| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༦. ཛཱགརསུཏྟཝཎྞནཱ
6. Jāgarasuttavaṇṇanā
༦. ཚཊྛེ ཛཱགརཏནྟི ཛཱགརནྟཱནཾ། པཉྩ ཛཱགརཏནྟི ཝིསྶཛྫནགཱཐཱཡཾ པན སདྡྷཱདཱིསུ པཉྩསུ ཨིནྡྲིཡེསུ ཛཱགརནྟེསུ པཉྩ ནཱིཝརཎཱ སུཏྟཱ ནཱམ། ཀསྨཱ? ཡསྨཱ ཏཾསམངྒཱིཔུགྒལོ ཡཏྠ ཀཏྠཙི ནིསིནྣོ ཝཱ ཋིཏོ ཝཱ ཨརུཎཾ ཨུཊྛཔེནྟོཔི པམཱདཏཱཡ ཨཀུསལསམངྒིཏཱཡ སུཏྟོ ནཱམ ཧོཏི། ཨེཝཾ སུཏྟེསུ པཉྩསུ ནཱིཝརཎེསུ པཉྩིནྡྲིཡཱནི ཛཱགརཱནི ནཱམ། ཀསྨཱ ? ཡསྨཱ ཏཾསམངྒཱིཔུགྒལོ ཡཏྠ ཀཏྠཙི ནིཔཛྫིཏྭཱ ནིདྡཱཡནྟོཔི ཨཔྤམཱདཏཱཡ ཀུསལསམངྒིཏཱཡ ཛཱགརོ ནཱམ ཧོཏི། པཉྩཧི པན ནཱིཝརཎེཧེཝ ཀིལེསརཛཾ ཨཱདིཡཏི གཎྷཱཏི པརཱམསཏི། པུརིམཱ ཧི ཀཱམཙྪནྡཱདཡོ པཙྪིམཱནཾ པཙྩཡཱ ཧོནྟཱིཏི པཉྩཧི ཨིནྡྲིཡེཧི པརིསུཛ྄ཛྷཏཱིཏི ཨཡམཏྠོ ཝེདིཏབྦོ། ཨིདྷཱཔི པཉྩིནྡྲིཡཱནི ལོཀིཡལོཀུཏྟརཱནེཝ ཀཐིཏཱནཱིཏི།
6. Chaṭṭhe jāgaratanti jāgarantānaṃ. Pañca jāgaratanti vissajjanagāthāyaṃ pana saddhādīsu pañcasu indriyesu jāgarantesu pañca nīvaraṇā suttā nāma. Kasmā? Yasmā taṃsamaṅgīpuggalo yattha katthaci nisinno vā ṭhito vā aruṇaṃ uṭṭhapentopi pamādatāya akusalasamaṅgitāya sutto nāma hoti. Evaṃ suttesu pañcasu nīvaraṇesu pañcindriyāni jāgarāni nāma. Kasmā ? Yasmā taṃsamaṅgīpuggalo yattha katthaci nipajjitvā niddāyantopi appamādatāya kusalasamaṅgitāya jāgaro nāma hoti. Pañcahi pana nīvaraṇeheva kilesarajaṃ ādiyati gaṇhāti parāmasati. Purimā hi kāmacchandādayo pacchimānaṃ paccayā hontīti pañcahi indriyehi parisujjhatīti ayamattho veditabbo. Idhāpi pañcindriyāni lokiyalokuttarāneva kathitānīti.
ཛཱགརསུཏྟཝཎྞནཱ ནིཊྛིཏཱ།
Jāgarasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༦. ཛཱགརསུཏྟཾ • 6. Jāgarasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༦. ཛཱགརསུཏྟཝཎྞནཱ • 6. Jāgarasuttavaṇṇanā
