| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
3. идтасуд̇д̇ам̣
3. Iṭṭhasuttaṃ
43. ат̇а ко анаат̇абин̣д̣иго г̇ахабад̇и язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко анаат̇абин̣д̣игам̣ г̇ахабад̇им̣ бхаг̇аваа зд̇ад̣̇авожа –
43. Atha kho anāthapiṇḍiko gahapati yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho anāthapiṇḍikaṃ gahapatiṃ bhagavā etadavoca –
‘‘бан̃жимз, г̇ахабад̇и, д̇хаммаа идтаа ганд̇аа манаабаа д̣̇уллабхаа логасмим̣. гад̇амз бан̃жа? ааяу, г̇ахабад̇и, идто ганд̇о манаабо д̣̇уллабхо логасмим̣; ван̣н̣о идто ганд̇о манаабо д̣̇уллабхо логасмим̣; сукам̣ идтам̣ ганд̇ам̣ манаабам̣ д̣̇уллабхам̣ логасмим̣; яасо идто ганд̇о манаабо д̣̇уллабхо логасмим̣; саг̇г̇аа идтаа ганд̇аа манаабаа д̣̇уллабхаа логасмим̣. имз ко, г̇ахабад̇и, бан̃жа д̇хаммаа идтаа ганд̇аа манаабаа д̣̇уллабхаа логасмим̣.
‘‘Pañcime, gahapati, dhammā iṭṭhā kantā manāpā dullabhā lokasmiṃ. Katame pañca? Āyu, gahapati, iṭṭho kanto manāpo dullabho lokasmiṃ; vaṇṇo iṭṭho kanto manāpo dullabho lokasmiṃ; sukhaṃ iṭṭhaṃ kantaṃ manāpaṃ dullabhaṃ lokasmiṃ; yaso iṭṭho kanto manāpo dullabho lokasmiṃ; saggā iṭṭhā kantā manāpā dullabhā lokasmiṃ. Ime kho, gahapati, pañca dhammā iṭṭhā kantā manāpā dullabhā lokasmiṃ.
‘‘имзсам̣ ко, г̇ахабад̇и, бан̃жаннам̣ д̇хаммаанам̣ идтаанам̣ ганд̇аанам̣ манаабаанам̣ д̣̇уллабхаанам̣ логасмим̣ на ааяаажанахзд̇у ваа бад̇т̇анаахзд̇у ваа 1 бадилаабхам̣ вад̣̇аами. имзсам̣ ко, г̇ахабад̇и, бан̃жаннам̣ д̇хаммаанам̣ идтаанам̣ ганд̇аанам̣ манаабаанам̣ д̣̇уллабхаанам̣ логасмим̣ ааяаажанахзд̇у ваа бад̇т̇анаахзд̇у ваа бадилаабхо абхависса, го ид̇ха гзна хааязт̇а?
‘‘Imesaṃ kho, gahapati, pañcannaṃ dhammānaṃ iṭṭhānaṃ kantānaṃ manāpānaṃ dullabhānaṃ lokasmiṃ na āyācanahetu vā patthanāhetu vā 2 paṭilābhaṃ vadāmi. Imesaṃ kho, gahapati, pañcannaṃ dhammānaṃ iṭṭhānaṃ kantānaṃ manāpānaṃ dullabhānaṃ lokasmiṃ āyācanahetu vā patthanāhetu vā paṭilābho abhavissa, ko idha kena hāyetha?
‘‘на ко, г̇ахабад̇и, арахад̇и арияасааваго ааяугаамо ааяум̣ ааяаажид̇ум̣ ваа абхинанд̣̇ид̇ум̣ ваа ааяусса вааби хзд̇у. ааяугаамзна, г̇ахабад̇и, арияасаавагзна ааяусам̣вад̇д̇анигаа бадибад̣̇аа бадибаж̇ж̇ид̇аб̣б̣аа. ааяусам̣вад̇д̇анигаа хисса бадибад̣̇аа бадибаннаа ааяубадилаабхааяа сам̣вад̇д̇ад̇и. со лаабхий ход̇и ааяусса д̣̇иб̣б̣асса ваа маанусасса ваа.
‘‘Na kho, gahapati, arahati ariyasāvako āyukāmo āyuṃ āyācituṃ vā abhinandituṃ vā āyussa vāpi hetu. Āyukāmena, gahapati, ariyasāvakena āyusaṃvattanikā paṭipadā paṭipajjitabbā. Āyusaṃvattanikā hissa paṭipadā paṭipannā āyupaṭilābhāya saṃvattati. So lābhī hoti āyussa dibbassa vā mānusassa vā.
‘‘на ко, г̇ахабад̇и, арахад̇и арияасааваго ван̣н̣агаамо ван̣н̣ам̣ ааяаажид̇ум̣ ваа абхинанд̣̇ид̇ум̣ ваа ван̣н̣асса вааби хзд̇у. ван̣н̣агаамзна, г̇ахабад̇и, арияасаавагзна ван̣н̣асам̣вад̇д̇анигаа бадибад̣̇аа бадибаж̇ж̇ид̇аб̣б̣аа. ван̣н̣асам̣вад̇д̇анигаа хисса бадибад̣̇аа бадибаннаа ван̣н̣абадилаабхааяа сам̣вад̇д̇ад̇и. со лаабхий ход̇и ван̣н̣асса д̣̇иб̣б̣асса ваа маанусасса ваа.
‘‘Na kho, gahapati, arahati ariyasāvako vaṇṇakāmo vaṇṇaṃ āyācituṃ vā abhinandituṃ vā vaṇṇassa vāpi hetu. Vaṇṇakāmena, gahapati, ariyasāvakena vaṇṇasaṃvattanikā paṭipadā paṭipajjitabbā. Vaṇṇasaṃvattanikā hissa paṭipadā paṭipannā vaṇṇapaṭilābhāya saṃvattati. So lābhī hoti vaṇṇassa dibbassa vā mānusassa vā.
‘‘на ко, г̇ахабад̇и, арахад̇и арияасааваго сукагаамо сукам̣ ааяаажид̇ум̣ ваа абхинанд̣̇ид̇ум̣ ваа сукасса вааби хзд̇у. сукагаамзна, г̇ахабад̇и, арияасаавагзна сукасам̣вад̇д̇анигаа бадибад̣̇аа бадибаж̇ж̇ид̇аб̣б̣аа. сукасам̣вад̇д̇анигаа хисса бадибад̣̇аа бадибаннаа сукабадилаабхааяа сам̣вад̇д̇ад̇и. со лаабхий ход̇и сукасса д̣̇иб̣б̣асса ваа маанусасса ваа.
‘‘Na kho, gahapati, arahati ariyasāvako sukhakāmo sukhaṃ āyācituṃ vā abhinandituṃ vā sukhassa vāpi hetu. Sukhakāmena, gahapati, ariyasāvakena sukhasaṃvattanikā paṭipadā paṭipajjitabbā. Sukhasaṃvattanikā hissa paṭipadā paṭipannā sukhapaṭilābhāya saṃvattati. So lābhī hoti sukhassa dibbassa vā mānusassa vā.
‘‘на ко, г̇ахабад̇и, арахад̇и арияасааваго яасагаамо яасам̣ ааяаажид̇ум̣ ваа абхинанд̣̇ид̇ум̣ ваа яасасса вааби хзд̇у. яасагаамзна, г̇ахабад̇и, арияасаавагзна яасасам̣вад̇д̇анигаа бадибад̣̇аа бадибаж̇ж̇ид̇аб̣б̣аа. яасасам̣вад̇д̇анигаа хисса бадибад̣̇аа бадибаннаа яасабадилаабхааяа сам̣вад̇д̇ад̇и. со лаабхий ход̇и яасасса д̣̇иб̣б̣асса ваа маанусасса ваа.
‘‘Na kho, gahapati, arahati ariyasāvako yasakāmo yasaṃ āyācituṃ vā abhinandituṃ vā yasassa vāpi hetu. Yasakāmena, gahapati, ariyasāvakena yasasaṃvattanikā paṭipadā paṭipajjitabbā. Yasasaṃvattanikā hissa paṭipadā paṭipannā yasapaṭilābhāya saṃvattati. So lābhī hoti yasassa dibbassa vā mānusassa vā.
‘‘на ко, г̇ахабад̇и, арахад̇и арияасааваго саг̇г̇агаамо саг̇г̇ам̣ ааяаажид̇ум̣ ваа абхинанд̣̇ид̇ум̣ ваа саг̇г̇аанам̣ вааби хзд̇у. саг̇г̇агаамзна, г̇ахабад̇и, арияасаавагзна саг̇г̇асам̣вад̇д̇анигаа бадибад̣̇аа бадибаж̇ж̇ид̇аб̣б̣аа. саг̇г̇асам̣вад̇д̇анигаа хисса бадибад̣̇аа бадибаннаа саг̇г̇абадилаабхааяа сам̣вад̇д̇ад̇и. со лаабхий ход̇и саг̇г̇аана’’нд̇и.
‘‘Na kho, gahapati, arahati ariyasāvako saggakāmo saggaṃ āyācituṃ vā abhinandituṃ vā saggānaṃ vāpi hetu. Saggakāmena, gahapati, ariyasāvakena saggasaṃvattanikā paṭipadā paṭipajjitabbā. Saggasaṃvattanikā hissa paṭipadā paṭipannā saggapaṭilābhāya saṃvattati. So lābhī hoti saggāna’’nti.
‘‘ааяум̣ ван̣н̣ам̣ яасам̣ гид̇д̇им̣, саг̇г̇ам̣ ужжаагулийнад̇ам̣;
‘‘Āyuṃ vaṇṇaṃ yasaṃ kittiṃ, saggaṃ uccākulīnataṃ;
‘‘аббамаад̣̇ам̣ басам̣санд̇и, бун̃н̃агирияаасу бан̣д̣ид̇аа;
‘‘Appamādaṃ pasaṃsanti, puññakiriyāsu paṇḍitā;
‘‘аббамад̇д̇о убхо ад̇т̇з, ад̇хиг̇ан̣хаад̇и бан̣д̣ид̇о.
‘‘Appamatto ubho atthe, adhigaṇhāti paṇḍito.
‘‘д̣̇идтз д̇хаммз жа 5 яо ад̇т̇о, яо жад̇т̇о самбарааяиго;
‘‘Diṭṭhe dhamme ca 6 yo attho, yo cattho samparāyiko;
ад̇т̇аабхисамаяаа д̇хийро, бан̣д̣ид̇од̇и бавужжад̇ий’’д̇и. д̇ад̇ияам̣;
Atthābhisamayā dhīro, paṇḍitoti pavuccatī’’ti. tatiyaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. идтасуд̇д̇аван̣н̣анаа • 3. Iṭṭhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3. идтасуд̇д̇аван̣н̣анаа • 3. Iṭṭhasuttavaṇṇanā
