| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
6. ж̇ааг̇арасуд̇д̇аван̣н̣анаа
6. Jāgarasuttavaṇṇanā
6. ж̇ааг̇арад̇анд̇и анаад̣̇арз саамиважанам̣. д̇знааха ‘‘инд̣̇риязсу ж̇ааг̇аранд̇зсуу’’д̇и. ‘‘виссаж̇ж̇анаг̇аат̇ааяам̣ банаа’’д̇и имасса бад̣̇асса ‘‘аяамад̇т̇о взд̣̇ид̇аб̣б̣о’’д̇и иминаа самб̣анд̇хо. бужчааг̇аат̇ааяа бана ад̇т̇о иминаава наязна вин̃н̃ааяад̇ийд̇и ад̇хиббааяо. бан̃жа ж̇ааг̇арад̇ам̣ суд̇д̇аад̇и зд̇т̇а ‘‘суд̇д̇аа’’д̇и бад̣̇ам̣ абзгкид̇ваа бан̃жаад̇и бажжад̇д̇аважанам̣ ‘‘ж̇ааг̇арад̇а’’нд̇и бад̣̇ам̣ абзгкид̇ваа саамивасзна барин̣аамзд̇аб̣б̣ам̣ ‘‘бан̃жаннам̣ ж̇ааг̇арад̇а’’нд̇и. д̇знааха – ‘‘бан̃жасу инд̣̇риязсу ж̇ааг̇аранд̇зсуу’’д̇и, ж̇ааг̇аранд̇зсу б̣ад̣̇д̇хаабхаавзна сагижжаббасуд̇ад̇ааяа сагижжасамад̇т̇ад̇ааяа жаад̇и ад̇т̇о. сод̇д̇ам̣ва суд̇д̇аа бамаад̣̇анид̣̇д̣̇аабхаавад̇о. д̇амзва суд̇д̇абхаавам̣ буг̇г̇алаад̇хидтаанааяа гат̇ааяа д̣̇ассзд̇ум̣ ‘‘гасмаа’’д̇иаад̣̇и вуд̇д̇ам̣. бамаж̇ж̇ад̇и, бамаад̣̇о ваа зд̇асса ад̇т̇ийд̇и бамаад̣̇о, д̇асса бхааво бамаад̣̇ад̇аа, д̇ааяа, бамад̇д̇абхаавзнаад̇и ад̇т̇о.
6.Jāgaratanti anādare sāmivacanaṃ. Tenāha ‘‘indriyesu jāgarantesū’’ti. ‘‘Vissajjanagāthāyaṃ panā’’ti imassa padassa ‘‘ayamattho veditabbo’’ti iminā sambandho. Pucchāgāthāya pana attho imināva nayena viññāyatīti adhippāyo. Pañca jāgarataṃ suttāti ettha ‘‘suttā’’ti padaṃ apekkhitvā pañcāti paccattavacanaṃ ‘‘jāgarata’’nti padaṃ apekkhitvā sāmivasena pariṇāmetabbaṃ ‘‘pañcannaṃ jāgarata’’nti. Tenāha – ‘‘pañcasu indriyesu jāgarantesū’’ti, jāgarantesu baddhābhāvena sakiccappasutatāya sakiccasamatthatāya cāti attho. Sottaṃva suttā pamādaniddābhāvato. Tameva suttabhāvaṃ puggalādhiṭṭhānāya kathāya dassetuṃ ‘‘kasmā’’tiādi vuttaṃ. Pamajjati, pamādo vā etassa atthīti pamādo, tassa bhāvo pamādatā, tāya, pamattabhāvenāti attho.
звам̣ г̇аат̇ааяа батамасса баад̣̇асса ад̇т̇ам̣ вад̇ваа д̣̇уд̇ияасса вад̇д̇ум̣ ‘‘звам̣ суд̇д̇зсуу’’д̇иаад̣̇и вуд̇д̇ам̣. д̇ассад̇т̇о вуд̇д̇анаязна взд̣̇ид̇аб̣б̣о. яасмаа аббахийнасубанагирияаавасзна санийваран̣асса буг̇г̇аласса ануббаннарааг̇араж̇аад̣̇аяо уббаж̇ж̇анд̇и, уббаннаа бавад̣дханд̇и, д̇асмаа вуд̇д̇ам̣ ‘‘нийваран̣зхзва гилзсараж̇ам̣ аад̣̇ияад̇ий’’д̇и. д̇знзвааха ‘‘буримаа’’д̇иаад̣̇и. буримаанам̣ бажчимаанам̣ абараабаруббад̇д̇ияаа бажжаяабхааво хзд̇т̇а аад̣̇ияанам̣. бан̃жахи инд̣̇риязхи барисуж̇жхад̇ийд̇и маг̇г̇абарияаабаннзхи сад̣̇д̇хаад̣̇ийхи бан̃жахи инд̣̇риязхи сагаласам̣гилзсад̇о висуж̇жхад̇и. бан̃н̃инд̣̇рияамзва хи анан̃н̃аад̇ан̃н̃ассаамийд̇инд̣̇рияаад̣̇ийни, ид̇араани жа анваяаанийд̇и.
Evaṃ gāthāya paṭhamassa pādassa atthaṃ vatvā dutiyassa vattuṃ ‘‘evaṃ suttesū’’tiādi vuttaṃ. Tassattho vuttanayena veditabbo. Yasmā appahīnasupanakiriyāvasena sanīvaraṇassa puggalassa anuppannarāgarajādayo uppajjanti, uppannā pavaḍḍhanti, tasmā vuttaṃ ‘‘nīvaraṇeheva kilesarajaṃ ādiyatī’’ti. Tenevāha ‘‘purimā’’tiādi. Purimānaṃ pacchimānaṃ aparāparuppattiyā paccayabhāvo hettha ādiyanaṃ. Pañcahi indriyehi parisujjhatīti maggapariyāpannehi saddhādīhi pañcahi indriyehi sakalasaṃkilesato visujjhati. Paññindriyameva hi anaññātaññassāmītindriyādīni, itarāni ca anvayānīti.
ж̇ааг̇арасуд̇д̇аван̣н̣анаа нидтид̇аа.
Jāgarasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. ж̇ааг̇арасуд̇д̇ам̣ • 6. Jāgarasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. ж̇ааг̇арасуд̇д̇аван̣н̣анаа • 6. Jāgarasuttavaṇṇanā
