| Library / Tipiṭaka / ತಿಪಿಟಕ • Tipiṭaka / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā |
ಇಟ್ಠಕಾಚಯಾದಿಅನುಜಾನನಕಥಾವಣ್ಣನಾ
Iṭṭhakācayādianujānanakathāvaṇṇanā
೩೦೦. ರುಕ್ಖಂ ವಿಜ್ಝಿತ್ವಾತಿ ರುಕ್ಖದಾರುಂ ವಿಜ್ಝಿತ್ವಾ। ಖಾಣುಕೇ ಆಕೋಟೇತ್ವಾತಿ ದ್ವೇ ದ್ವೇ ಖಾಣುಕೇ ಆಕೋಟೇತ್ವಾ। ತಂ ಆಹರಿಮಂ ಭಿತ್ತಿಪಾದನ್ತಿ ವುತ್ತನಯೇನ ಖಾಣುಕೇ ಆಕೋಟೇತ್ವಾ ಕತಂಯೇವ ಸನ್ಧಾಯ ವುತ್ತಂ। ಭೂಮಿಯಂ ಪತಿಟ್ಠಾಪೇತುನ್ತಿ ಮೂಲೇನ ಭೂಮಿಯಂ ಪತಿಟ್ಠಾಪೇತ್ವಾ ಭಿತ್ತಿಪಾದಸ್ಸ ಉಪತ್ಥಮ್ಭನವಸೇನ ಉಸ್ಸಾಪೇತ್ವಾ ಖಾಣುಕೇಹಿ ಭಿತ್ತಿಪಾದಂ ಉಸ್ಸಾಪೇತ್ವಾ ಠಪೇತುನ್ತಿ ಅಧಿಪ್ಪಾಯೋ। ಉಭತೋ ಕುಟ್ಟಂ ನೀಹರಿತ್ವಾ ಕತಪದೇಸಸ್ಸಾತಿ ಯಥಾ ಅನ್ತೋದ್ವಾರಸಮೀಪೇ ನಿಸಿನ್ನೇಹಿ ಉಜುಕಂ ಬಹಿ ಓಲೋಕೇತುಂ ನ ಸಕ್ಕಾ ಹೋತಿ, ಏವಂ ಉಭೋಹಿ ಪಸ್ಸೇಹಿ ಕುಟ್ಟಂ ನೀಹರಿತ್ವಾ ಅಭಿಮುಖೇ ಭಿತ್ತಿಂ ಉಪಟ್ಠಪೇತ್ವಾ ಕತಪದೇಸಸ್ಸ। ಸಮನ್ತಾ ಪರಿಯಾಗಾರೋತಿ ಸಮನ್ತತೋ ಆವಿದ್ಧಪಮುಖಂ। ಉಗ್ಘಾಟನಕಿಟಿಕನ್ತಿ ದಣ್ಡೇಹಿ ಉಕ್ಖಿಪಿತ್ವಾ ಠಪನಕಪದರಕಿಟಿಕಂ।
300.Rukkhaṃ vijjhitvāti rukkhadāruṃ vijjhitvā. Khāṇuke ākoṭetvāti dve dve khāṇuke ākoṭetvā. Taṃ āharimaṃ bhittipādanti vuttanayena khāṇuke ākoṭetvā kataṃyeva sandhāya vuttaṃ. Bhūmiyaṃ patiṭṭhāpetunti mūlena bhūmiyaṃ patiṭṭhāpetvā bhittipādassa upatthambhanavasena ussāpetvā khāṇukehi bhittipādaṃ ussāpetvā ṭhapetunti adhippāyo. Ubhato kuṭṭaṃ nīharitvā katapadesassāti yathā antodvārasamīpe nisinnehi ujukaṃ bahi oloketuṃ na sakkā hoti, evaṃ ubhohi passehi kuṭṭaṃ nīharitvā abhimukhe bhittiṃ upaṭṭhapetvā katapadesassa. Samantā pariyāgāroti samantato āviddhapamukhaṃ. Ugghāṭanakiṭikanti daṇḍehi ukkhipitvā ṭhapanakapadarakiṭikaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಚೂಳವಗ್ಗಪಾಳಿ • Cūḷavaggapāḷi / ಇಟ್ಠಕಾಚಯಾದಿಅನುಜಾನನಂ • Iṭṭhakācayādianujānanaṃ
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಚೂಳವಗ್ಗ-ಅಟ್ಠಕಥಾ • Cūḷavagga-aṭṭhakathā / ವಿಹಾರಾನುಜಾನನಕಥಾ • Vihārānujānanakathā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ವಿಹಾರಾನುಜಾನನಕಥಾವಣ್ಣನಾ • Vihārānujānanakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ವಿಹಾರಾನುಜಾನನಕಥಾವಣ್ಣನಾ • Vihārānujānanakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ವಿಹಾರಾನುಜಾನನಕಥಾ • Vihārānujānanakathā
