| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
идтагаажаяаад̣̇иануж̇аананам̣
Iṭṭhakācayādianujānanaṃ
300. д̇зна ко бана самаязна вихаараа нийжавад̇т̇угаа хонд̇и, уд̣̇агзна од̇т̇арияяанд̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, ужжавад̇т̇угам̣ гаад̇у’’нд̇и. жаяо барибад̇ад̇и…бз… ‘‘ануж̇аанаами, бхигкавз, жинид̇ум̣ д̇аяо жаяз – идтагаажаяам̣, силаажаяам̣, д̣̇ааружаяа’’нд̇и. аароханд̇аа вихан̃н̃анд̇и…бз… ‘‘ануж̇аанаами, бхигкавз, д̇аяо собаанз – идтагаасобаанам̣, силаасобаанам̣, д̣̇аарусобаана’’нд̇и. аароханд̇аа барибад̇анд̇и…бз… ‘‘ануж̇аанаами, бхигкавз, ааламб̣анаб̣ааха’’нд̇и.
300. Tena kho pana samayena vihārā nīcavatthukā honti, udakena otthariyyanti. Bhagavato etamatthaṃ ārocesuṃ. ‘‘Anujānāmi, bhikkhave, uccavatthukaṃ kātu’’nti. Cayo paripatati…pe… ‘‘anujānāmi, bhikkhave, cinituṃ tayo caye – iṭṭhakācayaṃ, silācayaṃ, dārucaya’’nti. Ārohantā vihaññanti…pe… ‘‘anujānāmi, bhikkhave, tayo sopāne – iṭṭhakāsopānaṃ, silāsopānaṃ, dārusopāna’’nti. Ārohantā paripatanti…pe… ‘‘anujānāmi, bhikkhave, ālambanabāha’’nti.
д̇зна ко бана самаязна вихаараа аал̣агаманд̣̇аа хонд̇и . бхигкуу хирияанд̇и нибаж̇ж̇ид̇ум̣. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, д̇ирогаран̣и’’нд̇и. д̇ирогаран̣им̣ угкибид̇ваа ологзнд̇и…бз… ‘‘ануж̇аанаами, бхигкавз , ад̣дхагуддага’’нд̇и. ад̣дхагуддагаа убарид̇о ологзнд̇и…бз… ‘‘ануж̇аанаами, бхигкавз, д̇аяо г̇аб̣бхз – сивигааг̇аб̣бхам̣, наал̣игааг̇аб̣бхам̣, хаммияаг̇аб̣бха’’нд̇и.
Tena kho pana samayena vihārā āḷakamandā honti . Bhikkhū hiriyanti nipajjituṃ. Bhagavato etamatthaṃ ārocesuṃ. ‘‘Anujānāmi, bhikkhave, tirokaraṇi’’nti. Tirokaraṇiṃ ukkhipitvā olokenti…pe… ‘‘anujānāmi, bhikkhave , aḍḍhakuṭṭaka’’nti. Aḍḍhakuṭṭakā uparito olokenti…pe… ‘‘anujānāmi, bhikkhave, tayo gabbhe – sivikāgabbhaṃ, nāḷikāgabbhaṃ, hammiyagabbha’’nti.
д̇зна ко бана самаязна бхигкуу куд̣̇д̣̇агз вихаарз маж̇жхз г̇аб̣бхам̣ гаронд̇и. убажааро на ход̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, куд̣̇д̣̇агз вихаарз згаманд̇ам̣ г̇аб̣бхам̣ гаад̇ум̣, махаллагз маж̇жхз’’д̇и.
Tena kho pana samayena bhikkhū khuddake vihāre majjhe gabbhaṃ karonti. Upacāro na hoti. Bhagavato etamatthaṃ ārocesuṃ. ‘‘Anujānāmi, bhikkhave, khuddake vihāre ekamantaṃ gabbhaṃ kātuṃ, mahallake majjhe’’ti.
д̇зна ко бана самаязна ан̃н̃ад̇арасса бхигкуно д̇ин̣ажчад̣̇анаа ахи канд̇хз бад̇ад̇и. со бхийд̇о виссарамагааси. бхигкуу убад̇хаавид̇ваа д̇ам̣ бхигкум̣ зд̇ад̣̇авожум̣ – ‘‘гисса д̇вам̣, аавусо, виссарамагаасий’’д̇и? ат̇а ко со бхигкуунам̣ зд̇амад̇т̇ам̣ аарожзси. бхигкуу бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, вид̇аана’’нд̇и.
Tena kho pana samayena aññatarassa bhikkhuno tiṇacchadanā ahi khandhe patati. So bhīto vissaramakāsi. Bhikkhū upadhāvitvā taṃ bhikkhuṃ etadavocuṃ – ‘‘kissa tvaṃ, āvuso, vissaramakāsī’’ti? Atha kho so bhikkhūnaṃ etamatthaṃ ārocesi. Bhikkhū bhagavato etamatthaṃ ārocesuṃ. ‘‘Anujānāmi, bhikkhave, vitāna’’nti.
д̇зна ко бана самаязна бхигкуу ман̃жабаад̣̇зби бийтабаад̣̇зби т̇авигааяо лаг̇г̇знд̇и. унд̣̇уурзхиби убажигаахиби каж̇ж̇анд̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, бхид̇д̇икилам̣ нааг̇ад̣̇анд̇ага’’нд̇и.
Tena kho pana samayena bhikkhū mañcapādepi pīṭhapādepi thavikāyo laggenti. Undūrehipi upacikāhipi khajjanti. Bhagavato etamatthaṃ ārocesuṃ. ‘‘Anujānāmi, bhikkhave, bhittikhilaṃ nāgadantaka’’nti.
д̇зна ко бана самаязна бхигкуу ман̃жзби бийтзби жийварам̣ нигкибанд̇и. жийварам̣ барибхиж̇ж̇ид̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, вихаарз жийваравам̣сам̣ жийварараж̇ж̇у’’нд̇и .
Tena kho pana samayena bhikkhū mañcepi pīṭhepi cīvaraṃ nikkhipanti. Cīvaraṃ paribhijjiti. Bhagavato etamatthaṃ ārocesuṃ. ‘‘Anujānāmi, bhikkhave, vihāre cīvaravaṃsaṃ cīvararajju’’nti .
д̇зна ко бана самаязна вихаараа анаал̣инд̣̇агаа хонд̇и аббадиссаран̣аа. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, аал̣инд̣̇ам̣ багханам̣ багуддам̣ 5 осаарага’’нд̇и. аал̣инд̣̇аа баагадаа хонд̇и. бхигкуу хирияанд̇и нибаж̇ж̇ид̇ум̣…бз… ‘‘ануж̇аанаами, бхигкавз, сам̣саран̣агидигам̣ уг̇гхааданагидига’’нд̇и.
Tena kho pana samayena vihārā anāḷindakā honti appaṭissaraṇā. Bhagavato etamatthaṃ ārocesuṃ. ‘‘Anujānāmi, bhikkhave, āḷindaṃ paghanaṃ pakuṭṭaṃ 6 osāraka’’nti. Āḷindā pākaṭā honti. Bhikkhū hiriyanti nipajjituṃ…pe… ‘‘anujānāmi, bhikkhave, saṃsaraṇakiṭikaṃ ugghāṭanakiṭika’’nti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / вихаараануж̇аананагат̇аа • Vihārānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / идтагаажаяаад̣̇иануж̇аананагат̇ааван̣н̣анаа • Iṭṭhakācayādianujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / вихаараануж̇аананагат̇ааван̣н̣анаа • Vihārānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вихаараануж̇аананагат̇ааван̣н̣анаа • Vihārānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / вихаараануж̇аананагат̇аа • Vihārānujānanakathā
