| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
3. இட்ட²ஸுத்தவண்ணனா
3. Iṭṭhasuttavaṇṇanā
43. ததியே அப்பமாத³ங் பஸங்ஸந்தீதி ‘‘ஏதானி ஆயுஆதீ³னி பத்த²யந்தேன அப்பமாதோ³ காதப்³போ³’’தி அப்பமாத³மேவ பஸங்ஸந்தி பண்டி³தா. யஸ்மா வா புஞ்ஞகிரியாஸு பண்டி³தா அப்பமாத³ங் பஸங்ஸந்தி, தஸ்மா ஆயுஆதீ³னி பத்த²யந்தேன அப்பமாதோ³வ காதப்³போ³தி அத்தோ². புரிமஸ்மிங் அத்த²விகப்பே ‘‘புஞ்ஞகிரியாஸூ’’தி பத³ஸ்ஸ ‘‘அப்பமத்தோ’’தி இமினா ஸம்ப³ந்தோ⁴. யஸ்மா பண்டி³தா அப்பமாத³ங் பஸங்ஸந்தி, யஸ்மா ச புஞ்ஞகிரியாஸு அப்பமத்தோ உபோ⁴ அத்தே² அதி⁴க³தோ ஹோதி, தஸ்மா ஆயுஆதீ³னி பத்த²யந்தேன அப்பமாதோ³வ காதப்³போ³. து³தியஸ்மிங் அத்த²விகப்பே பண்டி³தா அப்பமாத³ங் பஸங்ஸந்தி. கத்தா²தி? புஞ்ஞகிரியாஸு. கஸ்மாதி சே? யஸ்மா அப்பமத்தோ உபோ⁴ அத்தே² அதி⁴க்³க³ண்ஹாதி பண்டி³தோ, தஸ்மாதி அத்தோ². அத்த²ப்படிலாபே⁴னாதி தி³ட்ட²த⁴ம்மிகாதி³ஹிதப்படிலாபே⁴ன.
43. Tatiye appamādaṃ pasaṃsantīti ‘‘etāni āyuādīni patthayantena appamādo kātabbo’’ti appamādameva pasaṃsanti paṇḍitā. Yasmā vā puññakiriyāsu paṇḍitā appamādaṃ pasaṃsanti, tasmā āyuādīni patthayantena appamādova kātabboti attho. Purimasmiṃ atthavikappe ‘‘puññakiriyāsū’’ti padassa ‘‘appamatto’’ti iminā sambandho. Yasmā paṇḍitā appamādaṃ pasaṃsanti, yasmā ca puññakiriyāsu appamatto ubho atthe adhigato hoti, tasmā āyuādīni patthayantena appamādova kātabbo. Dutiyasmiṃ atthavikappe paṇḍitā appamādaṃ pasaṃsanti. Katthāti? Puññakiriyāsu. Kasmāti ce? Yasmā appamatto ubho atthe adhiggaṇhāti paṇḍito, tasmāti attho. Atthappaṭilābhenāti diṭṭhadhammikādihitappaṭilābhena.
இட்ட²ஸுத்தவண்ணனா நிட்டி²தா.
Iṭṭhasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 3. இட்ட²ஸுத்தங் • 3. Iṭṭhasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 3. இட்ட²ஸுத்தவண்ணனா • 3. Iṭṭhasuttavaṇṇanā
