| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
4. иссад̇д̇асуд̇д̇аван̣н̣анаа
4. Issattasuttavaṇṇanā
135. адтуббад̇д̇игод̇и зд̇т̇а гаа асса адтуббад̇д̇и? д̇ид̇т̇ияаанам̣ бхаг̇авад̇о бхигкусан̇гхасса жа алаабхааяа аяасааяа барисагганам̣. д̇ам̣ вид̇т̇аарад̇о д̣̇ассзд̇ум̣ ‘‘бхаг̇авад̇о гираа’’д̇иаад̣̇и вуд̇д̇ам̣. яат̇аа д̇ам̣ саб̣б̣ад̣̇исаасу яамагамахаамзгхо удтахид̇ваа махааогхам̣ вияа саб̣б̣аа баарамияо ‘‘имасмим̣язва ад̇д̇абхаавз вибаагам̣ д̣̇ассаамаа’’д̇и самбин̣д̣ид̇аа вияа лаабхасаггаарамахогхам̣ ниб̣б̣ад̇д̇аяим̣су. д̇ад̇о д̇ад̇о аннабаанаяаанавад̇т̇амаалааг̇анд̇хавилзбанаад̣̇ихад̇т̇аа кад̇д̇ияаб̣раахман̣аад̣̇аяо ааг̇анд̇ваа – ‘‘гахам̣ бхаг̇аваа, гахам̣ д̣̇звад̣̇зво нараасабхо логанаат̇о’’д̇и бхаг̇аванд̇ам̣ бариязсанд̇и, сагадасад̇зхиби бажжаяз аахарид̇ваа огаасам̣ алабхамаанаа саманд̇аа г̇аавуд̇аббамаан̣амби сагадад̇хурзна сагадад̇хурам̣ аахажжа д̇идтанд̇и жзва анувад̇д̇анд̇и жа анд̇хагавинд̣̇аб̣раахман̣аад̣̇аяо вияа. саб̣б̣ам̣ канд̇хагз (махаава. 282) д̇зсу д̇зсу суд̇д̇зсу жа ааг̇ад̇анаязна взд̣̇ид̇аб̣б̣ам̣. яат̇аа жа бхаг̇авад̇о, звам̣ бхигкусан̇гхассаби. вуд̇д̇амби – ‘‘д̇зна ко бана самаязна бхаг̇аваа саггад̇о ход̇и г̇аругад̇о маанид̇о бууж̇ид̇о абажид̇о лаабхий жийвара…бз… баригкаараанам̣, бхигкусан̇гхоби ко’’д̇иаад̣̇и (уд̣̇аа. 38), д̇ат̇аа ‘‘яаавад̇аа ко, жунд̣̇а, зд̇арахи сан̇гхо ваа г̇ан̣о ваа логз уббанно, наахам̣, жунд̣̇а, ан̃н̃ам̣ згам̣ сан̇гхамби згам̣ г̇ан̣амби саманубассаами звам̣ лаабхаг̇г̇аяасаг̇г̇аббад̇д̇ам̣, яат̇аривааяам̣, жунд̣̇а, бхигкусан̇гхо’’д̇и (д̣̇ий. ни. 3.176). званд̇и ид̣̇аани вужжамаанаагаарзна. ниж̇жхад̇д̇инд̇и сан̃н̃ад̇д̇им̣. нанд̇и гат̇ам̣.
135.Aṭṭhuppattikoti ettha kā assa aṭṭhuppatti? Titthiyānaṃ bhagavato bhikkhusaṅghassa ca alābhāya ayasāya parisakkanaṃ. Taṃ vitthārato dassetuṃ ‘‘bhagavato kirā’’tiādi vuttaṃ. Yathā taṃ sabbadisāsu yamakamahāmegho uṭṭhahitvā mahāoghaṃ viya sabbā pāramiyo ‘‘imasmiṃyeva attabhāve vipākaṃ dassāmā’’ti sampiṇḍitā viya lābhasakkāramahoghaṃ nibbattayiṃsu. Tato tato annapānayānavatthamālāgandhavilepanādihatthā khattiyabrāhmaṇādayo āgantvā – ‘‘kahaṃ bhagavā, kahaṃ devadevo narāsabho lokanātho’’ti bhagavantaṃ pariyesanti, sakaṭasatehipi paccaye āharitvā okāsaṃ alabhamānā samantā gāvutappamāṇampi sakaṭadhurena sakaṭadhuraṃ āhacca tiṭṭhanti ceva anuvattanti ca andhakavindabrāhmaṇādayo viya. Sabbaṃ khandhake (mahāva. 282) tesu tesu suttesu ca āgatanayena veditabbaṃ. Yathā ca bhagavato, evaṃ bhikkhusaṅghassapi. Vuttampi – ‘‘tena kho pana samayena bhagavā sakkato hoti garukato mānito pūjito apacito lābhī cīvara…pe… parikkhārānaṃ, bhikkhusaṅghopi kho’’tiādi (udā. 38), tathā ‘‘yāvatā kho, cunda, etarahi saṅgho vā gaṇo vā loke uppanno, nāhaṃ, cunda, aññaṃ ekaṃ saṅghampi ekaṃ gaṇampi samanupassāmi evaṃ lābhaggayasaggappattaṃ, yatharivāyaṃ, cunda, bhikkhusaṅgho’’ti (dī. ni. 3.176). Evanti idāni vuccamānākārena. Nijjhattinti saññattiṃ. Nanti kathaṃ.
звам̣ бужчид̇ум̣ аяуд̇д̇ам̣ д̇ид̇т̇ияаанам̣ гат̇аа махааж̇анасаннибаад̇з нияяаад̇ид̇аа ход̇ийд̇и. д̇асмим̣ д̣̇аад̇аб̣б̣ам̣, жид̇д̇аббасаад̣̇амад̇д̇зна д̣̇знд̇зби хи бун̃н̃ам̣ бавад̣дхад̇и. аарожид̇ам̣ ад̇д̇анод̇и ад̇хиббааяо. бхаг̇аваад̇и сад̇т̇у ааманд̇анам̣. жид̇д̇ам̣ наама яат̇аабажжаяам̣ бавад̇д̇амаанам̣ ниг̇ан̣таа…бз… басийд̣̇ад̇и басаннассаад̇и ад̇хиббааяо. буб̣б̣з ависзсад̇о д̣̇зяяад̇хаммасса д̣̇аад̇аб̣б̣адтаанам̣ наама бужчид̇ам̣, ид̣̇аани д̇асса махабпалабхаавагаро д̣̇агкин̣зяяависзсод̇и ааха ‘‘ан̃н̃ам̣ д̇аяаа батамам̣ бужчид̇ам̣, ан̃н̃ам̣ бажчаа’’д̇и. саллагкзхи зд̇ам̣. бажчимам̣ буримзна сад̣̇д̇хим̣ аанзхийд̇и ад̇хиббааяо. бужчид̇асса наама бан̃хасса гат̇анам̣ маяхамзва бхааро. самубаб̣яуул̣ход̇и згад̇о сзнааяа раасивасзна самбин̣д̣ид̇од̇и ад̇т̇о. д̇знааха ‘‘раасибхууд̇о’’д̇и. асигкид̇од̇и сад̇д̇адтасам̣важчараани д̇ханусиббзна сигкид̇о. д̇ханусиббам̣ сигкид̇вааби гожи гад̇ахад̇т̇о на ход̇и, аяам̣ бана асигкид̇о на гад̇ахад̇т̇о, бон̇каанубон̇кабхаавоязва б̣яаамамудтиб̣анд̇хо. д̇ин̣абун̃ж̇амад̇д̇игаабун̃ж̇аад̣̇ийсууд̇и аад̣̇и-сад̣̇д̣̇зна бам̣субун̃ж̇аваалугабун̃ж̇асаарапалагааяогханаад̣̇игз сан̇г̇ан̣хаад̇и. агад̇абарижаяод̇и д̇зсам̣ санд̇игаа виж̇жханадтзна агад̇абарижаяо. рааж̇арааж̇амахаамад̇д̇аад̣̇игз убзжжа асанам̣ убаасанам̣, на гад̇ам̣ убаасанам̣ зд̇знаад̇и агад̇уубаасано. асигкид̇ад̇аад̣̇инаа бхийрубхаавзна ваа гааяасса чамбханам̣ сан̇гамбанам̣ уд̇д̇аасо зд̇асса ад̇т̇ийд̇и чамбхийд̇и ааха ‘‘бавзд̇хид̇агааяо’’д̇и.
Evaṃ pucchituṃ ayuttaṃ titthiyānaṃ kathā mahājanasannipāte niyyātitā hotīti. Tasmiṃ dātabbaṃ, cittappasādamattena dentepi hi puññaṃ pavaḍḍhati. Ārocitaṃ attanoti adhippāyo. Bhagavāti satthu āmantanaṃ. Cittaṃ nāma yathāpaccayaṃ pavattamānaṃ nigaṇṭhā…pe… pasīdati pasannassāti adhippāyo. Pubbe avisesato deyyadhammassa dātabbaṭṭhānaṃ nāma pucchitaṃ, idāni tassa mahapphalabhāvakaro dakkhiṇeyyavisesoti āha ‘‘aññaṃ tayā paṭhamaṃ pucchitaṃ, aññaṃ pacchā’’ti. Sallakkhehi etaṃ. Pacchimaṃ purimena saddhiṃ ānehīti adhippāyo. Pucchitassa nāma pañhassa kathanaṃ mayhameva bhāro. Samupabyūḷhoti ekato senāya rāsivasena sampiṇḍitoti attho. Tenāha ‘‘rāsibhūto’’ti. Asikkhitoti sattaṭṭhasaṃvaccharāni dhanusippena sikkhito. Dhanusippaṃ sikkhitvāpi koci katahattho na hoti, ayaṃ pana asikkhito na katahattho, poṅkhānupoṅkhabhāvoyeva byāmamuṭṭhibandho. Tiṇapuñjamattikāpuñjādīsūti ādi-saddena paṃsupuñjavālukapuñjasāraphalakaayoghanādike saṅgaṇhāti. Akataparicayoti tesaṃ santikā vijjhanaṭṭhena akataparicayo. Rājarājamahāmattādike upecca asanaṃ upāsanaṃ, na kataṃ upāsanaṃ etenāti akatūpāsano. Asikkhitatādinā bhīrubhāvena vā kāyassa chambhanaṃ saṅkampanaṃ uttāso etassa atthīti chambhīti āha ‘‘pavedhitakāyo’’ti.
д̣̇агкин̣зяяад̇ааяа ад̇хиббзд̇ад̇д̇аа ‘‘арахад̇д̇амаг̇г̇зна гаамажчанд̣̇о бахийно ход̇ий’’д̇и ааха. ажжанд̇аббахаанасса ижчид̇ад̇д̇аа д̇ад̇иязнзва гуггужжам̣ бахийнам̣ ход̇и бадигхасамбаяог̇ам̣. асзгкасса аяанд̇и асзгкам̣, сийлагканд̇хо. д̇аяид̣̇ам̣ на аг̇г̇апалам̣ сийламзва ад̇хиббзд̇ам̣, ат̇а ко яам̣ гин̃жи асзгкасанд̇аанз бавад̇д̇ам̣ сийлам̣, логуд̇д̇аро зва на ад̇хиббзд̇о сигкааяа ж̇аад̇ад̇д̇аа, звам̣ вимуд̇д̇игканд̇хобийд̇и . сзгкасса зсод̇и ваа, абарияосид̇асигкад̇д̇аа саяамзва сигкад̇ийд̇и ваа сзгко, жад̇уусу маг̇г̇зсу хздтимзсу жа д̇ийсу палзсу сийлагканд̇хо. убари сигкид̇аб̣б̣аабхаавад̇о асзгко. вуд̣дхиббад̇д̇о сзгкод̇и асзгко. аг̇г̇апалабхууд̇о сийлагканд̇хо вужжзяяа, адтагат̇ааяам̣ бана вибассагасса сийласса ад̇хиббзд̇ад̇д̇аа д̇ат̇аа ад̇т̇о вуд̇д̇о. саб̣б̣ад̇т̇аад̇и ‘‘асзгкзнаа’’д̇иаад̣̇ийсу. зд̇т̇а жа яат̇аа сийласамаад̇хибан̃н̃аагканд̇хаа миссагаа ад̇хиббзд̇аа, звам̣ вимуд̇д̇игканд̇хаабийд̇и д̇ад̣̇ан̇г̇авимуд̇д̇иаад̣̇аяоби взд̣̇ид̇аб̣б̣аа, на бадиббассад̣̇д̇хивимуд̇д̇и зва.
Dakkhiṇeyyatāya adhippetattā ‘‘arahattamaggena kāmacchando pahīno hotī’’ti āha. Accantappahānassa icchitattā tatiyeneva kukkuccaṃ pahīnaṃ hoti paṭighasampayogaṃ. Asekkhassa ayanti asekkhaṃ, sīlakkhandho. Tayidaṃ na aggaphalaṃ sīlameva adhippetaṃ, atha kho yaṃ kiñci asekkhasantāne pavattaṃ sīlaṃ, lokuttaro eva na adhippeto sikkhāya jātattā, evaṃ vimuttikkhandhopīti . Sekkhassa esoti vā, apariyositasikkhattā sayameva sikkhatīti vā sekkho, catūsu maggesu heṭṭhimesu ca tīsu phalesu sīlakkhandho. Upari sikkhitabbābhāvato asekkho. Vuḍḍhippatto sekkhoti asekkho. Aggaphalabhūto sīlakkhandho vucceyya, aṭṭhakathāyaṃ pana vipassakassa sīlassa adhippetattā tathā attho vutto. Sabbatthāti ‘‘asekkhenā’’tiādīsu. Ettha ca yathā sīlasamādhipaññākkhandhā missakā adhippetā, evaṃ vimuttikkhandhāpīti tadaṅgavimuttiādayopi veditabbā, na paṭippassaddhivimutti eva.
язна сиббзна иссаасо ход̇и, д̇ам̣ иссад̇д̇анд̇и ааха ‘‘усусибба’’нд̇и. яассаа вааяод̇хаад̇уяаа васзна сарийрам̣ сан̃ж̇аад̇ат̇аамам̣ ход̇и, д̇ам̣ б̣алабажжаяам̣ санд̇хааяааха ‘‘б̣алам̣ наама вааяод̇хаад̇уу’’д̇и. самаббавад̇д̇ид̇о хи висамаббавад̇д̇иниваарагад̇хаад̇у б̣алам̣ наама, д̇зна д̇ад̇о ан̃н̃ам̣ б̣аларуубам̣ наама над̇т̇и.
Yena sippena issāso hoti, taṃ issattanti āha ‘‘ususippa’’nti. Yassā vāyodhātuyā vasena sarīraṃ sañjātathāmaṃ hoti, taṃ balapaccayaṃ sandhāyāha ‘‘balaṃ nāma vāyodhātū’’ti. Samappavattito hi visamappavattinivārakadhātu balaṃ nāma, tena tato aññaṃ balarūpaṃ nāma natthi.
яасмаа арахаа зва зганд̇ад̇о сорад̇о, д̇асса бхааво соражжанд̇и ааха ‘‘соражжанд̇и арахад̇д̇а’’нд̇и. зд̇з д̣̇взд̇и канд̇и соражжанд̇и зд̇з д̣̇вз д̇хаммаа. баанийяам̣ биванд̇и зд̇т̇аад̇и бабаа, яо гожи ж̇алаасаяо яам̣ гин̃жи баанийяадтаананд̇и ааха ‘‘жад̇урассабогкаран̣ийаад̣̇ийний’’д̇и. уд̣̇агавигуулаад̣̇ийсу гаманд̇и ад̇иггаманд̇и зд̇зхийд̇и сан̇гаманаани, сзд̇уаад̣̇ийни. сзд̇угаран̣аяуд̇д̇адтаанз сзд̇ум̣, жан̇гаманагаран̣аяуд̇д̇адтаанз жан̇гаманам̣, маг̇г̇агаран̣аяуд̇д̇адтаанз маг̇г̇ам̣ гарзяяаад̇и аяамзд̇т̇а ад̇хиббааяо. д̇знааха ‘‘бан̣н̣аасаа’’д̇иаад̣̇и.
Yasmā arahā eva ekantato sorato, tassa bhāvo soraccanti āha ‘‘soraccanti arahatta’’nti. Ete dveti khanti soraccanti ete dve dhammā. Pānīyaṃ pivanti etthāti papā, yo koci jalāsayo yaṃ kiñci pānīyaṭṭhānanti āha ‘‘caturassapokkharaṇīādīnī’’ti. Udakavikūlādīsu kamanti atikkamanti etehīti saṅkamanāni, setuādīni. Setukaraṇayuttaṭṭhāne setuṃ, caṅkamanakaraṇayuttaṭṭhāne caṅkamanaṃ, maggakaraṇayuttaṭṭhāne maggaṃ kareyyāti ayamettha adhippāyo. Tenāha ‘‘paṇṇāsā’’tiādi.
бхигкаажааравад̇д̇анд̇и арияаанам̣ хид̇ам̣ вад̇д̇абадибад̇д̇им̣. д̣̇знд̇обийд̇и би-сад̣̇д̣̇зна акийн̣аасавасса д̣̇знд̇обийд̇и имамад̇т̇ам̣ д̣̇ассзд̇и яасса гассажиби д̣̇знд̇знаби гаммапалам̣ сад̣̇д̣̇ахид̇ваа виббасаннажид̇д̇знзва д̣̇аад̇аб̣б̣ад̇д̇аа. т̇анаяанд̇и ид̣̇ам̣ д̇асса махаамзгхабхаавад̣̇ассанам̣, яо хи махаавассам̣ вассад̇и, со г̇аж̇ж̇анд̇о виж̇ж̇уммаалам̣ виссаж̇ж̇знд̇о бавассад̇и. абхисан̇карид̇ваа самод̇хаанзд̇ваад̇и каад̣̇анийяасса вивид̇хаж̇аад̇ияаани самбин̣д̣зд̇ваа. д̇знааха ‘‘раасим̣ гад̇ваа’’д̇и.
Bhikkhācāravattanti ariyānaṃ hitaṃ vattapaṭipattiṃ. Dentopīti pi-saddena akhīṇāsavassa dentopīti imamatthaṃ dasseti yassa kassacipi dentenapi kammaphalaṃ saddahitvā vippasannacitteneva dātabbattā. Thanayanti idaṃ tassa mahāmeghabhāvadassanaṃ, yo hi mahāvassaṃ vassati, so gajjanto vijjummālaṃ vissajjento pavassati. Abhisaṅkharitvā samodhānetvāti khādanīyassa vividhajātiyāni sampiṇḍetvā. Tenāha ‘‘rāsiṃ katvā’’ti.
багиран̣ам̣ наама вигиран̣амби ход̇и анзгад̇т̇ад̇д̇аа д̇хаад̇уунанд̇и ааха ‘‘вигирад̇ий’’д̇и. багиранд̇о вияа ваа д̣̇аанам̣ д̣̇зд̇ийд̇и иминаа г̇ун̣акзд̇д̇амзва абариязсид̇ваа гарун̣аакзд̇д̇зби махаад̣̇аанам̣ бавад̇д̇зд̇ийд̇и д̣̇ассзд̇и. д̇зна ‘‘багирзд̇ий’’д̇и вад̣̇анд̇зна бхаг̇авад̇аа адтуббад̇д̇ияам̣ ааг̇ад̇ад̇ид̇т̇ияаваад̣̇зна аббадисзд̇хид̇ад̇ааби д̣̇ийбид̇аа ход̇и. бун̃н̃ад̇хаараад̇и бун̃н̃амаяад̇хаараа бун̃н̃аабхисанд̣̇аа. синзхаяанд̇ийд̇и т̇уулад̇хаарзнаби синзхзна синид̣̇д̇хам̣ гаронд̇ий. гилзд̣̇аяанд̇ийд̇и аллабхаавам̣ баабаяанд̇ий. яат̇ааяам̣ бун̃н̃ад̇хаараа д̣̇аад̇аарам̣ анд̇о синзхзд̇и буурзд̇и абхисанд̣̇зд̇и, звам̣ бадиг̇г̇аахагаанамби анд̇о синзхзд̇и буурзд̇и абхисанд̣̇зд̇и. д̇знзвааха ‘‘д̣̇ад̣̇ам̣ бияо ход̇и бхаж̇анд̇и нам̣ б̣ахуу’’д̇иаад̣̇и (а. ни. 5.34) звам̣ санд̇зби ‘‘д̣̇аад̇аарам̣ абхивассад̇ий’’д̇и вуд̇д̇ад̇д̇аа адтагат̇ааяам̣ д̣̇ааяагавасзнзва ‘‘синзхзд̇ий’’д̇и вуд̇д̇ам̣, яасмаа ваа бадиг̇г̇аахагасса синзхуббад̇д̇и аамисаниссид̇аад̇и д̣̇ааяагавасзнзва вуд̇д̇ам̣.
Pakiraṇaṃ nāma vikiraṇampi hoti anekatthattā dhātūnanti āha ‘‘vikiratī’’ti. Pakiranto viya vā dānaṃ detīti iminā guṇakhettameva apariyesitvā karuṇākhettepi mahādānaṃ pavattetīti dasseti. Tena ‘‘pakiretī’’ti vadantena bhagavatā aṭṭhuppattiyaṃ āgatatitthiyavādena appaṭisedhitatāpi dīpitā hoti. Puññadhārāti puññamayadhārā puññābhisandā. Sinehayantīti thūladhārenapi sinehena siniddhaṃ karontī. Kiledayantīti allabhāvaṃ pāpayantī. Yathāyaṃ puññadhārā dātāraṃ anto sineheti pūreti abhisandeti, evaṃ paṭiggāhakānampi anto sineheti pūreti abhisandeti. Tenevāha ‘‘dadaṃ piyo hoti bhajanti naṃ bahū’’tiādi (a. ni. 5.34) evaṃ santepi ‘‘dātāraṃ abhivassatī’’ti vuttattā aṭṭhakathāyaṃ dāyakavaseneva ‘‘sinehetī’’ti vuttaṃ, yasmā vā paṭiggāhakassa sinehuppatti āmisanissitāti dāyakavaseneva vuttaṃ.
иссад̇д̇асуд̇д̇аван̣н̣анаа нидтид̇аа.
Issattasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. иссад̇д̇асуд̇д̇ам̣ • 4. Issattasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. иссад̇д̇асуд̇д̇аван̣н̣анаа • 4. Issattasuttavaṇṇanā
