| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
3. ඉට්‌ඨසුත්‌තවණ්‌ණනා
3. Iṭṭhasuttavaṇṇanā
43. තතියෙ අප්‌පමාදං පසංසන්‌තීති ‘‘එතානි ආයුආදීනි පත්‌ථයන්‌තෙන අප්‌පමාදො කාතබ්‌බො’’ති අප්‌පමාදමෙව පසංසන්‌ති පණ්‌ඩිතා. යස්‌මා වා පුඤ්‌ඤකිරියාසු පණ්‌ඩිතා අප්‌පමාදං පසංසන්‌ති, තස්‌මා ආයුආදීනි පත්‌ථයන්‌තෙන අප්‌පමාදොව කාතබ්‌බොති අත්‌ථො. පුරිමස්‌මිං අත්‌ථවිකප්‌පෙ ‘‘පුඤ්‌ඤකිරියාසූ’’ති පදස්‌ස ‘‘අප්‌පමත්‌තො’’ති ඉමිනා සම්‌බන්‌ධො. යස්‌මා පණ්‌ඩිතා අප්‌පමාදං පසංසන්‌ති, යස්‌මා ච පුඤ්‌ඤකිරියාසු අප්‌පමත්‌තො උභො අත්‌ථෙ අධිගතො හොති, තස්‌මා ආයුආදීනි පත්‌ථයන්‌තෙන අප්‌පමාදොව කාතබ්‌බො. දුතියස්‌මිං අත්‌ථවිකප්‌පෙ පණ්‌ඩිතා අප්‌පමාදං පසංසන්‌ති. කත්‌ථාති? පුඤ්‌ඤකිරියාසු. කස්‌මාති චෙ? යස්‌මා අප්‌පමත්‌තො උභො අත්‌ථෙ අධිග්‌ගණ්‌හාති පණ්‌ඩිතො, තස්‌මාති අත්‌ථො. අත්‌ථප්‌පටිලාභෙනාති දිට්‌ඨධම්‌මිකාදිහිතප්‌පටිලාභෙන.
43. Tatiye appamādaṃ pasaṃsantīti ‘‘etāni āyuādīni patthayantena appamādo kātabbo’’ti appamādameva pasaṃsanti paṇḍitā. Yasmā vā puññakiriyāsu paṇḍitā appamādaṃ pasaṃsanti, tasmā āyuādīni patthayantena appamādova kātabboti attho. Purimasmiṃ atthavikappe ‘‘puññakiriyāsū’’ti padassa ‘‘appamatto’’ti iminā sambandho. Yasmā paṇḍitā appamādaṃ pasaṃsanti, yasmā ca puññakiriyāsu appamatto ubho atthe adhigato hoti, tasmā āyuādīni patthayantena appamādova kātabbo. Dutiyasmiṃ atthavikappe paṇḍitā appamādaṃ pasaṃsanti. Katthāti? Puññakiriyāsu. Kasmāti ce? Yasmā appamatto ubho atthe adhiggaṇhāti paṇḍito, tasmāti attho. Atthappaṭilābhenāti diṭṭhadhammikādihitappaṭilābhena.
ඉට්‌ඨසුත්‌තවණ්‌ණනා නිට්‌ඨිතා.
Iṭṭhasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 3. ඉට්‌ඨසුත්‌තං • 3. Iṭṭhasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 3. ඉට්‌ඨසුත්‌තවණ්‌ණනා • 3. Iṭṭhasuttavaṇṇanā
