| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
6. ஜாக³ரஸுத்தவண்ணனா
6. Jāgarasuttavaṇṇanā
6. ச²ட்டே² ஜாக³ரதந்தி ஜாக³ரந்தானங். பஞ்ச ஜாக³ரதந்தி விஸ்ஸஜ்ஜனகா³தா²யங் பன ஸத்³தா⁴தீ³ஸு பஞ்சஸு இந்த்³ரியேஸு ஜாக³ரந்தேஸு பஞ்ச நீவரணா ஸுத்தா நாம. கஸ்மா? யஸ்மா தங்ஸமங்கீ³புக்³க³லோ யத்த² கத்த²சி நிஸின்னோ வா டி²தோ வா அருணங் உட்ட²பெந்தோபி பமாத³தாய அகுஸலஸமங்கி³தாய ஸுத்தோ நாம ஹோதி. ஏவங் ஸுத்தேஸு பஞ்சஸு நீவரணேஸு பஞ்சிந்த்³ரியானி ஜாக³ரானி நாம. கஸ்மா ? யஸ்மா தங்ஸமங்கீ³புக்³க³லோ யத்த² கத்த²சி நிபஜ்ஜித்வா நித்³தா³யந்தோபி அப்பமாத³தாய குஸலஸமங்கி³தாய ஜாக³ரோ நாம ஹோதி. பஞ்சஹி பன நீவரணேஹேவ கிலேஸரஜங் ஆதி³யதி க³ண்ஹாதி பராமஸதி. புரிமா ஹி காமச்ச²ந்தா³த³யோ பச்சி²மானங் பச்சயா ஹொந்தீதி பஞ்சஹி இந்த்³ரியேஹி பரிஸுஜ்ஜ²தீதி அயமத்தோ² வேதி³தப்³போ³. இதா⁴பி பஞ்சிந்த்³ரியானி லோகியலோகுத்தரானேவ கதி²தானீதி.
6. Chaṭṭhe jāgaratanti jāgarantānaṃ. Pañca jāgaratanti vissajjanagāthāyaṃ pana saddhādīsu pañcasu indriyesu jāgarantesu pañca nīvaraṇā suttā nāma. Kasmā? Yasmā taṃsamaṅgīpuggalo yattha katthaci nisinno vā ṭhito vā aruṇaṃ uṭṭhapentopi pamādatāya akusalasamaṅgitāya sutto nāma hoti. Evaṃ suttesu pañcasu nīvaraṇesu pañcindriyāni jāgarāni nāma. Kasmā ? Yasmā taṃsamaṅgīpuggalo yattha katthaci nipajjitvā niddāyantopi appamādatāya kusalasamaṅgitāya jāgaro nāma hoti. Pañcahi pana nīvaraṇeheva kilesarajaṃ ādiyati gaṇhāti parāmasati. Purimā hi kāmacchandādayo pacchimānaṃ paccayā hontīti pañcahi indriyehi parisujjhatīti ayamattho veditabbo. Idhāpi pañcindriyāni lokiyalokuttarāneva kathitānīti.
ஜாக³ரஸுத்தவண்ணனா நிட்டி²தா.
Jāgarasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 6. ஜாக³ரஸுத்தங் • 6. Jāgarasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 6. ஜாக³ரஸுத்தவண்ணனா • 6. Jāgarasuttavaṇṇanā
