| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
6. ид̇од̣̇иннагат̇ааван̣н̣анаа
6. Itodinnakathāvaṇṇanā
488-491. ид̣̇аани ид̇о д̣̇иннагат̇аа наама ход̇и. д̇ад̇т̇а язсам̣ ‘‘ид̇о д̣̇иннзна яаабзнд̇и, бзд̇аа гаалан̇гад̇аа д̇ахи’’нд̇и (бз. ва. 19) важанам̣ ниссааяа ‘‘яам̣ ид̇о жийвараад̣̇и д̣̇иннам̣ д̇знзва яаабзнд̇ий’’д̇и лад̣̇д̇хи, сзяяат̇ааби рааж̇аг̇иригасид̣̇д̇хад̇т̇игаанам̣; д̇з санд̇хааяа ид̇о д̣̇иннзнаад̇и бужчаа сагаваад̣̇исса, бадин̃н̃аа ид̇арасса . буна жийвараад̣̇ивасзна ануяуд̇д̇о бадигкибад̇и. ан̃н̃о ан̃н̃асса гаарагод̇и ан̃н̃асса вибаагад̣̇ааяагаанам̣ гаммаанам̣ ан̃н̃о гаараго, на ад̇д̇анаава ад̇д̇ано гаммам̣ гарод̇ийд̇и вуд̇д̇ам̣ ход̇и. звам̣ будто бана ид̇аро суд̇д̇авирод̇хабхаязна бадигкибад̇и. д̣̇аанам̣ д̣̇знд̇анд̇и д̣̇аанам̣ д̣̇ад̣̇амаанам̣ д̣̇исваад̇и ад̇т̇о. д̇ад̇т̇а яасмаа ад̇д̇ано анумод̣̇ид̇ад̇д̇аа жа д̇зсам̣ д̇ад̇т̇а бхог̇аа уббаж̇ж̇анд̇и, д̇асмаасса иминаа гааран̣зна лад̣̇д̇хим̣ бад̇идтабзнд̇ассааби аббад̇идтид̇аава ход̇и. на хи д̇з ид̇о д̣̇иннзнзва вад̇т̇унаа яаабзнд̇и. сзсзсуби суд̇д̇асаад̇ханзсу зсзва наяод̇и.
488-491. Idāni ito dinnakathā nāma hoti. Tattha yesaṃ ‘‘ito dinnena yāpenti, petā kālaṅkatā tahi’’nti (pe. va. 19) vacanaṃ nissāya ‘‘yaṃ ito cīvarādi dinnaṃ teneva yāpentī’’ti laddhi, seyyathāpi rājagirikasiddhatthikānaṃ; te sandhāya ito dinnenāti pucchā sakavādissa, paṭiññā itarassa . Puna cīvarādivasena anuyutto paṭikkhipati. Añño aññassa kārakoti aññassa vipākadāyakānaṃ kammānaṃ añño kārako, na attanāva attano kammaṃ karotīti vuttaṃ hoti. Evaṃ puṭṭho pana itaro suttavirodhabhayena paṭikkhipati. Dānaṃ dentanti dānaṃ dadamānaṃ disvāti attho. Tattha yasmā attano anumoditattā ca tesaṃ tattha bhogā uppajjanti, tasmāssa iminā kāraṇena laddhiṃ patiṭṭhapentassāpi appatiṭṭhitāva hoti. Na hi te ito dinneneva vatthunā yāpenti. Sesesupi suttasādhanesu eseva nayoti.
ид̇о д̣̇иннагат̇ааван̣н̣анаа.
Ito dinnakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (68) 6. ид̇од̣̇иннагат̇аа • (68) 6. Itodinnakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 6. ид̇од̣̇иннагат̇ааван̣н̣анаа • 6. Itodinnakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 6. ид̇од̣̇иннагат̇ааван̣н̣анаа • 6. Itodinnakathāvaṇṇanā
