbaṃ…pe… na aññesaṃ sāvakānaṃ dinnaṃ mahapphala’nti evaṃ pucchituṃ ayuttaṃ, pañhameva pucchissāmi, pañhaṃ kathento ca me bhagavā avasāne titthiyānaṃ vādaṃ bhañjissatī’’ti. So pañhaṃ pucchanto kattha nu kho, bhante, dānaṃ dātabbanti āha. Yatthāti yasmiṃ puggale cittaṃ pasīdati, tasmiṃ dātabbaṃ, tassa vā dātabbanti attho.
звам̣ вуд̇д̇з рааж̇аа язхи мануссзхи д̇ид̇т̇ияаанам̣ важанам̣ аарожид̇ам̣, д̇з ологзси. д̇з ран̃н̃аа ологид̇амад̇д̇аава ман̇губхууд̇аа ад̇хомукаа баад̣̇ан̇г̇удтагзна бхуумим̣ лзкамаанаа адтам̣су. рааж̇аа – ‘‘згабад̣̇знзва, бханд̇з, хад̇аа д̇ид̇т̇ияаа’’д̇и махааж̇анам̣ саавзнд̇о махаасад̣̇д̣̇зна абхааси. зван̃жа бана бхаасид̇ваа – ‘‘бхаг̇аваа жид̇д̇ам̣ наама ниг̇ан̣таажзлагабариб̣б̣ааж̇агаад̣̇ийсу яад̇т̇а гад̇т̇ажи басийд̣̇ад̇и , гад̇т̇а бана, бханд̇з, д̣̇иннам̣ махабпала’’нд̇и бужчи. ан̃н̃ам̣ ко зд̇анд̇и, ‘‘махаарааж̇а, ан̃н̃ам̣ д̇аяаа батамам̣ бужчид̇ам̣, ан̃н̃ам̣ бажчаа, саллагкзхи зд̇ам̣, бан̃хаагат̇анам̣ бана маяхам̣ бхааро’’д̇и вад̇ваа сийлавад̇о код̇иаад̣̇имааха. д̇ад̇т̇а ид̇ха д̇яассаад̇и ид̇ха д̇з асса. самубаб̣яуул̣ход̇и раасибхууд̇о. асигкид̇од̇и д̇ханусиббз асигкид̇о. агад̇ахад̇т̇од̇и мудтиб̣анд̇хаад̣̇ивасзна асамбаад̣̇ид̇ахад̇т̇о. агад̇аяог̇г̇од̇и д̇ин̣абун̃ж̇амад̇д̇игаабун̃ж̇аад̣̇ийсу агад̇абарижаяо. агад̇уубаасанод̇и рааж̇арааж̇амахаамад̇д̇аанам̣ ад̣̇ассид̇асарагкзбо. чамбхийд̇и бавзд̇хид̇агааяо.
Evaṃ vutte rājā yehi manussehi titthiyānaṃ vacanaṃ ārocitaṃ, te olokesi. Te raññā olokitamattāva maṅkubhūtā adhomukhā pādaṅguṭṭhakena bhūmiṃ lekhamānā aṭṭhaṃsu. Rājā – ‘‘ekapadeneva, bhante, hatā titthiyā’’ti mahājanaṃ sāvento mahāsaddena abhāsi. Evañca pana bhāsitvā – ‘‘bhagavā cittaṃ nāma nigaṇṭhācelakaparibbājakādīsu yattha katthaci pasīdati , kattha pana, bhante, dinnaṃ mahapphala’’nti pucchi. Aññaṃ kho etanti, ‘‘mahārāja, aññaṃ tayā paṭhamaṃ pucchitaṃ, aññaṃ pacchā, sallakkhehi etaṃ, pañhākathanaṃ pana mayhaṃ bhāro’’ti vatvā sīlavato khotiādimāha. Tattha idha tyassāti idha te assa. Samupabyūḷhoti rāsibhūto. Asikkhitoti dhanusippe asikkhito. Akatahatthoti muṭṭhibandhādivasena asampāditahattho. Akatayoggoti tiṇapuñjamattikāpuñjādīsu akataparicayo. Akatūpāsanoti rājarājamahāmattānaṃ adassitasarakkhepo. Chambhīti pavedhitakāyo.
гаамажчанд̣̇о бахийнод̇иаад̣̇ийсу арахад̇д̇амаг̇г̇зна гаамажчанд̣̇о бахийно ход̇и, анааг̇аамимаг̇г̇зна б̣яаабаад̣̇о , арахад̇д̇амаг̇г̇знзва т̇инамид̣̇д̇хам̣, д̇ат̇аа уд̣̇д̇хажжам̣, д̇ад̇иязнзва гуггужжам̣, батамамаг̇г̇зна вижигижчаа бахийнаа ход̇и. асзгкзна сийлагканд̇хзнаад̇и асзгкасса сийлагканд̇хо асзгко сийлагканд̇хо наама. зса наяо саб̣б̣ад̇т̇а. зд̇т̇а жа буримзхи жад̇уухи бад̣̇зхи логияалогуд̇д̇арасийласамаад̇хибан̃н̃аавимуд̇д̇ияо гат̇ид̇аа. вимуд̇д̇ин̃аан̣ад̣̇ассанам̣ бажжавзгкан̣ан̃аан̣ам̣ ход̇и, д̇ам̣ логияамзва.
Kāmacchando pahīnotiādīsu arahattamaggena kāmacchando pahīno hoti, anāgāmimaggena byāpādo , arahattamaggeneva thinamiddhaṃ, tathā uddhaccaṃ, tatiyeneva kukkuccaṃ, paṭhamamaggena vicikicchā pahīnā hoti. Asekkhenasīlakkhandhenāti asekkhassa sīlakkhandho asekkho sīlakkhandho nāma. Esa nayo sabbattha. Ettha ca purimehi catūhi padehi lokiyalokuttarasīlasamādhipaññāvimuttiyo kathitā. Vimuttiñāṇadassanaṃ paccavekkhaṇañāṇaṃ hoti, taṃ lokiyameva.
иссад̇д̇анд̇и усусиббам̣. б̣алавийрияанд̇и зд̇т̇а б̣алам̣ наама вааяод̇хаад̇у, вийрияам̣ гааяигажзд̇асигавийрияамзва. бхарзд̇и бхарзяяа. наасуурам̣ ж̇аад̇ибажжаяаад̇и, ‘‘аяам̣ ж̇аад̇исамбанно’’д̇и звам̣ ж̇аад̇игааран̣аа асуурам̣ на бхарзяяа.
Issattanti ususippaṃ. Balavīriyanti ettha balaṃ nāma vāyodhātu, vīriyaṃ kāyikacetasikavīriyameva. Bhareti bhareyya. Nāsūraṃ jātipaccayāti, ‘‘ayaṃ jātisampanno’’ti evaṃ jātikāraṇā asūraṃ na bhareyya.
канд̇исоражжанд̇и зд̇т̇а канд̇ийд̇и ад̇хиваасанаканд̇и, соражжанд̇и арахад̇д̇ам̣. д̇хаммаад̇и зд̇з д̣̇вз д̇хаммаа. ассамзд̇и аавасат̇з. виванзд̇и аран̃н̃адтаанз, нируд̣̇агз аран̃н̃з жад̇урассабогкаран̣иаад̣̇ийни гаараязд̇и ад̇т̇о. д̣̇уг̇г̇зд̇и висамадтаанз. сан̇гаманаанийд̇и бан̣н̣аасахад̇т̇асадтихад̇т̇аани самогин̣н̣абарисуд̣̇д̇хаваалигаани сан̇гаманаани гарзяяа.
Khantisoraccanti ettha khantīti adhivāsanakhanti, soraccanti arahattaṃ. Dhammāti ete dve dhammā. Assameti āvasathe. Vivaneti araññaṭṭhāne, nirudake araññe caturassapokkharaṇiādīni kārayeti attho. Duggeti visamaṭṭhāne. Saṅkamanānīti paṇṇāsahatthasaṭṭhihatthāni samokiṇṇaparisuddhavālikāni saṅkamanāni kareyya.
ид̣̇аани зд̇зсу аран̃н̃асзнаасанзсу васанд̇аанам̣ бхигкуунам̣ бхигкаажааравад̇д̇ам̣ аажигканд̇о аннам̣ баананд̇иаад̣̇имааха. д̇ад̇т̇а сзнаасанаанийд̇и ман̃жабийтаад̣̇ийни. виббасаннзнаад̇и кийн̣аасавасса д̣̇знд̇оби саган̇кзна гилзсамалинзна жид̇д̇зна ад̣̇ад̇ваа виббасаннзнзва жид̇д̇зна д̣̇ад̣̇зяяа. т̇анаяанд̇и г̇аж̇ж̇анд̇о. сад̇аггагууд̇и сад̇асикаро, анзгагуудод̇и ад̇т̇о. абхисан̇кажжаад̇и абхисан̇карид̇ваа самод̇хаанзд̇ваа раасим̣ гад̇ваа.
Idāni etesu araññasenāsanesu vasantānaṃ bhikkhūnaṃ bhikkhācāravattaṃ ācikkhanto annaṃ pānantiādimāha. Tattha senāsanānīti mañcapīṭhādīni. Vippasannenāti khīṇāsavassa dentopi sakaṅkhena kilesamalinena cittena adatvā vippasanneneva cittena dadeyya. Thanayanti gajjanto. Satakkakūti satasikharo, anekakūṭoti attho. Abhisaṅkhaccāti abhisaṅkharitvā samodhānetvā rāsiṃ katvā.
аамод̣̇амаанод̇и д̇удтамаанасо худ̇ваа. багирзд̇ийд̇и д̣̇аанаг̇г̇з вижирад̇и, багиранд̇о вияа ваа д̣̇аанам̣ д̣̇зд̇и. бун̃н̃ад̇хаараад̇и анзгад̣̇аанажзд̇анаамаяаа бун̃н̃ад̇хаараа. д̣̇аад̇аарам̣ абхивассад̇ийд̇и яат̇аа аагаасз самудтид̇амзгхад̇о нигканд̇аа уд̣̇агад̇хаараа бат̇авим̣ синзхаяанд̇ий д̇змзнд̇ий гилзд̣̇аяанд̇ий абхивассад̇и, звамзва аяамби д̣̇ааяагасса аб̣бханд̇арз уббаннаа бун̃н̃ад̇хаараа д̇амзва д̣̇аад̇аарам̣ анд̇о синзхзд̇и буурзд̇и абхисанд̣̇зд̇и. д̇зна вуд̇д̇ам̣ ‘‘д̣̇аад̇аарам̣ абхивассад̇ий’’д̇и. жад̇уд̇т̇ам̣.
Āmodamānoti tuṭṭhamānaso hutvā. Pakiretīti dānagge vicirati, pakiranto viya vā dānaṃ deti. Puññadhārāti anekadānacetanāmayā puññadhārā. Dātāraṃ abhivassatīti yathā ākāse samuṭṭhitameghato nikkhantā udakadhārā pathaviṃ sinehayantī tementī kiledayantī abhivassati, evameva ayampi dāyakassa abbhantare uppannā puññadhārā tameva dātāraṃ anto sineheti pūreti abhisandeti. Tena vuttaṃ ‘‘dātāraṃ abhivassatī’’ti. Catutthaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. иссад̇д̇асуд̇д̇ам̣ • 4. Issattasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. иссад̇д̇асуд̇д̇аван̣н̣анаа • 4. Issattasuttavaṇṇanā
