| Library / Tipiṭaka / තිපිටක • Tipiṭaka / සාරත්‌ථදීපනී-ටීකා • Sāratthadīpanī-ṭīkā |
ඉට්‌ඨකාචයාදිඅනුජානනකථාවණ්‌ණනා
Iṭṭhakācayādianujānanakathāvaṇṇanā
300. රුක්‌ඛං විජ්‌ඣිත්‌වාති රුක්‌ඛදාරුං විජ්‌ඣිත්‌වා. ඛාණුකෙ ආකොටෙත්‌වාති ද්‌වෙ ද්‌වෙ ඛාණුකෙ ආකොටෙත්‌වා. තං ආහරිමං භිත්‌තිපාදන්‌ති වුත්‌තනයෙන ඛාණුකෙ ආකොටෙත්‌වා කතංයෙව සන්‌ධාය වුත්‌තං. භූමියං පතිට්‌ඨාපෙතුන්‌ති මූලෙන භූමියං පතිට්‌ඨාපෙත්‌වා භිත්‌තිපාදස්‌ස උපත්‌ථම්‌භනවසෙන උස්‌සාපෙත්‌වා ඛාණුකෙහි භිත්‌තිපාදං උස්‌සාපෙත්‌වා ඨපෙතුන්‌ති අධිප්‌පායො. උභතො කුට්‌ටං නීහරිත්‌වා කතපදෙසස්‌සාති යථා අන්‌තොද්‌වාරසමීපෙ නිසින්‌නෙහි උජුකං බහි ඔලොකෙතුං න සක්‌කා හොති, එවං උභොහි පස්‌සෙහි කුට්‌ටං නීහරිත්‌වා අභිමුඛෙ භිත්‌තිං උපට්‌ඨපෙත්‌වා කතපදෙසස්‌ස. සමන්‌තා පරියාගාරොති සමන්‌තතො ආවිද්‌ධපමුඛං. උග්‌ඝාටනකිටිකන්‌ති දණ්‌ඩෙහි උක්‌ඛිපිත්‌වා ඨපනකපදරකිටිකං.
300.Rukkhaṃ vijjhitvāti rukkhadāruṃ vijjhitvā. Khāṇuke ākoṭetvāti dve dve khāṇuke ākoṭetvā. Taṃ āharimaṃ bhittipādanti vuttanayena khāṇuke ākoṭetvā kataṃyeva sandhāya vuttaṃ. Bhūmiyaṃ patiṭṭhāpetunti mūlena bhūmiyaṃ patiṭṭhāpetvā bhittipādassa upatthambhanavasena ussāpetvā khāṇukehi bhittipādaṃ ussāpetvā ṭhapetunti adhippāyo. Ubhato kuṭṭaṃ nīharitvā katapadesassāti yathā antodvārasamīpe nisinnehi ujukaṃ bahi oloketuṃ na sakkā hoti, evaṃ ubhohi passehi kuṭṭaṃ nīharitvā abhimukhe bhittiṃ upaṭṭhapetvā katapadesassa. Samantā pariyāgāroti samantato āviddhapamukhaṃ. Ugghāṭanakiṭikanti daṇḍehi ukkhipitvā ṭhapanakapadarakiṭikaṃ.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / චූළවග්‌ගපාළි • Cūḷavaggapāḷi / ඉට්‌ඨකාචයාදිඅනුජානනං • Iṭṭhakācayādianujānanaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / චූළවග්‌ග-අට්‌ඨකථා • Cūḷavagga-aṭṭhakathā / විහාරානුජානනකථා • Vihārānujānanakathā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / විහාරානුජානනකථාවණ්‌ණනා • Vihārānujānanakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / විහාරානුජානනකථාවණ්‌ණනා • Vihārānujānanakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / විහාරානුජානනකථා • Vihārānujānanakathā
