| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
ဣဋ္ဌကာစယာဒိအနုဇာနနကထာဝဏ္ဏနာ
Iṭṭhakācayādianujānanakathāvaṇṇanā
၃၀၀. ရုက္ခံ ဝိဇ္ဈိတ္ဝာတိ ရုက္ခဒာရုံ ဝိဇ္ဈိတ္ဝာ။ ခာဏုကေ အာကောဋေတ္ဝာတိ ဒ္ဝေ ဒ္ဝေ ခာဏုကေ အာကောဋေတ္ဝာ။ တံ အာဟရိမံ ဘိတ္တိပာဒန္တိ ဝုတ္တနယေန ခာဏုကေ အာကောဋေတ္ဝာ ကတံယေဝ သန္ဓာယ ဝုတ္တံ။ ဘူမိယံ ပတိဋ္ဌာပေတုန္တိ မူလေန ဘူမိယံ ပတိဋ္ဌာပေတ္ဝာ ဘိတ္တိပာဒသ္သ ဥပတ္ထမ္ဘနဝသေန ဥသ္သာပေတ္ဝာ ခာဏုကေဟိ ဘိတ္တိပာဒံ ဥသ္သာပေတ္ဝာ ဌပေတုန္တိ အဓိပ္ပာယော။ ဥဘတော ကုဋ္ဋံ နီဟရိတ္ဝာ ကတပဒေသသ္သာတိ ယထာ အန္တောဒ္ဝာရသမီပေ နိသိန္နေဟိ ဥဇုကံ ဗဟိ ဩလောကေတုံ န သက္ကာ ဟောတိ, ဧဝံ ဥဘောဟိ ပသ္သေဟိ ကုဋ္ဋံ နီဟရိတ္ဝာ အဘိမုခေ ဘိတ္တိံ ဥပဋ္ဌပေတ္ဝာ ကတပဒေသသ္သ။ သမန္တာ ပရိယာဂာရောတိ သမန္တတော အာဝိဒ္ဓပမုခံ။ ဥဂ္ဃာဋနကိဋိကန္တိ ဒဏ္ဍေဟိ ဥက္ခိပိတ္ဝာ ဌပနကပဒရကိဋိကံ။
300.Rukkhaṃ vijjhitvāti rukkhadāruṃ vijjhitvā. Khāṇuke ākoṭetvāti dve dve khāṇuke ākoṭetvā. Taṃ āharimaṃ bhittipādanti vuttanayena khāṇuke ākoṭetvā kataṃyeva sandhāya vuttaṃ. Bhūmiyaṃ patiṭṭhāpetunti mūlena bhūmiyaṃ patiṭṭhāpetvā bhittipādassa upatthambhanavasena ussāpetvā khāṇukehi bhittipādaṃ ussāpetvā ṭhapetunti adhippāyo. Ubhato kuṭṭaṃ nīharitvā katapadesassāti yathā antodvārasamīpe nisinnehi ujukaṃ bahi oloketuṃ na sakkā hoti, evaṃ ubhohi passehi kuṭṭaṃ nīharitvā abhimukhe bhittiṃ upaṭṭhapetvā katapadesassa. Samantā pariyāgāroti samantato āviddhapamukhaṃ. Ugghāṭanakiṭikanti daṇḍehi ukkhipitvā ṭhapanakapadarakiṭikaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / စူဠဝဂ္ဂပာဠိ • Cūḷavaggapāḷi / ဣဋ္ဌကာစယာဒိအနုဇာနနံ • Iṭṭhakācayādianujānanaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / စူဠဝဂ္ဂ-အဋ္ဌကထာ • Cūḷavagga-aṭṭhakathā / ဝိဟာရာနုဇာနနကထာ • Vihārānujānanakathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ဝိဟာရာနုဇာနနကထာဝဏ္ဏနာ • Vihārānujānanakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ဝိဟာရာနုဇာနနကထာဝဏ္ဏနာ • Vihārānujānanakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ဝိဟာရာနုဇာနနကထာ • Vihārānujānanakathā
